Trick

ການ​ທີ່​ຈະ​ຮູ້ ຫຼື​ ແນ່​ໃຈ​ວ່າ​ຄົນ​ທີ່​ຄົບ​ນຳ​ຢູ່​ນັ້ນ​ເປັນ​ຄົນ​ທີ່ “​ແມ່ນ“ ​ແທ້ໆ ຫຼື ​ບໍ່​ ​ເປັນ​ເລື່ອງ​ທີ່​ຍາກຄື​ກັນ ດັ່ງ​ນັ້ນ​ຈຶ່ງ​ບໍ່​ແປກ​ເລີຍ​ທີ່​ສາວໆ ທັງຫລາຍ​ຍັງ​ຄົງ​ຄິດ​ໜັກ​ກັນ​ຢູ່ ​ເພາະສະ​ນັ້ນ ​ເຮົາຈຶ່ງ​ຂໍ​ນຳ​ສະ​ເໜີ​ສັນຍານ​ທີ່​ບົ່ງ​ບອກ​ວ່າ ​ເຂົາ​ຄົນ​ນັ້ນ​ເປັນ​ຄົນ​ທີ່ “​ແມ່ນ“ ສຳລັບ​ເຮົາ​ ຫຼື​ບໍ່? ເຄົາລົບ​ຊຶ່ງ​ກັນ​ແລະ​ກັນ: ການ​ໃຫ້​ຄວາມ​ເຄົາລົບ​ຊຶ່ງ​ກັນແລະ​ກັນ ​ເປັນ​ສິ່ງ​ທີ່​ສຳຄັນ​ທີ່​ສຸດ​ສຳລັບ​ການ​ໃຊ້​ຊີວິດ​ຄູ່ ອີກ​ທັງ​ຍັງ​ເປັນ​ສິ່ງ​ທຳ​ອິດ​ທີ່​ຕ້ອງ​ຄຳນຶງ​ເຖິງ​ເລີຍ ຖ້າ​ມີ​ຄວາມ​ຮູ້​ສຶ​ກ​ເຊັ່ນ​ນີ້​ຕໍ່​ກັນ ກໍ​ພໍ​ຈະ​ເວົ້າ​ໄດ້​ວ່າ​ເຂົາ​ເປັນ​ຄົນ​ທີ່​ແມ່ນ​ສຳລັບສາວໆ ​ຫາກ​ຊີວິດ​ຄູ່​ບໍ່​ມີ​ຮາກ​ຖານ​ຂອງ​ການ​ເຄົາລົບ ຊຶ່ງ​ກັນແລະ​ກັນ​ແລ້ວ ຈະ​ນຳ​ໄປ​ສູ່​ການ​ຜິດ​ຖຽງ​ກັນ​ໄດ້​ງ່າຍ​ ລອງ​ມາ​ເບິ່ງ​ກັນ​ດີກ​ວ່າ​​ມີ​ສັນຍານ​ຫຍັງ​ແດ່ ທີ່​ບົ່ງ​ບອກ​ເຖິງຄວາມ​​ເຄົາລົບກັນ: ​ເຂົາ​​ເຕັມ​ໃຈ​ ຫຼື ​ພະຍາຍາມ ທີ່​ຈະ​ປັບ​ທັດສະນະ​ຄະຕິ​ເຂົ້າ​ຫາເຮົາ ​ເມື່ອ​ຄວາມ​ຄິດ​ເຫັນ​ບໍ່​ກົງກັນ. ​ເຂົາ​ຮັບ​ຟັງ​ຄວາມ​ຄິດ​ເຫັນ ​ແລະ ​ເປັນ​ທີ່​ລະບາຍ​ເມື່ອ​ຍາມທີ່ເຮົາ​ທຸກ​ໃຈ​ ຫຼື ​ສຸກ​ໃຈ. ​ເຂົາ​ສາມາດ​ສຳ​ຜັດ​ໄດ້​ເຖິງຄວາມ​ຜິດ​ປົກກະຕິ​ບາງ​ຢ່າງ​ໃນ​ຕົວ​ເຮົາ ​ເຊັ່ນ​ບາງ​ມື້​ທີ່ເຮົາ​ງຽບໆບໍ່​ຄ່ອຍ​ເວົ້າ ​ເໜືອ​ນມີ​ເລື່ອງ​ຫຍັງ​ໃນ​ໃຈ. ​ເຂົາ​ໃຫ້​ຄວາມ​ສຳຄັນ ​ແລະ ​ຮັບ​ຟັງ​ທັດສະນະ​ຄະຕິ​ຂອງ​ເຮົາ ​ເຂົາ​ຄຳ​ນຶງ​ເຖິງຄຸນຄ່າ​ໃນ​ຕົວເຮົາ. ​ເຂົາ​ດີ​ໃຈ​ຫຼື​ມີ​ຄວາມສຸກ​ໄປ​ກັບ​ເຮົາ ​ເມື່ອ​ປະສົບ​ຄວາມ​ສຳ​ເລັດ. ຖ້າ​ຂາດ​ຂໍ້​ໃດ​ຂໍ້​ໜຶ່ງ​ໄປ ສະ​ແດງ​ວ່າ​ເຂົາ​ບໍ່​ເຄົາລົບ​ໃນ​ຕົວ​ເຮົາ ນີ້​ຄຶ​ສິ່ງ​ທີ່​ບົ່ງ​ບອກ​ວ່າ​ເຂົາ​ອາດ​ຈະ​ຍັງ​ບໍ່ “​ແມ່ນ“ …

ເກີດມາເປັນຄົນທັງທີເຊື່ອວ່າໝູ່ເພື່ອນກໍຄົງຈະເຄີຍມີຄວາມຮັກ ບາງຄົນກໍມີຄວາມຮັກທີ່ຫວານຊື່ນ ກໍຂໍສະແດງຄວາມຍິນດີນຳຫຼາຍໆ ແຕ່ວ່າບາງຄົນກໍເຈິຮັກທີ່ບໍ່ຄ່ອຍສົມຫວັງ ຮັກພັງຊໍ້າໆຊາກໆ ທັງໆທີ່ບໍ່ຢາກໃຫ້ເປັນແຕ່ມັນກໍເກີດຂຶ້ນເລື້ອຍໆ ແຕ່ຈະເຮັດແນວໃດໄດ້ນໍ້ແນວຄົນມັນບໍ່ແມ່ນກໍຄືບໍ່ແມ່ນ, ດັ່ງນັ້ນ ໃນມື້ນີ້ເອົາໃຈໝູ່ເພື່ອນທີ່ມັກ ອົກຫັກ ຕະຫຼອດ… ເຜີແປັບດຽວອົກຫັກເປັນວ່າຫຼິ້ນ ອາການຂອງຄົນອົກຫັກແນ່ນອນເລີຍວ່າ ຕ້ອງມີຄວາມເສຍໃຈ ເສົ້າໃຈ ຮູ້ສຶກໝົດອາໄລຕາຍຢາກ ບໍ່ເປັນອັນກິນອັນນອນ ຈະເຮັດຫຍັງກໍຄິດຫາແຕ່ຄົນຮັກທີ່ເຂົາບໍ່ມີແມ້ແຕ່ຈະຫຼຽວກັບມາສົນໃຈເຮົາ, ໂອ່ຍ!!! ບໍ່ຕ້ອງເສຍໃຈໄປເດີ້ ມັນກໍເປັນເລື່ອງທຳມະດາຂອງຊີວິດມະນຸດເຮົາ ໃຫ້ຄິດສະວ່າມັນເປັນເກມຊີວິດເດີ້ ຊີວິດເຮົາຈະໄດ້ມີລົດຊາດຂຶ້ນ ລອງປັບຄວາມຄິດ ແລະ ເປີດໃຈຮັບສິ່ງໃໝ່ເຂົ້າມາ ແລະ ເຈົ້າຈະໄດ້ຮູ້ວ່າແທ້ໆແລ້ວ ຄວາມສຸກທີ່ແທ້ຈິງຢູ່ບໍ່ໄກຈາກເຮົາ 1. ຮັກຕົວເອງໃຫ້ເຕັມທີ່ ໄດ້ເວລາປ່ຽນແປງຕົວເອງອີກຄັ້ງ ຄົນເຮົາຄວນມີພັດທະນາການທີ່ດີຂຶ້ນເລື້ອຍໆ ໃນທຸກໆມື້ ບໍ່ວ່າຈະເປັນເລື່ອງຫຍັງກໍແລ້ວແຕ່ ຍິ່ງເມື່ອທີ່ເຮົາອົກຫັກ ການປ່ອຍໃຫ້ຕົວເອງຈົມຢູ່ກັບອະດີດທີ່ເຈັບປວດ ບໍ່ໄດ້ເຮັດໃຫ້ຫຍັງດີຂຶ້ນມາເລີຍ ແຕ່ການລຸກຂຶ້ນມາພົບເຈິກັບຄວາມເປັນຈິງຕ່າງຫາກລະທີ່ເຮັດໃຫ້ເຮົາດີຂຶ້ນ ຊ່ວງເວລານີ້ເປັນຊ່ວງທີ່ເໝາະສົມທີ່ສຸດທີ່ເຮົາຄວນຫັນກັບມາຮັກຕົວເອງ ຫຼື ຈະຊອກຫາຄວາມຮູ້ເພີ່ມເຕີມເຊັ່ນໄປຊອກຮຽນພາສາ ຮຽນຄອສອອນລາຍເພື່ອຕໍ່ຍອດເຮັດທຸລະກິດ ຫຼຶຈະຫາກິດຈະກຳເຮັດເຊັ່ນ ອອກກຳລັງກາຍ ຮ້ອງເພງ ເຕັ້ນ ຫຼຶ ເຮັດສິ່ງທີ່ເຮົາມັກໃຫ້ເຕັມທີ່ໄປເລີຍ 2. …

ເຄີຍສົງໃສບໍ່ວ່າ ເອື້ອຍ ໝູ່ ຫຼື ຄົນທີ່ຮູ້ຈັກທີ່ງາມ ເກັ່ງ ໂປຟາຍເລີດ ມີຄວາມສະຫຼາດ ໄຫວພິບດີ ເປັນແມ່ຍິງຍຸກໃໝ່ ມີຄວາມປະສົບຜົນສຳເລັດໃນໜ້າທີ່ການງານ ເປັນຫຍັງສາວໆເຫຼົ່ານັ້ນຄືຍັງຄອງຕົວເປັນ “ໂສດ” ບໍ່ມີແຟນຈັກເທື່ອ? ເປັນຄຳຖາມທີ່ຄ້າງຄາໃຈໃຜຫຼາຍໆຄົນ, ດັ່ງນັ້ນຈຶ່ງມີການວິໄຈ ເຮັດບົດສະຫຼຸບ ແລະ ຄາດວ່າ 5 ຂໍ້ດັ່ງຕໍ່ໄປນີ້ແມ່ນເຫດຜົນຂອງບັນດາສາວໂສດທັງຫຼາຍ… ນາງໃຫ່ຍກວ່າທີ່ຈະ ອອກເດດເພື່ອຫາຄູ່ ແມ່ຍິງເຫຼົ່ານີ້ຈະບໍ່ເສຍເວລາ ຫຼຶ ພະລັງງານໃຫ້ກັບຜູ້ຊາຍທີ່ເບິ່ງບໍ່ເຫັນອະນາຄົດ ແຕ່ບໍ່ໄດ້ໝາຍວ່າພວກນາງບໍ່ໄດ້ສົນໃຈເລື່ອງການອອກເດດ ແຕ່ແຄ່ບໍ່ສົນໃຈການອອກເດດແບບສວຍໂອກາດ ສູ້ເອົາເວລາໄປອອກກຳລັງກາຍ ເບິ່ງແຍງໂຕເອງໃຫ້ງາມໆ ກວ່າຕ້ອງອອກເດດກັບຜູ້ຊາຍທີ່ນາງຮູ້ສຶກວ່າບໍ່ແມ່ນ ແຕ່ຖ້າມີຄົນທີ່ຮູ້ສຶກວ່າແມ່ນຜ່ານເຂົ້າມາ ນາງກໍພ້ອມໄປອອກເດດກັບຜູ້ຊາຍຄົນນັ້ນດ້ວຍຄວາມຕື່ນເຕັ້ນ 2. ນາງບໍ່ມັກເພດສຳພັນທີ່ໄຮ້ຄວາມໝາຍ ເຖິງແມ່ນວ່າສັງຄົມສະໄໝນີ້ຈະບໍ່ຊີຣຽດກັບເລື່ອງເຊັກສ໌ ແຕ່ສຳລັບພວກນາງແລ້ວ ຈະບໍ່ມີວັນຫຼຸດຄ່າຂອງຕົວເອງໄປກ່ຽວກັບຜູ້ຊາຍທີ່ຫວັງພຽງຮ່າງກາຍ ຫຼື ມີເພດສຳພັນພຽງຂ້າມຄືນເດັດຂາດ ເພາະເຊັກສ໌ຕ້ອງເກີດຈາກຄວາມຮັກ ແລະ ເຂົ້າໃຈກັນເທົ່ານັ້ນ 3. ນາງບໍ່ໄດ້ເບິ່ງຫາໃຜເພື່ອມາເຕີມເຕັມໃຫ້ຊີວິດ ນາງຈະບໍ່ຍອມຈຳນົນຕໍ່ອາການເຈັບປວດຂອງພາວະສິ້ນຫວັງໃນການອອກເດດ ນາງມີຄວາມງາມ ມີວຽກວຸ້ນໆທີ່ກອງເພື່ອໃຫ້ສະສາງ ແລະ ມີຄວາມສຸກກັບຊີວິດທີ່ເປັນຢູ່ …

ສາວໆສະໄໝນີ້ມີຄວາມໝັ້ນໃຈສູງ ບໍ່ຈຳເປັນຈະຕ້ອງໄປອາໄລອາວອນກັບຄົນທີ່ບໍ່ເຫັນຄຸນຄ່າ ບໍ່ເປັນຫຍັງເດີ້ຊີວິດເປັນຂອງເຮົາ ເດີນໜ້າຕໍ່ໄປ ສູ້ໆ.. ບໍ່ຮູ້ວ່າເປັນເພາະໂຊກຊະຕາຟ້າລິຂິດຫຼືວ່າແນວໃດ ເພາະມັກຈະເຫັນຄູ່ຮັກທີ່ຄົບຫາເບິ່ງໃຈກັນມາກໍຫຼາຍປີ ແຕ່ພໍຮອດໄລຍະໜຶ່ງແທນທີ່ຈະລົງເອີຍກັນແບບມີຄວາມສຸກ ແຕ່ພັດບໍ່ເປັນດັ່ງທີ່ຄິດ ເພາະມີຫຼາຍຄູ່ທີ່ເລີກກັນໄປແບບບໍ່ໄຍດີ ແລະ ມີສາວໆຫຼາຍຄົນອາຍຸກໍບໍ່ແມ່ນໜ້ອຍ ອາຍຸກໍກ້າວເຂົ້າໄປ 30-30+ ເປັນແບບນີ້ຈະເຮັດແບບໃດດີລະ… ລອງມາເບິ່ງ 3 ສິ່ງທີ່ຄວນເຮັດ… ເສີຍໃຈໃຫ້ພໍ ແຕ່ເມື່ອພໍແລ້ວຕ້ອງຢຸດ ແລະ ກ້າວຕໍ່ໄປ… ແນວວ່າຄົນອົກຫັກຈະໃຫ້ມານັ່ງເຂັ້ມແຂງ ເປັນແມ່ຍິງແກ່ງຕະຫຼອດເວລາກໍຄືຈະບໍ່ແມ່ນ ເສຍໃຈກໍຄືເສຍໃຈ ບໍ່ຈຳເປັນຈະຕ້ອງປິດບັງ ຢາກຈະຮ້ອງໃຫ້ກໍຈົ່ງຮ້ອງໃຫ້ພໍ ເມື່ອຮ້ອງໃຫ້ພໍແລ້ວກໍຈົ່ງເຊົາ ແລະ ຖິ້ມຄວາມເສຍໃຈອອກໄປໃຫ້ໝົດ ແລ້ວລຸກຂຶ້ນມາຕໍ່ສູ້ກັບກັບໂລກແຫ່ງຄວາມຈິງ 2. ກັບມາເບິ່ງແຍງຕົວເອງ ບໍ່ໄດ້ໝາຍຄວາມວ່າຈະຕ້ອງລຸກຂຶ້ນມາແຕ່ງງາມເພື່ອໃຫ້ແຟນເກົ່າເສຍດາຍ ແຕ່ໝາຍເຖິງຕ້ອງເບິ່ງແຍງຕົວເອງໃຫ້ຈິງຈັງ ຢ່າງທີ່ຮູ້ກັນວ່າເມື່ອອາຍຸເພີ່ມຂຶ້ນເລື້ອຍໆ ລະບົບຮ່າງກາຍກໍ່ບໍ່ໄດ້ແຂງແຮງຄືດັ່ງແຕ່ກ່ອນ ຮູບຮ່າງເລີ່ມບໍ່ຄືເກົ່າ, ດັ່ງນັ້ນຈຶ່ງໃຫ້ຫັນມາເບິ່ງແຍງຕົວເອງໃຫ້ດີ ແລະ ເມື່ອໃດເຮົາງາມຂຶ້ນ ສຸຂະພາບດີຂຶ້ນ ອາຍຸກໍບໍ່ສາມາດເຮັດຫຍັງເຮົາໄດ້ 3. ອອກເດີນທາງທ່ອງທ່ຽວ ກ່ອນໜ້ານີ້ຫຼາຍຄົນເຄີຍເປັນນັກສຶກສາ ພໍຮຽນຈົບກໍຟ້າວຕັ້ງໃຈເຮັດວຽກເພື່ອສ້າງຖານະຕົນເອງ ການທ່ອງທ່ຽວກໍມີຈຸດໝາຍ ມີຄວາມມ່ວນ ຕື່ນເຕັ້ນ …

ບາງ​ຄັ້ງ​ເຮົາ​ອາດ​ຄິດ​ວ່າ: “ເຮົາ​ສຸດຍອດ​ແລ້ວໄດ໋” ກັບ​ຄົນ​ຮັກ​ຄົນ​ນີ້ ​ເພາະມີ​ຫລາຍ​ຢ່າງ​ທີ່​ເຮົາ​ເຮັດ​ໄດ້​ດີ​ ແລະ ດີ​ທີ່​ສຸດໃນ​ເລື່ອງ​ຂອງຄວາມ​ຮັກ ຈະ​ແມ່ນ​ດ້ວຍຄວາມ​ດີ​ຄວາມ​​ງາມ, ​ການ​ເອົາ​ໃຈ​ໃສ່​ເບິ່ງ​ແຍງ​ຫົວ​ໃຈ ແລະ ເສຍ​ສ​ະຫລະ​ທຸກ​ສິ່ງ​ຢ່າງ​ເພື່ອ​ເຮັດ​ໃຫ້​ຄົນ​ທີ່​ເຮົາ​ຮັກ​ໄດ້​ສົມ​ຫວັງ ​ເຖິງວ່າ​ມີ​ບາງ​ສະ​ຖາ​ນະ​ການ ຄາ​ລົມ​ຄົມ​ຄາຍອາດ​ຈະ​ບໍ່​ຫວານ, ພອນ​ສະ​ຫວັນໃນ​ເລື່ອງ​ຂອງ​ຄວາມ​ຮັກອາດ​ຈະ​ບໍ່​ກິນ​ໃຈ ​ທັງບໍ່​ສາ​ມາດສ້າງ​ສັນ​ຮອຍຍິ້ມ​ໃຫ້​ກັບ​ຄົນ​ຮັກ ໃນ​ແບບ​ທີ່​ລາວ​ຢາກ​ໄດ້ ເຮົາ​ເຄີຍ​ທຸ່ມ​ເທ​ສ້າງ​ຄຸນ​ງາມ​ຄວາມ​ດີ ເພື່ອ​ໃຫ້​ຄົນ​ທີ່​ຢູ່​ອ້ອມ​ຂ້າງ​ເຮົາ​ໄດ້​ມີ​ຄວາມ​ສຸກ ແຕ່​ພໍ​ເວ​ລາ​ມີ​ໃຜ​ຄົນ​ໃດ​ຄົນ​ໜຶ່ງທີ່​ວິ​ເສດກວ່າ ເຂົ້າ​ມາ​ໃນ​ຊີ​ວິດ ຊ້ຳ​ພັດ​ເຮັດ​ໃຫ້​ທິດ​ທາງ ແລະ ວິ​ຖີ​ຊີ​ວິດ​ທັງ​ໝົດປ່ຽນ​ແປງ​ໄປ ຈາກ​ທີ່​ທຸ່ມ​ເທ​ໃຫ້​ກັບຄົນ​ຄົນ​ນີ້ ເຮົາ​ພັດ​ຕ້ອງ​ໄດ້​ສຸມ​ໃສ່​ໜ້າ​ທີ່​ວຽກ​ງານ ເຮົາ​ຈຳ​ເປັນ​ຕ້ອງ​ບິ​ແບ່ງ​ເວ​ລາ ແບ່ງ​ຄວາມ​ຄິດ, ບິ​ແບ່ງ​ເປົ້າ​ໝາຍ​ໃນ​ຊີ​ວິດ ແລ້ວ​ມຸ່ງ​​ຄວາມ​ສຳ​ຄັນ​ມາ​ທີ່​ເຂົາ​ຄົນ​ນັ້ນ​ເພີ່ມ​ຂຶ້ນ ​ເພາະ​ເຂົາໄດ້​ມີ​ສ່ວນຮ່ວມ​ເຂົ້າ​ມາ​ໃນ​ຊີ​ວິດ​ດ້ວຍ​ຄວາມ​ຜູກ​ພັນ​ໂດຍ​ທີ່ບໍ່​ໄດ້​ຄາດ​ຄິດ. ເລີ່ມ​ຕົ້ນ​ທີ່​ເຂົາ​ເຂົ້າ​ມາ ເຂົາ​ກໍ​ຍັງ​ໃຫ້​ກຽດ, ມີ​ຄວາມ​ເຄົາ​ລົບ​ນັບ​ຖື ແລະ ສະ​ແດງ​ບົດ​ບາດ​ພຽງ​ເລັກ​ນ້ອຍ​ໃຫ້​ເຮົາ​ເຫັນ​ພໍ​ຫອມ​ປາກ​ຫອມ​ຄໍ ແລ້ວ​ກໍ​ຄ່ອຍ​ໆ​ມີ​ບົດ​ບາດ​ຫລາຍ​ຂຶ້ນໆ​ໃນ​ເວ​ລາ​ຕໍ່​ມາ ຈົນ​ບາງ​ຄັ້ງ​ເຮົາ​ເອງ​ກໍ​ເກືອບ​ຈະ​ບໍ່​ຮູ້​ໂຕ​ເລີຍ​ວ່າ “ຊີ​ວິດ​ຂອງ​ເຮົາ​ລ້ວນ​ແຕ່​ກ້ຽວວຽນ​ຢູ່​ກັບ​ເຂົາ, ດຳ​ເນີນ​ຊີ​ວິດ​ຮ່ວມ​ກັບ​ເຂົາ ແລະ ຢູ່​ໃນ​ໂລກ​ແຫ່ງ​ຄວາມ​ຮັກ​ຂອງ​ເຂົາ ໝາຍ​ວ່າ​ລົມ​ຫາຍ​ໃຈ​ເຂົ້າ​ອອກ​ ລ້ວນ​ແຕ່​ມີ​ເຂົາ​ເຂົ້າ​ມາ​ກ່ຽວ​ຂ້ອງ​. ໃນ​ຍາມ​ທີ່​ເລີ່ມ​ຮັກ​ກັນ​ໃໝ່ ຄວາມ​ຫວານ​ເຮັດ​ໃຫ້​ເຮົາ​ມີ​ຄວາມ​ສຸກ​ໄດ້​ໃນ​ທຸກໆ​ມື້ ແຕ່​ພໍ​ການ​ເວ​ລາ​​​ເດີນຜ່ານ​ໄປ ຄວາມ​ຮັກ​ທີ່​ເຄີຍ​ສົດ​ຊື່ນ​ແຈ່ມ​ໃສ ກໍ​​ຄ່ອຍໆ​ມີ​ບັນ​ຍາ​ກາດ​ຂອງ​ຄວາມ​ສະ​ຫລັບ​ສັບ​ຊ້ອນ, ​ໃສ່​ໃຈ​ໜ້ອຍ​ລົງ ແລະ ​ຈືດ​ຈາງ​ຫ່າງ​ເຫີນ …