“ ສິວສ້ຽນ ” ເປັນເລື່ອງທີ່ກວນໃຈເຮົາສາມາດກໍາຈັດໄດ້ ສິວສ້ຽນເປັນບັນຫາໜຶ່ງທີ່ກວນໃຈຂອງໃຜຫຼາຍຄົນ ສິວສ້ຽນເກີດມາຈາກຄວາມຜິດປົກກະຕິຂອງເສັ້ນຂົນອອ່ນໃນຮູຂຸມຂົນມີການອຸດຕັນລວມຕົວກັບໄຂມັນໃນຮູຂຸມຂົນເປັນຈຸດເສັ້ນຂົນດໍາໆທີ່ບໍລິເວນດັງ ແລະ ສອງຂ້າງແກ້ມໃກ້ປີກດັງ ແລະ ໃນມື້ນີ້ ວາລະສານຂັວນໃຈ ຈະມາແນະນໍາກ່ຽວປັດໄຈທີ່ເຮັດໃຫ້ເກີດສິວສ້ຽນ, ການປິ່ນປົວສິວສ້ຽນ ແລະ ການປ້ອງກັນສິວສ້ຽນ ໃຫ້ສາວໆລອງໄປນໍາໃຊ້ມີດັ່ງນີ້: ປັດໄຈທີ່ເຮັດໃຫ້ເກີດສິວສ້ຽນ. ຮໍໂມນເພດໃນຮ່າງກາຍ ເຊິ່ງມີຜົນກະຕຸ້ນຕ່ອມໄຂ່ມັນໃຫ້ເຮັດວຽກຫຼາຍຂຶ້ນ ຜະລິດໄຂມັນອອກມາຫຼາຍ, ສົ່ງເສີມໃຫ້ເກີດການອຸດຕັນໄດ້ງ່າຍຂຶ້ນ. ການລົບກວນຜິວໜັງຫຼາຍໆເຊັ່ນ: ການເຊັດຖູໜ້າແຮງໆ, ການຂັດ ຫຼື ນວດໜ້າເຊິ່ງການເຮັດແບບນີ້ຈະລົບກວນຮູຂຸມຂົນ ຫຼື ຕ່ອມໄຂມັນເຮັດໃຫ້ຮູຂຸມຂົນຫຼືຮາກຂົນນັ້ນແຕກຂົນຈຶ່ງມີສິດທີ່ຈະຄຸດຂຶ້ນຢູ່ທາງໃນໄດ້ເພິ່ມຫຼາຍຂຶ້ນ ກາຍເປັນໜາມແຫຼມໆ. ການປິ່ນປົວສິວສ້ຽນ. ການລອກສິວສ້ຽນ: ໃຊ້ແຜ່ນແປະດັງລວມກັບສານລອກສິວສ້ຽນແປະທີ່ດັງ ແລະ ປະໄວ້ໄລຍະໜຶ່ງເຊິ່ງມີຄຸນສົມບັດໃນການຕິດ ແໜ້ນຈັບກັບສິວສ້ຽນແລ້ວນໍາໄປວາງບໍລິເວນຜິວໜັງທີ່ມີບັນຫາສິວສ້ຽນແລ້ວດຶງອອກ ສິວສ້ຽນກໍ່ຈະຫຼຸດຕິດອອກມາ. ໃຊ້ທຳມະຊາດກໍາຈັດ: ວິທີທີ່1: ລ້າງໜ້າໃຫ້ສະອາດໃຊ້ນໍ້າເຜິ້ງທາບໍລິເວນທີ່ມີສິວສ້ຽນປະໄວ້ 10 ນາທີແລ້ວໃຊ້ນິ້ວຊີ້ນວດຄ່ອຍໆແລ້ວລ້າງອອກດ້ວຍນໍ້າສະອາດເຮັດເປັນປະຈໍາໜ້າຈະໄດ້ບໍ່ມີສິວສ້ຽນ ໜ້າຈະນຽນນຸ່ມອີກດ້ວຍ. ວິທີທີ່2: ໃຊ້ແຜ່ນລອກສິວສ້ຽນບໍລິເວນທີ່ເປັນສິວສ້ຽນປະໄວ້10 ນາທີ ແລ້ວຈຶ່ງຄ່ອຍໆດຶງອອກຢ່າງຊ້າໆ ສິວສ້ຽນກໍ່ຈະຫຼຸດອອກມາພ້ອມແຜ່ນລອກສິວ ເປັນອີກວິທີໜຶ່ງທີ່ໄດ້ຮັບຄວາມນິຍົມຫຼາຍ ລາຄາບໍ່ແພງແຕ່ການໃຊ້ກໍ່ຕ້ອງລະມັດລະວັງເພາະສານເຄມີທີ່ໃຊ້ອາດກກໍ່ໃຫ້ເກີດການແພ້ໄດ້. ວິທີທີ່3: …

  6 ວິທີທີ່ຊ່ວຍໃຫ້ເຮົາຕໍ່ສູ້ກັບສິວອັກເສບ ສິວເປັນອີີກບັນຫາໜຶ່ງທີ່ເປັນເລື່ອງຮ້າຍແຮງສໍາລັບສາວໆ ບໍ່ວ່າຈະເປັນສິວນ້ອຍທໍາມະດາ ຫຼື ສິວຫົວຊ້າງ. ສິວຫົວຊ້າງແມ່ນສິວທີ່ບໍ່ມີຫົວ ແລະ ເກີດຈາກຮໍໂມນທີ່ບໍ່ປົກກະຕິ , ແບັດທີເຣຍທີ່ເຮັດໃຫ້ເກີດສິວ ເມື່ອຮໍໂມນຫຼາຍຂຶ້ນຜິວໜັງກໍ່ຈະຜະລິດໄຂມັນຫຼາຍຂຶ້ນ ເມື່ອໃດທີ່ໄຂມັນລະບາຍອອກທາງຜິວໜັງບໍ່ໄດ້ກໍ່ຈະອຸດຕັນໃຕ້ຜິວໜັງ ແລະ ເກີດການອັກເສບບໍລິເວນນັ້ນ ດັ່ງນັ້ນ ວາລະສານຂັວນໃຈກໍ່ມີ ວີທີທີ່ຊ່ວຍໃຫ້ເຮົາຕໍ່ສູ້ກັບສິວທີ່ອັກເສບໄດ້ດັ່ງນີ້: ປ່ອຍໄວ້ຢ່າໄປຫຍຸ້ງກັບບໍລິເວນທີ່ເກີດສິວ. ຫ້າມໄປສຳຜັດ, ບີບ, ເຂ່ຍ ຫຼື ເຈາະເດັດຂາດ ເພາະການໄປຫຍຸ້ງກັບສິວຫົວຊ້າງຄືຄວາມຜິດພາດອັນໃຫຍ່ຫຼວງ ສິວຊະນິດນີ້ມີຕົ້ນຕໍຢູ່ໃຕ້ຜິວໜັງ ເຊິ່ງມັນຢູ່ໄກກວ່າທີ່ເຮົາສາມາດຈະຈັດການກັບມັນໄດ້ ຫຼື ຖ້າເຮັດໄດ້ກໍ່ມີແຕ່ຈະສ້າງຄວາມເຈັບປວດລ້າໆ ແລະ ຍັງປະຮອຍປະບາດໄວ້ເປັນທີ່ລະນຶກໃຫ້ເຮົາອີກ ດັ່ງນັ້ນປ່ອຍໄວ້ນັ້ນລະດີ. ກິນຢາແກ້ອັກເສບ. ຫາກຮູ້ສຶກວ່າບໍລິເວນສິວກະຕຸກເປັນຈັງຫວະ ໃຫ້ກິນຢາແກ້ອັກເສບເພື່ອບັນເທົາອາການເຈັບປວດນັ້ນ ເພາະນີ້ເປັນວິທີດຽວທີ່ຈະເຮັດໃຫ້ອາການເຈັບປວດບັນເທົາລົງ. ປະຄົບໜ້າດ້ວຍຄວາມຮ້ອນ. ລອງໃຊ້ຜ້າຂົນໜູອົບຄວາມຮ້ອນມາປະຄົບບໍລິເວນທີ່ເປັນສິວປະມານ 5 ນາທີ ວິທີນີ້ຈະຊ່ວຍໃຫ້ເລືອດໄຫຼ່ວຽນໄດ້ດີ ແລະ ຫຼຸດຄວາມເຈັບປວດຈາກສິວໄດ້ ເຮັດແບບນີ້ປະມານ 3 ເທື່ອ ຫຼື ຈະເອົາເຈວວ່ານຫາງຈໍລະເຂ້ທາລົງເທິ່ງຜ້າ ແລ້ວນໍາໄປນວດຈາກລຸ່ມຂື້ນເທິ່ງກໍ່ຈະດີຂຶ້ນໄປອີກ. …

ນອນໃຫ້ດີມີຜົນກັບໜ້າ ມື້ນີ້ ວາລະສານຂັວນໃຈ ຈະນໍາເອົາວິທີໃນການນອນ ນອນແນວໃດໃຫ້ມີຜົນດີກັບໜ້າ ສໍາລັບສາວໆທ່ານໃດທີ່ເຄີຍມີທ່ານອນແບບປະຈໍາຂອງຕົນເອງແລ້ວລອງມາອ່ານເບິ່ງວ່າທ່ານອນທີ່ຕົນເອງນອນນັ້ນຖືກວິທີທີ່ຈະເຮັດໃຫ້ມີຜົນດີກັບໜ້າຫຼືບໍ່ ວິທີນອນມີດັ່ງນີ້: ນອນສະແຄງ ການນອນສະແຄງເປັນທ່ານອນທີ່ສາວໆ ຄວນຫຼີກເວັ້ນ ຫຼື ຖ້າເຄີຍນອນຈົນເປັນນິໄສແລ້ວ ແນະນໍາໃຫ້ນອນສະແຄງດ້ານຂວາຈະດີກວ່ານອນສະແຄງດ້ານຊ້າຍເພາະເປັນທ່າທີ່ນອນຫຼັບສະບາຍ ແລະ ດ້ານຂວາຂອງຮ່າງກາຍເຮົາຈະໄດ້ບໍ່ກົດທັບຫົວໃຈ ເຮັດໃຫ້ຫົວໃຈເຮັດວຽກສະດວກ, ເລືອດໄຫຼ່ວຽນໄດ້ດີ. ສະນັ້ນ ບໍ່ຄວນນອນສະແຄງໝົດຄືນເພາະຈະເຮັດໃຫ້ເກີດຮິ້ວຮອຍເທິ່ງໃບໜ້າໄດ້ ເນື່ອງຈາກຈະຖືກການບີບກົດກັບໝອນ ຫຼື ຜ້າປູບ່ອນນອນເປັນຕົ້ນ. ນອນຄວໍ່າ ການນອນຄວໍ່າຈະເຮັດໃຫ້ໜ້າເຮົາຖືກກົດທັບໄປທັງໜ້າ ເຮັດໃຫ້ຄຣີມທີ່ທາໄວ້ທັງຄືນອາດເປື້ອນ ແລະ ລະເຫີຍອອກໄປຕິດໝອນໄດ້ ແລະ ປະສິດທິພາບຕ່າງໆ ຂອງຄຣີມກໍ່ຫຼຸດນ້ອຍລົງ ຫາກຈໍາເປັນທີ່ຈະຕ້ອງນອນຄວໍ່າໜ້າເຊັ່ນ: ເວລາໄປເຮັດສະປາ ຫຼື ນວດຕ່າງໆ ຄວນໃຊ້ໝອນຮອງໃຕ້ໜ້າເອິກເພື່ອບໍ່ໃຫ້ອິດເມື່ອຍກ້ານຄໍ ແລະ ກ້າມຊີ້ນຄໍ. ນອນຫງາຍ ທ່ານີ້ເປັນທ່າທີ່ເໝາະສົມກັບການນອນທີ່ສຸດ ເພາະໃບໜ້າຈະບໍ່ຖືກບີບຮັດ ຫຼື ລົບກວນຈາກໝອນ ເຮັດໃຫ້ເມື່ອຕື່ນມາໜ້າຕາຈະສົດຊື່ນບໍ່ມີຮິ້ວຮອຍໃຫ້ເປັນກັງວົນໃຈ ແຕ່ການນອນຫງາຍກໍ່ບໍ່ເໝາະສົມກັບຜູ້ທີ່ເປັນພະຍາດ ແລະ ພະຍາດຫົວໃຈ ເພາະກ້າມຊີ້ນກະບັງລົມຈະກົດທັບປອດເຮັດໃຫ້ຫາຍໃຈບໍ່ສະດວກອາດເຮັດໃຫ້ມີການເກີດຂຶ້ນອີກ. ນອກຈາກທ່ານອນທີ່ຖືກຕ້ອງແລ້ວ ຍັງມີສິ່ງທີ່ຕ້ອງຄິດເຖິງສິ່ງອື່ນອີກ ເຊິ່ງນັ້ນກໍ່ຄືອຸປະກອນໃນການນອນຕ່າງໆ …

   5 ເຄັດລັບໃນການບໍາລຸງຜິວແຕ່ລະມື້     ມື້ນີ້ ຂັວນໃຈ ມີເຄັດລັບໃນການເບິ່ງແຍງສຸຂະພາບຜິວໃນແຕ່ລະມື້ມາຝາກ ເພື່ອເຮັດໃຫ້ທ່ານມີຜິວທີ່ສວຍງາມ, ສົດໃສຕັ້ງແຕ່ຫົວເຖິງປາຍຕີນໃຫ້ສົມກັບທີ່ເປັນສາວລາວຍຸກໃໝ່ທີ່ໃສ່ໃຈຕໍ່ກັບຄວາມງາມ ເຄັດລັບມີດັ່ງນີ້: ການໃຊ້ຄຣີມກັນແດດທີ່ມີຄ່າ SPF 30 PA+++ຂຶ້ນໄປ. ໃນຕອນເຊົ້າຫຼັງຈາກທີ່ເຮົາທາຄຣີມບຳລຸງຜິວສຳເລັດຮຽບຮ້ອຍແລ້ວ ເຮົາທາຄຣີມກັນແດດເພື່ອປົກປ້ອງຜິວໜ້າຈາກອັນຕະລາຍຂອງແສງUVໂດຍຜ່ານການວິໄຈທາງການແພດໄດ້ຄົ້ນພົບວ່າ ຄົນສ່ວນໃຫຍ່ທີ່ມີອາຍຸຕໍ່າກວ່າ 18 ປີຈະຕ້ອງພົບກັບແສງUVທີ່ເປັນອັນຕະລາຍຕໍ່ຜິວຫຼາຍ ແລະ ຄວາມແຮງຂອງແສງຈະເພິ່ມຂຶ້ນອີກ 50-70%ຂອງແສງທັງໝົດ ການຫຼີກລ້ຽງການຖືກແສງແດດໂດຍກົງເປັນສິ່ງສຳຄັນຢ່າງຍິ່ງທີ່ຈະຊ່ວຍຫຼຸດຄວາມສ່ຽງຂອງການເກີດມະເຮັງຜິວໜັງໄໝ້ ແລະ ການເກີດຈຸດດ່າງດຳຈາກເມັດສີຜິວໄດ້. ການດື່ມນໍ້າສະອາດປະມານ 2 ລິດຕໍ່ມື້. ນໍ້າເປັນສ່ວນປະກອບທີ່ສຳຄັນທີ່ສຸດຕໍ່ຮ່າງກາຍຂອງຄົນເຮົາເຊິ່ງຮ່າງກາຍຂອງຄົນເຮົາມີນໍ້າເປັນສ່ວນປະກອບປະມານ 60-70% ຂອງແຫຼວໃນຮ່າງກາຍທັງໝົດ ຄົນເຮົາຈະມີການສູນເສຍນໍ້າອອກມາຈາກຮ່າງກາຍຜ່ານປັດສະວະ ແລະ ເຫື່ອອອກຈາກຮ່າງກາຍຫຼາຍທີ່ສຸດປະມານ 2 ລິດ ດັ່ງນັ້ນການດື່ມນໍ້າສະອາດຢ່າງໜ້ອຍມື້ລະ 2 ລິດຈະຊ່ວຍຮັກສາຄວາມຊຸ່ມຊື້່ນ ແລະ ຄວາມສວຍງາມໃຫ້ແກ່ຜິວໜັງໄດ້ດີ. ການກິນອາຫານ ແລະ ທາຄຣີມທີ່ມືຊ່ວຍຕ້ານການເກີດ Anti-oxidant. ສານຕ້ານອະນຸມູນອິດສະລະຈະຊ່ວຍຕໍ່ຕ້ານສານອະນຸມູນອິດສະລະຂອງເຊວໃນຮ່າງກາຍທີ່ເຮັດໃຫ້ເກີດບັນຫາຢ່ອນຢານ ແລະ ເກີດລິ້ວຮອຍເທິ່ງຜິວ ເພື່ອປ້ອງກັນບໍ່ໃຫ້ເກີດບັນຫາດັ່ງກ່າວທ່ານຈຳເປັນຕ້ອງກິນໝາກໄມ້ສົດທີ່ມີສານຕໍ່ຕ້ານອະນຸມູນອິດສະລະເຊັ່ນ: ຊາ,  …

ເລິ່ມຕົ້ນຜິວພັນສຸຂະພາບດີ ຫ້າມເບິ່ງຂ້າມ 4 ປັນຫານ້ອຍໆ ນີ້ຢ່າງເດັດຂາດ ສໍາລັບສາວໆທີ່ເຮັດວຽກບໍ່ໄດ້ພັກບໍ່ໄດ້ເຊົາ ການໄດ້ໃຊ້ຄຣີມທີ່ເບິ່ງແຍງຜິວພັນໄດ້ໂດຍທີ່ບໍ່ຕ້ອງເປັນຫ່ວງ ອາດເວົ້າໄດ້ວ່າເປັນຄວາມຝັນອັນສູງສຸດຂອງແຕ່ລະຄົນ ແຕ່ໃນຄວາມເປັນຈິງແລ້ວເລື່ອງເລັກນ້ອຍທີ່ເຮົາມັກເບິ່ງຂ້າມນັ້ນ ອາດຈະສົ່ງຜົນກະທົບຕໍ່ຜິວພັນຂອງເຮົາໄດ້ບໍ່ວ່າໂດຍທາງກົງ ຫຼື ທາງອ້ອມ ແລະ ມື້ນີ້ ວາສະສານຂັວນໃຈ ກໍ່ມີວິທີງ່າຍທີ່ຈະເຮັດໃຫ້ຜິວພັນຂອງສາວໆນັ້ນໄດ້ສວຍງາມ ດັ່ງນີ້: ອອກແດດກໍ່ຄວນໃສ່ແວ່ນຕາກັນແດດ. ສອງເຫດຜົນຫຼັກໆທີ່ສາວໆ ຕ້ອງການຫາແວ່ນຕາກັນແດດມາໃສ່ ທຸກຄັ້ງທີ່ໃບໜ້າງາມໆຂອງເຮົາສໍາຜັດກັບແສງແດດ ຜິວພັນບໍລິເວນໜ່ວຍຕາກໍ່ຈະຄ່ອຍໆແຫ່ວ ແລະ ອີກຢ່າງໜຶ່ງ ຜິວພັນບໍລິເວນໜ່ວຍຕາຂອງເຮົາຈະບາງຫຼາຍ ສາມາດຖືກທຳລາຍຈາກລັງສີ UVA ແລະ UVB ໄດ້ງ່າຍ   ແລະ ໃນຊ່ວງນີ້ອາກາດຮ້ອນໆແບບນີ້ສາວໆກໍ່ຄວນຫາມາໃສ່ເພື່ອປ້ອງກັນການຖືກທໍາລາຍຈາກແສງແດດ. ກິນອາຫານທີ່ມີສ່ວນປະສົມຂອງຈຸລິນຊີ. ຄວນກິນອາຫານທີ່ມີສ່ວນປະສົມຂອງຈຸລິນຊີຢ່າງໜ້ອຍມື້ລະ1ເທືອ ເພາະວ່າລ້າສຸດມີການຄົ້ນພົບວ່າຈຸລິນຊີມີປະໂຫຍດຕໍ່ຜິວ, ຊ່ວຍຫຼຸດອາການອັເສບ, ບໍ່ໃຫ້ເກີດຮິ້ວຮອຍກ່ອນໄວ, ປ້ອງກັນຜິວຖືກທຳລາຍຈາກແສງຕາເວັນ ແລະ ຕໍ່ຕ້ານອະນຸມູນອິດສະລະ ອາຫານທີ່ເຮົາຫາກິນໄດ້ຈະເປັນໂຍເກີດ, ກະຫຼໍ່າປີດອງ ຫຼື ເຄື່ອງດື່ມປະເພດຊາ Cambo Slash ຢ່າງໜ້ອຍຕ້ອງກິນມື້ລະເທື່ອ ເມື່ອເວລາຜ່ານໄປ 1-2 ເດືອນແລ້ວທ່ານຈະໄດ້ສໍາຜັດເຖິງຜິວທີ່ສວຍງາມ, …