ຂ່າວບັນເທີງໃນປະເທດ

ລູກນໍ້າ ທິດາຣັດ ວົງສິຣິ ນັກສະແດງສາວຈາກລາວເດີນທາງຮ່ວມເດີນພົມແດງໃນງານປະກາດຜົນລາງວັນ ມາຍາ ມະຫາຊົນ (Maya Awards 2017) ທີ່ປະເທດໄທ ໃນຄໍ່າຄືນວັນທີ 8 ສິງຫາ 2017 ທີ່ຜ່ານມາ, ລູກນໍ້າ ນັກສະແດງສາວຄົນດັງຈາກລາວເຮົາກໍໄດ້ຮ່ວມເສີດສາຍ ໂຊໂຕຢ່າງງົດງາມເທິງພົມແດງໃນງານດຽວກັນກັບສິລະປິນ ແລະ ນັກສະແດງຄົນດັງຈາກປະເທດເພື່ອນບ້ານຫຼາຍຄົນເຊັ່ນ: ອໍ້າ ພັດຊະຣາພາ ໄຊເຊື້ອ, ກົບ ສຸວະນັນ, ໃໝ່ ດາວິກາ ໂຮເນ່, ຍຸ້ຍ ຈີລະນັນ, ເຈມ ຈິຣາຍຸ ແລະຍັງມີສິນລະປິນລະດັບແຖວໜ້າຂອງປະເທດເພື່ອນບ້ານໄປໃນງານນີ້ຢ່າງຫຼວງຫຼາຍ. ສຳລັບ ລູກນໍ້າ ທິດາຣັດ ວົງສິຣິ ກໍເປັນອີກໜຶ່ງນັກສະແດງທີ່ມີຄວາມສາມາດ ແລະ ໃນໄວໆນີ້ ລູກນໍ້າ ກໍກຳລັງຈະມີຜົນງານຮ່ວມສະແດງຮູບເງົາ “ມັງກອນນາລີປີສາດ” ຮ່ວມກັບປະເທດເພື່ອນບ້ານອີກດ້ວຍ. #ແຊຣໄປເປັນກຳລັງໃຈໃຫ້ລູກນໍ້າແດ່ ຮູບພາບ:  Louknum Vongsili

ມາຮູ້ຈັກກັບອີກໜຶ່ງສາວຕຳແໜ່ງຮອງອັນດັບ 2 ມິດແກຣນລາວ 2017 ນັ້ນກໍຄື ຈິດສະດາ ວົງໄຊສະຫວາດ (ມຸກ) ອາຍຸ 21 ປີ ກຳລັງສຶກສາຢູ່ທີ່ ວິທະຍາໄລ ຣັດຕະນະ ບໍລິຫານທຸລະກິດ ຊັ້ນປີທີ 2, ມຸກ ຈິດສະດາເປັນສາວງາມທີ່ມີສະເໜ່ ເຈົ້າຂອງຄວາມສູງ 1.75 ຊັງຕີແມັດ ແຖມມີຮູບຮ່າງດີ ຄີງບາງຮ່າງນ້ອຍ ມີຮອຍຍິ້ມທີ່ງາມ ທີ່ສຳຄັນມີຄວາມສາມາດ ເປັນສາວໜັ້ນທີ່ມີຄວາມກ້າຄິດກ້າສະແດງອອກ. ຮູ້ບໍ່ວ່າ? ກ່ອນທີ່ ມຸກ ຈິດສະດາ ຈະໄດ້ຕຳແໜ່ງຮອງອັນດັບ 2 ມິສແກຣນລາວ ສາວຄົນນີ້ເຄີຍຜ່ານເວທີການປະກວດ ແລະວຽກໃນວົງການບັນເທີງມາແລ້ວເຊັ່ນ: ມຸກ ເລີ່ມເຂົ້າວົງການບັນເທີງມາຕັ້ງແຕ່ອາຍຸ 16 ປີ ໂດຍການເຂົ້າປະກວດນາງສັງຂານນະຄອນຫຼວງວຽງຈັນ ປີ 2013 ຕິດຮອບ 7 ຄົນສຸດທ້າຍ ແລະເປັນໜຶ່ງໃນຂະບວນແຫ່ນາງສັງຂານ ເປັນໜື່ງໃນລູກສາວຂອງ ພະຍາກະບິນລະພົມ. ຈາກນັ້ນກໍເລີ່ມມີຄົນຮູ້ຈັກ ແລະ ເລີ່ມຮັບງານໃນວົງການບັນເທີງມາເລື້ອຍໆເດັ່ນໆກໍຈະເປັນງານເດີນແບບ, …

ເປັນອີກໜຶ່ງຄູ່ຮັກດາລາທີ່ມີຄວາມໜ້າຮັກ  ເບິ່ງແລ້ວເໝາະສົມກັນດີສຳລັບ ສຽວຜິງ ໄຊຍະລິນ ແລະ ຕູ່ ສະຖາພອນ ຫຼັງຈາກທີ່ ຂວັນໃຈ ເຮົາມີການນຳສະເໜີຂ່າວຂອງທັງສອງມາກ່ອນໜ້ານີ້ແລ້ວວ່າທັງສອງນັ້ນໄດ້ຕົກລົງຄົບຫາເບິ່ງໃຈກັນແບບເປີດເຜີຍ ໂດຍທີ່ບໍ່ໄດ້ປິດບັງຕາມວິຖີຂອງດາລາທົ່ວໄປ, ບໍ່ພຽງແຕ່ຈະຄົບຫາເບິ່ງໃຈກັນແບບເປີດເຜີຍເທົ່້ານັ້ນ ແຖມທັງສອງຍັງໂຊຄວາມຫວານຜ່ານສື່ໃຫ້ເຫຼົ່າແຟນຄລັບໄດ້ເຫັນກັນເລື້ອຍໆ  (ໂອ້ຍ…ງານນີ້ຄົນໂສດບອກເລີຍມີເຄືອງ 555) ບໍ່ວ່າຈະໄປໃສ ງານອີເວັ້ນໃດ ກໍຈະເຫັນທັງສອງເປັນເງົາຕິດຕົວກັນຕະຫຼອດ ແລະທັງສອງເມື່ອມີເວລາຫວ່າງກໍມັກຈະຄວງແຂນກັນໄປທ່ຽວພັກຜ່ອນຕາມແບບສະບັບຂອງຄູ່ຮັກ. ເບິ່ງແລ້ວກໍມີຄວາມຍິນດີກັນທັງ ສາວ ສຽວຜິງ ແລະ ໜຸ່ມ ຕູ່ ທີ່ມີຄວາມຮັກທີ່ສວຍງາມມອບໃຫ້ກັນແລະກັນ ແຕ່ໃນທາງກົງກັນຂ້າມເຫຼົ່າແຟນຄລັບທີ່ຍັງໂສດກັບເວົ້າເປັນສຽງດຽວກັນວ່າ: ຖ້າຈະຫວານກັນຂະໜາດນີ້ຊ່ວຍດູຕົນຄົນໂສດທີ່ເຂົາບໍ່ມີຄູ່ແດ່ເດີ້ (ເຮີເຮີ). #ເປັນຄູ່ຮັກທີ່ໜ້າຮັກປານນີ້ຖ້າຫຍັງຢູ່ແຊຣໄປໆ ຂໍຂອບໃຈຮູບພາບຈາກ: Siewphing Xyl , Tou Sathaphone  

ສະບາຍດີ!!! ແຟນເພສ ຂວັນໃຈ ທຸກໆຄົນ… ເຮີ້!!! ຜ່ານໄປແປັບດຽວເວລາກໍເດີນທາງມາຮອດທ້າຍປີ 2017 ແລ້ວໄວໆເນາະ (ອິອິ), ດັ່ງນັ້ນມື້ນີ້ ຊະນີIndy ຂາເມົ້າ ຂາຝອຍຄົນເກົ່າເຈົ້າເດີມ ຈະມາລວບລວມເອົາສິລະປິນຕ່າງຊາດທີ່ມີໂອກາດໄດ້ມາຢ້ຽມຢາມບ້ານເຮົາມາຝາກ, ຜ່ານມາຊ່ວງຫຼັງໆຮູ້ສຶກວ່າມີສິລະປິນຈາກຕ່າງຊາດມາຢ້ຽມຢາມບ້ານເຮົາແບບບໍ່ຂາດສາຍ ບໍ່ວ່າຈະເປັນນັກຮ້ອງ-ນັກສະແດງ ກໍຈະປ່ຽນກັນມາໃຫ້ເຮົາໄດ້ກຣີດໆໆໆ…ດາລາໃນດວງໃຈໂດຍທີ່ເຮົາບໍ່ຈຳເປັນຈະຕ້ອງບິນຂ້າມນໍ້າຂ້າມທະເລເພື່ອໄປເບິ່ງຄືກັບແຕ່ກ່ອນ. ທີ່ຜ່ານມາບໍ່ມີພຽງແຕ່ນັກຮ້ອງ-ນັກສະແດງຈາກປະເທດເພື່ອນບ້ານເທົ່ານັ້ນທີ່ໄດ້ມາຢ້ຽມຢາມ ຫຼືມາໂຊໂຕ ແຕ່ຍັງມີສິລະປິນລະດັບໂລກຫຼາຍທ່ານທີ່ໄດ້ມາໂຊຜົນງານ ເອົາໃຈແຟນໆຊາວລາວ, ເອົ້າ…ເວົ້າໄປຫຼາຍດຽວສິຫາວ່າຝອຍຍາວ ລອງມາເບິ່ງກັນວ່າຜ່ານມາມີສິລະປິນຕ່າງຊາດຄົນໃດມາຢ້ຽມຢາມບ້ານເຮົາແດ່!!! #ແຊຣໄປໃຫ້ໂລກຮູ້ປະເທດລາວສວຍງາມໃຜໆກໍຢາກມາ 1. Joss Stone: ນັກຮ້ອງຊື່ດັງຂອງໂລກສັນຊາດ ອັງກິດ ມີໂອກາດໄດ້ມາປະເທດລາວ ແລະຍັງມີໂອກາດຮ້ອງເພງປະຈຳຊາດຂອງລາວ “ຈຳປາເມືອງລາວ” ອີກດ້ວຍ.   2. DJ Vinai: 2 ດີເຈສຸດຫຼໍ່ ແຖມມີດີກຼີເປັນເຖິງດີເຈອັນດັບໂລກ ງານນີ້ເຮັດເອົາສາວໆທັງສາວແທ້ ສາວທຽມ ກຣີດໆໆໆ…ກັນເລີຍແມ່ນບໍ່? 555 3. DJ Soda: ດີເຈສາວສຸດເຊັກຊີ່ຈາກ ເກົາຫລີໃຕ້ ທີ່ຊື່ສຽງນາງກໍຂຶ້ນຊື່ລະດັບໂລກ ແລະຍັງໄດ້ມາປະເທດລາວ ແລະຍັງມີໂອກາດໄດ້ນຸ່ງຊຸດໄໝລາວ …

ວ້າວ…ມາເລີ່ມຕົ້ນເດືອນ ສິງຫາ 2017 ກັບຄົນເກັ່ງໆມີຄວາມສາມາດຫຼາກຫຼາຍດ້ານທີ່ ຊະນີIndy  ຢາກຈະມາແນະນຳໃຫ້ແຟນໆໄດ້ຮູ້ຈັກຕົວຕົນຂອງເພິ່ນ ເປັນໃຜບໍ່ໄດ້ເລີຍນັ້ນກໍຄື ອ້າຍ ຕຸ້ຍ ອິນປັນ ບໍລິຫານ ຫຼື ອ້າຍ ຕຸ້ຍ ແຫ່ງວົງ Overdance ວົງແຫ່ງຕຳນານທີ່ຫຼາຍຄົນຍ່ອມຮູ້ຈັກກັນດີ ຜ່ານມາກໍຫຼາຍປີແລ້ວແຕ່ຊື່ສຽງຂອງ ຕຸ້ຍ Overdance ກໍຍັງບໍ່ໄດ້ຈາງຫາຍໄປໃສ ແນວຄົນມີຄວາມສາມາດແນ່ນອນເລີຍວ່າທຸກຄົນກໍຕ້ອງຈື່ຈຳກັນໄດ້ເປັນຢ່າງດີ, ປັດຈຸບັນ ຕຸ້ຍ Overdance ເຖິງຈະຫ່າງຫາຍໄປຈາກວົງການເພງແດ່ ແຕ່ເພິ່ນກໍບໍ່ໄດ້ໄປໃສເພາະເພິ່ນມີວຽກປະຈຳເປັນເຖິງ ຮອງຫົວໜ້າພະແນກສື່ສານອົງກອນ ຢູ່ທີ່ ບໍລິສັດ ຜະລິດ-ໄຟຟ້າລາວ ມະຫາຊົນ ແລະ ຍັງມີອີກໜຶ່ງຢ່າງໃນວົງການບັນເທິງນັ້ນກໍຄື ພິທີກອນ ແຖມຍັງຖືກຍອມຮັບວ່າເປັນພິທີກອນທີ່ມີຄວາມສາມາດລະດັບແຖວໜ້າຂອງປະເທດລາວເຮົາ.   ເມື່ອເວົ້າເຖິງພິທີກອນຊາຍຄົນເກັ່ງລະດັບແນວໜ້າໃນບ້ານເຮົາ ທີ່ຮັບງານໃຫຍ່ໆ ລະດັບຊາດຢູ່ເລື້ອຍໆ ບໍ່ວ່າຈະເປັນງານ ນາງສາວອາພອນເພດຊົງລາວ, ນາງສາວລາວ, Gala Dinner ກອງປະຊຸມສຸດຍອດອາຊຽນ 2016, ງານລ້ຽງຮັບແຂກຂອງປະທານປະເທດ, ງານສະຖານທູດ ທີ່ຕ້ອງໃຊ້ສອງພາສາ, ງານປະກວດ Pepsi Singing …