ຕໍ່ເນື່ອງກັບສະພາບການແຜ່ລະບາດຂອງພະຍາດລະບາດ ໂຄວິດ-19 ເຊິ່ງປັດຈຸບັນນີ້ກຳລັງແຜ່ລະບາດໄປທົ່ວທຸກພື້ນທີ່ຂອງໂລກ ໄດ້ສົ່ງຜົນໃຫ້ຄົນຕິດເຊື້ອ ແລະ ເສຍຊີວິດເພີ່ມຂຶ້ນທຸກມື້   ເຖິງແມ່ນວ່າປະເທດລາວເຮົາຍັງບໍ່ທັນມີຄົນຕິດເຊື້ອກໍຕາມ ແຕ່ພວກເຮົາກໍບໍ່ໄດ້ຖືເບົາ ເພາະປັດຈຸບັນນີ້ທາງພາກລັດກໍໄດ້ມີມາດຕະການຫຼາຍຢ່າງອອກມາເພື່ອສະກັດກັ້ນ ແລະ ຕ້ານພະຍາດດັ່ງກ່າວໂດຍມີການສັ່ງຫ້າມໂຈະຈັດງານສັງສັນ, ງານທີ່ມີຄົນຊຸມນຸມ, ງານດອງ, ພັກການຮຽນ-ການສອນຊົ່ວຄາວ…  ຕອນນີ້! ຫຼາຍຄົນຫຼາຍພາກສ່ວນກໍໄດ້ສຸມໃສ່ປ້ອງກັນພະຍາດລະຍາດຢ່າງໜັັກໜ່ວງບໍ່ວ່າຈະເປັນທັງໂຮງຫມໍ, ຫນ່ວຍທີມງານກູ້ໄພ… ທີ່ຢູ່ເກືອບທຸກແຂວງທົ່ວປະເທດລາວ ເຊິ່ງພາກສ່ວນນີ້ຖືວ່າເຮັດວຽກເກືອບຕະຫຼອດ 24 ຊົ່ວໂມງ!ເພື່ອກຽມພ້ອມກັບພະຍາດລະບາດດັ່ງກ່າວ…     ຂວັນໃຈ ເຫັນທຸກພາກສ່ວນໄດ້ຮ່ວມແຮງຮ່ວມໃຈສາມັກຄີຊ່ວຍເຫລືອກັນໃນຍາມທີ່ບ້ານເມືອງສູ້ກັບວິກິດແບບນີ້ ກໍຮູ້ສຶກດີໃຈ ແລະ ຊົມເຊີຍມາຍັງທຸກຄົນ-ທຸກພາກສ່ວນ ໂດຍສະເພາະກໍຂໍເປັນກຳລັງໃຈໃຫ້ອ້າຍນ້ອງກູ້ໄພ ແລະ ນັກຮົບຊຸດຂາວຂອງພວກເຮົານັ້ນກໍຄືທີມແພດໝໍ…ທີ່ສະຫຼະຊີວິດສ່ວນຕົວເພື່ອຊ່ວຍເຫຼືອສັງຄົມເຮົາ! ຂອບໃຈຮູບພາບຈາກ: saokai jaijaohude ໜ່ວຍກູ້ໄພ ສະຫວັນນະເຂດ Savannakhet Rescue

ນາທີນີ້ ເຖິງວ່າບັນດາແບຣນແຟຊັ່ນເກືອບທົ່ວໂລກຈະໄດ້ຮັບຜົນກະທົບໃນວິກິດໂລກ Covid-19 ແລະ ບໍ່ມີໃຜສາມາດຄາດເດົາໄດ້ວ່າຈະມີຫຍັງເກີດຂື້ນຕໍ່ໄປ. ແຕ່ສິ່ງໜຶ່ງທີ່ສົມຄວນຍົກຍ້ອງແມ່ນ ໃນສະຖານະການທີ່ມີຄວາມກົດດັນ ຫຼາຍແບຣນໄດ້ຊອກຫາວິທີທີ່ຈະຊ່ວຍເຫຼືອສັງຄົມ ບໍ່ພຽງແຕ່ໃຫ້ເປັນເງິນເທົ່ານັ້ນ ເພາະເມື່ອບໍ່ດົນມານີ້ ທາງຮ້ານເຄື່ອງແຕ່ງກາຍທີ່ມີຊື່ສຽງຂອງປະເທດສະເປນ ຄື Pronovias ໄດ້ອອກມາປະກາດວ່າ ຕົນໄດ້ລິເລີ່ມໂຄງການມອບຊຸດແຕ່ງງານຟຣີໃຫ້ແກ່ພະນັກງານໂຮງ ໝໍ ໃນທົ່ວໂລກ. ທີ່ໄດ້ອຸທິດຊີວິດເພື່ອຊ່ວຍເຫຼືອວິກິດ Covid-19 ສໍາລັບໂຄງການນີ້ຈະມີການນໍາເອົາ Collection ຊຸດແຕ່ງງານພິເສດຂຶ້ນມາຊື່  The Heroes Collection ເຊິ່ງທໍາອິດແມ່ນຈະມອບໃຫ້ແກ່ເຈົ້າໜ້າທີ່ໃນປະເທດຈີນເທົ່ານັ້ນ ແຕ່ໃນເມື່ອ Covid-19 ໄດ້ມີການແຜ່ລະບາດໄປທົ່ວໂລກ ທາງ Pronovias ຈຶ່ງຕັດສິນໃຈຂະຫຍາຍໄປຍັງເມືອງທີ່ຕົນເອງມີສາຂາຢູ່ ບໍ່ວ່າຈະເປັນ ມີລານດ ປາຣີສ, ລອນດອນ, ນິວຢອກ ຫຼືບາເຊໂລນາ ໃນປະເທດບ້ານເກີດຂອງແບຣນ ໂດຍເຈົ້າໜ້າທີ່ໂຮງໝໍຍິງທຸກຄົນ ບໍ່ວ່າຈະເປັນແພດໝໍ, ພະຍາບານ, ແມ່ບ້ານທໍາຄວາມສະອາດ ຫຼືພະນັກງານໂຮງອາການຂອງໂຮງໝໍ ສາມາດໄປຂໍໃຊ້ສິດໄດ້ພາຍໃນວັນທີ 31 ສິງຫານີ້…  Amandine Ohayon ທີ່ໄດ້ຮັບຕໍາແໜ່ງ Chief Executive Officer …

ລູກນໍ້າ ທິດາລັດ ລາດາ ນັກສະແດງ ຊຸບຕາອັນດັບຕົ້ນໆຂອງປະເທດລາວ ເປັນດາລາສາວອີກຄົນທີ່ບໍ່ມີດີພຽງໜ້າຕາແຕ່ເຕັມໄປດ້ວຍຄວມຮູ້ຄວາມສາມາດທີ່ຫຼາກຫຼາຍ ແລະ ມີຜົນງານອອກມາໃຫ້ເຮົາໄດ້ເຫັນກັນຢູ່ເລື້ອຍໆບໍ່ວ່າຈະເປັນງານເດີນແບບ ຮູບເງົາ, ລະຄອນ ແລະ ພີເຊັນເຕີ…  ຜ່ານມາລູກນໍ້າຍັງໄດ້ມີໂອກາດໄປຮ່ວມງານການສະແດງຢູ່ປະເທດເພື່ອນບ້ານເຮົານັ້ນກໍຄືປະເທດໄທບໍ່ວ່າຈະເປັນ ລະຄອນ ດອກຄູນສຽງແຄນ ທີ່ອອກອາກາດທາງຊ່ອງ GMM25 ແລະ ຜົນງານອື່ນໆອີກຫຼາກຫຼາຍ!!!    ນອກຈາກນີ້ລູກນໍ້າຍັງເປັນອີກໜື່ງດາລາສາວທີ່ມັກຊ່ວຍເຫຼືອສັງຄົມເຮົາຕະຫຼອດມາ ແລະເຮົາຈະມັກເຫັນລູກນໍ້າສ້າງໂຄງການຊ່ວຍເຫຼືອຕ່າງໆຂຶ້ນມາເພື່ອຊ່ວຍເຫຼືອສັງຄົມເຊັ່ນ ຊ່ວຍເຫຼືອນັກຮຽນທີຢູ່ເຂດຊົນນະບົດ, ໂຮງໝໍ… ເອີ້ນໄດ້ວ່າເປັນດາລາສາຍບຸນອີກໜື່ງຄົນເລີຍກໍວ່າໄດ້!  ເຊິ່ງປັດຈຸບັນປະເທດລາວເຮົາກໍເປັນອີກໜື່ງປະເທດທີ່ກຳລັງປະເຊີນກັບການຕ້ານໂລກລະບາດພະຍາດ COVID-19 ແນ່ນອນວ່າທຸກຄົນລ້ວນແຕ່ປ້ອງກັນຕົວເອງເພື່ອບໍ່ໃຫ້ພະຍາດດັ່ງກ່າວມາແຊກຊ້ອນໄດ້ ແລະ ໜື່ງສິ່ງທີ່ຈໍາເປັນ ແລະ ສໍາຄັນ ໃນການປ້ອງກັນຕົນເອງນັ້ນກໍຄືຜ້າປິດປາກ ແລະ ກຳລັງເປັນທີ່ຕ້ອງການຂອງທຸກພາກສ່ວນຢູ່ໃນສັງຄົມໂດຍສະເພາະແມ່ນແພດໝໍ… ຜ່ານມາສາວລູກນໍ້າກໍໄດ້ນໍາເອົາຜ້າປິດປາກຈໍານວນໜື່ງໄປບໍລິຈາກໃຫ້ທີມແພດຈໍານວນໜື່ງ! ແນ່ນອນຍັງຫຼາຍແຫ່ງທີ່ຍັງຕ້ອງການ ຫຼ້າສຸດສາວລູກນໍ້າກໍໄດ້ອອກມາໂພສຜ່ານເພສສ່ວນຕົວວ່າ:   “ຕອນນີ້ຜ້າປິດປາກທີ່ແຈກໄປກີ້ນີ້ຫມົດແລ້ວ ບໍ່ພຽງພໍຕໍ່ ແພດຫມໍ ພະຍາບານ ຫລື ນັກສຶກສາແພດ….? ບາງຄົນກາບອກວ່າ ຕ້ອງການດ່ວນເພາະຂາດມາເປັນເດືອນແລ້ວ ບາງຄົນກາໃຊ້ 1 ແຜ່ນ ໃຊ້ …

ຫຼັງຈາກສ້າງປະເດັນທີ່ເປັນກະແສຢູ່ໝົດມື້ສໍາລັບ ດຣາມ່າ ເລື່ອງຜູ້ປະກາດຂ່າວຊື່ດັງຂອງປະເທດໄທ ທີ່ມີການລາຍງານຂ່າວ “Covid-19” ແແຕ່ເບິ່ງໄປໃນທາງບໍ່ຄ່ອຍດີຕໍ່ກັບປະເທດລາວ ຈົນເຮັດໃຫ້ຄົນລາວເກີດຄວາມບໍ່ພໍໃຈ ແລະ ເກີດກະແສວິພາກວິຈານກັນຢ່າງຫຼວງຫຼາຍ… ແຕ່ຫຼ້າສຸດທາງໂທລະພາບຊ່ອງ One31 ກໍໄດ້ມີການອອກມາຂໍໂທດ ແລະ ສະແດງຄວາມເສຍໃຈຕໍ່ປະເທດລາວ ຕໍ່ກັບເຫດການທີ່ເກີດຂຶ້ນ ແລະ ທາງຜູ້ປະກາດຂ່າວຄົນດັ່ງກ່າວ ກໍໄດ້ອອກມາຍອມຮັບຜິດ ແລະ ເຂົ້າໄປຂໍໂທດກັບທາງ ສະຖານທູດລາວ ປະຈໍາປະເທດໄທ ດ້ວຍຕົນເອງ ເຖິງກໍລະນີດັ່ງກ່າວແລ້ວ… ເມື່ອເຫດການເປັນແບບນີ້ແລ້ວຄົນລາວເດວ່າແນວໃດ ຄົນຜິດກໍອອກມາຮັບຜິດຊອບ ແລະ ອອກມາຂໍໂທດແລ້ວ ຈັ່ງໃດກໍພິຈາລະນາຕາມທີ່ຄວນກະແລ້ວກັນເນາະ!!!   ຮູບຈາກ: YoulikeLao

ໃນໄລຍະການແຜ່ລະບາດຂອງເຊື້ອຈຸລາໂລກສານພັນໃໝ່ ຫຼື Covid-19 ເມື່ອ 3-4 ເດືອນທີ່ຜ່ານມານີ້ ຈົນມາຮອດປັດຈຸບັນເຊື້ອພະຍາດດັ່ງກ່າວແມ່ນໄດ້ແຜ່ລາມໄປເກືອບທົ່ວທຸກມຸມໂລກ ລວມທັງບັນດາປະເທດອ້ອມຂ້າງເຮົາກໍໄດ້ອອກມາປະກາດແລ້ວວ່າ ມີຄົນຕິດເຊື້ອໄປແລ້ວບໍ່ໜ້ອຍ… ສ່ວນປະເທດລາວເຮົາ ຫຼ້າສຸດ ທາງກະຊວງສາທາລະນະສຸກກໍໄດ້ອອກມາແຈ້ງການແລ້ວວ່າ ພົບກໍລະນີສົງໄສຫຼາຍກໍລະນີ ແຕ່ຍັງບໍມີຍອດຜູ້ຕິດເຊື້ອເທື່ອ!! ຈາກເຫດການນີ້ເຮັດໃຫ້ສັງຄົມມີຄໍາຖາມເກີດຂຶ້ນຫຼາກຫຼາຍວ່າ ທີ່ບ້ານເຮົາບໍ່ມີຍອດຜູ້ຕິດເຊື້ອບໍ່ແມ່ນຍ້ອນເຄື່ອງກວດບໍ່ທັນສະໄໝບໍ? ຍ້ອນແພດໝໍບ້ານເຮົາຍັງບໍ່ເກັ່ງພໍບໍ? ຫຼືຍ້ອນຄວາມບໍ່ເອົາໃຈໃສ່ຂອງທາງຂັ້ນເທີງ? ເຊິ່ງມື້ນີ້ ຂວັນໃຈກໍຈະພາທຸກຄົນໄປຕອບຄໍາຖາມນໍາກັນ ໂດຍເປັນການເປີດພາບ ແລະ VDO ໃນຫ້ອງ Lab ທີ່ໃຊ້ໄວ້ກວດຫາເຊື້ອພະຍາດດັ່ງກ່າວ ເຊິ່ງຈະເຫັນວ່າມີຄວາມທັນສະໄໝ, ແພດໝໍມີຄວາມພ້ອມ ແລະ ຄຸ້ນຄ້ຽວໃນການເຮັດຢ່າງໜັກ ເພື່ອປະຊາຊົນຄົນລາວ… ທຸກຄົນ ຖ້າໄດ້ເຫັນຮູບພາບ ແລະ VDO ທີ່ຢູ່ດ້ານລຸ່ມນີ້ແລ້ວ ຫວັງວ່າທຸກຄົນຄົງຈະກະຈ່າງແຈ້ງກ່ຽວກັບບັນດາຄໍາຖາມຕ່າງໆ ແລ້ວຫັນມາໃຫ້ກໍາລັງໃຈບັນດາແພດໝໍຜູ້ຢູ່ເບື້ອງໜ້າ ພ້ອມທັງປະຕິບັດຕາມມາດຕະການທັງຫຼາຍທີ່ທາງຂັ້ນເທິງໄດ້ວາງອອກ ເພືື່ອອໍານວຍຄວາມສະດວກໃນການປະຕິບັດໜ້າທີ່ຂອງພວກເພິ່ນດ້ວຍ!! ເປັນກໍາລັງໃຈໃຫ້ແພດໝໍທຸກທ່ານເດີ້!! https://www.facebook.com/pakaad/videos/1061570677538207/?t=4 ຂອບໃຈທີ່ມາ: ປະກາດ