ຂ່າວບັນເທີງໃນປະເທດ

ຂໍສະແດງຄວາມຍິນດີ! ປ໋ອກ ແສງມະນີ ຢາທໍ່ຕູ້ ເນັດໄອດໍ້ຄົນເກັ່ງ ສຳເລັດການສຶກສາລະດັບປະລິນຍາໂທດ້ານກົດໝາຍເສດຖະກິດ-ການຄ້າສາກົນ ຈາກ University International Business and Economic ໃນນະຄອນຫຼວງປັກກິ່ງ ສປ.ຈີນ, ແຖມ ປ໋ອກ ແສງມະນີ ຍັງໄດ້ຮັບໃບຍ້ອງຍໍນັກຮຽນເກັ່ງ ຈາກສະຖານທູດລາວປະຈຳນະຄອນຫຼວງປັກກິ່ງອີກດ້ວຍ (ເກັ່ງຫຼາຍ…ຂໍຊົມເຊີຍ). ໃນການຮັບໃບປະກາດຂອງ ປ໋ອກ ໃນເທື່ອນີ້ມີຄອບຄົວພໍ່-ແມ່, ໜູ່ເພື່ອນ ແລະ ບັນດາລູກໆທັງ 3 ທີ່ໜ້າຮັກຂອງປ໋ອກໄປຮ່ວມສະແດງຄວາມຍິນດີໃນເທື່ອນີ້, ທາງທີມງານ ຂວັນໃຈ ແລະ ແຟນເພສທຸກຄົນກໍຂໍສະແດງຄວາມຍິນດີ ແລະ ຊື່ນຊົມໃນຄວາມເກັ່ງຮອບດ້ານຂອງ ປ໋ອກ ແສງມະນີ ຢາທໍ່ຕູ້ ນຳຫຼາຍໆເດີ້…ແບບນີ້ແຫຼະຈຶ່ງສົມກັບເປັນເນັດໄອດໍ້ຕົວຈິງ. #ແຊຣໄປໃຫ້ໂລກຮູ້ເຖິງຄວາມສາມາດຂອງແມ່ຍິງລາວ ຂໍຂອບໃຈຮູບພາບຈາກ: PocKy Sengmany

ໃນປີ 2016 ທີ່ຜ່ານມາ ໂຄງການBeerlao Band Challengeໄດ້ເປີດສັກກະລາດຢ່າງຍິ່ງໃຫຍ່ໃຫ້ວົງການດົນຕີລາວ ແລະໄດ້ສ້າງສິນລະປິນໜ້າໃໝ່ ໂດຍການແຂ່ງຂັນຄັດເລືອກເອົາໄວໜຸ່ມລາວທີ່ມີຄວາມສາມາດ ແລະ ມັກຮັກໃນການຫຼິ້ນດົນຕີເຂົ້າສູ່ການເປັນນັກດົນຕີມືອາຊີບ ເຊິ່ງໄດ້ສຽງຕອບຮັບ ຈາກສື່ມວນຊົນ ແລະ ຜູ້ຊົມຢ່າງຫຼວງຫຼາຍ. ມາເຖິງວັນທີ 17 ມີຖຸນາ2017ທີ່ຜ່ານມາທີ່ສູນການຄ້າລາວໄອເຕັກ (ຕຶກເກົ່າ)Beerlao Band ChallengeSeason 2 ໄດ້ສືບຕໍ່ການແຂ່ງຂັນຮອບຄັດເລືອກເພື່ອຄົ້ນຫານັກດົນຕີໜ້າໃໝ່ປະຈຳປີ 2017ໂດຍມີຜູ້ເຂົ້າແຂ່ງຂັນທັງໝົດເກືອບ50ວົງ ຄັດໃຫ້ເຫຼືອພຽງ 24ວົງ ເພື່ອເຂົ້າໄປແຂ່ງຂັນໃນຮອບຮອງຊະນະເລີດເຊິ່ງໄດ້ຈັດຂື້ນໃນວັນທີ 24 ມີຖຸນາ2017 ທີ່ຜ່ານມາ ທີ່ສູນກິລາໃນຮົ່ມລ້ານຊ້າງ ແລະປະຈຸບັນເຮົາໄດ້ 12ວົງ ເຂົ້າໄປແຂ່ງຂັນໃນຮອບຊີງຊະນະເລີດ ທີ່ມີແຜນຈະຈັດຂື້ນໃນວັນທີ 15 ກໍລະກົດ 2017 ນີ້. ເພື່ອຮັບປະກັນຄຸນະພາບຂອງງານ ແລະການແຂ່ງຂັນ Beerlao Band Challenge Season 2ທາງບໍລິສັດຮ່ວມກັບຜູ້ຈັດງານໄດ້ເຊີນເອົາສີລະປີນຜູ້ຊົງຄຸນນະວຸດ ແລະມີຊື່ສຽງໃນວົງການເພງລາວ ທັງໝົດ 5ທ່ານເປັນຕົ້ນແມ່ນ ສັກ ວົງເຊວ, …

ມື້ນີ້ຈະພາແຟນໆທຸກຄົນມາເບິ່ງເບື້ອງຫຼັງການຖ່າຍແບບສຸດຫິນຂອງສາວ ສຸດາ ວັນທອງທິບ ຮອງອັນດັບສອງນາງສາວນະຄອນຫຼວງວຽງຈັນ ແລະ ລາງວັນຂວັນໃຈມະຫາຊົນ 2017, ທີ່ນາງໄດ້ມີໂປເຈັກຖ່າຍແບບເຊັດໃໝ່ທີ່ເບິ່ງແລ້ວບໍ່ງ່າຍເລີຍ ຊົ່ວຈະໄດ້ຮູບພາບງາມໆມາໃຫ້ທຸກໆຄົນໄດ້ເບິ່ງກັນບໍ່ແມ່ນເລື່ອງທຳມະດາເລີຍ (555) ຊະນີIndy ເຂົ້າໃຈສຸດາ ແລະ ນາງແບບທຸກໆຄົນແລ້ວບາດນິ ໃຜວ່າເປັນນາງແບບມັນງ່າຍ…ຕ້ອງລອງເຖິງຈະໄດ້ຮູ້ເດີ້…!!! #ແຊຣໄປໃຫ້ກຳລັງໃຈນາງແດ່ ຂໍຂອບໃຈຮູບພາບ: Souda Vanthongthip

ຮະຮະຮ່າ ເປີດເຟສບຸກມາເຈິເລື່ອງທີ່ໜ້າຍິນດີແຕ່ເຊົ້າເລີຍເພາະ ອ້າຍ ເຈ້ຍ ປາຊີຟິກ ຜູ້ກຳກັບຮູບເງົາພັນລ້ານຂອງເຮົາໄດ້ຖ່າຍຮູບຮ່ວມກັບ ອ້າຍ ໝໍ່າ ຈົກມົກ ຕະຫຼົກຊຸບເປີສະຕາ ແລະ ຜູ້ກຳກັບຮູບເງົາຄົນດັງຂອງປະເທດເພື່ອນບ້ານ ແລະ ອ້າຍ ເຈ້ຍ ຂອງເຮົາຍັງໄດ້ຂຽນຄຳອະທິບາຍໃນຮູບພາບວ່າ: “ກຽມໂຕເດີນທາງມາງານ ເປີດໂຕຮູບເງົາ ສົ້ມພັກສ້ຽນ ຂອງ ອ້າຍ ໝໍ່າ ຈົກມົກ ທີ່ ນະຄອນພະນົມ”   ພໍແຕ່ໂພສຮູບພາບບໍ່ພໍເທົ່າໄດເຮັດໃຫ້ມີແຟນໆ ແລະ ອ້າຍ ນ້ອງຮ່ວມວົງການເຂົ້າໄປກົດໄລ້ ກົດແຊຣ ແລະ ຄອມເມັ້ນກັນແບບທະລົ່ມທະລາຍ. ເຫັນແບບນີ້ແລ້ວ ຊະນີIndy ແລະ ແຟນໆກໍຮູ້ສຶກດີໃຈ ພວກເຮົາຫວັງວ່າໃນອະນາຄົດຄົງຈະມີຮູບເງົາລະຫວ່າງສອງຜູ້ກຳກັບຄົນເກັ່ງນີ້ ສ້າງຜົນງານດີໆມາໃຫ້ພວກເຮົາໄດ້ເບິ່ງກັນແນ່ເດີ້!!! #ແຊຣໄປໃຫ້ໂລກຮູ້ ຮູບພາບຈາກ: Phoumsana Jear Pacific

ສຸດຍອດ! ອີ່ຫລີສຳລັບ ນ້ອງ ແຈັກ ນັກຮ້ອງນຳວົງ “YES” ທີ່ມີລາຍຊື່ຕິດຮອບ Final Audition ຂອງລາຍການແຂ່ງຂັນເພງຊື່ດັງ “THE VOICE THAILAND SEASON 6” ເຊິ່ງລາຍການດັ່ງກ່າວເປັນລາຍການແຂ່ງຂັນເພງອັນດັບຕົ້ນໆຂອງປະເທດເພື່ອນບ້ານ ແລະ ລາຍການ THE VOICE ກໍເປັນລາຍການທີ່ມີເຄົ້າມາຈາກປະເທດ ອາເມລິກາ ແລະ ບໍ່ແມ່ນເລື່ອງງ່າຍເລີຍທີ່ຈະມີນັກຮ້ອງຜ່ານເຂົ້າໄປແຂ່ງຂັນກັນໄດ້ງ່າຍໆ, ຢ່າງໄດກໍຂໍສະແດງຄວາມຍິນດີກັບ ແຈັກ ທີ່ມີຄວາມສາມາດຜ່ານເຂົ້າໄປແຂ່ງຂັນໃນລາຍການໃນຄັ້ງນີ້. ສຳລັບການແຂ່ງຂັນຮອບ blind audition the voice thailand 6 ແຈັກຈະເຂົ້າອັດລາຍການໃນວັນທີ 29 ມິຖຸນາ 2017 ນີ້, ຢ່າລືມຕິດຕາມເປັນກຳລັງໃຈໃຫ້ຄົນລາວນຳກັນ, ສາມາດຕິດຕາມຄວາມເຄື່ອນໄຫວຂອງການແຂ່ງຂັນໄດ້ທີ່ເພສ ຂວັນໃຈ ເລີຍເດີ້ ຫຼື ເຂົ້າໄປໃຫ້ກຳລັງໃຈໜຸ່ມ ແຈ໋ກ ໄດ້ທີ່ເຟສບຸກ Jack Phommavongsay ໄດ້ເລີຍ. #ແຊຣໄປໃຫ້ໂລກຮູ້ເຖິງຄວາມສາມາດຂອງຄົນລາວ ມີຄລິບມາຝາກນຳເດີ້ โพสต์โดย Jack Phommavongsay บน …