Skin care

ສຸດຍອດເຄື່ອງດື່ມເພື່ອສຸຂະພາບຜິວທີ່ດີ ນໍ້າໝາກພ້າວ ເມື່ອທຽບກັບເຄື່ອງດື່ມເກືອແຮ່ແລ້ວຖືວ່ານໍ້າໝາກພ້າວນັ້ນດີຕໍ່ສຸຂະພາບຫຼາຍກວ່າ ເນື່ອງຈາກນໍ້າໝາກພ້າວຈະມີລົດຊາດຫວານຕາມທໍາມະຊາດ ແລະ ບໍ່ມີສານໃຫ້ຄວາມຫວານທຽມອີກດ້ວຍ ນອກຈາກນີ້ຍັງເປັນແຫຼ່ງ potassium ເຊິ່ງຄົນສ່ວນຫຼາຍມັກຈະຂາດເຊິ່ງເກີດຈາກການກິນຜັກ ແລະ ໝາກໄມ້ບໍ່ພຽງພໍ  ເຖິງຢ່າງໃດກໍ່ຕາມຂໍ້ດີຂອງນໍ້າໝາກພ້າວທີ່ມີຕໍ່ຜິວ ອຸດົມໄປດ້ວຍສານຕ້ານອະນຸມູນອິດສະລະເຊິ່ງຈະຊ່ວຍຂະບວນການທີ່ເຮັດໃຫ້ຜິວນານແກ່ກ່ອນໄວ ຫຼ້າສຸດໄດ້ມີການຄົ້ນພົບສານອາຫານໃນນໍ້າໝາກພ້າວທີ່ມີປະໂຫຍດໃນທາງການແພດເຊັ່ນ: Fire growth hormone ຫຼື hormone ພືດ ແລະ ໜຶ່ງໃນນັ້ນມີຊື່ວ່າ hormone ເຊິ່ງມີຄຸນສົມບັດຕໍ່ຕ້ານຮິ້ວຮອຍ ແລະ ຊ່ວຍຮັກສາຄວາມອ່ອນເຍົາ.   ຊາຂຽວ ເນື່ອງຈາກຄາເຟອິນເຮັດໃຫ້ຮ່າງກາຍຂາດນໍ້າເຮົາຈຶ່ງງຄວນຈໍາກັດປະລິມານການບໍລິໂພກກາເຟ ແຕ່ຊາຂຽວບໍ່ໄດ້ໃຫ້ຜົນລັບແບບນັ້ນ ແລະ ຍັງອຸດົມໄປດ້ວຍ Poly-phenols ເຊິ່ງເປັນສານຕ້ານອະນຸມູນອິດສະລະທີ່ມີສັບພະຄຸນຕ້ານການອັກເສບ ແລະ ຕ້ານມະເຮັງ, ສານ EGCG ໃນໃບຊາຂຽວຈະຊ່ວຍປິ່ນປົວພະຍາດຜິວໜັງບາງຊະນິດໄດ້ເຊັ່ນ: ພະຍາດສະເກັດເງິນ, ພະຍາດສິວໜ້າແດງ ແລະ ແມ່ນແຕ່ຮິ້ວຮອຍ. ນອກຈາກນີ້ສານ Poly-phenols ຍັງມີຄຸນສົມບັດປ້ອງກັນອັນຕະລາຍ ແລະ ສ້ອມແປງພາກສ່ວນທີ່ເສຍຫາຍຈາກແສງ ແລະ ການດື່ມຊາຂຽວກໍ່ຊ່ວຍປ້ອງກັນຄວາມເສຍຫາຍຈາກແສງແດດໄດ້ຢ່າງມີປະສິດທິພາບອີກດ້ວຍ …

       ເຮັດແບບນີ້ອາດເຖົ້າແບບບໍ່ຮູ້ຕົວ                         ມີຕົວການຫຼາຍຢ່າງທີ່ທໍາຮ້າຍຜິວພັນຂອງຜູ້ຍິງເຮົາ ແລະ ໜຶ່ງໃນນັ້ນການສະແດງອາລົມລວມໄປເຖິງການເຮັດພຶດຕິກໍາບາງຢ່າງທີ່ເຮັດໃຫ້ຜິວພັນແຫ່ວ ແລະ ເຖົ້າແບບບໍ່ຮູ້ຕົວ. ພຶດຕິກໍາບາງຢ່າງອາດທໍາຮ້າຍຜິວພັນໃຫ້ຊຸດໂຊມໂດຍທີ່ທ່ານບໍ່ຮູ້ຕົວໄດ້ ສະນັ້ນຕ້ອງລະວັງສິ່ງຕໍ່ໄປນີ້: ໃຊ້ Cleanser ຜິດ: ຖ້າທ່ານຮູ້ສຶກຜິວແຫ້ງຜິວເຄັ່ງທຸກຄັ້ງຫຼັງຈາກລ້າງໜ້າ Cleanser ທີ່ທ່ານໃຊ້ຢູ່ອາດທໍາລາຍນໍ້າມັນຫຼໍ່ລ້ຽງຜິວຕາມທໍາມະຊາດ ເຊິ່ງເມື່ອປ່ອຍໃຫ້ຜິວແຫ້ງໄປດົນໆກໍຈະເຮັດໃຫ້ມີຮິ້ວຮອຍຂຶ້ນມາໄດ້.      ນອນສະແຄງ: ການກົດໃບໜ້າເຂົ້າກັບໝອນຈົນເກີດຮອຍຊໍ້າແລ້ວຊໍ້າອີກ ຈະເຮັດໃຫ້ຮິ້ວຮອຍເຫຼົ່ານັ້ນຕິດຢູ່ເທິງໃບໜ້າແບບຖາວອນໄດ້ ຖ້າຢຸດການນອນສະແຄງບໍ່ໄດ້ແທ້ໆກໍ່ປ່ຽນສົບໝອນເປັນແບບຜ້າໄໝມື່ນໆແທນກໍອາດຈະຊ່ວຍຫຼຸດຜ່ອນໄດ້. ສະແດງອາລົມ: ຖ້າທ່ານມັກສະແດງອາລົມເທິງໃບໜ້າຫຼາຍໆບໍ່ວ່າຈະເຮັດໜ້າຍີ້ມ ຫຼື ໜ້າຮ້າຍການກະທໍາຕ່າງໆກໍ່ລ້ວນແລ້ວແຕ່ຈະເຮັດໃຫ້ເກີດຮິ້ວຮອຍທີ່ກາຍເປັນຮິ້ວຮອຍຖາວອນໄດ້. ສະນັ້ນຢ່າສະແດງອາລົມຫຼາຍເກີນໄປ ແລະ ຊອກຫາແວ່ນກັນແດດມາໃສ່ເວລາອອກທາງນອກ.  

ໝວດເລືອດທີ່ແຕກຕ່າງກັນນັ້ນ ຍ່ອມເຮັດໃຫ້ຮ່າງກາຍຂອງເຮົາມີຄວາມແຕກຕ່າງກັນ ລວມເຖິງຜິວພັນຂອງເຮົາອີກດ້ວຍດັ່ງນັ້ນການເບິ່ງແຍງຜິວພັນຈຶ່ງມີວິທີເບິ່ງແຍງທີ່ແຕກຕ່າງກັນໄປດັ່ງນີ້:     ສາວໝວດ AB: ສາວໆສ່ວນຫຼາຍມີຜິວພັນໄວຕໍ່ແດດ ແຕ່ເຖິງຈະຄໍ້າໄວແຕ່ກໍກັບມາຂາວໄວໄດ້ຄືກັນ ຄວນໃຊ້ຜະລິດຕະພັນປະເພດ Toner ແລະ ຜະລິດຕະພັກມາດສ໌ໜ້າຕ່າງໆ ຫຼືຈະພອກໜ້າດ້ວຍໄຂ່ຂາວ, ນໍ້າເຜິ້ງ ຊ່ວຍເຮັດຄວາມສະອາດ ແລະ ຊ່ວຍດູດຊັບສິ່ງທີ່ຕົກຄ້າງຢູ່ເທິ່ງຜິວພັນ.     ສາວໝວດ A: ເປັນຄົນທີ່ມີຮູຂຸມຂົນນ້ອຍ, ບໍ່ຄ່ອຍຈະມີເຫື່ອ, ມີຜິວພັນຄ່ອນຂ້າງແຫ້ງ ຄວນເພິ່ມຄວາມຊຸ່ມດ້ວຍການໃຊ້ moisturizer, ດື່ມນໍ້າໃຫ້ພຽງພໍ, ຮັບປະທານຜັກ ແລະ ໝາກໄມ້ຫຼາຍໆ ເລືອກໃຊ້ຮອງພື້ນແບບບາງເບົາ. ສາວໝວດ O: ສິ່ງທີ່ສໍາຄັນສໍາລັບສາວໝວດO ຄືການນອນຫຼັບພັກຜ່ອນໃຫ້ພຽງພໍ ໃຫ້ຜິວໜັງໄດ້ຟື້ນຟູຕົວເອງ, ເລືອກຜະລິດຕະພັນລ້າງໜ້າສູດທີ່ອ່ອນໂຍນເຂົ້າໄວ້ ແລະ ຫ້າມລືມທາຄີມກັນແດດເດັດຂາດ, ເນັ້ນດ້ານການຄວບຄຸມຄວາມມັນໃຫ້ຜິວເພິ່ມຄວາມຊຸ່ມ.     ສາວໝວດ B: ເປັນຜິວພັນທີ່ຄ່ອນຂ້າງບອບບາງແພ້ງ່າຍ, ມີຄວາມອ່ອນໄຫວຕໍ່ສານຕ່າງໆທີ່ເຂົ້າສູ່ຮ່າງກາຍ ເວລາເລືອກຜະລິດຕະພັນຄວນເລືອກແບບທີ່ບໍ່ປະສົມແອວກໍຮໍ, ບໍ່ປະສົມນໍ້າຫອມ ເພາະຈະເຮັດໃຫ້ຄັນຄາຍໄດ້ງ່າຍ, ບໍ່ຄວນສະຄັບຜິວພັນ, ຂັດຜິວພັນເລື່ອຍໆ ແລະ …

ວິທີຂັດຂີ້ໄຄໃຫ້ໝົດທັງຕົວແບບງ່າຍໆ ພຽງແຕ່ມີສິ່ງເຫຼົ່ານີ້ ມື້ນີ້ ຂັວນໃຈ ຈະມາແນະນໍາເຄັດລັບດີໆໃຫ້ກັບສາວໆ ສໍາລັບສາວໆທ່ານໃດທີ່ຢາກເປີດເຜີຍຜິວຂາວໃສ ເຮົາມີສູດກໍາຈັດຂີ້ໄຄແບບງ່າຍໆໃຫ້ທ່ານໄດ້ລອງໄປປະຕິບັດ ແລ້ວ ທ່ານຈະໄດ້ຜິວພັນທີ່ສວຍງາມມາດັ່ງນີ້: ໃຊ້ເກືອຂັດຜິວພັນ. ໃຫ້ຊື້ມາໃຊ້ຂັດຜິວພັນ 2 ເທື່ອຕໍ່ອາທິດ ເພື່ອຊ່ວຍໃນເລື່ອງຂອງການຊຳລະລ້າງເຊວຜິວພັນ ແລະ ກຳຈັດຄາບເຫື່ອ, ຂີ້ໄຄຕ່າງໆໃຫ້ຫຼຸດອອກໄປໝົດ. ອາບນໍ້າອຸ່ນກໍ່ຊ່ວຍໄດ້. ຄ່ອຍໆຂັດໃຫ້ທົ່ວຜິວພັນ ຂີ້ໄຄຈະຫຼຸດອອກມາແບບງ່າຍໆ ເມື່ອຂັດຈົນທົ່ວແລ້ວກໍ່ອາບນໍ້າຊຳລະລ້າງຮ່າງກາຍອີກຮອບ ຈະໃຊ້ສະບູ ຫຼື ຄຣີມອາບນໍ້າຕື່ມເພື່ອເປັນການຊໍາລະລ້າງອີກກໍ່ໄດ້. ຂັດຜິວພັນດ້ວຍຂີ້ໝາກກາເຟ. ຊ່ວຍຂັດໃຫ້ຂີ້ໄຄອອກໄດ້ດີ ແລະ ຜິວພັນຂອງທ່ານຈະນຸ່ມຈະເຫັນໄດ້ຢ່າງຊັດເຈນ ອາດຈະເພິ່ມຄຸນປະໂຫຍດໂດຍການປະສົມນົມສົດ ຫຼື ໝາກຂາມປຽກຕື່ມອີກກໍ່ໄດ້. ກໍາຈັດຂີ້ໄຄດ້ວຍໝາກຂາມປຽກ. ໃຫ້ເອົາໝາກຂາມປຽກຂັດຜິວໃຫ້ທົ່ວປະໄວ້ 3-5 ນາທີ ແລ້ວເອົາຟອກອາບນໍ້າມາຂັດຊໍ້າອີກຮອບໃຫ້ຖູຄ່ອຍໆ ຈາກນັ້ນກໍ່ລ້າງອອກແລ້ວອາບນໍ້າໃສ່ສະບູຕາມປົກກະຕິ ວິທີນີ້ເຮັດພຽງອາທິດລະ 2 ເທື່ອຈະຊ່ວຍກຳຈັດຂີ້ໄຄໄດ້ເປັນຢ່າງດີ ແລະ ເຮັດໃຫ້ຜິວນຽນນຸ່ມອີກດ້ວຍ. ສູດຂັດຂີ້ໄຄດ້ວຍມື້ລ້າ. ໃຫ້ເອົານໍ້າຫົດຕົວໃຫ້ຊຸ່ມ ປ່ອຍໃຫ້ໝາດເລັກນ້ອຍແລ້ວໃຊ້ມືຂອງເຮົາຖູໄດ້ເລີຍ ແລະ ຄວນຖູຄ່ອຍໆ ເສດຂີ້ໄຄຕ່າງໆທີ່ມີຢູ່ຈະຫຼຸດອອກທັນທີ. ເບບີອອຍ(Baby Oil)+ເກືອ. …

6 ຂັ້ນຕອນການເບິ່ງແຍງເລັບຂອງທ່ານໃຫ້ຄົງຄວາມງາມ, ສະອາດສະດຸດຕາ ແຕ່ລະຂັ້ນຕອນໃນການເບິ່ງແຍງຮັກສາ: ເລືອກສີໃຫ້ເໝາະສົມກັບ style ຂອງທ່ານ ສີຂອງຢາທາເລັບມີໃຫ້ເລືອກຫຼາກຫຼາຍຈົນທ່ານສາມາດບໍ່ຖືກເລີຍ ດັ່ງນັ້ນຫຼັກການງ່າຍໆເລີຍກໍຄື ໃຫ້ທ່ານເລືອກສີແບບດ້ານ ຫຼື ມັນວາວທີ່ເຂົ້າກັບ style ການແຕ່ງໜ້າ ແລະ ເສື້ອຜ້າຂອງທ່ານອີກດ້ວຍ. ການຖູເລັບ ຢາທາເລັບສີເຂັ້ມຈະເບິ່ງເຂົ້າກັບເລັບທີ່ມີຄວາມສັ້ນຫຼາຍກວ່າ. ການບໍາລຸງ, ຕັດໜັງຂອງທ່ານໃຫ້ຮຽບຮ້ອຍ ແລະ ໝັ່ນບໍາລຸງເພິ່ມຄວາມຊຸ່ມຊື່ນດ້ວຍນໍ້າມັນ ຫຼື ຄີມບໍາລຸງ ບໍ່ຄວນປ່ອຍໃຫ້ມັນແຫ້ງເປັນໜັງແຂງໆ ຫຼື ລອກອອກເປັນຂຸຍ ເພາະນັ້ນຈະເຮັດໃຫ້ເລັບທີ່ທ່ານຕັ້ງໃຈແຕ້ມສີສັນລົງໄປແລ້ວບໍ່ເປັນຕາເບິ່ງເລີຍ. ການປົກປ້ອງເລັບໃຫ້ທ່ານໃຊ້ຄີມບໍາລຸງມືທີ່ມີຄຸນນະພາບສູງ ໂດຍສະເພາະໃນຊ່ວງໜ້າໜາວ ຫຼື ເມື່ອອາກາດເຢັນ ເພາະມືຂອງທ່ານຈະແຫ້ງ ແລະ ຫຍາບກະດ້າງໄດ້ງ່າຍ ດັ່ງນັ້ນທ່ານຈຶ່ງຄວນເລືອກໃຊ້ຄີມບໍາລຸງມືທີ່ມີສ່ວນປະສົມຂອງ SPF ຕະຫຼອດ ບໍ່ວ່າຈະເປັນຊ່ວງໜ້າໜາວ ຫຼື ໜ້າຮ້ອນກໍຕາມ. ຖູເລັບຂອງທ່ານໃຫ້ຮຽບຮ້ອຍ ທ່ານຈະຕ້ອງໃຊ້ຕົວຮອງພື້ນທີ່ຊ່ວຍໃຫ້ເລັບທີ່ເປັນຄື່ນນັ້ນລຽບນຽນຂຶ້ນ ຫຼື ຈະໃຊ້ຕະໄບຂັດເງົາເລັບກໍໄດ້ຄືກັນ ຖ້າຫາກເລັບຂອງທ່ານລຽບນຽນແລ້ວຈະເຮັດໃຫ້ການທາເລັບງ່າຍຂຶ້ນ ແລະ ຍັງເຮັດໃຫ້ເລັບໂດຍໃຊ້ສີແບບດ້ານ ແລະ Metallic …