ກຽມຈັດການແຂ່ງຂັນກິລາເຕະບານ “ຟຸດຊໍ” ໃນຫົວຂໍ້ ” ຊິງແຊມເຕະບານ “ຄາຣສເບີກ” ( Carlsberg Cup 2016 ) ຊິງຂັນລາງວັນຊະນະເລີດ 1 ໜ່ວຍ ພ້ອມເງິນສົດ 20 ລ້ານກີບ. ພິທິຖະແຫລງຂ່າວໄດ້ຈັດຂຶ້ນໃນຕອນແລງວັນທີ 19 ຕຸລາ 2016 ທີ່ເດີນເຕະບານເທບປັນຍາ, ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ອາລິຍະ ປັນຍາຜົນ ຜູ້ຈັດການຜະລິດຕະພັນ “ຄາຣສເບີກ” ບໍລິສັດເບຍລາວຈໍາກັດ, ທ່ານ ວຽງສະຫວັນ ແສງຈັນ ປະທານສະຫະພັນກິລາເຕະບານນະຄອນຫລວງວຽງຈັນ, ທ່ານ ໄຊຊະນະ ພັນທະວົງ ເລຂາສະຫະພັນເຕະບານນະຄອນຫລວງວຽງຈັນ, ມີບັນດານັກກິລາທີ່ລົງແຂ່ງຂັນເຂົ້າຮ່ວມ. ການແຂ່ງຂັນໃນຄັ້ງນີ້ກໍເພື່ອໃຫ້ນັກກິລາເຕະບານໃນບ້ານເຮົາໃນລະດັບອາຍຸ 20-35 ປີ ໄດ້ມີໂອກາດສະແດງຄວາມສາມາດ, ຄວາມສາມັກຄີກັນເປັນທີມ, ມີນ້ຳໃຈໃນເກມກິລາ ແລະ ເຝິກຝົນໃຫ້ເປັນນັກເຕະບານທີ່ມີທັກສະພັດທະນາໃຫ້ທຽບເທົ່າສາກົນ. ທີມທີ່ສະໝັກເຂົ້າແຂ່ງຂັນທັງໝົດມີ 32 ທີມ ຈະເລີ່ມແຂ່ງຂັນວັນທີ …

  ສະແດງຄວາມຕ້ອງການຂອງຕົນເອງຫຼາຍເກີນໄປ ຜູ້ຊາຍບາງຄົນກໍມັກອອກຕົວແຮງ ສະແດງຄວາມຕ້ອງການແບບຊັດເຈນ ຈົນພຶດຕິກໍາບາງຢ່າງອາດຈະເຮັດໃຫ້ຜູ້ຍິງມີຄວາມ ອຶດອັດ. ບໍ່ຮູ້ຈັກສ້າງສະເໜ່ໃຫ້ກັບຕົນເອງ ເຖິງວ່າທ່ານຜູ້ຊາຍບາງຄົນຈະໜ້າຕາດີ ສົມບູນທັງການສຶກສາ ແລະ ຕໍາແໜ່ງວຽກງານທີ່ດີກໍຕາມ ແຕ່ສາວໆຍັງບໍ່ສົນໃຈ ອາດຈະເປັນຍ້ອນ ທ່ານ ບໍ່ຮູ້ຈັກວິທີການລົມຜູ້ຍິງ ໃຫ້ເຂົ້າໃຈນັ້ນເປັນແບບໃດ. ຂາດຄວາມໝັ້ນໃຈໃນຕົວເອງ ຄົນທີ່ຂາດຄວາມໝັ້ນໃຈ ຈະຕັດສິນໃຈເຮັດຫຍັງກໍບໍ່ມີຄວາມກ້າ ມີແຕ່ຖາມຄວາມຄິດເຫັນຈາກຄົນອື່ນຕະຫຼອດ ຖ້າເປັນແບບນີ້ ຜູ້ຍິງສ່ວນຫຼາຍຈະຄິດເຫັນອະນາຄົດວ່າຊາຍຄົນນັ້ນຂາດຄວາມເປັນຜູ້ນໍາ ເປັນຄົນທີ່ບໍ່ມີຄວາມພະຍາຍາມ ຊາຍໃດທີ່ຄິດຈະຈີບຜູ້ຍິງແລ້ວ ບໍ່ມີຄວາມພະຍາຍາມ ກໍຍາກທີ່ຈະໄດ້ໃຈສາວນັ້ນມາຄອງ ເພາະເວົ້າອະນາຄົດທີ່ຈະຕ້ອງປະເຊີນວ່າທ່ານຈະມີຄວາມພະຍາຍາມສູ້ກັບຄົນຮັກຂອງທ່ານໄປນໍາກັນໄດ້ບໍ  

ກົມຮູບເງົາ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ຮ່ວມກັບ ກຸ່ມວິຊາຊີບຮູບເງົາ ແລະ ຄະນະອັກສອນສາດ ມະຫາວິທະຍາໄລແຫ່ງຊາດ ໄດ້ຈັດງານສັບປະດາຮູບເງົາສູ່ສະຖານການສຶກສາຄັ້ງທີ່ 1 ຂຶ້ນຢ່າງເປັນທາງການໃນກາງຊ່ວງກາງເດືອນ ຕຸລາ 2016 ເພື່ອເປັນການກະຕຸກຊຸກຍູ້ ສົ່ງເສີມ ແລະ ພັດທະນາວຽກງານຮູບເງົາລາວ ທັງທາງດ້ານປະລິມານ ແລະ ຄຸນະພາບ ຕອບສະນອງຄວາມຮຽກຮ້ອງຕ້ອງການຂອງສັງຄົມໄດ້ເທື່ອລະກ້າວ ພ້ອມສ້າງໃຫ້ຮູບເງົາກາຍເປັນຂະແໜງວິຊາຊີບໜຶ່ງທີ່ສ້າງແຮງບັນດານໃຈໃຫ້ແກ່ນັກສຶກສາຫັນມາສົນໃຈ ແລະ ສຶກສາຮໍ່າຮຽນວິຊາຮູບເງົາເພີ່ມຂຶ້ນ ເພືອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ວັດທະນະທໍາຂອງລາວເຮົາຢ່າງບໍ່ຢຸດຢັ້ງ. ງານດັ່ງກ່າວ ແມ່ນຈະໄດ້ຈັດຂຶ້ນເປັນເວລາ 3 ມື້ເລີ່ມແຕ່ວັນທີ່ 20-22 ເດືອນ ຕຸລາ 2016 ຢູ່ທີ່ ສະໂມສອນໃຫຍ່ ມະຫາວິທະຍາໄລແຫ່ງຊາດລາວ ພາຍໃນງານຈະມີຫຼາກຫຼາຍກິດຈະກໍາເຊັ່ນ: ການເສວະນາ (ຮູບເງົາ: ວິຊາຊີບທີ່ຄວນຄ່າແກ່ການສົ່ງເສີມ), ກອງປະຊຸມວິຊາການ (ການຂະຫຍາຍຮູບເງົາສະຖານການສຶກສາ), ການສຳມະນາ (ແນວຄິດໃນການຜະລິດຮູບເງົາ) ແລະ ການຊົມຮູບເງົາເລື່ອງສັ້ນ-ຮູບເງົາເລື່ອງຍາວຈໍານວນ …

HUAWEI  ມ່ວນຊື່ນບຸນອອກພັນສາ ຈັດໂປຣໂມຊັ້ນພິເສດ ຫຼຸດແລກແຈກແຖມກະໜ່ຳ! ຫົວເຫວີຍຂົນຄວາມສຸກໄປເສີບໃຫ້ແກ່ມວນຊົນທີ່ບຸນອອກພັນສາປະວໍລະນາ ຫຼືບຸນຊ່ວງເຮືອປະຈຳປີ 2016 ໃນລະຫວ່າງວັນທີ 14-18 ຕຸລາ ທີ່ທ່າວັດຈັນ, ນະຄອນຫຼວງວຽງຈັນ ໂດຍມີການຈັດກິດຈະກໍາຮ່ວມມ່ວນຊື່ນ ແຈກລາງວັນ ແລະ ມອບໂປຣໂມຊັ້ນສຸດພິເສດໃຫ້ກັບລູກຄ້າທີ່ຊື້ສະມາດໂຟນຂອງຫົວເຫວີຍທຸກຮຸ່ນ. ພາຍໃນບູດຂອງຫົວເຫວີຍ ນອກຈາກຈະມີການຍົກຂະບວນສະມາດໂຟນ ຫຼາຍຮຸ່ນທີ່ມີຄຸນນະພາບມານຳສະເໜີ ແລະ ໃຫ້ລູກຄ້າທົດລອງສຳຜັດແລ້ວ ທີມງານກໍໄດ້ມີການຈັດກິດຈະກຳເພື່ອຮ່ວມມ່ວນຊື່ນກັບພໍ່ແມ່ພີ່ນ້ອງຊາວນະຄອນຫຼວງວຽງຈັນ ກໍຄືຊາວຕ່າງແຂວງທີ່ມາທ່ຽວບຸນຄັ້ງນີ້ ບໍ່ວ່າຈະເປັນ ການຫຼິ້ນເກມລຸ້ນຮັບລາງວັນສຸດພິເສດ, ການແຈກຂອງທີ່ລະນຶກຢ່າງຫຼວງຫຼາຍ ເຊິ່ງກໍໄດ້ຮັບຄວາມສົນໃຈ  ແລະ ກະແສຕອບຮັບຈາກມວນຊົນຢ່າງລົ້ນເຫຼືອ ເຮັດໃຫ້ຍອດຂາຍໂທລະສັບມືຖືພາຍໃຕ້ແບຣນຫົວເຫວີຍທະລຸເປົ້າເກີນຄາດໝາຍ. ຫົວເຫວີຍມີຄວາມຍິນດີເປັນຢ່າງຍິ່ງທີ່ຮ່ວມເປັນສ່ວນໜຶ່ງໃນເທດສະການ ແຫ່ງຄວາມສຸກ ແລະ ໄດ້ສົ່ງມອບຮອຍຍິ້ມໃຫ້ກັບປະຊາຊົນ. ຂອບໃຈລູກຄ້າ ທຸກທ່ານທີ່ໄວ້ວາງໃຈໃນຜະລິດຕະພັນຂອງຫົວເຫວີຍທຸກຮຸ່ນ ແລະ ກິດຈະກຳ ແຫ່ງຄວາມສຸກຂອງພວກເຮົາຍັງບໍ່ໝົດພຽງເທົ່ານີ້ທ່ານຍັງສາມາດສຳຜັດໂປຣໂມຊັ້ນພິເສດໄດ້ທີ່ຕົວແທນຈຳໜ່າຍຫົວເຫວີຍທຸກສາຂາໃນທົ່ວປະເທດ.

    ແຕ່ງໜ້າໃຫ້ຖ່າຍຮູບພາບງາມ ປັດຈຸບັນນີ້ ເຮົາຢູ່ໃນໂລກຂອງການຖ່າຍຮູບພາບບໍ່ວ່າຈະໄປໃສ ຫຼື ເຮັດຫຍັງເຮົາກໍຖ່າຍຮູບພາບເຖິງແມ່ນວ່າເຮົາບໍ່ຖ່າຍໝູ່ເພື່ອນກໍຖ່າຍແຕ່ເມື່ອຖ່າຍອອກມາແລ້ວມັນອາດຈະບໍ່ງາມ ແລະ ມື້ນີ້ເວັບໄຊ້ ວາລະສານ ຂັວນໃຈ ໄດ້ນໍາເອົາວິທີໃນການແຕ່ງໜ້າແນວໃດເພື່ອເວລາຖ່າຍຮູບພາບອອກມາແລ້ວງາມມາຝາກ. ເຮັດໃຫ້ດວງຕາສົດໃສ: ການເຮັດໃຫ້ດວງຕາສົດໃສ ບໍ່ອິດເມື່ອຍ ຫຼື ດວງຕາຂຸ້ນມົວ ເປັນຫົວໃຈສໍາຄັນຂອງການຖ່າຍຮູບພາບ ເພາະຖ້າດວງຕາສົດໃສພາກສ່ວນອື່ນໆຂອງໃບໜ້າກໍງາມຄືກັນ ວິທີສ້າງຄວາມສົດໃສໃຫ້ດວງຕາກໍຄື ຢອດນໍ້າຢາຢອດຕາເຢັນໆລົງໄປປະມານຢອດໜຶ່ງສອງຢອດກ່ອນເລີ່ມແຕ່ງໜ້າ. ກຽມຜິວພັນໃຫ້ນຸ້ມນຽນ ບໍ່ແຫ້ງ: ດ້ວຍການລ້າງໜ້າໃຫ້ສະອາດ ແລະ ມາດສ໌ໜ້າປະມານ 10-15 ນາທີ ເພື່ອຄວາມພ້ອມ ຫຼື ອາດຈະໃຊ້ຄີມບໍາລຸງຜິວພັນເພີ່ມຄວາມຊຸ່ມໃຫ້ກັບໃບໜ້າກໍ່ໄດ້. ເລືອກຮອງພື້ນໃຫ້ເໝາະສົມກັບສະພາບຜິວພັນ ແລະ ສີຜິວພັນ: ຢ່າໃຊ້ສີທີ່ຈາງເກີນໄປ ແລະ ບໍ່ເຂັ້ມຈົນເກີນໄປເລືອກສູດທີ່ເໝາະສົມກັບສະພາບຜິວພັນຢ່າໃຫ້ມັນ ຫຼື ສະທ້ອນແສງຫຼາຍເກີນໄປ. ທາຄອນຊີເລີ (Concealer) ໃນຈຸດທີ່ຕ້ອງການເນັ້ນໃຫ້ເດັ່ນ: ໃຊ້ໃນປະລິມານພຽງເລັກໜ້ອຍກໍ່ພໍ ແລະ ຕ້ອງໃຫ້ເຂົ້າກັບສີຜິວທໍາມະຊາດ ທາໃຫ້ສະໝໍ່າສະເໝີຢ່າໃຫ້ເຫັນເປັນຈຸດ. Highlights ໃນຈຸດສໍາຄັນ ເຊັ່ນ: ບໍລິເວນແກ້ມ, …