Skin care

8 ວິທີແກ້ຂີ້ແຮ້ດຳແບບທຳມະຊາດ… ສະບາຍດີ ສາວໆ ພວກເພິ່ນກຳລັງມີບັນຫາ ແລະ ບໍ່ມີຄວາມໜັ້ນໃຈ ກ່ຽວກັບ ຂີ້ແຮ້ ຢູ່ແມ່ນບໍ່ ເພາະບາງຄົນອາດຈະມີບັນຫາເລື່ອງຂີ້ແຮ້ດຳ ແລະ ບາງຄົນກໍມີບັນຫາເລື່ອງຂີ້ແຮ້ເປັນຕຸ່ມບໍ່ລຽບນຽນ, ດັ່ງນັ້ນມື້ນີ້ທາງ ຂວັນໃຈ ເຮົາໄດ້ໄປຊອກເອົາວິທີເດັດໆເພື່ອເຮັດໃຫ້ຂີ້ແຮ້ຂາວ ແລະ ລຽບນຽນ ເພື່ອຈະໄດ້ໂຊກ້ອງແຂນໄດ້ຢ່າງໝັ້ນໃຈ!!! ໝາກນາວ ເອົາໝາກນາວສົດມາຝານເປັນປ່ຽງເອົາແກ່ນອອກໃຫ້ຮຽບຮ້ອຍ ຈາກນັ້ນເອົາປ່ຽງໝາກນາວຖູເບົາໆບໍລິເວນຂີ້ແຮ້ແລ້ວປະໄວ້ປະມານ 5-10 ນາທີແລ້ວລ້າງອອກ ເມຶ່ອເຮັດເປັນປະຈຳເຊວຜິວເກົ່າທີ່ຕາຍແລ້ວຈະຫຼຸດອອກ ຈະເຮັດໃຫ້ຜິວໜັງໃຕ້ວົງແຂນຂາວງາມອອກງ່າຍໆ. ໝາກຂາມປຽກ ເອົາໝາກຂາມປຽກມາປະສົມກັບນ້ຳທີ່ສະອາດ ຄັ້ນໃຫ້ເປັນເນື້ອດຽວຈາກນັ້ນປະສົມນ້ຳເຜິ້ງລົງໄປໜ້ອຍໜຶ່ງຄົນໃຫ້ເຂົ້າກັນແລ້ວໃຫ້ເອົາມາພອກແລະຂັດເບົາໆບ່ອນກ້ອງວົງແຂນປະໄວ້ປະມານ 5-10 ນາທີແລ້ວລ້າງອອກເຮັດເປັນປະຈຳ ຈະຊ່ວຍກຳຈັດຜິວໜັງບໍລິເວນຂີ້ແຮ້ທີ່ດຳໃຫ້ຂາວງາມຂຶ້ນ. ໝາກຫຸ່ງ ເອົາໝາກຫຸ່ງເຫຼືອງທີ່ຍັງບໍ່ສຸກມາປອກເປຶອກແລ້ວຝານອອກເປັນປ່ຽງ ຈາກນັ້ນເອົາໝາກຫຸ່ງມາຖູຂີ້ແຮ້ ປະມານ 5-10 ນາທີແລ້ວລ້າງອອກເຮັດເປັນປະຈຳທຸກມື້ ເອັນໄຊຂອງໝາກຫຸ່ງຈະຊ່ວຍເຮັດໃຫ້ຂີ້ແຮ້ຂາວຂຶ້ນໄດ້. ມັນຝຣັ່ງ ເອົາມັນຝຣັ່ງມາປອກເປືອກອອກແລ້ວຊອຍເປັນຕອນນ້ອຍໆ ຈາກນັ້ນເອົາໄປຟັກ ຫຼື ປັ່ນໃຫ້ລະອຽດ ແລ້ວເອົາມາພອກບໍລິເວນຂີ້ແຮ້ປະໄວ້ປະມານ 5-10 ນາທີ ແລ້ວລ້າງອອກວິີທີນີ້ຈະເຮັດອາທິດລະເທຶ່ອ ເອັນໄຊຈາກທຳມະຊາດທີ່ຢູ່ນຳມັນຝຣັ່ງຈະຊ່ວຍແກ້ຂີ້ແຮ້ດຳໃຫ້ກັບມາຂາວງາມຂຶ້ນໄດ້. ໝາກແຕງ …

ສາວໆຫຼາຍຄົນຫວັງຢາກຈະມີຜິວຂາວງາມ ຈຶ່ງຊອກຫາຫຼາຍວິທີ ຫຼື ຍອມເສຍເງິນເພຶ່ອຄວາມຂາວທີ່ມາພ້ອມກັບອັນຕະລາຍຕ່າງໆ ຈົນລືມໄປວ່າທຳມະຊາດບຳບັດ ເປັນວິທີທີ່ດີ ແລະ ປອດໄພທີ່ສຸດ. ຜິວດໍານັ້ນເກີດຈາກຫຼາຍປັດໃຈເຊັ່ນ: ແສງແດດ ມົນລະພາວະຕ່າງໆ ການເຈັບເປັນ ລວມໄປເຖິງການເຄັ່ງຄຽດສາວໆຫຼາຍຄົນເລືອກທີ່ຈະໃຊ້ວິທີແບບເລັ່ງດ່ວນເພຶ່ອເຮັດໃຫ້ຜິວຂາວງາມໂດຍອາດຈະເລຶອກໃຊ້ວສານເຄມີ ຫຼື ວິທີການອຶ່ນໆທີ່ມີລາຄາຄ່ອນຂ້າງສູງ ແລະ ສູງຫຼາຍຈົນອາດຈະເຮັດໃຫ້ເກີດການສິ້ນເປຶອງ ຫຼື ບາງເທຶ່ອກໍເປັນອັນຕະລາຍຕໍ່ຜິວໜັງຂອງສາວໆໄດ້, ມື້ນີ້ເຮົາຈະມາແນະນນຳເຄັດລັບທີ່ຈະເຮັດໃຫ້ຜິວພັນຂອງສາວໆ ງາມຂຶ້ນໄດ້ດ້ວຍວິທີທໍາມະຊາດພາຍໃນ 2 ອາທິດ ເຮົາລອງໄປເບິ່ງພ້ອມກັນເລີຍວ່າມີຫຍັງແດ່… ລ້າງໜ້າດ້ວຍນໍ້າເຜິ້ງ ຄຸນປະໂຫຍດຂອງນໍ້າເຜິ້ງຄື ຊ່ວຍເພີ່ມຄວາມຊຸ່ມຊື່ນໃຫ້ກັບຜິວໜັງ ເໝາະສຳລັບຄົນທີ່ຜິວໜັງບາງແພ້ງ່າຍພຽງແຕ່ທ່ານທານໍ້າເຜິ້ງໃສ່ຜິວໜ້າກ່ອນອາບນໍ້າແລ້ວປະໄວ້ສອງເຖິງສາມນາທີ ຈາກນັ້ນຈຶ່ງລ້າງອອກດ້ວຍນໍ້າທີ່ສະອາດທ່ານຈະສໍາພັດໄດ້ວ່າຜິວຂອງທ່ານຂາວ ແລະ ອ່ອນຂຶ້ນ. ອົບອາຍນໍ້າດ້ວຍເປຶອກໝາກນາວ ພຽງແຕ່ຕົ້ມເປຶອກໝາກນາວກັບນໍ້າ ແລະ ຖອກໃສ່ຊາມຈາກນັ້ນເອົາໜ້າໄປຮັບເອົາອາຍນໍ້າທີ່ອອກມາພຽງສອງນາທີ ແລະ ເຊັດໜ້າໃຫ້ແຫ້ງ ວິທີນີ້ຈະຊ່ວຍເປີດຮູຂຸມຂົນ ແລະ ກຳຈັດສິ່ງທີ່ເປຶ້ອນໄດ້ເປັນຢ່າງດີ ແລະ ຍັງອຸດົມໄປດ້ວຍວິຕາມິນຊີທີ່ຊ່ວຍໃຫ້ຜິວໜັງສະຫວ່າງໃສຂຶ້ນ. ຂັດຜິວດ້ວຍນໍ້າໝາກພ້າວ ພຽງແຕ່ຜະສົມແປ້ງເຂົ້າຈ້າວ 2 ບ່ວງແກງ ກັບນໍ້າມັນໝາກພ້າວ ແລະ ນວດໃຫ້ເຂົ້າກັນ ຈາກນັ້ນເອົາມານວດໃສ່ໃບໜ້າວິທີນີ້ຈະຊ່ວຍປັບສີຜິວໃຫ້ຂາວຂຶ້ນ. …

5 ວິທີເບິ່ງແຍງຜິວພັນໃນຊ່ວງລະດູໜາວ ເມື່ອໃກ້ເຂົ້າຊ່ວງລະດູໜາວກໍ່ໄດ້ເວລາກຽມຊຸດງາມໆໃຫ້ພ້ອມຮັບລົມໜາວທີ່ກໍາລັງຈະມາຮອດ ແຕ່ຢ່າລືມກຽມເບິ່ງແຍງຜິວພັນໃຫ້ຮັບມືກັບອາກາດໜາວ ເພາະອາກາດທີ່ໜາວເຢັນມາພ້ອມກັບອາກາດແຫ້ງທີ່ເຮັດໃຫ້ຜິວພັນແຫ້ງເຄັ່ງ ຫຼື ແຫ້ງລອກ, ແດງຄັນ ຫຼື ຄັນຄາຍໄດ້ງ່າຍ ແລະ ມື້ນີ້ ວາລະສານຂັວນໃຈໄດ້ນໍາເອົາ 5 ວິທີເບິ່ງແຍງຜິວພັນໃຫ້ມີສຸຂະພາບດີ. ບໍ່ອາບນໍ້າ ຫຼື ລ້າງໜ້າດ້ວຍນໍ້າຮ້ອນ. ລະດູໜາວນີ້ການອາບນໍ້າຮ້ອນອາດຈະເຮັດໃຫ້ຮູ້ສຶກຜ່ອນຄາຍ ແຕ່ນໍ້າຮ້ອນນັ້ນຈະຊ່ວຍລ້າງໄຂມັນທີ່ຢູ່ເທິງຜິວພັນເຮັດໃຫ້ຜິວພັນບໍ່ສາມາດສະສົມຄວາມຊຸ່ມເອົາໄວ້ໄດ້ຈຶ່ງເກີດມີບັນຫາຜິວພັນແຫ້ງ ດັ່ງນັ້ນບໍ່ຄວນອາບນໍ້າຮ້ອນ ແລະ ປ່ຽນມາໃຊ້ນໍ້າອຸ່ນ ຫຼື ນໍ້າທໍາມະດາ. ບໍາລຸງຜິວພັນທັນທີຫຼັງຈາກອາບນໍ້າ. ການທາຄີມບໍາລຸງຜິວພັນທີ່ຢາກໃຫ້ຜິວພັນຊຸ່ມຂຶ້ນນັ້ນຄວນຈະບໍາລຸງທັນທີຫຼັງຈາກອາບນໍ້າແລ້ວ ການທາຄີມບໍາລຸງລົງເທິງພັນທີ່ກໍາລັງບໍ່ແຫ້ງດີນັ້ນຈະຊ່ວຍສະສົມນໍ້າໄວ້ໃນຜິວພັນໄດ້ດີ ບໍ່ວ່າຈະເປັນເວລາອາບນໍ້າຫຼືລ້າງມື້ຄວນທາຄີມບໍາລຸງຜິວພັນທຸກຄັ້ງ ເພື່ອຈະຊ່ວຍເຮັດໃຫ້ຜິວພັນນຸ່ມນວນໄດ້ຕະຫຼອດ. ຢ່າລືມປົກປ້ອງຜິວພັນ. ໃສ່ຜ້າແພພັນຄໍ ຫຼື ເສື້ອໜາໆ ເພື່ອປົກປ້ອງຜິວພັນຈາກລົມໜາວທີ່ຈະທໍາຮ້າຍຜິວພັນໃຫ້ແຫ້ງຫຼາຍຂຶ້ນ ໃນຂະນະດຽວກັນກໍ່ຄວນທາຄີມກັນແດດ ເພາະແສງຕາເວັ້ນໃນລະດູໜາວນັ້ນກໍ່ທໍາຮ້າຍຜິວພັນໄດ້ເທົ່າກັບແສງແດດຮ້ອນຄືກັນ. ດື່ມນໍ້າໃຫ້ພຽງພໍ. ພໍເຂົ້າຊ່ວງລະດູເຮົາກໍ່ມັກຈະດື່ມນໍ້າໜ້ອຍລົງໃນລະດູໜາວເພາະບໍ່ຮູ້ສຶກຮ້ອນ ຫຼື ເສຍເຫື່ອຫຼາຍ ແຕ່ຢ່າລືມວ່າຜິວພັນນັ້ນຕ້ອງການນໍ້າຈາກພາຍໃນເພື່ອຜິວພັນງາມຊຸ່ມນຸ່ມນວນສູ່ພາຍນອກ ລອງປ່ຽນຈາກການດື່ມກາເຟ ຫຼື ດື່ມນໍ້າຊາມາລອງດື່ມນໍ້າອຸ່ນປະສົມໝາກນາວເລັກນ້ອຍ ນອກຈາກຈະຊ່ວຍໃຫ້ຮູ້ສຶກສົດຊື່ນ ແລະ ອຸ່ນສະບາຍຕົວແລ້ວຍັງເພີ່ມນໍ້າເຂົ້າສູ່ຮ່າງກາຍ ແລະ ຜິວພັນໄດ້ເປັນຢ່າງດີ. …

ສາວໆທີ່ຜິວພັນແຕກເຮົາມີ 4 ວິທີຊ່ວຍ… ຜິວແຕກຫຼາຍບັນຫາຜິວໜັງທີ່ສ້າງຄວາມບໍ່ໝັ້ນໃຈໃຫ້ກັບສາວໆມາຫຼາຍແລ້ວ ໂດຍສະເພາະສາວໆທີ່ເຄີຍຕຸ້ຍມາກ່ອນແລ້ວກໍ່ຈ່ອຍລົງແບບໄວ ແນ່ນອນວ່າບັນຫາທີ່ຕາມມາກໍ່ຄືຊິໜີບໍ່ພົ້ນຜິວໜັງແຕກລາຍຕາມແຂນ, ຂາ, ໜ້າທ້ອງ ລວມໄປເຖິງພາກສ່ວນອື່ນໆຂອງຮ່າງກາຍ ແລະ ມື້ນີ້ ວາລະ ສານຂັວນໃຈ ໄດ້ນໍາເອົາວິທີງ່າຍໆທີ່ຊ່ວຍຫຼຸດຮອຍແຕກລາຍມາຝາກດັ່ງນີ້ໄປເບິ່ງກັນເລີຍ: ມັນຝຣັ່ງ. ສິ່ງທໍາອິດນໍາເອົາມັນຝຣັ່ງສົດມາ 1 ຫົວ ຈາກນັ້ນເອົາໄປປອກເປືອກແລ້ວລ້າງນໍ້າໃຫ້ສະອາດ ຈາກນັ້ນນໍາມັນຝຣັ່ງທີ່ໄດ້ໄປບົດໃຫ້ລະອຽດແລ້ວເອົາມາທາບໍລິເວນຜິວໜັງທີ່ແຕກລາຍ ປະໄວ້ປະມານ 10 ນາທີແລ້ວລ້າງອອກດ້ວຍນໍ້າລ້າໃຫ້ສະອາດ ວິທີນີ້ໄດ້ຜົນສະເພາະຄົນທີ່ມີຜິວໜັງເລີ່ມແຕກລາຍ ແລະ ຕ້ອງອາດໄດ້ໃຊ້ເວລາໃນການເຮັດດົນພໍສົມຄວນ ແຕ່ກໍ່ເປັນວິທີທີ່ປອດໄພ ແລະ ສາມາດເຮັດໄດ້ເອງ. ນໍ້າຕານ. ສໍາລັບວິທີໃຊ້ນໍ້າຕານຫຼຸດບັນຫາຜິວໜັງແຕກລາຍນັ້ນກໍ່ສາມາດເຮັດໄດ້ງ່າຍໆ ພຽງແຕ່ເອົານໍ້າຕານໄປປະສົມກັບນໍ້າມັນ Almonds ແລະ ນໍ້າໝາກນາວ ໂດຍປະສົມໃນອັດຕາສ່ວນທີ່ພໍດີຄືຢ່າໃຫ້ແຫຼວ ຫຼື ແຫ້ງຈົນເກີນໄປ ເມື່ອໄດ້ສະຄັບຕາມສູດຫຼຸດຜິວໜັງແຕກລາຍແລ້ວກໍ່ນໍາເອົາສ່ວນປະສົມທີ່ໄດ້ມາຂັດຄ່ອຍໆບໍລິເວນຜິວໜັງທີ່ແຕກລາຍ ພະຍາຍາມໃຫ້ໄດ້ປະມານອາທິດລະ 1-2 ເທື່ອເຮັດໄປເລື່ອຍໆຈົນກວ່າຮອຍແຕກຈະຄ່ອຍໆຈາງລົງໄປ. ນໍ້າໝາກນາວ. ພຽງແຕ່ທ່ານໃຊ້ສໍາລີຈຸ່ມນໍ້າໝາກນາວແລ້ວນໍາມາທາບໍລິເວນທີ່ເປັນຜິວໜັງແຕກລາຍທຸກມື້ ກົດທໍາມະຊາດໃນນໍ້າໝາກນາວຈະຊ່ວຍກໍາຈັດເຊວຜິວໜັງທີ່ຕາຍແລ້ວ ແລະ ຍັງຊ່ວຍໃຫ້ບໍລິເວນຜິວໜັງທີ່ແຕກລາຍຄ່ອຍໆຈາງລົງ ສໍາລັບຄົນທີ່ໃຈຮ້ອນຢາກເຊົາໄວແນະນໍາໃຫ້ໃຊ້ຄີມທີ່ຊ່ວຍຫຼຸດຮອຍແຕກລາຍຄວບຄູ່ກັບການທາດ້ວຍນໍ້າມັນໝາກນາວຈະຊ່ວຍຫຼຸດຮອຍແຕກລາຍໄດ້ດີ ແລະ ເຫັນຜົນໄວ. …

5 ເຄັດລັບເພື່ອຜິວພັນທີ່ງາມໃນລະດູໜາວ ໃກ້ຈະຮອດລະດູໜາວແລ້ວ ການເບິ່ງແຍງຜິວພັນຂອງສາວໆຖືວ່າເປັນເລື່ອງທີ່ສຳຄັນທີ່ສຸດ ເພາະແຕ່ລະຄົນອາດຈະມີສະພາບຜິວທີ່ແຕກຕ່າງກັນ ແຕ່ສ່ວນຫຼາຍພໍຮອດລະດູໜາວຈະເຮັດໃຫ້ຜິວພັນຂອງສາວໆແຫ້ງ ແລະ ແຕກເປັນຂຸຍ, ດັ່ງນັ້ນໃນມື້ນີ້ເວັບໄຊ້ ວາລະສານ ຂັວນໃຈ ຈຶ່ງບໍ່ລໍຖ້າທີ່ຈະນຳເອົາເຄັດລັບການເບິ່ງແຍງຜິວເພື່ອໃຫ້ມີສຸຂະພາບດີໃນຊ່ວງລະດູໜາວມາຝາກທຸກໆຄົນ ມາເບິ່ງກັນເລີຍ: ສູດໜ້ານຸ້ມ. ສໍາລັບສາວໆທີ່ມັກມາສ໌ໜ້າດ້ວຍຜະລິດຕະພັນຈາກທໍາມະຊາດ ໃນຊ່ວງລະດູໜາວນີ້ແນະນໍາໃຫ້ໃຊ້ ນົມສົດ 1/2 ບ່ວງກາເຟ, ນໍ້າເຜິ້ງ 1/2 ບ່ວງກາເຟ ນໍາມາປະສົມໃຫ້ເຂົ້າກັນແລ້ວເອົາມາທາໃບໜ້າປະໄວ້ປະມານ 8-10 ນາທີຈຶ່ງລ້າງອອກດ້ວຍນໍ້າສະອາດ. ທາຄຣີມບໍາລຸງຜິວພັນ. ຫຼັງຈາກອາບນໍ້າແລ້ວໃຫ້ເຊັດຕົນໂຕແບບໃຫ້ຜິວພັນປຽກໝາດໆແລ້ວທາຄຣີມບໍາລຸງຜິວພັນເລີຍ ບໍ່ຄວນເຊັດໃຫ້ແຫ້ງຈົນເກີນໄປ ວິທີນີ້ຈະເຮັດໃຫ້ມອຍສ໌ເຈີໄຣເຊີຊ່ວຍທ້ອນນໍ້າໃຫ້ໄດ້ຫຼາຍຂຶ້ນ ແລະ ໃຫ້ເນັ້ນທາຄຣີມທີ່ບໍລິເວນຂາທັງໝົດ ເພາະເປັນພາກສ່ວນທີ່ແຫ້ງໄດ້ງ່າຍ. ເຄັດລັບເບິ່ງແຍງຜິວໜ້າໃນລະດູໜາວ. ລ້າງໜ້າດ້ວຍນໍ້າເຢັນດີກວ່ານໍ້າອຸ່ນ ເພາະຖ້າໃຊ້ນໍ້າອຸ່ນລ້າງໜ້າກໍຈະແຫ້ງ ແລະ ຄັນຄາຍຫຼາຍຂຶ້ນ. ດື່ມນໍ້າອຸ່ນປະສົມໝາກນາວ. ດື່ມນໍ້າອຸ່ນປະສົມໝາກນາວຈະຊ່ວຍໃຫ້ຮ່າງກາຍຟອກເລືອດໄດ້ໄວຂຶ້ນ ກໍາຈັດສິ່ງເສດເຫຼືອພາຍໃນຮ່າງກາຍໄປໃນຕົວ ເຊິ່ງມັນຈະຊ່ວຍໃຫ້ຜິວພັນຂາວໄສຫຼາຍຂຶ້ນ. ກິນໃຫ້ຜິວພັນງາມ. ກິນໝາກອະໂວຄາໂດອາທິດລະເທື່ອ ກົດໄຂມັນຂອງໝາກອາໂວຄາໂດຈະຊ່ວຍໃຫ້ຜິວພັນງາມ.