4 ທ່າຢືດຢຽດແກ້ເຈັບຫຼັງພາກສ່ວນລຸ່ມ ພະນັກງານ Office ນັ່ງດົນໆຕ້ອງ!!!

 

4 ທ່າຢືດຢຽດແກ້ເຈັບຫຼັງພາກສ່ວນລຸ່ມ ພະນັກງານ Office ນັ່ງດົນໆຕ້ອງລອງ

ໃຜທີ່ເປັນບ່າວສາວ Office ທີ່ນັ່ງດົນໆແລ້ວມີອາການເຈັບຫຼັງ ລອງນໍາເອົາເຄັດລັບນີ້ລອງໄປນໍາໃຊ້ ແລະ ວິທີກໍ່ງ່າຍໆດັ່ງນີ້:

1. ທ່າຂົວໂຄ້ງ

• ນອນຫງາຍ ຕັ້ງເຂົ່າທັງສອງຂ້າງຂຶ້ນ
• ມືທັງສອງວາງຂ້າງລໍາຕົວ
• ຍົກຕົວໃຫ້ກົ້ນລອຍພົ້ນພື້ນ ເກັງທ່າຄ້າງໄວ້ ນັບ 1-10 ແລ້ວຄ່ອຍໆກັບສູ່ທ່າເກົ່າ
• ເຮັດຊໍ້າປະມານ 2-3 ເທື່ອ

 

2. ທ່າຢືນກົ້ມຕົວ

• ຢືນຊື່ ຕີນແປະກັນ ປາຍຕີນຂະໜານກັບບ່າໄຫຼ່
• ຄ່ອຍໆກົ້ມຕົວໄປດ້ານໜ້າ, ເຂົ່າເຄັ່ງ ແລ້ວຢຽດແຂນໄປແຕະປາຍຕີນ ( ຫາກແຕະບໍ່ເຖິງໃຫ້ກົ້ມຫຼາຍສຸດເທົ່າທີ່ຈະເຮັດໄດ້ )
• ຄ້າງທ່າໄວ້ 10 ວິນາທີ ຈາກນັ້ນກັບສູ່ທ່າຢືນປົກກະຕິ
• ເຮັດຊໍ້າອີກປະມານ 5-10 ເທື່ອ

 

 

3. ທ່ານັ່ງພື້ນ ກົ້ມຕົວ

• ນັ່ງຫຼັງຊື່ ອ້າຂາອອກເປັນວົງແຫວນໃຫ້ພື້ນຕີນເຂົ້າຫາກັນ
• ກົ້ມຕົວໄປດ້ານໜ້າ ໃຫ້ຫົວກົ້ມລົງຕິດພື້ນຫຼາຍທີ່ສຸດ ແຂນຢຽດຊື່ໄປດ້ານໜ້າ
• ຄ້າງທ່ານີ້ໄວ້ 10 ວິນາທີ ເຮັດຊໍ້າ 5-10 ຄັ້ງ

 

4. ທ່ານອນກອດເຂົ່າ

• ນອນຫງາຍ, ຕັ້ງເຂົ່າຂຶ້ນ, ງໍສະໂພກ
• ເອົາມືມາກອດເຂົ່າແລ້ວພະຍາຍາມຍົກເຂົ່າຂຶ້ນມາໃຫ້ແປະໜ້າເອິກຫຼາຍທີ່ສຸດ
• ຢືດຄ້າງໄວ້ 10 ວິນາທີ ເຮັດຊໍ້າ 5-10 ເທື່ອ