Kuanjai Foodie

5 ຮ້ານອາຫານ ນັ່ງຫຼິ້ນ ພ້ອມກັບບັນຍາກາດສຸດເລີດ!

ກ່ອນຈະຮອດບຸນປີໃໝ່ລາວ ເພື່ອນໆ Kuanjai Foodie ມີຮ້ານອາຫານ ທີ່ດີໆ ແຊບໆ ບັນຍາກາດສຸດເລີດ ເພື່ອໄປສ້າງສັນກັບຄອບຄົວ, ໝູ່ເພື່ອນ ແລະ ຄົນຮັກ ແລ້ວຫຼືບໍ່?      ນີ້ເລີຍ!!   ມື້ນີ້!  ທາງ Kuanjai Foodie ຈະໄດ້ມາຈັດອັນດັບ TOP 5 ຮ້ານອາຫານທີ່ສຸດແຊບ, ບັນຍາກາດດີໆ ຢູ່ໃນຕົວເມືອງນະຄອນຫຼວງວຽງຈັນ ປະຈຳເດືອນ ມີນາ 2017 ນີ້ ມາແນະນຳໃຫ້ເພື່ອນໆໄດ້ຮູ້ຈັກເພື່ອໄວ້ເປັນຕົວເລືອກໃນການຮັບປະທານອາຫານທີ່ດີທີ່ສຸດ. ຮ້ານອາຫານ 3434  ຫາກທ່ານກຳລັງຊອກຫາຮ້ານອາຫານທີ່ແຊບ! ເສບດົນຕີສົດ! ການບໍລິການທີ່ເປັນກັນເອງ! ມີໂປຣໂມຊັ່ນໃໝ່ໆ ສຳລັບທຸກເທສະການ ໃຫ້ລູກຄ້າຕື່ນເຕັ້ນໄດ້ຕະຫຼອດທັງປີ ຕ້ອງຮ້ານ 3434 .  ຕອນກາງເວັນ ຈະເປັນຮ້ານອາຫານປະເພດອາຫານຕາມສັ່ງ ລູກຄ້າສາມາດມານັ່ງພັກຜ່ອນ, ກິນອາຫານແຊບໆ, ດື່ມກາເຟເຢັນໆພ້ອມກັບມາໃຊ້ບໍລິການລ້າງອັດສີດລົດກໍໄດ້. ສ່ວນຕອນແລງ ຮ້ານຈະເປັນຮູບແບບຄາເຟ່ ອາຫານປະເພດຂອງແກ້ມ …

Read More »

The City Coffee & Restaurant ຮ້ານໃຈກາງນະຄອນຫຼວງ

Delicous Guide ສະບາຍດີ! ສາວໆ ເພື່ອນໆຜູ້ອ່ານ ແລະ ຕິດຕາມ Delicious Guide ທຸກໆຄົນ ມາພົບພໍ້ກັນອີກແລ້ວ ກັບ ຄໍລຳ (Column) ທີ່ຈະມາແນະນຳຮ້ານທັງເກົ່າ ແລະໃໝ່ ທີ່ອາຫານແຊບໆ ບັນຍາກາດດີໆ ໄດ້ຮັບຄວາມນິຍົມ ທັງຢູ່ໃນນະຄອນຫຼວງວຽງຈັນ ແລະ ຮ້ານອາຫານຈາກແຂວງອື່ນໆທົ່ວປະເທດລາວມາໃຫ້ເພື່ອນໆ ສາວໆຂວັນໃຈໄດ້ຮູ້ຈັກກັນ.  ຜູ້ຂຽນ ຂໍແນະນຳຮ້ານທີ່ຕັ້ງຢູ່ໃຈກາງນະຄອນຫຼວງວຽງຈັນ ໃກ້ກັບປະຕູໄຊຫຼັງສຳນັກງານນາຍົກເລີຍ ເຊິ່ງນີ້ກໍເປັນທີ່ມາຂອງຊື່ຮ້ານ The City Coffee & Restaurant ແຖມ Logo ເພິ່ນຍັງເປັນຮູບປະຕູໄຊນໍາອີກ.   ຮ້ານນີ້ເປີດໃຫ້ບໍລິການເມື່ອ 2 ປີກ່ອນ ສັງເກດໄດ້ວ່າ ເປັນຮ້ານທີ່ມີລູກຄ້າຂ້ອນຂ້າງໜ້າແໜ້ນແຕ່ເຊົ້າຮອດຄ່ຳນັບແຕ່ນັກສຶກສາ, ພະນັກງານຫ້ອງການ, ຊ່ຽວຊານຕ່າງປະເທດ ແລະບຸກຄົນທົ່ວໄປ ແວ່ວຽນມາອຸດໜູນບໍ່ຂາດສາຍ ດ້ວຍຈຸດພິເສດຂອງຮ້ານທີ່ໄດ້ຮວບຮວມເມນູອາຫານ ແລະ ເຄື່ອງດື່ມຫຼາກຫຼາຍປະເພດ ທັງຄາວຫວານແບບນາໆຊາດເຂົ້າມາລວມກັນຢູ່ໃນຮ້ານດຽວ ບໍ່ວ່າຈະເປັນອາຫານລາວ, ໄທ, ຝຣັ່ງ, ເຢຍລະມັນ, ອີຕາລີ…ອາຫານ Fusion Food ເບິ່ງແລ້ວ ຄ້າຍໆເປັນຮ້ານອາຫານຕາມສັ່ງເລີຍ. ເມນູອາຫານຫຼັກໆກໍມີທັງ: ລາບ, ສະເຕັກ (steak), ສະລັດ, ແຊນວິດ (Sandwich), ເຂົ້າຈີ່, ແຮມເບີເກີ້ (Hamburger), ສະປາເກັດຕີ້ …

Read More »

ຮ້ານອາຫານ DAO The High Tea

ສະບາຍດີ! ສາວໆຂວັນໃຈ  ມື້ນີ້ Kuanjai foodie ຂໍແນະນຳຮ້ານອາຫານທີ່ຮັບຮອງວ່າຖືກໃຈສາວໆນັກຊີມ, ນັກຖ່າຍຮູບຫຼາຍຄົນແນ່ນອນເປັນຮ້ານອາຫານຫວຽດນາມທີ່ຄົນລາວເຮົາມັກກິນເປັນປະຈຳ ນັ້ນກໍຄືຮ້ານອາຫານ “DAO The High Tea” ເຊິ່ງເປັນ Franchise ຂອງກາເຟດາວ. ແຮງບັນດານໃຈໃນການສ້າງຮ້ານແມ່ນ ການຢາກມີ Dao Coffee ທີ່ເປັນສິນຄ້າຜະລິດຕະພັນຂອງຄົນລາວ ຢູ່ໃຈກາງເມືອງ ເຊິ່ງແຂກທັງພາຍໃນ ແລະ ຕ່າງປະເທດສາມາດຊອກຫາຊື້ຜະລິດຕະພັນຂອງດາວໄດ້ງ່າຍ ແລະ ສະດວກສະບາຍ ນອກຈາກ ຈະມາກິນອາຫານແຊບໆຈາກທາງຮ້ານແລ້ວ ກໍຍັງສາມາດຊື້ຂອງຝາກຂອງຕ້ອນທີ່ເປັນຜະລິດຕະພັນຂອງຄົນລາວເຮົາເປັນຂອງທີ່ລະນຶກໄດ້ອີກບໍ່ວ່າຈະເປັນ ຊາ, ກາເຟ, ນໍ້າຕານ, ໝາກໄມ້ອົບແຫ້ງ… ເຊິ່ງຖ້າຄິດຢາກໄດ້ສິນຄ້າຜະລິດຕະພັນຂອງກາເຟດາວ ຕ້ອງຮ້ານ DAO The High Tea ເທົ່ານັ້ນ. ຈຸດເດັ່ນຂອງຮ້ານ ນອກຈາກມີອາຫານທີ່ສະອາດ, ແຊບ ແລະ ມີຜະລິດຕະພັນຂອງກາເຟດາວທຸກຢ່າງແລ້ວອີກຢ່າງກໍຄືສະຖານທີ່ ທີ່ຢູ່ໃຈກາງເມືອງ ຊຶ່ງຊອກເຫັນງ່າຍ, ເປັນຕຶກສີຂາວ ຕົກແຕ່ງທາງນອກເບິ່ງແລ້ວອອກແບບ Style …

Read More »

ປຸງແຕ່ງທຸກຈານດ້ວຍຄວາມຮັກ ເຊັ່ນດຽວກັບເຮັດໃຫ້ຄົນທີ່ເຮົາຮັກທີ່ສຸດກິນ

ຮ້ານອາຫານ ປິນໂຕ (Pintoh Restaurant) ໃນພາວະການແຂ່ງຂັນສູງ ແລະ ດຸເດືອດ ຂອງທຸລະກິດຮ້ານອາຫານໃນເຂດນະຄອນຫຼວງວຽງຈັນ ມີຮ້ານອາຫານນ້ອຍໆຮ້ານໜຶ່ງໄດ້ເປີດຕົວຂຶ້ນ ເມື່ອປະມານ 8 ເດືອນກ່ອນ ຊື່ວ່າ ຮ້ານປິນໂຕ ທ່າມກາງຈຸດທີ່ສັບສົນວຸ່ນວາຍທີ່ສຸດໃຈກາງເມືອງ ນັ້ນກໍ່ຄືແຖວສີຫອມຮ້ານນ້ອຍໆແຫ່ງນີ້ ເກີດຂຶ້ນຈາກແຮງບັນດານໃຈຂອງສອງເອື້ອຍນ້ອງ ເອື້ອຍເຟີຍ ແລະ ເອື້ອຍໝານ້ອຍ ທີ່ຢາກນຳເອົາເມນູທີ່ປຸງແຕ່ງດ້ວຍຄວາມຮັກ ສຳລັບສະມາຊິກຄອບຄົວຂອງຕົນເອງ ມາແບ່ງປັນໃຫ້ກັບລູກຄ້າໄດ້ລິ້ມລອງ ດ້ວຍສູດທີ່ບໍ່ຄືໃຜ ດ້ວຍການເລືອກວັດຖຸດິບທີ່ພີຖີພິຖັນ ທຸກຢ່າງຕ້ອງສົດໃໝ່ ຄຸນນະພາບດີ ແລະ ທີ່ສຳຄັນ ປາສະຈາກແປ້ງນົວ ເຮັດໃຫ້ທຸກໆເມນູບ້ານໆ ຫຼື ເມນູປະຈຳບ້ານຂອງເພິ່ນ ອອກມາມີລົດຊາດພິເສດ ເພາະແນວຄວາມຄິດຂອງເພິ່ນຄື “ປຸງແຕ່ງທຸກຈານດ້ວຍຄວາມຮັກ ເຊັ່ນດຽວກັບເຮັດໃຫ້ຄົນເຮົາຮັກທີ່ສຸດກິນ” ບັນຍາາດຂອງຮ້ານກໍແສນຈະເຂົ້າກັນກັບແນວຄິດຂອງອາຫານ ທີ່ເຕັມໄປດ້ວຍອາຍອຸ່ນແບບຄອບຄົວອີ່ຫລີ ຈາກອຸປະກອນຕົບແຕ່ງແນວຢ້ອນອາດີດ ບໍ່ວ່າຈະເປັນ ປິນໂຕເຫຼັກ, ພາຖາດເຫຼັກລາຍດອກ ຫ້ອຍຢູ່ເທິງຝາ ພ້ອມທັງລວດລາຍຮູບແຕ້ມ ວິຖີຊິວິດຂອງຄົນລາວສະ ໄໝກ່ອນ ເຊິ່ງຖ້າໃຜຢູ່ໃນໄວກາງຄົນ ກໍພາໃຫ້ຄິດຮອດພາເຂົ້າທີ່ອີ່ແມ່ເຮັດໃຫ້ກິນສະໄໝຍັງນ້ອຍ (ເວົ້າລະນໍ້າຕາຊຶມ) …

Read More »

ຮ້ານອາຫານ 3434 ຟັງແຕ່ຊື່ຮ້ານ ກໍຢາກໄປລອງນັ່ງ ຊິວໆ!! ແລ້ວ

ສະບາຍດີມື້ນີ້ ຂວັນໃຈ Food ຂໍມາແນະນຳຮ້ານອາຫານ ທີ່ໄດ້ຮັບຄວາມນິຍົມ ຂອງຊາວນະຄອນຫຼວງວຽງຈັນ ຊື່ວ່າ ຮ້ານ 3434 ເຊິ່ງເພິ່ນຫາກໍຂະຫຍາຍສາຂາທີ 2 ຫວ່າງບໍ່ດົນມານີ້. ສ່ວນສາຂາທີໜຶ່ງແມ່ນຕັ້ງຢູ່ບ້ານດອນກອຍ ເປີດໃຫ້ບໍລິການໄດ້ປະມານ 2 ປີແລ້ວ ລູກຄ້າຂອງເພິ່ນກໍເພີ່ມຂຶ້ນຢ່າງຕໍ່ເນື່ອງ. ດັ່ງນັ້ນ ເພື່ອເອົາໃຈລູກຄ້າທີ່ໜ້າຮັກ ຈຶ່ງເປີດສາຂາ 2 ເຊິ່ງຕັ້ງຢູ່ບ້ານວັງຊາຍ ນີ້ເອງ ໃຜຢູ່ໃກ້ກໍລອງແວ່ໄປຊິມເບິ່ງເດີ້ ຮ້ານສາຂາ 2 ແມ່ນເລີ່ມເປີດບໍລິການແຕ່ວັນທີ  19 ກັນຍາ 2016 ເປັນຕົ້ນມາ. ກ່ອນຈະໄດ້ຊື່ຮ້ານວ່າ 3434 ເຈົ້າຂອງຮ້ານຄົນງາມ ມະນີຕາວັນ ບຸນນະວົງ ຫຼື ອາລິ່ງ ໄດ້ເລົ່າໃຫ້ຟັງວ່າ: ໄດ້ຈາກເລກປ້າຍລົດສະປອດຄັນທຳອິດ ຂອງຄອບຄົວ ຕໍ່ມາຊື້ຄັນທີສອງ ກໍຍັງໄດ້ປ້າຍຄືເກົ່າ 3434 ອີກ ກໍເລີຍຄິດວ່າເລກນີ້ ເປັນເລກນໍາໂຊກລາບໃຫ້ຄອບຄົວ ແລະ ທຸລະກິດ. ຈຸດເລີ່ມຕົ້ນຂອງການເປີດຮ້ານອາຫານ …

Read More »
error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!