ຮູ້ຫຼືບໍ່? ວ່າສາວປະເພດສອງຕົວແທນປະເທດລາວໃນເວທີ Miss International Queen 2019 ທີ່ປະເທໄທ ແມ່ນ…

ປະກາດຢ່າງເປັນທາງການໄປແບບສົດໆຮ້ອນໆແລ້ວວ່າ ກັນລະຍານີ ໂພທິມາດ (ປໍ້)  Miss Queen Laos 2019   ສາວປະເພດສອງຈາກປະເທດລາວ ຈະເດີນທາງໄປເປັນຕົວແທນສາວງາມເພື່ອປະກວດໃນ Miss International Queen 2019  ຈັດຂຶ້ນທີ່ປະເທດໄທ.

ສຳລັບ ປໍ້ ກັນລະຍານີ ອາຍຸ 22 ປີ ລວງສູງ 169 ຊັງຕີແມັດ ກຳລັງສຶກສາຢູ່ທີ່ ວິທະຍາໄລ ລາວ-ອາເມລິກາ ເປັນສາວປະເພດສອງອີກໜຶ່ງຄົນທີ່ມີແຟນໆໃຫ້ຄວາມສົນໃຈ ແລະ ຕິດຕາມຜົນງານ ເຊິ່ງສາວຄົນນີ້ກໍມີຜົນງານຜ່ານວົງການບັນເທີງມາແລ້ວເດີ້ແຟນໆ ເພິ່ນໂດດເດັ່ນຫຼາຍໃນວົງການນາງແບບລາວເຮົາ ແລະ ນອກຈາກວຽກໃນວົງການບັນເທີງແລ້ວເພິ່ນຍັງໃຊ້ເວລາວ່າງໃຫ້ເປັນປະໂຫຍດ ໂດຍການໄປສອນນ້ອງໆນັກຮຽນອີກດ້ວຍ.

ແຟນໆຊາວລາວກໍຢ່າລືມກຽມລຸ້ນ ກຽມເຊຍ ເປັນກຳລັງໃຈໃຫ້ສາວປະເພດສອງຕົວແທນປະເທດລາວຄົນນີ້ໃນເວທີ Miss International Queen 2019 ທີ່ປະເທໄທ ເຊິ່ງຈະມີຮອບຕັດສິນໃນວັນທີ 8 ມີນາ 2019 ນີ້…  #ຮັກລາວເຊຍລາວ ??????

(ມີຄລິບແນະນຳຕົວຂອງ ປໍ້ ກັນລະຍານີ ) 

https://www.facebook.com/MissInternationalQueen/videos/2245329315717015/

 

ຮູບພາບ: fb/Por Takarn