ໃນວັນທີ 26 ມີນາ 2020 ທີ່ ນະຄອນຫຼວງວຽງຈັນ- ບໍລິສັດ ເບຍລາວ ຈໍາກັດ (ບໍລິສັດເບຍລາວ) ໄດ້ມອບເງິນ 2 ​ຕື້ກີບ ເພື່ອປະກອບສ່ວນສະໜັບສະໜູນລັດຖະບານລາວ ກໍຄື ກະຊວງສາທາລະນະສຸກ ແລະ ເຈົ້າໜ້າທີ່ແພດໝໍ ທີ່ກໍາລັງຮັບມື ແລະ ຄວບຄຸມການລະບາດຂອງພະຍາດໂຄວິດ-19 ໃນລາວ.   ທ່ານ ເຮັນລິກ ເອັນເດີເຊັນ ຜູ້ອໍານວຍການໃຫຍ່ ບໍລິສັດ ເບຍລາວ ໄດ້ກ່າວວ່າ  “ພວກເຮົາຮັບຮູ້ເຖິງການແຜ່ລະບາດຢ່າງຮ້າຍແຮງຂອງເຊື້ອພະຍາດນີ້ທີ່ເກີດຂຶ້ນທົ່ວໂລກ, ດັ່ງນັ້ນ, ພວກເຮົາຈິ່ງຕ້ອງການເປັນສ່ວນໜຶ່ງໃນການສະໜັບສະໜູນລັດຖະບານລາວທີ່ກໍາລັງຮັບມືກັບການແຜ່ລະບາດຂອງເຊື້ອພະຍາດພາຍໃນປະເທດ. ປະຊາຊົນລາວໄດ້ໃຫ້ການສະໜັບສະໜູນບໍລິສັດເບຍລາວດ້ວຍດີຕະຫຼອດມາໃນຊ່ວງເວລາທີ່ດີ, ເຊິ່ງເວລານີ້ ພວກຮົາກໍຍິນດີປະກອບສ່ວນໃຫ້ແກ່ລັດຖະບານລາວ ແລະ ປະຊາຊົນລາວໃນການຜ່ານຜ່າສິ່ງທ້າທາຍ ໂດຍຜ່ານການມອບປັດໃຈດັ່ງກ່າວນີ້.”   ໃນມື້ນີ້, ເປັນການກ່າວມອບຮັບລະຫວ່າງ ທ່ານ ສົມດີ ດວງດີ ຮອງນາຍົກລັດຖະມົນຕີ ຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂພະຍາດອັກເສບປອດຈາກເຊື້ອຈຸລະໂລກ COVID …

ໄລຍະນີ້ເວົ້າໄດ້ວ່າພະຍາດລະບາດໂຄວິດ-19 ຍັງຄົງລະບາດກັນຢ່າງຕໍ່ເນື່ອງ ແລະ ນັບມື້ນັບເພີ່ມຂຶ້ນ ແນ່ນອນວ່າທຸກກໍບໍ່ໄດ້ລະເລີຍທີ່ຈະຫາເຄື່ອງມືທີ່ຊ່ວຍປ້ອງກັນຕົວເອງ ຈາກພະຍາດດັ່ງກ່າວ ບໍ່ວ່າຈະເປັນ ເຈລລ້າງມື, ຜ້າປິດປາກ… ເຊິ່ງກຳລັງເປັນສິ່ງທີ່ຄົນກຳລັງຕ້ອງການເປັນຈໍານວນຫຼາຍ ເຊິ່ງຫຼ້າສຸດ ມີຜູ້ໃຊ້ເຟສບຸກຄົນໜື່ງ  Marvin Garcia  ໄດ້ເຜີຍ Idea ຜ້າປິດປາກແບບໃໝ່ ຜ້າປິດປາກ ແບບ DIY ເຊິ່ງໄດ້ນໍາເອົາເພັດຕ່າງໆມາຕົົກແຕ່ງໃຫ້ງາມຂຶ້ນ ເພື່ອໃສ່ປ້ອງກັນເຊື້ອ COVID-19 ແບບເລີດໆ ດ້ວຍຄວາມທີ່ເປັນ Fashion Designer ໄດ້ນໍາເອົາເພັດແຕ່ລະອັນມາຕົກແຕ່ງຜ້າປິດປາກໃຫ້ງາມ ແລະ ແພງຂຶ້ນໄດ້ແບບເກ໋ໆ ມື້ນີ້ຂວັນໃຈໄດ້ນໍາພາບຜ້າປິດກາກໄອເດຍສຸດເຈ໋ງແບບນີ້ມາຝາກທຸກຄົນ ເຮົາໄປເບິ່ງນໍາກັນເລີຍ… ເປັນແນວໃດກັບໄອເດຍຂອງການອອກແບບ ຜ້າປິດປາກ ຍຸກ ໂຄວິດ ເວົ້າໄດ້ວ່ານອກຈາກຈະງາມແລ້ວ ຍັງດູແພງຂຶ້ນອີກ ພ້ອມທັງໃສ່ປ້ອງກັນ Covid-19 ໄດ້ອີກ… ຂອບໃຈຂໍ້ມູນຈາກ Kapook.com

ການລະບາດຂອງເຊື້ຶອພະຍາດຈຸລາໂລກສາຍພັນໃໝ່ Covid-19 ຖືເປັນວິກິດລະດັບໂລກ ລວມທັງປະເທດລາວເຮົາເອງ ເພາະປັດຈຸບັນປະເທດລາວເຮົາແມ່ນພົບຜູ້ຕິດເຊື້ອແລ້ວ 3 ຄົນ ລວມທັງກໍລະກໍສົງໄສອີກ 100 ກວ່າກໍລະນີ. ແຕ່ທັງໝົດນີ້ກໍບໍ່ໜ້າເປັນຫ່ວງເທົ່າໃດເພາະ ທຸກຄົນຢູ່ໃນການດູແລຂອງເຈົ້າໜ້າທີ່ໝົດແລ້ວ ແລະ ທີ່ໜ້າເປັນຫ່ວງກໍຄືບັນດາແຮງງານທີ່ໄປເຮັດວຽກຢູ່ບັນດາປະເທດສ່ຽງ ແລ້ວຫາກໍເດີນທາງເຂົ້າມາບ້ານເກີດເມື່ອ 3-4 ມື້ທີ່ຜ່ານມາ ເຊິ່ງຖືວ່າເປັນຈໍານວນຫຼາຍພໍສົມຄວນ… ຈາກເຫດການນີ້ກໍໄດ້ສ້າງຄວາມຢ້ານກົວໃຫ້ກັບປະຊາຊົນຄົນລາວຢູ່ບໍ່ໜ້ອຍ ເພາະບໍ່ມີໃຜຮູ້ໄດ້ວ່າ ການເດີນທາງມາຂອງຜູ້ຄົນຈໍານວນຫຼາຍນັ້ນປອດໄພຂະໜາດໃດ? ແຕ່ທາງພາກສ່ວນລັດຖະບານກໍໄດ້ອອກມາດຕະການເດັດຂາດວ່າ ໃຫ້ທຸກຄົນທີ່ຫາກໍເດີນທາງມາຈາກປະເທດສ່ຽງກັກຕົວເອງ 14 ວັນ ເມື່ອແນ່ໃຈວ່າບໍ່ຕິດເຊື້ອແລ້ວ ຈຶ່ງກັບອອກມາສູ່ສັງຄົມ ແຕ່ເຖິງຢ່າງໃດກໍຕາມກໍຍັງກຸ່ມຄົນຈໍານວນໜຶ່ງທີ່ບໍ່ປະຕິບັດຕາມຄໍາສັ່ງຂອງລັດຖະບານ ແລະ ຖືຍັງຖືເບົາຕໍ່ກັບການປ້ອງກັນເຊື້ອພະຍາດດັ່ງກ່າວ… ມື້ນີ້ ຂວັນໃຈກໍມີບົດຄວາມດີໆມາໃຫ້ທຸກຄົນໄດ້ອ່ານ ເຖິງຄວາມປອດໄພຂອງທຸກຄົນຈາກ Covid-19 ບົດຄວາມໂດຍຜູ້ທີ່ເຄີຍກັກໂຕເອງ 14 ວັນມາແລ້ວ… #ເອົາໃຈໃສ່ກັກຕົວ14ວັນປ້ອງກັນໂຄວິດ-19ໄດ້ 1. ກ່ອນອື່ນຂໍໃຫ້ເຂົ້າໃຈວ່າຈຸດປະສົງຂອງການຂຽນໃນມື້ນີ້ ບໍ່ແມ່ນການຊໍ້າເຕີ່ມ ຫລື ຕ້ອງການກະທົບທ່ານໃດ ຫາກແຕ່ຕ້ອງການລະດົມ ໃຫ້ຜູ້ຢູ່ໃນສະພາບສ່ຽງຕໍ່ການຕິດເຊື້ອພະຍາດປອດອັກເສບໂຄວິດ-19 ໄດ້ໃຫ້ຄວາມຮ່ວມມືກັບລັດ ໃນການກັກຕົວຕິດຕາມຕົນເອງ-ຈຳກັດບໍລິເວນໂຕເອງ14 ວັນ ເພື່ອຕິດຕາມອາການຂອງຕົນເອງ. 2. …

ເມື່ອວັນທີ 25 ມີນາ (ມື້ວານນີ້) เดลีเมล์ ລາຍງານວ່າ ເກີດກະແສຄວາມຄວາມແຕກຕື່ນໃນເຄືອຂ່າຍສັງຄົມ Online ປະເທດຈີນອີກຄັ້ງ ເມື່ອເກີດເຫດພົບຜູ້ໂດຍສານເທິງລົດຂົນສົ່ງມວນຊົນເສຍຊີວິດຄາທີ່ ໃນຂະນະທີ່ກໍາລັງເດີນທາງໄປເຮັດວຽກທີ່ ມົນທົນຊານຕົງ ພາກຕາເວັນອອກຂອງ ຈີນ ເຊິ່ງມີອາການຄ້າຍຄືກັບ ຜູ້ຕິດເຊື້ອ ໂຄວິດ-19. ຜົນຈາກການຊັນນະສູດສົບພົບວ່າ ຜູ້ເສຍຊີວິດບໍ່ໄດ້ຕິດເຊື້ອ ໂຄວິດ-19 ແຕ່ພົບເຊື້ອໄວຣັສ ຮັນທາ ແຕ່ມີອາການຄ້າຍຄືກັບ ໄວຣັສໂຄໂຣນ່າປີ 2019 ແຕ່ມີຄວາມຮຸນແຮງຫຼາຍກວ່າ… ຈາກເຫດການດັ່ງກ່າວ ກໍໄດ້ສ້າງຄວາມແຕກຕື່ນໄປທົ່ວໂລກ Online ຈີນ ແລະ #hantavirus ໄດ້ມີຜູ້ຄົນໃຫ້ຄວາມສົນໃຈເປັນຈໍານວນຫຼວງຫຼາຍ; ແຕ່ຈາກການຢືນຢັນຂອງຜູ້ຊ່ຽວຊານວ່າ ໄວຣັສຮັນທາ ບໍ່ແມ່ນໄວຣັສຊະນິດໃໝ່ ແຕ່ເປັນໄວຣັສທີ່ມີ ໂຕໜູ ເປັນພາຫະນະນໍາເຊື້ອ ແລະ ມີໂອກາດຕິດຕໍ່ສູ່ມະນຸດຕໍ່າຫຼາຍ ແຕ່ມີອັດຕາການເສຍຊີວິດສູງຖ້າຕິດເຊື້ອ ເຖິງ 100 ລະ 38. ແພດຍິງ ສຸໄມຍາ ໄຊຄ໌ ຜູ້ຊ່ຽວຊານຈາກ …

ເມື່ອວັນທີ 24 ມີນາ 2020 ທີ່ຜ່ານມາ ທາງການໄດ້ອອກຖະແຫຼງການວ່າ ປະເທດລາວເຮົາມີຈໍານວນຜູ້ຕິດເຊື້ອທໍາອິດ 2 ຄົນ ເຊິ່ງເປັນເພດຍິງ 1 ຄົນ ທີ່ເປັນໄກ້ທົວ ແລະ ເພດຊາຍອີກ 1 ຄົນ ເປັນພະນັກງານຢູ່ໂຮງແຮມ ຄຣາວພາຊາ…ເຊິ່ງປັດຈຸບັນທັງສອງ ກໍກຳລັງເຂົ້າຮັກສາຕົວຢູ່ທີ່ໂຮງໝໍ…  ເຊິ່ງເຮົາຮູ້ກັນຢູ່ແລ້ວວ່າ ພະຍາດລະບາດດັ່ງກ່າວຄົນທີ່ຢູ່ໃກ້ຕົວຂອງຜູ້ຕິດເຊື້ອແນ່ນອນວ່າມີໂອກາດສ່ຽງສູງຫຼາຍທີ່ຈະຕິດເຊື້ອ ແລະ ມີຄົນຈໍານວນໜື່ງທີ່ຜູ້ໃກ້ຊິດຜູ້ຕິດເຊື້ອໄດ້ກັກຕົວເອງໄວ້ເພື່ອຕິດຕາມອາການ.  ຫຼັງຈາກຄົນຢູ່ໃນສັງຄົມໄດ້ຮັບຮູ້ແຈ້ງການດັ່ງກ່າວແລ້ວ  ບາງກຸ່ມຄົນກໍພາກັນແຕກຕື່ນ ແລະ ມີບາງກຸ່ມທີ່ຍັງມີສະຕິ!  ສິ່ງທີ່ຕາມນັ້ນກໍຄືມຸມມອງຂອງສັງຄົມບາງກຸ່ມຄົນທີ່ພາກັນຕີຄວາມໝາຍຂອງຜູ້ຕິດເຊື້ອໄປຕ່າງໆນາໆ ມີທັງດ້ານດີ ແລະ ດ້ານລົບ ບາງກຸ່ມກໍເຂົ້າມາໃຫ້ກຳລັງໃຈຜ່ານ  Social ແລະ ຮ່ວມໃຈກັນປ້ອງກັນ-ຕ້ານພະຍາດລະບາດດັ່ງກ່າວ  ແຕ່ບາງກຸ່ມຄົນກໍເຂົ້າມາເວົ້າໄປໃນທາງລົບ, ລັງກຽດ… ໂດຍບໍ່ນຶກເຖິງຈິດໃຈຂອງຜູ້ຕິດເຊື້ອ ແລະ ກຸ່ມຜູ້ຕ້ອງສົງໄສວ່າພວກເຂົາເຫຼົ່ານັ້ນຮູ້ສຶກແນວໃດ? ແລະຫຼ້າສຸດກໍມີຜູ້ໃຊ້ເຟສບຸກຄົນໜື່ງ ທີ່ຢູ່ໃກ້ຊິດຜູ້ຕິດເຊື້ອ COVID-19 ທີ່ຜ່ານມາ  ໄດ້ມາໂພສໃຫ້ຂໍ້ຄິດຜ່ານເຟສບຸກສ່ວນຕົວວ່າ: “ຂໍຂອບໃຈ ໃນມື້ທີໄດ້ຍິນຂ່າວ ຂ້ອຍເປັນຄົນ 1 ທີ່ຢູ່ນໍາຜູ້ຕິດເຊື້ອຄືນວັນທີ …