ທ່ອງທ່ຽວ

ໃນມື້ນີ້ ທີມງານ ຂວັນໃຈ ຈະນໍາເອົາປະຫວັດ ຂອງຫໍຫຼັກເມືອງ ວຽງຈັນມາເລົ່າສູ່ຜູ້ອ່ານທີ່ໜ້າຮັກໄດ້ຟັງ ຫໍຫຼັກເມືອງວຽງຈັນ ສ້າງຂຶ້ນເພື່ອເປັນບ່ອນປົກປັກຮັກສາຮ່ອງຮອຍມໍລະດົກທາງປະຫວັດສາດ ທີ່ໄດ້ຄົ້ນພົບຢູ່ໃນສະຖານທີ່ແຫ່ງນີ້ ເຊິ່ງຄົ້ນຄວ້າວິໄຈໂດຍນັກບູຮານຄະດີແລ້ວພົບວ່າ: ເປັນວັດຖຸບູຮານທີ່ປະກອບເຂົ້າໃນພິທີການກໍ່ສ້າງເສົາຫຼັກເມືອງວຽງຈັນໃນສະໄໝກ່ອນໂດຍໄດ້ພົບຫີນຫຼັກເມືອງ ຈຳນວນ 473 ຫຼັກ ສ່ວນໃຫຍ່ຟອກດ້ວຍຄໍາປິວ ແລະ ແກະສະຫຼັກເປັນລວດລາຍຫຼາຍຮູບແບບທີ່ງົດງາມ ເຊິ່ງສະແດງໃຫ້ເຫັນວ່າ:ຄົນລາວບູຮານໄດ້ໃຫ້ຄຸນຄ່າ ແລະ ຄວາມໝາຍສຳຄັນອັນສູງສົ່ງຕໍ່ວັດຖຸເຫຼົ່ານັ້ນ. ສິ່ງສຳຄັນທີ່ສຸດແມ່ນເພິ່ນໄດ້ຄົ້ນພົບສີລາຈາລຶກ1 ແຜ່ນທີ່ໄດ້ລະບຸເລີກຍາມກົງກັບມື້ ວັນຈັນ, ແຮມ 10 ຄໍ່າເດືອນ 3, ຈສ. 901 ປີກຸນ ປີກັດໃຄ້, ເຊິ່ງກົງກັບວັນທີ 16 ກຸມພາ ຄສ 1540 ຣາຊະການຂອງພະເຈົ້າໂພທິຊະຣາຊເຊິ່ງເປັນພະບິດາຂອງພະເຈົ້າໄຊຍະເຊດຖາທິຣາຊ ກຸ່ມຫີນຫຼັກເມືອງດັ່ງກ່າວຖືກຈັດວາງໄວ້ເປັນ 3 ກຸ່ມຫ່າງກັນປະມານ 1,5 ແມັດ ແລະ ຫໍຫຼັກເມືອງທີ່ສ້າງຂຶ້ນໃໝ່ນີ້ ແມ່ນກວມເອົາຫີນເສມາທັງ 3 ກຸ່ມ ແລະຖືເປັນຈຸດໃຈກາງ ທັງນີ້ກໍເພື່ອຈະຮັກສາຄວາມໝາຍອັນສັກສິດຂອງຈຸດທີ່ຕັ້ງເດີມເຊິ່ງບັນພະບູລຸດຂອງພວກເຮົາໄດ້ກຳນົດເອົາໄວ້ແລ້ວນັ້ນ ເພື່ອປະຕິບັດຮີດເກົ່າຄອງເດີມທີ່ມີມາແຕ່ບູຮານ ລັດຖະບານ …

ຫຼາຍໆທ່ານອາດເຄີຍໄປທ່ຽວມາແລ້ວເນາະ ຫໍໄຕຣປີດົກເກົ່າ ແຕ່ອາດຈະບໍ່ຮູ້ວ່າມີປະຫວັດຄວາມເປັນມາແນວໃດ ແລະ ໃນມື້ນີ້ ທີມງານ ຂວັນໃຈ ຈະຂໍນໍາເອົາປະຫວັດຂອງ ຫໍໄຕຣປີດົກເກົ່າ ( ໜອງລໍາຈັນ ) ມາເລົ່າໃຫ້ບັນດາທ່ານຜູ້ອ່ານທີ່ໜ້າຮັກໄດ້ຮູ້ຈັກ ຫໍໄຕຣປີດົກເກົ່າ ( ໜອງລໍາຈັນ ) ຕັ້ງຢູ່ບ້ານໜອງລໍາຈັນ ເມືອງຈໍາພອນ ຢູ່ຫ່າງຈາກເທສະບານເມືອງປະມານ 28 ກິໂລແມັດຫໍໄຕຣປີດົກ ທີ່ວັດຈັນທະສາໂຣ ຫຼື ຊາວບ້ານເອີ້ນກັນວ່າ ວັດໜອງລໍາຈັນ ເປັນສະຖາປັດຕະຍະກໍາເຄື່ອງໄມ້ທີ່ສະທ້ອນເຖິງສີໄມ້ລາຍມືຂອງຊາວຊ່າງລ້ານຊ້າງໃນອະດີດ ຫໍໄຕຣປີດົກແຫ່ງນີ້ ໄດ້ກໍ່ສ້າງຂຶ້ນແຕ່ສັດຕະວັດທີ 17 ເຊິ່ງແມ່ນ ຍາທ່ານ ຫຼັກຄໍາພາ ເປັນຜູ້ນໍາພາສ້າງ ເຊິ່ງສ້າງດ້ວຍໄມ້ໝົດທັງຫຼັງ ສ້າງຂຶ້ນໂດຍບໍ່ໃຊ້ຕະປູກຈັກດອກ ຕົວເຮືອນຢູ່ເທິງເສົາໄມ້ສູງ 6 ແມັດ ຕັ້ງຢູ່ກາງໜອງລໍາຈັນ ເພື່ອບໍ່ໃຫ້ປວກ ແລະ ແມງໄມ້ກັດກິນ ຕໍ່ມາຫໍໄຕຣປີດົກແຫ່ງນີ້ກໍໄດ້ປະຕິສັງຂອນ ໃໝ່ອີກໃນ ສັດຕະວັດທີ 19 ນັບແຕ່ນັ້ນມາກໍ່ມີຍາທ່ານຂຽວ, ຍາທ່ານ ພຸ່ນ, …

ມື້ນີ້ຈະຂໍແນະທ່ານໄປທ່ຽວສະຖານທີ່ທ່ອງທ່ຽວທີ່ຂຶ້ນຊື່ຂອງແຂວງ ຄໍາມ່ວນນັ້ນກໍຄື ຖໍ້າກອງລໍຖໍ້າກອງລໍເປັນແຫຼ່ງທ່ອງທ່ຽວທາງທໍາມະຊາດທີ່ມີຊື່ສຽງລະດັບແນວໜ້າຂອງໂລກຍ້ອນວ່າເປັນຖໍ້າທີ່ມີສາຍນໍ້າຫີນບູນໄຫຼຜ່ານອຸໂມງຂອງພູຫີນປູນເຂົ້າໄປແລ້ວປ່ອງໃສ່ແມ່ນໍ້າຂອງຖໍ້າກອງລໍຕັ້ງຢູ່ລະຫວ່າງບ້ານກອງລໍ – ນາຕານ, ເມືອງຄູນຄຳເຊິ່ງຫ່າງຈາກເມືອງ 46 ກິໂລແມັດບັນດານັກທ່ອງທ່ຽວສາມາດເດີນທາງຈາກເສັ້ນທາງເລກທີ 13 ເຂົ້າໄປຕາມເສັ້ນທາງເລກ 8 ອາດຈະຮອດບ້ານຄູນຄຳ ເຊິ່ງຫ່າງຈາກຖ້ຳກອງລໍ 40 ກິໂລແມັດ ສຳລັບທາງເລືອກອື່ນທີ່ເໝາະສົມກັບຜູ້ມັກການປະຈົນໄພ ແມ່ນຂີ່ເຮືອຈັກຫາງຍາວລ່ອງໄປຕາມສາຍນ້ຳຫີນບູນຈາກບ້ານນາ ແລະນັກທ່ອງທ່ຽວກໍສາມາດພັກແຮມຄືນນຳເຮືອນຊາວບ້ານ ບ້ານນາຫີນ, ບ້ານນາຕານ ແລະບ້ານກອງລໍ. ຖໍ້າກອງລໍ ມີຄວາມຍາວປະມານ 7,5 ກິໂລແມັດ, ເຊິ່ງມີຄວາມກ້ວາງປະມານ 30 ແມັດ ແລະ ສູງແຕ່ 20 ແມັດຫາ 100 ແມັດ ຖໍ້າກອງລໍເປັນຖໍ້າທີ່ສວຍງາມ ແລະມີສະເໜ່ດຶງດູດທີ່ສຸດເພາະທາງໃນຖໍ້າມີແກ້ງ, ຫີນຍ້ອຍ, ຫາດຊາຍ ທີ່ສວຍງາມຈຳນວນ 20 ກວ່າຈຸດເພື່ອໃຫ້ນັກທ່ອງທ່ຽວໄດ້ຊົມບັນດານັກທ່ອງທ່ຽວສາມາດຂີ່ເຮືອລອດຜ່ານເຂົ້າໄປໃນຖ້ຳໄດ້ຕະຫຼອດ ໃນລະດູແລ້ງເປັນໄລຍະທີ່ເໝາະສົມທີ່ສຸດ ເພື່ອຊົມຮູບໂສມສີສັນຂອງຖ້ຳໂດຍການຂີ່ເຮືອເຂົ້າໄປພາຍໃນຖ້ຳແລ້ວກໍ່ສາມາດລົງຈາກເຮືອແວ່ທ່ຽວຊົມທິວທັດ ແລະຍ່າງເລາະຫຼິ້ນຕາມຫາດຊາຍຂາວ ດ້ວຍການສຳຜັດກັບອາກາດທີ່ເຢັນສະບາຍເຊິ່ງນັກທ່ອງທ່ຽວທີ່ເຂົ້າໄປພາຍໃນຖ້ຳຈະມີຄວາມສຸກພາຍໃຕ້ບັນຍາກາດຂອງຄວາມສວຍງາມຂອງຖໍ້າບົນເສັ້ນທາງພາຍໃນຖ້ຳມີຫີນຍ້ອຍ, ໂງ່ນຫີນ ແລະ ຫາດຊາຍຈຳນວນຫຼວງຫຼາຍອັນສວຍສົດງົດງາມເປັນທີ່ຈັບອົກຈັບໃຈທີ່ສຸດ ຖໍ້າກອງລໍ-ນາຕານຖືກຄົ້ນພົບແຕ່ສະຕະວັດທີ XVI …

ມື້ນີ້ ທີມງານ ຂວັນໃຈ ຈະມາແນະນໍາໃຫ້ທຸກທ່ານ ໄດ້ຮູ້ຈັກກັບ ສະຖານທີ່ທ່ອງທ່ຽວແຫ່ງໜຶ່ງ ທີ່ຢູ່ແຂວງ ຫຼວງພຣະບາງ ນັ້ນກໍຄື: ໜອງຂຽວ ເຊິ່ງເປັນສະຖານທີ່ທ່ອງທ່ຽວແຫ່ງໃໝ່ ຕັ້ງຢູ່ແຄມແມ່ນໍ້າອູ ຂຶ້ນກັບເມືອງງອຍ ແລະ ຖືກອ້ອມຮອບດ້ວຍພູຜາຫີນປູນອັນງົດງາມ ແລະ ສູງຊັນ ບວກກັບປ່າໄມ້ຂຽວອຸ່ມທຸ່ມ ຈົນກາຍເປັນທິວທັດທໍາມະຊາດທີ່ງົດງາມ ແລະຈະກາຍເປັນມົນສະເໜອີກອັນແຫ່ງໜຶ່ງທີ່ສາມາດດຶງດູດໃຈໃຫ້ນັກທ່ອງທ່ຽວໄດ້ ໄປຢ້ຽມຢາມທ່ຽວຊົມ ບໍລິເວນໜອງຂຽວຍັງມີຂົວເກົ່າ ຂ້າມນໍ້າອູ ທີ່ຖືກສ້າງຂຶ້ນໃນປີ ຄສ 1973, ຮ້ານອາຫານ ແລະ ເຮືອນພັກຈໍານວນໜຶ່ງ ເຊິ່ງມີໄຟຟ້າ ແລະ ນໍ້າເຂົ້າເຖິງຢູ່ບາງບ່ອນເຖິງແມ່ນວ່າໜອງຂຽວຈະໄດ້ຮັບການພັດທະນາໃຫ້ມີຄວາມສະດວກສະບາຍ ແຕ່ກໍຍັງຮັກສາຄວາມເປັນທໍາມະຊາດແບບດັ້ງເດີມໄວ້ ແລະ ມີຄວາມງຽບສະຫງົບເໝາະສົມແກ່ການພັກຜ່ອນຢ່ອນໃຈທີ່ສຸດ ແລະເຊື່ອແນ່ນອນວ່າສະຖານທີ່ດັ່ງກ່າວນີ້ຈະກາຍເປັນແຫຼ່ງທ່ອງທ່ຽວທີ່ສໍາຄັນຂອງຊາວລາວ ທາງພາກເໜືອຢ່າງແນ່ນອນ   ເອົາລະທ່ານຜູ້ອ່ານທີ່ຮັກແພງ ເມື່ອໄດ້ຮູ້ແນວນີ້ແລ້ວຫຼາຍທ່ານຄົງຈະຄິດຢູ່ໃນໃຈວ່າ: ໜອງຂຽວ – ເມືອງງອຍນີ້ຕັ້ງຢູ່ໃສ ? ເພາະເນື່ອງຈາກວ່າ: ໜອງຂຽວ – ເມືອງງອຍ ເປັນເມືອງນ້ອຍໆ 2 …

ໃນມື້ນີ້ ທີມງານ ຂວັນໃຈ ຈະຂໍມາແນະນໍາໃຫ້ທ່ານຜູ້ອ່ານທີ່ໜ້າຮັກທັງຫຼາຍ ໄດ້ຮູ້ຈັກກັບປະຫວັດຂອງວັດສີເມືອງ ທີ່ເປັນທີ່ເພິ່ງທາງໃຈຂອງຊາວລາວເຮົາ ເມື່ອເອີ່ຍຊື່ວັດສີເມືອງຂຶ້ນມາ ທ່ານຜູ້ອ່ານທີ່ໜ້າຮັກທຸກທ່ານຄົງຈະຮູ້ເລີຍເນາະວ່າຕັ້ງຢູ່ໃສ ແລະ ຈະເປັນແນວໃດໃດນັ້ນເຮົາໄປອ່ານພ້ອມໆກັນເລີຍ ວັດສີເມືອງ ເປັນທີ່ຕັ້ງຂອງເສົາຫລັກເມືອງວຽງຈັນ ຕັ້ງຢູ່ເຂດບ້ານສີເມືອງ ເມືອງຈັນທະບູລີ ເຊິ່ງໄດ້ມີປະຫວັດຄວາມເປັນອັນເກົ່າແກ່ທີ່ເລົ່າຂານສືບຕໍ່ກັນມາວ່າ: ໃນສະໄໝກ່ອນຕອນທີ່ຊາວເມືອງພວມກໍາລັງເຮັດພິທີປັກຫລັກເມືອງຢູ່ນັ້ນກໍມີແມ່ຍິງຄົນໜຶ່ງຊື່ວ່າ: ນາງສີ ເຊິ່ງກໍາລັງຖືພາໄດ້ສະຫຼະຊີບໂດດລົງໄປໃນຂຸມນັ້ນ ນາງໄດ້ຖືກຝັງໄປພ້ອມກັບຫຼັກເມືອງ ແລະ ກາຍເປັນຜີຫຼັກເມືອງ ຈຶ່ງກາຍເປັນທີ່ມາຂອງຊື່ວັດສີເມືອງແຫ່ງນີ້. ຍ້ອນວັດສີເມືອງເປັນສະຖານທີ່ສັກສິດຈຶ່ງໄດ້ກາຍເປັນທີ່ເພິ່ງທາງໃຈໃຫ້ແກ່ຊາວລາວ ແລະ ເປັນສະຖານທີ່ ທີ່ຊາວຕ່າງຊາດໃຫ້ຄວາມສົນໃຈເຂົ້າມາສຶກສາ ແລະ ທ່ຽວຊົມເປັນຈໍານວນຫຼວງຫຼາຍ ປັດຈຸບັນປະຊາຊົນທັງພາຍໃນ ແລະ ຕ່າງປະເທດກໍໄດ້ເຂົ້າມາສັກກາລະບູຊາ-ກາບໄຫ້ວວັດສີເມືອງທຸກໆມື້ ໂດຍສະເພາະວັນອັງຄານ ແລະ ວັນສິນ ຄົນສ່ວນໃຫຍ່ແມ່ນມັກມາຂໍພອນ, ເສຍເຄາະ ບູຊາໂຊກ, ມາບະ-ມາບົນນໍາເຈົ້າແມ່ສີເມືອງໃນສິ່ງທີ່ຕົນປາດຖະໜາ ແລະ ເມື່ອສົມຫວັງແລ້ວກໍມາແກ້ບະຢູ່ນີ້ຕາມຄວາມເຊື່ອຂອງແຕ່ລະຄົນ. ທຸກໆປີໃນມື້ຂຶ້ນ 15 ຄໍ່າເດືອນ 12 ຂອງລາວເຊິ່ງກົງກັບມື້ບຸນນະມັດສະການພຣະທາດຫຼວງ ຈະມີພິທີແຫ່ຜະສາດເຜິ້ງ ເຊິ່ງເລີ່ມຕົ້ນແຫ່ຈາກວັດສີເມືອງແຫ່ງນີ້ໄປຫາພຣະທາດຫຼວງວຽງຈັນ,ວັດສີເມືອງສ້າງຂຶ້ນໃນປີ ພສ. 2106 ໂດຍເຈົ້າໄຊຍະເສດຖາທິລາດ …