Chic Working Women

ເພາະຊີວິດບໍ່ແມ່ນເລື່ອງງ່າຍ ໃນແຕ່ລະມື້ມີບັນຫາຫຼາຍຢ່າງເຂົ້າມາໃຫ້ແກ້ໄຂ ຄວາມຄຽດສະສົມຈາກຫຼາຍໆເລື່ອງ ເຮັດໃຫ້ເຮົາອາດຈະເປັນຄົນຄິດຫຼາຍ ກັງວົນ ແລະ ສ້າງກໍາແພງໃຫ້ຕົວເອງ ຈົນກາຍເປັນຄົນເບິ່ງໂລກໃນແງ່ລົບໄປໂດຍບໍ່ຮູ້ຕົວ ໃນເມື່ອຮູ້ແບບນີ້ແລ້ວ ວ່າບັນຫາບາງຢ່າງ ເຮົາກໍບໍ່ສາມາດຄວບຄຸມໄດ້ ຊັ້ນລອງປ່ຽນມາເປັນ ແມ່ຍິງຄິດບວກ ເບິ່ງໂລກໃນແງ່ດີກັນດີກວ່າ!!! ເຊິ່ງວ່າຈະເຮັດໄດ້ແນວໃດນັ້ນ ຂວັນໃຈ ມີເຄັດບໍ່ລັບມາຕ້ອນ… 1. ຢ່າມົວແຕ່ໂທດໂຊກສະຕາ ຈື່ໄວວ່າ ທຸກສິ່ງຢ່າງທີ່ເກີດຂຶ້ນ ລ້ວນແຕ່ມີທີ່ໄປທີ່ມາ ມີເຫດ ແລະ ຜົນຢູ່ສະເໝີ ຖ້າມົວແຕ່ໂທດໂຊກສະຕາ ເຈົ້າຈະບໍ່ມີວັນເຫັນທາງແກ້ໄຂໄດ້ ແຕ່ຖ້າເຈົ້າເບິ່ງວ່າບັນຫາ ຫຼືອຸປະສັກທີ່ພົບນັ້ນ ເປັນເລື່ອງທີ່ເກີດຈາກຄວາມບໍ່ຮອບຄອບຂອງເຈົ້າເອງ ຫຼືເກີດຈາກຄົນອື່ນ ເຈົ້າມີເຫດຜົນ ແລະ ຄິດຊອກຫາທາງແກ້ໄຂໄວ້ປັບໃຊ້ໃນຄັ້ງໜ້າ… 2. ຢູ່ກັບປັດຈຸບັນ ຢ່າັງວົນກັບເລື່ອງທີ່ຍັງບໍ່ເກີດ ຫຼາຍຄັ້ງທີ່ເຈົ້າມັກຈະມາຄິດຫຼາຍກັບເລື່ອງທີ່ຍັງບໍ່ເກີດ ຄິດວົນໄປວົນມາວ່າ ສິ່ງທີ່ກໍາລັງຈະເກີດຕ້ອງມີແຕ່ເລື່ອງບໍ່ດີ ທັ້ງໆທີ່ຍັງບໍ່ມີເຫດການໃດໆເກີດຂື້ນເລີຍ ການຢູ່ກັບປັດຈຸບັນຈຶ່ງຈໍາເປັນຫຼາຍ ເຮັດປັດຈຸບັນໃຫ້ດີ ໃຫ້ເຕັມທີ່ ແລ້ວຜົນທີ່ຕາມມາຈະດີເອງ ແລະ ທີ່ສໍາຄັນ ຄວນມີແຜນສໍາຮອງຢູ່ທຸກຄັ້ງ ຈະໄດ້ອຸ່ນໃຈວ່າ ຖ້າເກີດບັນຫາຂຶ້ນມາຈະແກ້ໄຂແນວໃດແດ່… …

ຖ້າເຈົ້າເປັນຄົນໜຶ່ງທີ່ກົດປຸ່ມເລື່ອນໂມງປຸກໃນຕອນເຊົ້າຫຼາຍກວ່າ 10 ຄັ້ງກ່ອນຈະລຸກອອກຈາກບ່ອນນອນ ໃຊ້ເວລາແຕ່ງໜ້າ ແຕ່ງຕົວດົນ ຫຼືຟ້າວໆ ກິນເຂົ້າເຊົ້າລະຫວ່າງຂັບລົດໄປເຮັດວຽກ ບອກເລີຍວ່າຕາລາງກິດຈະກໍາຕອນເຊົ້າຂອງເຈົ້າ ຄວນປ່ຽນແປງໄດ້ແລ້ວແຫຼະ ຖ້າຕ້ອງການຈະມີຊີວິດທີ່ປະສົບຄວາມສໍາເລັດ!!! ແລະນີ້ຄື ສິ່ງທີ່ແມ່ຍິງປະສົບຄວາມສໍາເລັດ ມັກເຮັດກ່ອນ 9 ໂມງເຊົ້າ… 1.​ ເຄື່ອນໄຫວຮ່າງກາຍໃນຕອນເຊົ້າ ບໍ່ຈໍາເປັນຕ້ອງເຖິງຂັ້ນລຸກຂຶ້ນມາອອກກໍາລັງການ ພຽງເຝິກ ໂຍຄະ ຫຼືໄປຍ່າງຫຼິ້ນ ກໍຊ່ວຍເຮັດໃຫ້ເລືອດລົມສູບສີດ ຫຼຸດຄວາມຕຶງຄຽດ ແລະ ເສີມສ້າງອາລົມໄດ້ແລ້ວ 2. ບໍ່ກົດປຸ່ມເລື່ອນເວລາໂມງປຸກ ການກົດປຸ່ມເລື່ອນເວລາໂມງປຸກ ຈະເຮັດໃຫ້ໂມງຊີວະພາບຂອງເຈົ້າເກີດອາການວົນກັບ ເຊິ່ງອາດຈະເຮັດໃຫ້ຮູ້ສຶກບໍ່ສົດຊື່ນ ແລະ ອ່ອນເພຍຫຼາຍເປັນພິເສດ ໂດຍອາການດັ່ງກ່າວຈະກິນເວລາດົນເຖິງ 2-4 ຊົ່ວໂມງເລີຍແຫຼະ!! ຍ້ອນແບບນີ້ ເຫຼົ່າແມ່ຍິງຜູ້ທີ່ປະສົບຄວາມສໍາເລັດ ຈຶ່ງຕ້ອງເຝິກຕົວເອງໃຫ້ຕື່ນທັນໂມງປຸກດັງ 3. ຮັບປະທານອາຫານເຊົ້າ ອາຫານເຊົ້າ ຄືແຫຼ່ງພະລັງງານທີ່ເຈົ້າຕ້ອງການ ເພື່ອເລີ່ມຕົ້ນວັນໃໝ່ຢ່າງແທ້ຈິງ ເຊິ່ງຄົນທີ່ເຮັດວຽກໄດ້ດີ ແລະ ຜູ້ປະສົບຄວາມສໍາເລັດທັງຫຼາຍ ຈຶ່ງມັກໃຫ້ຄວາມສໍາຄັນກັບການຮັບປະທານອາຫານເຊົ້າເພື່ອສຸຂະພາບສະເໝີ ເພາະຊ່ວຍເພີ່ມປະສິດທິພາບໃນການເຮັດວຽກຂອງສະໝອງ ດັ່ງນັ້ນ ພວກນາງຈະບໍ່ມີອາການສະໝອງເບີ …

ເທິງໂລກທີ່ເຄື່ອນໄຫວໄປຢ່າງໄວວາ ຜູ້ຄົນແຂ່ງຂັນ-ເລັ່ງດ່ວນ ບໍ່ຄ່ອຍໃຫ້ຄວາມສໍາຄັນກັບສິ່ງອ້ອມຕົວ ບາງຄົນຈົນຫຼົງລືມຄວາມສຸກນ້ອຍໆ ທີ່ສາມາດສ້າງຂຶ້ນໄດ້ດ້ວຍຕົວເອງໄປແລ້ວ ມື້ນີ້ Kuanjai ຈຶ່ງຢາກຂໍແນະນໍາເຕັກນິກດີໆ ໃນການໃຊ້ຊີວິດໃຫ້ມີຄວາມສຸກໃນທຸກໆມື້ ເຊິ່ງຈະຊ່ວຍສ້າງພູມຄຸ້ມກັນຈິດໃຈໄດ້ຢ່າງດີ… 1. ເຝິກໃຫ້ເປັນຄົນຫຼົງຮັກວັນຈັນ ຈາກການວິໄຈຈາກ Highland Spring Sparkling ພົບວ່າຄົນສ່ວນໃຫຍ່ຍົກໃຫ້ວັນຈັນເປັນວັນທີ່ເປັນຕາຢ້ານທີ່ສຸດຂອງອາທິດ ເພາະຕ້ອງດຶງຕົວເອງຂຶ້ນມາຈາກຄວາມສຸກໃນມື້ສຸດທ້າຍຂອງອາທິດ ແລ້ວຕ້ອງມາເລີ່ມຕົ້ນເຮັດວຽກໃນວັນຈັນ ດັ່ງນັ້ນ ວິທີທີ່ຈະເຮັດໃຫ້ວັນຈັນຂອງທຸກຄົນມີຊີວິດຊີວາຫຼາຍຍິ່ງຂຶ້ນນັ້ນ ມີສິ່ງດຽວຄື ປ່ຽນທັດສະນະຄະຕິ ຈົ່ງຄິດວ່າ ວັນຈັນ ຄືຈຸດເລີ່ມຕົ້ນຂອງການສ້າງສັນສິ່ງໃໝ່ໆ ເຮັດໃຫ້ວັນຈັນເປັນວັນເລີ່ມຕົ້ນຂອງອາທິດທີ່ດີ ຈະມີແຕ່ສິ່ງດີໆຕາມມາຈົນຮອດທ້າຍອາທິດ. 2. ໝັ່ນກອດກັນຕະຫຼອດ ຮູ້ຫຼືບໍ່ວ່າ ການໂອບກອດດັນນັ້ນມີປະໂຫຍດຫຼາຍ ແລະ ໄລຍະເວລາການກອດທີ່ມີປະສິດທິພາບນັ້ນຕ້ອງໃຊ້ເວລາປະມານ 7 ວິນາທີຂຶ້ນໄປ ເພື່ອສະແດງເຖິງຄວາມຮັກ ແລະ ຄອຍໃຫ້ກໍາລັງໃຈແກ່ກັນ 3. ຄິດເຖິງແຕ່ເລື່ອງດີໆ ກ່ອນນອນຫຼັບ ສໍາລັບຄົນທີ່ມີບັນຫານອນບໍ່ຫຼັບ ແທນທີ່ຈະນັບແກະໄປເລື້ອຍໆ ກໍປ່ຽນມາເປັນຄິດເຖິງສິ່ງດີໆ ທີ່ເຮັດໃຫ້ເຮົາມີຄວາມສຸກໂດຍລຽງລໍາດັບຕາມຕົວອັກສອນ ກ-ຮ ເບິ່ງເດີ້!! ເຊັ່ນ ກະຕ່າຍເປັນສັດທີ່ເຮົາມັກ, …

ຈົບໄປແລ້ວສໍາລັບການປະກວດ Heavy Queen Laos 2020 ທີ່ຈັດຂຶ້ນເປັນປີທໍາອິດກໍຄືປີນີ້ ເຊິ່ງແນ່ນອນວ່າ ພວກເຮົາກໍໄດ້ຕົວແທນສາວງາມຈາກເວທີນີ້ມາເປັນທີ່ຮຽບຮ້ອຍແລ້ວ ເຊິ່ງມື້ນີ້ ຂວັນໃຈ ກໍຈະພາມາທໍາຄວາມຮູ້ຈັກກັບບັນດາສາວງາມຜູ້ທີ່ໄດ້ຕໍາແໜ່ງກັນ (ມີທັງໝົດ 3 ຕໍາແໜ່ງ) ແຕ່ກ່ອນທີ່ຈະໄປທໍາຄວາມຮູ້ຈັກກັບສາວງາມທັງ 3 ຄົນນັ້ນ ແອັດຢາກນໍາສະເໜີ Concept ຂອງງານເພິ່ນໃຫ້ຮູ້ຈັກກັນໜ້ອຍໜຶ່ງເພາະຮູ້ສຶກວ່າມີຄວາມໜ້າສົນໃຈຫຼາຍ… ສໍາລັບຈຸດປະສົງຫລັກຂອງໂຄງການປະກວດແມ່ນ: 1. ສ້າງແຮງບັນດານໃຈໃຫ້ແກ່ສາວຜູ້ທີ່ມີຮູບຮ່າງອວບໃຫຍ່ໄດ້ມີຈຸດຢືນໃນສັງຄົມ, ເຮັດໃຫ້ເຂົາກ້າຄິດກ້າສະແດງອອກ, ກ້າເຮັດໃນສິ່ງທີ່ຮັກມັກໂດຍບໍ່ໃຫ້ມີແນວຄວາມຄິດໃນດ້ານຂອງຮູບຮ່າງທີ່ເປັນອຸປະສັກ, ໃຫ້ເຂົາເຈົ້າໃຊ້ຊີວິດດຳລົງຊີວິດຄືກັນກັບສາວຜູ້ທີ່ມີຮູບຮ່າງໂດຍທົ່ວໄປ…2. ເລືອກເຝັ້ນຫາຕົວແທນຂອງໂຄງການລົງພື້ນທີ່ເຮັດກິດຈະກຳເພື່ອສັງຄົມ ຊ່ວຍເຫລືອສັງຄົມຢ່າງແທ້ຈິງເຊັ່ນ:-ວັນທີ 03/7/2020 ລົງພື້ນທີ່ບໍລິຈາກເລືອດທີ່ອົງການກາແດງລາວ-ວັນທີ 07/7/2020 ໂຄງການຮ່ວມກັບສູນກາງສະຫະພັນແມ່ຍິງ,ອົງການກາແດງຮ່ວມກິດຈະກຳບໍລິຈາກເລືອດທີ່ວຽງຈັນເຊັນເຕີ-ວັນທີ 10/7/2020 ຮ່ວມບໍລິຈາກເລືອດທີ່ອົງການກາແດງລາວ-ວັນທີ 16/7/2020 ຈະລົງພື້ນທີ່ຕ່າງແຂວງມອບເງີນສ້າງໂຮງຮຽນປະຖົມທີ່ບ້ານນໍ້າຈິງ,ເມືອງທ່າພະບາດ, ແຂວງບໍລິຄຳໄຊ ຮູ້ຈັກກັບສາວງາມຜູ້ທີ່ໄດ້ຕໍາແໜ່ງ Miss Heavy Queen Laos Women 2020 ຄົນທໍາອິດຂອງລາວໄດ້ແກ່: ທ່ານ ນາງ ຄຳມົນ ສີຫາລາດ ອາຍຸ …

ທ່າມກາງກະແສຮຽກຮ້ອງຄວາມເທົ່າທຽມໃນເລື່ອງຂອງເຊື້ອຊາດ ແລະ ສີຜິວ ກໍໄດ້ມີນາງແບບສາວຄົນນີ້ທີ່ຂໍອອກມາປ່ຽນທັດສະນະຄະຕິດ້ານລົບທັງຫຼາຍ ໃຫ້ກາຍເປັນສິ່ງທີ່ຍອມຮັບໄດ້ໃນທີ່ສຸດ… ໄນຍາຄິມ ແກດເວຄ ນາງແບບສາວຜູ້ທີ່ເປັນເຈົ້າຂອງສີຜິວທີ່ດຳເຂັ້ມທີ່ສຸດໃນໂລກ ຈົນໄດ້ຮັບການບັນທຶກລົງໃນ ກິເນສບຸກ ພ້ອມທັງເປັນທີ່ຍອມຮັບກັນໃນວົງການ Fashion ລະດັບໂລກອີກດ້ວຍ… ໄນຍາຄິມ ປັດຈຸບັນອາຍຸ 27 ປີ ເປັນສາວຊາວອາເມລິກາ ເຊື້ອສາຍຊູດານໃຕ້ ເກິດທີ່ເມືອງແກມເບລາ ເອທິໂອເປຍ ເປັນທີ່ຮູ້ຈັກໃນແວດວົງນາງແບບ ແລະ ເປັນຜູ້ເຮັດໃຫ້ວົງການນາງແບບຕ້ອງສະເທືອນກັບການມາແລ້ວ… ໄນຍາຄິມ ໄດ້ເປິດໃຈວ່າ ລາວບໍ່ເຄີຍໜີພົ້ນເລື່ອງການຍຽດສີຜິວຄືກັນກັບທີ່ຊາວຜິວສີຫຼາຍຄົນເຄີຍພົບຢ່າງໜ້ອຍໜຶ່ງເທື່ອ ແຕ່ລາວພະຍາຍາມເບິ່ງເລື່ອງນີ້ໃຫ້ເປັນໃນທາງບວກໄວ້ ແລະ ຕອບກັບໄປຢ່າງເຈັບໆສະເຫມີ… ໄນຍາຄິມ ເຄີຍເລົ່າໃຫ້ຟັງວ່າ ຄັ້ງຫນຶ່ງລາວເຄີຍນັ່ງອູເບີ້ເພື່ອເດີນທາງໄປບ່ອນໃດບ່ອນໜຶ່ງ ແລະ ຢູ່ໆຄົນຂັບລົດກໍ່ເອີຍປາກຖາມລາວວ່າ ຖ້າມີຄົນໃຫ້ເງິນປະມານ 10. 000 ຫຼຽນ (ປະມານ 90.000.000 ກີບ) ໃຫ້ໄປກັດສີຜິວໃຫ້ຂາວຂຶ້ນ ລາວຈະຍອມເຮັດບໍ? ແທນທີ່ນາງຈະໃຈຮ້າຍເປັນຟືນໄຟ ໄນຍາຄິມ ກັບຫົວຂື້ນສຽງດັງ ແລະ ຕອບກັບໄປວ່າບໍ່ມີທາງ ເປັນຫຍັງຂ້ອຍຕ້ອງຢາກຈະກັດສີຜິວ …