ຂ່າວບັນເທີງໃນປະເທດ

ສາວລາວມີຄວາມກ້າຫານ ເດີນທາງໄປແຂ່ງຂັນຮ້ອງເພງຢູ່ປະເທດໄທ! ນາງ ທັນຍາພອນ ສຸວັນນະລາດ (ຕ້າ) ສາວລາວຈາກແຂວງສະຫວັນນະເຂດ ຂໍເຮັດຕາມຄວາມຝັນເດີນທາງໄປແຂ່ງຂັນຮ້ອງເພງທີ່ ປະເທດ ໄທ ໃນລາຍການແຂ່ງຂັນຮ້ອງເພງຊື່ດັງ “ສຶກວັນດວນເພງ” ແລະ ໃນເທື່ອນີ້ສາວຕ້າໄດ້ໂຊສຽງຊົງພະລັງໃນເພງທຳນອງໝໍລຳພື້ນບ້ານ ຈົນເຮັດໃຫ້ກຳມະການທັງ 3 ທ່ານຕົກຕະລຶງໃນນ້ຳສຽງທີ່ເປັນເອກະລັກ, ແຕ່ກໍເປັນອັນໜ້າເສຍດາຍທີ່ນາງບໍ່ສາມາດເອົາຊະນະແຊ໋ມເກົ່າໄດ້ ແຕ່ຖືວ່າເຮັດດີທີ່ສຸດແລ້ວເດີ້ ເພາະການທີ່ເຮັດຕາມຄວາມຝັນບໍ່ມີສິ່ງໃດທີ່ຜິດ ຖືວ່າເປັນການໄປເກັບກ່ຽວເອົາປະສົບການເພື່ອມາພັດທະນາເຮົາໃນມື້ໜ້າເດີ້ ເປັນກຳລັງໃຈໃຫ້ ສູ້ໆ! ຢ່າລືມກົດໄລ້-ກົດແຊຣ ໃຫ້ກັບຄົນທີ່ມີຄວາມສາມາດ ແລະ ຕາມຫາຄວາມຝັນຢ່າງນີ້ແດ່ເດີ້! ຂໍຂອບໃຈຮູບພາບຈາກລາຍການ: ສຶກວັນດວນເພງ

ເກືອບບໍ່ຈື່! ສຽວຜິງ ງາມຂຶ້ນຫຼາຍ!!! ມາໆມາຝອຍນຳກັນໄວໆ! ຊະນີIndy ນອນບໍ່ຫຼັບໝົດຄືນຍ້ອນວ່າລັກແອບໄປສ່ອງ IG ຂອງດາລາພິທີກອນຊື່ດັງສາວ ສຽວຜິງ ໄຊຍະລິນ ທີ່ດຽວນີ້ນາງມີຄວາມງາມ ແລະ ເຊັກຊີ່ຂຶ້ນແບບຜິດຫູຜິດຕາ ຈົນຢາກມອບຕຳແໜ່ງເຊັກຊີ່ສະຕາແຫ່ງວົງການໃຫ້ນາງກັນເລີຍ, ຄລິກເບິ່ງຮູບພາບຂອງນາງແຕ່ລະຮູບ ແບບວ່າມີແຕ່ຮູບເລີດໆ ແບບວ່າງາມເວີ້ທຸກຮູບ,​ ບໍ່ຈັກວ່າສາວ ສຽວຜິງ ໄປເຮັດສັນຍະກຳໝໍໃດມາ…ອຸ້ຍບໍ່ແມ່ນເດີ້ໄປກິນຫຍັງມານໍຄືມາງາມເລີດຈົນຈະບໍ່ຈື່ວ່າແມ່ນສາວ ສຽວຜິງ ກັນເລີຍ! ຂອບໃຈຮູບພາບຈາກ: Siewphing

ມາເບິ່ງ! ສາວລາວຄົນທຳອິດໃນລາຍການ “Take me out Thailand” ຊະນີIndy ມາແລ້ວຈະມາອັບເດດຂ່າວສານບັນເທິງ ເປັນທີ່ຮືຮາກັນທົ່ວບ້ານທົ່ວເມືອງກັບສາວລາວຄົນທຳອິດທີ່ສາມາດໄປຮ່ວມໃນລາຍການເລືອກຄູ່ “Take me out Thailand” ຊີຊັ່ນ 11 ອອກອາກາດໄປໃນວັນເສົາ ວັນທີ 14 ມັງກອນ 2017 ທີ່ຜ່ານມາ, ເຊິ່ງສາວຄົນນີ້ເປັນສາວໜ້າຮັກ ຜິວພັນດີ ມີຊື່ວ່າ ກິຕ້າ ພັດທະສອນ ມິນີດາລັດ ອາຍຸ 24 ປີ, ສາວ ກິຕ້າ ໄດ້ເປີດເຜີຍວ່າສາເຫດທີ່ມາຮ່ວມໃນລາຍການນີ້ກໍຍ້ອນວ່ານາງຢູ່ໃນສະຖານະພາບໂສດມາດົນ ແລະ ຍາກມີແຟນ, ໂອ້ຍ!! ໜ້າຮັກພຽງນີ້ຍັງບໍ່ມີແຟນ (ບໍ່ຢາກຈະເຊື່ອ)! ເບິ່ງຮູບສາວກິຕ້າແລ້ວຢ່າລືມຄອມເມັ້ນ, ກົດໄລ້ ແລະ ແຊຣ ແດ່ເດີ້ວ່າສາວລາວ ໜ້າຮັກ ແລະ ງາມຊໍ່າໃດ?

ແອບສ່ອງ! Honeymoon ຫວານຄູ່ຮັກພັນລ້ານ ມາແລ້ວໆ ຊະນີIndy ມາແລ້ວ ແລະ ຍັງບໍ່ໄດ້ມາລ້າໆເດີ້ເພາະຍັງຈະມາເມົ້າມອຍເລື່ອງຂອງຄູ່ຮັກສຸດເວີ້ວັງອະລັງການ ສາຍາຄູ່ຮັກພັນລ້ານ, ແນະໆ! ນຶກອອກກັນແລ້ວບໍ່ ເພາະຈະເປັນໃຜໄປບໍ່ໄດເລີຍ ນັ້ນກໍຄືຄູ່ຮັກແຫ່ງປີ ເພັງ&ອ້າຍ, ເພາະຫຼັງຈາກທີ່ທັງສອງແຕ່ງດອງກັນແລ້ວ ຈົນສ້າງປະກົດການຮືຮາສະໜັ່ນເມືອງ ດ້ວຍຄວາມທີ່ວ່າ ລູກເສດຖີແຕ່ງກັບລູກເສດຖີ ( ອຸ້ຍໆ! ຢ່າເວົ້າດັງໄປດຽວມີໃຜໄດ້ຍິນ) ທັງສອງກໍໄດ້ບິນຕົງໄປ Sweet ຫວານກັນຮອດ ເມົາດຣີບ (Maldives) ແລະ ຍັງບໍ່ໝົດເພາະສາວເພັງ ແລະ ໜຸ່ມອ້າຍຍັງດຸໝັ່ນໂພສຮູບພາບຫວານໆ ມາໃຫ້ຂາເມົ້າໄດ້ອິດສາຕາຮ້ອນໄປຕາມໆກັນ. ເອົ້າ…ຢ່າງໃດກໍຂໍໃຫ້ສາວເພັງ ແລະ ໜຸ່ມອ້າຍມີຄວາມສຸກກັບ Honeymoon ຫວານຄັ້ງນີ້ເດິ້ ແລະ ຢ່າລືມຜະລິດ Baby ໂຕນ້ອຍໆມາໃຫ້ແຟນໆໄວໆເດີ້. ທີ່ມາຮູບພາບຈາກ: Pheng’s AP

ອາຫານຫູ ອາຫານຕາ ມັນດີຕໍ່ຈິດໃຈ! ກຣີດໆໆ ຊະນີIndy…ມື້ນີ້ເອົາຮູບພາບຜູ້ບ່າວມາຝາກເພື່ອເປັນອາຫານຫູອາຫານຕາ ແລະ ບຳລຸງຈິດໃຈ (ຮະຮ່າ) ຊື່ວ່າໜຸ່ມ ບີ້ ອັດສະລິຍະພົງ ບຸບຜາ ຫຼື ທີ່ຮູ້ໆກັນວ່າເປັນນ້ອງຊາຍສຸດຫຼໍ່ຂອງສາວ ວີນາ ບຸບຜາ ດາລາສາວຊື່ດັງ, ທັງເຈົ້າຊູ້ ມີຄວາມໜ້າຮັກ ອອກແນວອາຕີ໋ ໂອ້ຍໆ…ຢາກຈະບ້າຕາຍ ນ້ຳລາຍໄຫຼເປັນທາງພຸ້ນແຫຼະ555. ຂອບໃຈຮູບພາບຈາກ: Atsaryaphong Boupha