Kuanjai Magazine for Smart Women

ຂວັນໃຈ Modeling ຢ່າລໍຊ້າເຮົາພ້ອມຈະໃຫ້ໂອກາດທຸກຄົນ

subscribe job game

June 2012

MEET CHARLIE’S ANGELS

ISSUE 59

ຊື່: ທິບພະສອນ ທິບພະວົງ
ອາຍຸ: 22 ປີ ສະຖານະພາບ: ໂສດ
ອາຊີບ: ສາວບໍລິການຮັບໃຊ້ເທິງເຮືອບິນ

ສາວນ້ອຍຄົນນີ້ ອາດຖືວ່ານາງມີແຟນທີ່ຕິດຕາມຜົນງານຢ່າງໜຽວແໜ້ນ ແລະ ກມີຄົນໃຫ້ກຳລັງໃຈຫຼາຍສົມ ຄວນ ຮັບປະກັນໄດ້ຈາກການເປັນ 1 ໃນ 20 ຄົນຂອງໂຄງການ My kuanjai 2012 ທີ່ຜ່ານມາ ຊຶ່ງມີຄົນກົດLike ໃຫ້ນາງໃນ Facebook ເປັນຈຳນວນຫຼາຍ ແລະ SMS ໃນຮອບສຸດທ້າຍທີ່ຕ້ອງບອກວ່າ ເຖິງວ່ານາງຈະບໄດ້ເປັນທີຫນຶ່ງ ແຕ່ນາງກຢູ່ໃນລຳດັບທຳອິດ ທີ່ໄດ້ລຸ້ນຈົນນາທີສຸດທ້າຍທີ່ປິດໂຫວດ ນາງຄົນນັ້ນຈະເປັນໃຜ? ຖ້າບແມ່ນສາວໜ້າຫວານ ນາງທິບຈີ່ນີ້ ທີ່ຕອນນີ້ໄດ້ປ່ຽນຕົວເອງຈາກນັກຮ້ອງ ມາເປັນສາວຮັບໃຊ້ຢູ່ເທິງເຮືອບິນໄປຮຽບຮ້ອຍແລ້ວ ແຕ່ອະນາຄົດກຍັງບແນ່ນອນເຮົາອາດຈະໄດ້ເຫັນ “ທິບ” ໃນວົງການເພງອີກກເປັນໄດ້ ຊຶ່ງນາງກບອກວ່າ ຖ້າມີໂອກາດ! ກຢາກກັບມາສ້າງຜົນງານໃຫ້ Fanclub ໄດ້ເຊົາຄິດຮອດ.


ມາອັບເດດຊ່ວງທີ່ຫາຍໜ້າຫາຍຕາໄປໄລຍະໜຶ່ງ?

ຕອນນີ້ ໃນວົງການບັນເທິງກໍ່ບໍ່ຄ່ອຍໄດ້ເຮັດແລ້ວ ເພາະໄດ້ຜັນຕົວເອງມາເປັນ Air hostess ແບບເຕັມຕົວ ໂດຍໃຊ້ເວລາບິນຢູ່ເທິງທ້ອງຟ້າຢ່າງດຽວເລີຍ. ຕອນໄດ້ບິນເປັນຄັ້ງທຳອິດແມ່ນຕື່ນເຕັ້ນຫຼາຍ ແຕ່ດຽວນີ້ກຮູ້ສຶກລຶ້ງແລ້ວສ່ວນໃຫຍ່ແມ່ນຈະໄດ້ບິນພາຍໃນປະເທດເຊັ່ນ: ຫຼວງພະບາງ, ປາກເຊ. ສ່ວນຕ່າງປະເທດແມ່ນປະເທດໄທ.

ຄວາມເປັນມາກ່ອນຈະມາເປັນສາວໂອແຕັດ?
ຕອນນັ້ນໄດ້ຮູ້ຂ່າວວ່າທາງພົງສະຫວັນເປີດສາຍການບິນ ແລະ ຕ້ອງການພະນັກງານ Air hostess ແລະ ເຮົາເອງກໍ່ສົນໃຈໃນດ້ານນີ້ຢູ່ແລ້ວ ກໍ່ເລີຍໄປສະໝັກ. ການສະໝັກຄັດເລືອກແມ່ນຕ້ອງສອບເສັງແຂ່ງຂັນ ຊຶ່ງທິບກໍ່ໄດ້ຜ່ານການເລືອກເຂົ້າມາ ຈຶ່ງເປັນທີ່ມາຂອງການໄດ້ມາເປັນ Air hostess.

ບິນຖ້ຽວໃດຕື່ນເຕັ້ນຫວາດສຽວທີ່ສຸດ?

ກໍ່ມີຕອນໜຶ່ງທີ່ບິນໄປສະໜາມບິນສຸວັນນະພູມ ປະເທດໄທ ຖືເປັນຄັ້ງທຳອິດທີ່ອາກາດປັ່ນປ່ວນຫຼາຍ ເລີຍມີອາການວິນຫົວຫຼາຍ ເປັນຕອນທີ່ທໍລະມານທີ່ສຸດ ແຕ່ສຸດທ້າຍທຸກຢ່າງກໍ່ຈົບລົງດ້ວຍດີ ເຮືອບິນລົງຈອດຢ່າງປອດໄພ.


ຮູ້ສຶກແນວໃດແດ່? ທີ່ໄດ້ເປັນ 1 ໃນ 20 ສາວ My kuanjai 2012?

ກໍ່ດີໃຈ ທີ່ມີຄົນມັກເຮົາ ແລະ ກົດ Like ໃຫ້ເປັນຈຳນວນຫຼາຍ ພ້ອມທັງໂຫວດໃຫ້ທາງ SMS ນຳ ເຖິງຈະບໍ່ໄດ້ຄວ້າເອົາລາງວັນທີ 1 ມາ ແຕ່ກໍ່ບໍ່ໄດ້ເສຍໃຈ ເພາະທຸກສຽງທີ່ໂຫວດມາບໍ່ໄດ້ສຳຄັນວ່າຈະຫຼາຍ ຫຼື ໜ້ອຍ ແຕ່ເຂົາໂຫວດມາໃຫ້ເຮົາເພາະເຂົາຊື່ນຊົມ ແລະ ມັກເຮົາ ເທົ່ານີ້ກໍ່ຮູ້ສຶກຕື້ນຕັນໃຈຫຼາຍຊຶ່ງຕ້ອງຂໍຂອບໃຈທາງວາລະສານ ຂັວນໃຈ ທີ່ມີໂຄງການດີໆ ແບບນີ້ຂຶ້ນມາ ແລະ ກໍ່ຢາກຈະໃຫ້ມີຕໍ່ໄປເລື້ອຍໆ.


ຂໍຖາມເລື່ອງຫົວໃຈແດ່ ມີຄົນຮູ້ໃຈ ຫຼືຍັງ?

ຕອນນີ້ກໍ່ມີຄົນທີ່ແນມໆເບິ່ງກັນຢູ່ ຄ່ອຍໆ ສຶກສາກັນໄປ ເວົ້າລົມກັນໄປນຳກໍ່ມີ.



ຄົນທີ່ເຂົ້າມາລົມ ສ່ວນຫຼາຍເຂົ້າມາແບບໃດກັນແດ່?

ກໍ່ມີຄົນເຂົ້າມາທັກທ້ວງວ່າໜ້າເຮົາຄຸ້ນໆ ອີ່ຫລີ ເຄີຍພົບກັນຢູ່ໃສມາກ່ອນຫຼືບໍ? ພໍເຮົາຕອບວ່າ ບໍ່ໜ້າຈະເຄີຍພົບກັນດອກ! ເຂົາກໍ່ຕອບຄືນວ່າສົງໃສເຄີຍພົບຢູ່ໃນຝັນ... ແປ໋ວວວວ ບາງຄົນກໍ່ຂໍເບີມາຈາກໝູ່ເຮົາແດ່ ແລ້ວໂທມາບາງຄົນກໍ່ສົ່ງ SMS ມາ ຖືວ່າມີຫຼາກຫຼາຍຮູບແບບພໍສົມຄວນ.



ຜູ້ຊາຍແບບໃດ? ທີ່ເຮົາຈະໃຊ້ຊີວິດທັງຊີວິດຢູ່ກັບເຂົາໄດ້?

ຜູ້ຊາຍທີ່ສາມາດເບິ່ງແຍງເຮົາໄດ້ຕະຫຼອດຮອດຝັ່ງ ເພິ່ງພາອາໄສ ແລະ ປຶກສາໄດ້ທຸກເວລາ, ມີຄວາມເປັນຜູ້ໃຫຍ່ເຂົ້າໃຈເຮົາ, ຮັກເຮົາ.


ນິດໄສສ່ວນຕົວຂອງທິບ?

ເປັນຄົນງ່າຍໆ ສະບາຍໆ ຍິ້ມງ່າຍ ເຂົ້າກັບຄົນອຶ່ນໄດ້ງ່າຍ.

ເຄີຍຄິດທີ່ຈະເຮັດສັນຍະກຳຫຼືບ?
ກໍ່ບໍ່ໄດ້ຄິດໄດ໋...! ແຕ່ຖ້າຕ້ອງເລືອກເຮັດ ກໍ່ຢາກຈະເສີມດັງກ່ອນອັນທຳອິດເພາະໝູ່ມັກເຍີ້ຍເລື່ອງດັງ 555


ອະນາຄົດ?
ຢາກມີທຸລະກິດນ້ອຍໆເປັນຂອງຕົວເອງ ເພາະເຮົາຄິດວ່າ: ອາຊີບສາວແອນີ້ ເປັນອາຊີບທີ່ດີກໍ່ແມ່ນ ແຕ່ກໍ່ເປັນອາຊີບທີ່ມີຄວາມສ່ຽງຢູ່ຄືກັນ.

ຍາມຫວ່າງມັກເຮັດຫຍັງ?
ສ່ວນຫຼາຍແມ່ນຈະນອນພັກຜ່ອນຢູ່ເຮືອນໃນມື້ພັກ ເພາະມື້ເຮັດວຽກກໍ່ຕ້ອງບິນຕະຫຼອດ ຮູ້ສຶກເມື່ອຍ ມື້ພັກຜ່ອນ ຫຼື ມື້ພັກກໍ່ຈະບໍ່ຄ່ອຍໄດ້ໄປໃສ, ນອນຢ່າງດຽວ... ຫຶຫຶ

ສຸດທ້າຍ?
ກໍ່ຮູ້ສຶກດີໃຈທີ່ໄດ້ກັບມາຢ້ຽມຢາມ ແລະ ໄດ້ມາຮ່ວມງານກັບວາລະສານຂວັນໃຈອີກຄັ້ງໜຶ່ງ ກໍ່ຢາກຝາກຜົນງານການຖ່າຍແບບໃຫ້ຜູ້ທີ່ໄດ້ຕິດຕາມຜົນງານ ຫລື Fanclub ໄດ້ເບິ່ງ ໃຫ້ເຊົາຄິດຮອດໄປພາງໆ ກ່ອນ.

Back to list