ທ່ອງທ່ຽວ

ມື້ນີ້ ທີມງານ ເວັບໄຊຂວັນໃຈ ຈະຂໍນໍາເອົາປະຫວັດຂອງພຣະທາດຫຼວງວຽງຈັນ ມາເລົ່າສູ່ທ່ານຜູ້ອ່ານທີ່ໜ້າຮັກໄດ້ຟັງ, ພຣະທາດຫຼວງ ເປັນນາມສາມັນທີ່ປະຊາຊົນໃຊ້ເອີ້ນກັນເຊິ່ງເປັນພຣະທາດທີ່ໃຫຍ່ກວ່າພຣະທາດອື່ນໃນນະຄອນວຽງຈັນ, ສ່ວນຊື່ທາງການອັນເປັນຊື່ແທ້ໆຂອງພຣະທາດອົງນີ້ ເຊິ່ງໄດ້ຕັ້ງມາແຕ່ສະໄໝພຣະເຈົ້າໄຊຍະເສດຖາທິຣາຊນັ້ນຊື່ວ່າ: ພຣະເຈດີໂລກະຈຸນລະມະນີ ອັນເປັນປູຊະນີຍະສະຖານທີ່ສໍາຄັນຂອງຊາດລາວ ພຣະທາດຫຼວງວຽງຈັນປະກາຍສີທອງອັນເຮືອງຮຸ່ງ ຕັ້ງຢູ່ຢ່າງໂດດເດັ່ນທີ່ເຂດບ້ານທາດຫຼວງ ເມືອງໄຊເຊດຖາ ເຊິ່ງເປັນປູຊະນີຍະສະຖານບູຮານອັນເປັນສັນຍາລັກຂອງປະເທດລາວ ພຣະທາດໂລກະຈຸນລະມະນີ ທີ່ບັນຈຸພະສາລິຣິກະທາດຂອງພຣະພຸດທະເຈົ້າ ແລະ ເປັນສູນລວມແຫ່ງຈິດວິນຍານຂອງປວງຊົນລາວທັງຊາດ ພຣະທາດຫຼວງວຽງຈັນຖືກສ້າງຂຶ້ນເທື່ອທໍາອິດໃນປີ ພສ 236 ໂດຍການນໍາພາຂອງເຈົ້າເມືອງວຽງຈັນ ເຈົ້າຈັນທະບູລີປະສິດທິສັກ ຫຼື ບູລິຈັນ ແລະ ຖືກຕໍ່ເຕີມເສີມສ້າງຕື່ມອີກໃນປີ ຄສ 1566 ໂດຍເຈົ້າໄຊຍະເສດຖາທິຣາຊ ກະສັດຜູ້ສະຖາປະນາວຽງຈັນເປັນນະຄອນຫຼວງຂອງອານາຈັກລາວລ້ານຊ້າງ ມາຮອດປີ 1957 ລັດຖະບານລາວ ພາຍໃຕ້ພະບໍລົມມະຊູປະຖໍາຂອງເຈົ້າສີສະຫວ່າງວົງ ກໍໄດ້ນໍາພາປະຊາຊົນປັ້ນພະບໍລົມມະຮູບຂອງເຈົ້າໄຊຍະເສດຖາທິຣາຊ ປະດິດສະຖານໄວ້ຢູ່ໜ້າທາງເຂົ້າພຣະທາດດ້ານຕາເວັນຕົກເພື່ອເປັນອະນຸສາວະລີທີ່ພະອົງໄດ້ສ້າງພຣະທາດຫຼວງຂຶ້ນມາເປັນທີ່ສັກກະລະບູຊາຈົນຮອດປັດຈຸບັນ. ພຣະທາດຫຼວງສູງ 45 ແມັດ, ມີໃບສີມາອ້ອມ 228 ໃບ, ມີບໍລິວານ (ທາດນ້ອຍ) ອ້ອມຮອບ 30 ອົງເອີ້ນວ່າ: ປາລະມີສາມສິບທັດ, …

ທ່ານຜູ້ອ່ານທີ່ໜ້າຮັກທັງຫຼາຍ ໃນມື້ນີ້ ທີມງານ ຂວັນໃຈ ໄດ້ນໍາເອົາ 10 ສະຖານທີ່ທ່ອງທ່ຽວ ໃນນະຄອນຫຼວງວຽງຈັນ ທີ່ທ່ານໃດໄດ້ມາຮອດ ມາເຖິງນະຄອນຫຼວງວຽງຈັນ ແຕ່ບໍ່ໄດ້ໄປທ່ຽວ 10 ສະຖານທີ່ນີ້ ທ່ານຮູ້ບໍວ່າທ່ານພາດສຸດໆແລ້ວ ເພາະ 10 ສະຖານທີ່ນີ້ ລວ້ນແລ້ວແຕ່ມີຄວາມໝາຍຄວາມສໍາຄັນ  ແລະ ຄວາມງົດງາມ ທີ່ເປັນເອກະລັກຂອງນະຄອນຫຼວງວຽງຈັນນັ້ນເອງ ວ່າແລ້ວທ່ານຜູ້ອ່ານຢາກຮູ້ບໍວ່າ ຈະມີສະຖານທີ່ໃດແດ່ ຖ້າຢາກຮູ້ເຮົາໄປເບິ່ງພ້ອມໆກັນເລີຍ ພຣະທາດຫຼວງວຽງຈັນ 2. ປະຕູໄຊ 3. ຫໍພຣະແກ້ວ 4. ວັດຊຽງຄັວນ 5. ສວນເຈົ້າອານຸວົງ 6. ວັດສີສະເກດ 7. ວັດສີເມືອງ 8. ຫໍຫຼັກເມືອງວຽງຈັນ 9. ທາດດຳ 10. ຫໍທະມະສະພາ ເຄຼດິດຮູບພາບ: google.com

ໄປທ່ຽວທີ່ແຂວງ ສາລະວັນ ກໍຢ່າລືມໄປທ່ຽວທີ່ນີ້ເດີ້ ນໍ້າຕົກຕາດເລາະ – ຕາດຮັງ ເຊິ່ງຕາດທັງສອງນີ້ ຕັ້ງຢູ່ບ້ານແສນວັງ ເມືອງສາລະວັນ ຫ່າງຈາກຕົວເມືອງປະມານ 31 ກິໂລແມັດ ຖືກຄົ້ນພົບໃນປີ 1985 ແລະ ເປີດໃຫ້ເຂົ້າທ່ຽວຊົມຢ່າງເປັນທາງການເມື່ອປີ 1990 ເປັນຕົ້ນມາ ຄໍາວ່າ: “ ຕາດເລາະ ” ມີກົກເຄົ້າມາຈາກພາສາ ຂອງເຜົ່າທີ່ອາໄສຢູ່ແຖບນີ້ຄືຄໍາວ່າ: “ ໂລະ ” ມີຄວາມໝາຍວ່າອະໄວຍະວະເພດຊາຍ ໂດຍມີຕໍານານເລົ່າຂານເຖິງສອງສາວ ເອື້ອຍນ້ອງທີ່ໄດ້ເຮັດການພະນັນຂັນຕໍ່ທ້າ ໃຫ້ພໍ່ເຖົ້າໂຕນລົງນໍ້າຢູ່ຕາດນີ້ ຖ້າກ້າໂຕນພວກເຂົາຊິຍອມເປັນເມຍ ພໍ່ເຖົ້າຜູ້ນັ້ນກໍແກ້ເຄື່ອງປະເປືອຍ ຈົນເຫັນໂລະແຫ່ວຍານ ແລ້ວໂດດລົງໄປດົນເຕີບ ສອງນ້ອງເອື້ອຍພາກັນຄິດວ່າພໍ່ເຖົ້າຕາຍແລ້ວ ແຕ່ໂຊກເຂົ້າຂ້າງພໍ່ເຖົ້າດວງດີ ຄາດຊິໄດ້ເມຍສາວນ້ອຍ ສາມາດເງີຍຫົວຂຶ້ນມາຈາກນໍ້າຢ່າງປອດໄພ ຈຶ່ງເປັນອັນວ່າ ສອງສາວນັ້ນຈໍາຕ້ອງພາກັນປະຕິບັດຕາມສັນຍາ ຍອມເປັນເມຍພໍ່ເຖົ້າຜູ້ກ້າຫານນີ້ ຈຶ່ງເປັນທີ່ມາຂອງຕາດໂລະ ຫຼື ຕາດເລາະຈົນເທົ່າທຸກມື້ນີ້ ຂໍ້ມູນ: ກົມໂຄສະນາການທ່ອງທ່ຽວ ເຄຼດິດຮູບພາບ: google.com

ທ່ານຜູ້ອ່ານທີ່ໜ້າຮັກຫຼາຍໆທ່ານ ຮູ້ຫຼືຍັງວ່າວັດສີສະເກດ ມີປະຫວັດຄວາມເປັນມາແນວໃດ ຖ້າທ່ານຜູ້ອ່ານທ່ານໃດ ຍັງບໍ່ຮູ້ກໍ່ຮີບຟ້າວມາອ່ານທາງນີ້ເລີຍ ເພາະມື້ນີ້ ທີມງານ ຂວັນໃຈ ຈະຂໍນຳເອົາປະຫວັດຄວາມເປັນມາຂອງ ວັດສີສະເກດ ມາເລົ່າສູ່ທ່ານຜູ້ອ່ານທີ່ໜ້າຮັກຟັງ ວັດສີສະເກດເປັນວັດທີ່ມີຊື່ສຽງ ແລະ ເປັນທີ່ຮູ້ຈັກຂອງຊາວພຸດທະສາສະໜາ ວັດສີສະເກດ ຕັ້ງຢູ່ກົງກັນ ກັບວັດຫໍພຣະແກ້ວ ເມື່ອທ່ານຜູ້ອ່ານທີ່ຮັກແພງຂ້າມທາງມາຈາກວັດຫໍພຣະແກ້ວກໍຈະແມ່ນວັດສີສະເກດ ເຊິ່ງເປັນວັດທີ່ມີຄວາມສໍາຄັນທາງປະຫວັດສາດ ເພາະວ່າເປັນວັດດຽດທີ່ລອດພົ້ນຈາກການຈູດເຜົາທຳລາຍຂອງສັກດີນາຕ່າງດ້າວທີ່ມາຮຸກຮານລາວໃນລະຫວ່າງປີ ຄສ 1827 – 1828 ຊື່ທີ່ຈາລຶກໄວ້ໃນແຜ່ນສິລາຂຽນວ່າ: “ສະຕະສະຫັສສາຣາມ” (ແປວ່າ ວັດແສນ) ແຕ່ຄົນທັງຫຼາຍເອີ້ນວ່າ: “ວັດສີສະເກດ”.  ວັດສີສະເກດໄດ້ຖືກສ້າງຂຶ້ນໃນປີ ຄສ 1818 ໂດຍການນໍາພາຂອງເຈົ້າອານຸວົງ ກະສັດອົງສຸດທ້າຍຂອງຣາຊະວົງວຽງຈັນ, ວັດນີ້ໃນອະດີດຕັ້ງຢູ່ຕິດກັບບໍລິເວນພຣະຣາດຊະວັງຫຼວງດ້ານຕາເວັນອອກສ່ຽງ   ເໜືອ ແລະ ຕັ້ງຢູ່ດ້ານໃນກຳແພງບູຮານວຽງຈັນຊັ້ນໃນ ປັດຈຸບັນນີ້ ເບື້ອງທ່າຕິດກັບຖະໜົນ ໄຊເຊດຖາທິຣາດ ເບື້ອງທົ່ງຕິດກັບ ທະນາຄານພັດທະນາອາຊີ ຫ່າງໄກຈາກແມ່ນ້ຳຂອງປະມານ 250 ແມັດ ວັດສີສະເກດ ມີຄວາມພິເສດກວ່າວັດອື່ນເນື່ອງຈາກວ່າເປັນວັດທີ່ບັນຈຸຫໍໄຕຣປີດົກ, ກຸດຕິຂອງເຈົ້າເພັດຊະຣາຊ …

ມື້ນີ້ ຈະນໍາເອົາຮູບພາບຄວາມງົດງາມ ຂອງອ່າວຮາລ່ອງຂອງປະເທດຫວຽດນາມ ມາໃຫ້ທ່ານຜູ້ອ່ານທີ່ໜ້າຮັກໄດ້ຊົມ ທ່ານຜູ້ອ່ານທີ່ໜ້າຮັກ ບາງທ່ານກໍອາດຈະເຄີຍໄປທ່ຽວມາແລ້ວກໍມີເນາະ ອ່າວຮາລ່ອງຖືວ່າເປັນອ່າວໜຶ່ງໃນພື້ນທີ່ຂອງ ອ່າວຕັງເກຍທາງຕອນເໜືອ ຂອງປະເທດຫວຽດນາມ ໃກ້ຊາຍແດນຕິດຕໍ່ກັບປະເທດຈີນ ແລະ ເປັນໜຶ່ງໃນມໍລະດົກໂລກທາງທໍາມະຊາດຂອງປະເທດຫວຽດນາມ ເຊິ່ງໄດ້ປະກາດໃຫ້ເປັນມໍລະດົກໂລກທາງທໍາມະຊາດ ຈາກອົງການຍູເນສໂກ ໃນປີ 1995 ຄວາມງົດງາມຂອງອ່າວຮາລ່ອງນີ້ ຢູ່ບ່ອນວ່າເປັນທະເລອັນສວຍງາມ ແລະ ເກາະຫີນປູນເປັນພັນເກາະທີ່ພົ້ນນໍ້າອອກມາໃຫ້ເຮົາໄດ້ເຫັນໄດ້ຊົມ ແລະ ຍັງມີຖໍ້ານ້ອຍໃຫຍ່ອີກຫຼາກຫຼາຍ ຖ້າທ່ານມີໂອກາດໄດ້ໄປທ່ຽວທີ່ປະເທດຫວຽດນາມ ກໍຢ່າລືມໄປທ່ຽວສະຖານທີ່ທ່ອງທ່ຽວແຫ່ງນີ້ລອງເບິ່ງເດີ້ ຮັບຮອງວ່າບໍ່ຜິດຫວັງຢ່າງແນ່ນອນ ອ່າວຮາລ່ອງນັ້ນຈະມີຄວາມງົດງາມປານໃດ ເຮົາໄປຊົມຮູບພາບພາບພ້ອມໆກັນເລີຍ!! ເຄຼດິດຮູບພາບ: google.com