ງານສະເຫຼີມສະຫຼອງວັນຄຣິສມາສ Wonderland ໄດ້ຖືກຈັດຂຶ້ນເປັນຄັ້ງທໍາອິດ, ຈັດຂຶ້ນໂດຍທາງສະພານັກຮຽນຊັ້ນມັດທະຍົມຕອນປາຍຂອງ ໂຮງຮຽນ ນານາຊາດ ປັນຍາທິບ, ໃນວັນທີ 7 ທັນວາ ທີ່ ໂຮງຮຽນ ນານາຊາດ ປັນຍາທິບ, ວິທະຍາເຂດຊັ້ນມັດທະຍົມ, ສະພານທອງ, ນະຄອນຫຼວງວຽງຈັນ ໃນເວລາ 6 ໂມງແລງ, ໄດ້ມີ ‘ການສະເຫຼີມສະຫຼອງງານດັ່ງກ່າວໂດຍການເປີດໄຟແສງສີ’ ຢ່າງເປັນທາງການ,​ ກ່າວເປີດງານໂດຍທ່ານນາງ ປາດຖະໜາ ປັນຍາທິບ, ຜູ້ອໍານວຍການ ແລະ ຜູ້ກໍ່ຕັ້ງໂຮງຮຽນ ນານາຊາດ ປັນຍາທິບ ເປັນຜູ້ເປີດໄຟຕົ້ນຄຣິສມາສທີ່ມີຄວາມສູງ 10 ແມັດ ແລະ ໄຟແສງສີອື່ນໆທີ່ມີຄວາມຍາວ 6.5 ກິໂລ ທົ່ວງານ. ມີຜູ້ເຂົ້າຮ່ວມງານຫຼາຍກ່ວາ 1,400 ຄົນ. ງານຄັ້ງນີ້, ຈັດຂຶ້ນກໍເນື່ອງໃນໂອກາດວັນຄຣິສມາສ ທີ່ກໍາລັງຈະມາຮອດມາເຖິງນີ້, ໄດ້ມີຕະຫຼາດນັດ ມີສິນຄ້າຫຼາກຫຼາຍຢ່າງມາວາງສະແດງໃຫ້ເລືອກຊົມ ແລະ ເລືອກຊື້. ງານດັ່ງກ່າວໄດ້ກາຍເປັນບ່ອນທ່ຽວຊົມທີ່ໜ້າສົນໃຈຫຼາຍສໍາລັບຄອບຄົວ ລວມທັງມີຕະຫຼາດຄຣິສມາສ, …

ກໍາລັງເປັນຂ່າວດັງ!!!  ນາຍົກລັດຖະມົນຕີ (ຍິງ) ຄົນໃໝ່ຂອງ ຟີນແລນ ເປັນນາຍົກທີ່ອາຍຸນ້ອຍທີ່ສຸດໃນໂລກ ດ້ວຍອາຍຸພຽງ 34 ປີ… ສະແດງໃຫ້ເຫັນເຖິງ “ຄວາມເທົ່າທຽມຢ່າງແທ້ຈິງ” ເມື່ອຄວາມເທົ່າທຽມລະຫວາງຍິງ-ຊາຍ ຖືກນໍາອອກມາໃຊ້ຢ່າງແທ້ຈິງ ແມ່ຍິງກໍສາມາດສະແດງຄວາມສາມາດຂອງຕົນເອງໄດ້ຢ່າງເຕັມທີ່  ໃຫ້ສັງຄົມ ແລະ ໂລກໄດ້ເຫັນເຖິງສັກກະນາພາບ ແລະ ຄວາມສາມາດທີ່ບໍ່ໄດ້ດ້ອຍໄປກວ່າຜູ້ຊາຍໃນທຸກເລື່ອງ ຄືດັ່ງຍິງສາວ ຊາວຟີນແລນຄົນນີ້ ທີ່ໄດ້ຂຶ້ນຊື່ວ່າເປັນ ນາຍົກລັດຖະມົນຕີທີ່ອາຍຸນ້ອຍທີ່ສຸດໃນໂລກ… ເຊິ່ງຍິງສາວຄົນນັ້ນ ທ່ານມີຊື່ວ່າ ທ່ານ ນາງ ຊານນາ ມາຣິນ ອາຍຸ 34 ປີ ຈາກພັກສັງຄົມປະຊາທິປະໄຕ ໄດ້ຮັບການສະເໜີຊື່ເມື່ອວັນອາທິດທີ 8 ທີ່ຜ່ານມາ ໃຫ້ເປັນນາຍົກລັດຖະມົນຕີຄົນໃໝ່ຂອງ ປະເທດ ຟີນແລນ ເຊິ່ງທ່ານໄດ້ເປັນນາຍົກທີ່ອາຍຸນ້ອຍທີ່ສຸດໃນໂລກ. ໂດຍທ່ານໄດ້ກ່າວວ່າ “ຂ້ອຍບໍ່ເຄີຍຄິດເຖິງເລື່ອງອາຍຸ ຫຼືເພດ, ຂ້ອຍຄິດເຖິງແຕ່ເຫດຜົນທີ່ເຂົ້າມາສູ່ວົງການ ການເມືອງ ແລະ ສິ່ງຕ່າງໆທີ່ໄດ້ຮັບຄວາມເຊື່ອຖືຈາກຜູ້ມີສິດເລຶອກຕັ້ງ. ພວກເຮົາຕ້ອງເຮັດວຽກຢ່າງໜັກໃນການສ້າງຄວາມເຊື່ອໝັ້ນຂອງລັດຖະບານໃຫ້ກັບຄືນມາ” ແລະ ໃນຂະນະດຽວກັນ ທ່ານ …

ນໍ້າຕາຊຶມ!!! ນາທີເພງຊາດລາວດັງກ້ອງເທິງເວທີໂລກ ຫຼັງນັກກິລາລາວຄວ້າຫຼຽນຄໍາເປັນຄັ້ງປະຫວັດສາດ ໃນກິລາຊີເກມ ປະເທດ ຟີລິບປີນ… ຖຸືເປັນຂ່າວດີທີ່ສຸດສາລັບຄົນລາວທັງປະເທດໃນຕອນນີ້ ແລະ ທັງເປັນຂ່າວດີໃນວົງການກິລາລາວເຮົາ ເມື່ອນັກກິລາ ຄິກບ໊ອກຊິ້ງ (Kickboxing) ທີມຊາດລາວ ນ້ອງໂອ ສຸກັນ ໄຕປັນຍາວົງ ໄປແຂ່ງຂັນໃນງານ ມະຫະກໍາກິລາຊີເກມ ທີ່ປະເທດ ຟີລິບປີນ ແລະ ສາມາດຍາດໄດ້ຫຼຽນຄໍາມາໄດ້ ເປັນຄັ້ງທໍາອິດ ແລະ ຄັ້ງປະຫວັດສາດຂອງວົງການກິລາບ້ານເຮົາ!!! ແລະ ນາທີທີ່ເພງຊາດລາວດັງກ້ອງກັງວານເທິງເວທີໂລກ ທຸກຄົນຕ່າງນໍ້າຕາຊຶມດ້ວຍຄວາມດີໃຈທີ່ຫາໃສປຽບບໍ່ໄດ້ ເພາະມັນເປັນການສະແດງໃຫ້ເຫັນເຖິງຄວາມສາມາດຂອງນັກກິລາວ ກໍຄືຄົນລາວເຮົາທີ່ບໍ່ໄດ້ດ້ອຍໄປກວ່າຊາດອື່ນເລີຍ… https://www.facebook.com/tholakhong/videos/589104431900653/?t=45 ເຊິ່ງນັກກິລາລາວ ໄດ້ລົງແຂ່ງຂັນໃນຮອບຮອງຊະນະເລີດ 4 ຄົນ, ໃນນັ້ນ ມີຄົນໜຶ່ງຜ່ານເຂົ້າສູ່ຮອບຊິງຊິນະເລີດ (ຊິງຫຼຽນຄໍາ) ແລະ ສາມາດຍາດໄດ້ຫຼຽນຄໍາໄດ້ໃນຄັ້ງນີ້ ແນວໃດກໍຂໍສະແດງຄວາມຍິນດີ ແລະ ເປັນກໍາລັງໃຈໃຫ້ນັກກິລາລາວທຸກຄົນ ທັງຜູ້ທີ່ຍາດໄດ້ຫຼຽນ ແລະ ຜູ້ທີ່ບໍ່ສາມາດຍາດໄດ້ ເພາະທຸກຄົນປະຕິບັດໜ້າທີ່ຕົນເອງໄດ້ດີທີ່ສຸດແລ້ວ!!! ຂອບໃຈຮູບພາບ ແລະ ວີດີໂອຈາກ: …

ຍິ່ງຮູ້ຈັກຍິ່ງຮັກນາງ!!! Zozibini Tunzi ນາງງາມຈັກກະວານຄົນທີ 68 ຂອງໂລກ! ສາວງາມຕົວແທນຈາກປະເທດ ອາຟຣິກາໃຕ້… ກໍາລັງເປັນຂ່າວດັງ ແລະ ເປັນກະແສຢູ່ໃນຕອນນີ້ ຫຼັງຈາກການປະກວດ  Miss Universe 2019 ສິ້ນສຸດລົງ; ຜົນການຕັດສິນອອກມາຢ່າງເປັນທາງການວ່າ ຜູ້ທີ່ໄດ້ຮັບຕໍາແໜ່ງ Miss Universe ປະຈໍາປີ 2019 ຫຼຶ້ນາງງາມຈັກກະວານຄົນທີ 68 ຂອງໂລກນັ້ນໄດ້ແກ່ Zozibini Tunzi ເປັນສາວຜິວສີຕົວແທນຈາກ ປະເທດ ອາຟຣິກາໃຕ້… ເຊິ່ງຫຼັງຈາກພິທີກອນປະກາດຊື່ຂອງນາງກ້ອງຂຶ້ນເທິງເວທີ ທຸກຄົນທົ່ວໂລກຕ່າງເວົ້າເປັນສຽງດຽວກັນວ່າ “ເໝາະສົມແລ້ວກັບຕໍາແໜ່ງນາງງາມຈັກກະວານ” ເພາະຟັງຈາກການຕອບຄໍາຖາມໃນຮອບຕັດສິນບອກໄດ້ເລີຍວ່າ ບໍ່ມີໃຜເໝາະສົມເທົ່າກັບນາງອີກແລ້ວ! ນອກຈາກນັ້ນນາງຍັງເປັນນາງງາມອີກຄົນໜຶ່ງທີ່ມີຄວາມສາມາດອີກຄົນໜຶ່ງເລີຍແຫຼະ!!! ເຊີິ່ງມື້ນີ້ ຂວັນໃຈ ກໍຈະພາສາວໆໄປທໍາຄວາມຮູ້ຈັກກັບ Zozibini Tunzi ຫຼາຍຂຶ້ນ ແລ້ວທຸກຄົນຈະຮັກນາງຂຶ້ນໄປອີກຢ່າງແນ່ນອນ… Zozibini Tunzi ເກີດເມື່ອວັນທີ 18 ກັນຍາ 1993 ໄວ 26 ປີ  …

ຍັງເປັນທີ່ 1 ໃນໃຈຄົນລາວສະເໝີ!!! ເມ ວິຈິດຕາ MISS UNIVERSE LAOS 2019 ພູມໃຈທີ່ໄດ້ນໍາສະເໜີຄວາມເປັນລາວ ສູ່ເວທີໂລກ… ຈົບລົງໄປເປັນທີ່ຮຽບຮ້ອຍແລ້ວ ສໍາລັບການປະກວດ MISS UNIVERSE ນາງງາມຈັກກະວານໂລກ ທີ່ມີນາງງາມຕົວແທນເກືອບ 100 ປະເທດເຂົ້າຮ່ວມປະກວດໃນຮອບຕັດສິນ ວັນທີ 9 ທັນວາ 2019 ທີ່ປະເທດ ສະຫະລັດອາເມຣິກາ ເຊິ່ງຜົນການຕັດສິນກໍໄດ້ອອກມາຢ່າງເປັນເອກະສັນແລ້ວວ່າ ສາວງາມຜູ້ຄວ້າມຸງກຸດອັນຊົງກຽດຈາກເວທີໂລກ MISS UNIVERSE ປະຈໍາປີ 2019 ນີ້ແມ່ນໄດ້ແກ່ Miss Zozibini Tunzi ຕົວແທນຈາກ ອາຟຣິກກາໃຕ້ ເຊິ່ງຫຼັງຈາກທີ່ໄດ້ຮັບຕໍາແໜ່ງ ທຸກຄົນທຸກປະເທດທົ່ວໂລກ ກໍສະແດງຄວາມຍິນດີ ແລະ ເວົ້າເປັນສຽງດຽວກັນວ່າ “ເໝາະສົມທີ່ສຸດແລ້ວ” ລວມທັງແອັດມິ້ນເອງກໍໄດ້ຮ່ວມສະແດງຄວາມຍິນດີນໍາກັບນາງຫຼາຍໆເດີ້!!! ສ່ວນທາງດ້ານ ສາວເມ ວິຈິດຕາ ພອນວິໄລ ນາງງາມຕົວແທນປະເທດລາວເຮົາທີ່ໄດ້ເດີນທາງໄປປະກວດໃນເວທີລະດັບໂລກນີ້ ເຊິ່ງຄົນລາວເຮົາທັງປະເທດກໍໄດ້ສົ່ງກໍາລັງໃຈໄປເຊຍແບບສຸດໃຈ ແລະ ສາວເມ ເອງກໍໄດ້ປະຕິບັດໜ້າທີ່ຂອງຕົນເອງໄດ້ດີທີ່ສຸດໃນການນໍາສະເໜີຄວາມເປັນລາວ ສູ່ເວທີສາກົນໃນຄັ້ງນີ້ ແລະ …