Women Healthy

ອາຫານຕ້ານພະຍາດມະເຮັງ ການເລືອກກິນອາຫານກໍເປັນໜຶ່ງໃນທາງອອກສໍາລັບຄົນທີ່ບໍ່ຢາກເປັນພະຍາດມະເຮັງ ໂດຍສະຖາບັນວິໄຈມະເຮັງແຫ່ງສະຫະລັດອາເມລິກາໄດ້ອອກມາແນະນໍາສຸດຍອດອາຫານທີ່ມີສານຕ້ານມະເຮັງດັ່ງນີ້: ກຸ່ມອາຫານທີ່ມີສານຕ້ານມະເຮັງສູງສຸດເຊັ່ນ: ຫົວຜັກທຽມ, ຜັກກະຫຼໍ່າປີ, ຖົ່ວເຫຼືອງ, ຂີງ, ກະຣົດ ແລະ ຜັກເຊີນາລີ (Celery). ກຸ່ມອາຫານທີ່ມີສານຕ້ານມະເຮັງລະດັບກາງເຊັ່ນ: ເຕົາຮູ້, ໝາກກ້ຽງ, ເລມອນ, ໝາກເລັ່ນ. ກຸ່ມອາຫານທີ່ມີສານຕ້ານມະເຮັງລະດັບຕໍ່າເຊັ່ນ: ໝາກແຕງເມລອນ, ມັນຝຣັ່ງ, ໝາກໄມ້ຕະກຸນເບີຣີ່.          

4 ວິທີກິນເພື່ອບຳລຸງສາຍດວງຕາ ທ່ານໃດທີ່ມັກຫຼິ້ນໂທລະສັບມື້ໜຶ່ງຫຼາຍຊົ່ວໂມງເຮົາມີ 4 ອາຫານເພື່ອຮັກສາສາຍບໍ່ໃຫ້ເສື່ອມໄວມາແນະນໍາດັ່ງນີ້: ກິນຜັກ. ເລືອກຜັກທີ່ອຸດົມສົມບູນໄປດ້ວຍ Lutein ແລະ Zeaxanthin ສານທັງສອງຊະນິດນີ້ເຮັດໜ້າທີ່ປົກປ້ອງດວງຕາຈາກ Pre radical ພົບຫຼາຍໃນໝາກສາລີ ແລະ ໝາກກ້ຽງ. ກິນ Carbohydrate. ນັກວິໄຈໃນສະຫະລັດອາເມລິກາພົບວ່າເມັດຖົ່ວແຫ້ງ, ເຂົ້າກ້ອງ ແລະ Carbohydrate ຊະນິດອື່ນໆທີ່ເຮັດໃຫ້ລະດັບນໍ້າຕານໃນເລືອດເປັນປົກກະຕິຈຶ່ງຊ່ວຍໃຫ້ເລືອດ ແລະ ອົກແຊນໄຫຼວຽນໄປລ້ຽງດວງຕາໄດ້ດີຂຶ້ນ. ກິນປາ. ງານວິໄຈຊະນິດໜຶ່ງໂດຍວິທະຍາໄລການແພດ Harvard ພົບວ່າ ການກິນປາອາທິດລະ 2 ເທື່ອເພື່ອຊ່ວຍຫຼຸດໂອກາດການເກີດຈໍປະສາດຕາເສື່ອມໄດ້ຮ້ອຍລະ 60 ນັ້ນເປັນເພາະກົດໂອເມກ້າ 3 ໃນຊີ້ນປາຊ່ວຍໄຫຼວຽນເລືອດໃນດວງຕາ ແລະ ຫຼຸດອາການອັກເສບໄດ້. ຄວບຄຸມນໍ້າໜັກ. ງານວິໄຈໜຶ່ງພົບວ່າ ການຫຼຸດນໍ້າໜັກດ້ວຍການອອກກໍາລັງກາຍສົ່ງຜົນດີຕໍ່ດວງຕາໂດຍສະເພາະຜູ້ທີ່ມີຈໍປະສາດຕາເສື່ອມໄລຍະທໍາອິດ ຄວນຮອອກກໍາລັງກາຍເທື່ອລະ 30 ນາທີ ອາທິດລະ 3 ເທື່ອເພື່ອປ້ອງກັນການເກີດພະຍາດໄດ້.

ວິທີກິນທີ່ຈະເຮັດໃຫ້ຮ່າງກາຍມີສຸຂະພາບດີ ກ່ອນຈະກິນທຸກເທື່ອທ່ານຄວນຄຳນຶງເຖິງຄຸນຄ່າທາງໂພຊະນາການຂອງອາຫານແຕ່ລະຊະນິດ ຫຼັກການງ່າຍໆເລີຍກໍຄືຄວນກິນອາຫານໃຫ້ຄົບຫ້າໝູ່ເພື່ອທີ່ຮ່າງກາຍຈະໄດ້ນໍາໄປໃຊ້ພະລັງງານຢ່າງເຕັມທີ່ ແລະ ສາມາດເວົ້າໄດ້ວ່າສານອາຫານທັງຫ້າໝູ່ນີ້ຄວນກິນໃຫ້ມີປະລິມານທີ່ເໝາະສົມບໍ່ຫຼາຍ ຫຼື ບໍ່ໜ້ອຍເກີນໄປເຊິ່ງຈະດີຕໍ່ສຸຂະພາບຫຼາຍ.   ກິນໝາກໄມ້ສົດເປັນອາຫານຫວ່າງ ຫຼາຍຄົນທີ່ມັກກິນເຂົ້າໜົມຈຸກຈິກລະຫວ່າງມື້ ຖ້າບໍ່ຢາກຕຸ້ຍ ຫຼື ມີພະຍາດເພາະເຂົ້າໜົມຫວານເຫຼົ່ານີ້ ຄວນປ່ຽນມາເປັນການກິນໝາກໄມ້ສົດແທນ ເຮັດໃຫ້ໄດ້ປະໂຫຍດທັງໃຍອາຫານ ແລະ ວິຕາມິນສູງແຕ່ລະວັງໄວ້ວ່າບໍ່ຄວນກິນໝາກໄມ້ທີ່ມີລົດຊາດຫວານຫຼາຍ ຖ້າບໍ່ຢ່າງນັ້ນອາດໄດ້ຄວາມອ້ວນມາແທນທີ່ຄວາມຫຸ່ນດີ.     ຖ້າຫາກວ່າອົດໃຈບໍ່ໄດ້ທີ່ຢາກຈະກິນຂອງຫວ່າງຈໍາພວກ Bakery ອາດຈະອະນຸຍາດໄດ້ດ້ວຍການກິນເຂົ້າໜົມປັງທີ່ເຮັດມາຈາກແປ້ງເຂົ້າສາລີ ເພາະຈະມີທັນຍາພືດທີ່ເປັນປະໂຫຍດຕໍ່ຮ່າງກາຍ ແລະ ຄວນຫຼີກລ່ຽງເຂົ້າໜົມລົດຊາດຫວານປະເພດຄຸກກີ້ ເປັນຕົ້ນ.     ການເລືອກເຄື່ອງດື່ມທາງທີ່ດີທີ່ສຸດຄວນດື່ມນໍ້າດດື່ມບໍລິສຸດ ເພາະຈະເຮັດໃຫ້ຜິວພັນສົດໃສຊຸ່ມຊື່ນ ແລະ ບໍ່ມີອັນຕະລາຍຕໍ່ຮ່າງກາຍ ແຕ່ຖ້າຫາກວ່າຢາກຈະດື່ມເຄື່ອງດື່ມທີ່ສົດຊື່ນຈັກໜ້ອຍກໍ່ສາມາດເລືອກດື່ມນໍ້າໝາກໄມ້ສົດຊະນິດຕ່າງໆ ບໍ່ແນະນໍານໍ້າໝາກໄມ້ສໍາເລັດຮູບ ແລະ ນໍ້າອັດລົມປະເພດຕ່າງໆເພາະວ່າມີສ່ວນຜະສົມຂອງນໍ້າຕານ ເຊິ່ງເມື່ອດື່ມເປັນປະຈໍາອາດເຮັດໃຫ້ສຸຂະພາບບໍ່ດີ, ຜິວພັນໝອງຄໍ້າ ແລະ ຕຸ້ຍຂຶ້ນອີກດ້ວຍ.     ເລື່ອງຄວາມສະອາດ ແລະ ປອດໄພຂອງອາຫານກໍ່ເປັນສິ່ງທີ່ສໍາຄັນທີ່ສຸດ ໂດຍທ່ານຄວນເລືອກຊື້ຂອງທີ່ສົດໃໝ່ ແລະ ມີແຫຼ່ງຜະລິດທີ່ໜ້າເຊື່ອຖືໄດ້ ແລະ …

ເຕັກນິກໃນການກິນອາຫານໃຫ້ສຸຂະພາບດີ ຄຳວ່າ “ ອາຫານ ”ກັບ “ສຸຂະພາບ ”ເປັນສິ່ງທີ່ຄູ່ກັນບໍ່ວ່າໃຜໆກໍຢາກມີສຸຂະພາບທີ່ດີ ການກິນເພື່ອສຸຂະພາບຄືສິ່ງທີ່ຈຳເປັນທີ່ຈະຕ້ອງໃຫ້ຄວາມສົນໃຈ ເພາະການກິນບໍ່ແມ່ນການສະໜອງຄວາມຕ້ອງການຫຼືໃຫ້ອີ່ມທ້ອງເທົ່ານັ້ນຍັງຕ້ອງຄິດເຖິງຜົນທີ່ມີຕໍ່ສຸຂະພາບອີກດ້ວຍມື້ນີ້ ວາລະສານ ຂັວນໃຈ ກໍ່ມີເຄັດລັບໃນການກິນເພື່ອໃຫ້ໄດ້ສຸຂະພາບທີ່ດີມາຝາກ: ກິນເຂົ້າເຊົ້າເປັນປະຈຳ ເພາະເຂົ້າໃນຕອນເຊົ້າສຳຄັນທີ່ສຸດ ແລະ ຄວນກິນໃຫ້ຄົບ 5 ໝູ່ໃນປະລິມານທີ່ເໝາະສົມ ເພາະນອກຈາກຈະຊ່ວຍເພິ່ມເຕີມພະລັງໃຫ້ຮ່າງກາຍ ແລະ ສະໝອງແລ້ວຍັງຊ່ວຍຫຼຸດລະດັບຄໍເລດເຕີຣໍ (cholesterol) ໃນເສັ້ນເລືອດຊ່ວຍໃຫ້ການເຜົາຜານພະລັງງານໄດ້ດີ. ເລືອກອາຫານຈາກທຳມະຊາດເຊັ່ນ: ເຂົ້າກ່ອງ, ເຂົ້າບາເລຼ່, ຖົ່ວ, ສາລີເປັນຕົ້ນ ເຊິ່ງອາຫານເຫຼົ່ານີ້ມີຄຸນຄ່າທາງໂພຊະນາການສູງເປັນແຫຼ່ງລວມຂອງແຮ່ທາດ, ວິຕາມິນ, ໂປຣຕີນທີ່ບໍ່ມີຄໍເລດເຕີຣອນ (cholesterol) ແລະ ຄາໂບໄຮເດດ (Carbohydrate), ຊ່ວຍຫຼຸດຄວາມສ່ຽງພະຍາດຫົວໃຈ, ຫຼຸດຄໍເລດເຕີຣອນ (cholesterol) ແລະ ຄວາມດັນເລືອດໄດ້ ຫຼື ອາດເລືອກອາຫານທີ່ມີສ່ວນປະກອບຂອງພືດເປັນຕົ້ນ. ກິນຜັກ, ໝາກໄມ້ ແລະ ອາຫານ ກິນເປັນປະຈຳເພື່ອເພິ່ມວິຕາມິນ, ເກືອແຮ່ ແລະ ສານອື່ນໆທີ່ຈຳເປັນຕໍ່ຮ່າງກາຍ, …

ປັບຮໍໂມນເພດຍິງ ຕ້ອງກິນ 7 ອາຫານທີ່ມີເອດໂຕຣເຈນສູງ ອາຫານທີ່ມີຮໍໂມນເພດຍິງ ຫຼື ອາຫານທີ່ມີເອດໂຕຣເຈນ (estrogen) ສູງ ເໝາະສົມກັບສຸຂະພາບຜູ້ຍິງທີ່ຕ້ອງການປັບຮໍໂມນເພດຍິງໃຫ້ຢູ່ໃນລະດັບດຸ່ນດ່ຽງກັບຮ່າງກາຍ ຄືນຄວາມງາມ, ຄວາມສົດໃສ ແລະ ສຸຂະພາບທີ່ດີທີ່ຜູ້ຍິງຄູ່ຄວນ ແລະ ມື້ນີ້ ວາລະສານຂັວນໃຈ ກໍ່ມີວິທີໃນການປັບຮໍໂມນເພດຍິງມາແນະນຳດັ່ງນີ້: ນ້ຳໝາກພ້າວ ນ້ຳໝາກພ້າວມີຮໍໂມນເອດໂຕຣເຈນ (estrogen) ເຊິ່ງເປັນສ່ວນສຳຄັນຕໍ່ການສ້າງຄໍລາເຈນ(collagen) ຊ່ວຍເຮັດໃຫ້ຜິວພັນເຕັ່ງຕຶງ, ມີຄວາມຊຸ່ມຊື່ນ ແລະ ຍັງມີສັບພະຄຸນໃນການຂັບໄລ່ປັດສະວະ, ຂັບໄລ່ຂອງເສຍ ຫຼື ສານພິດອອກຈາກຮ່າງກາຍ ຈຶ່ງຊ່ວຍເຮັດໃຫ້ຜິວຂາວໃສ, ຍັງຊ່ວຍປັບຄວາມດຸ່ນດ່ຽງຂອງຮ່າງກາຍ, ເຮັດໃຫ້ການເຮັດວຽກຂອງລະບົບພາຍໃນຮ່າງກາຍເປັນປົກກະຕິ. ຖົ່ວຊະນິດຕ່າງໆ ໂຟໂຕເອດໂຕຣເຈນ (fire estrogen) ຄືສານທີ່ເຮົາຫາໄດ້ຈາກຖົ່ວຫຼາຍໆຊະນິດ ເຊິ່ງເວົ້າໄດ້ວ່າຖ້າຢາກກິນອາຫານເພື່ອປັບຄວາມດຸ່ນດ່ຽງຂອງຮໍໂມນເພດຍິງ ຖົ່ວຍັງເຕັມໄປດ້ວຍໂປຣຕິນ ແລະ ໄຟເບີສູງບໍ່ວ່າຈະເປັນຖົ່ວຊະນິດຝັກ, ຖົ່ວດິນ, ຖົ່ວດຳ, ຖົ່ວລັນເຕົາ,ຖົ່ວແດງ ແລະ ຖົ່ວປະເພດອື່ນໆ ຫຼື ແມ່ນແຕ່ທັງຖົ່ວງອກ. ເຕົ້າຫູ້ ເຕົ້າຫູ່ມີໄອໂຊຟຣາໂວນ …