ຂ່າວສັງຄົມ

ໃນຕອນເຊົ້າຂອງວັນທີ 12 ສິງຫາ 2017, ທີ່ສວນສະທາລະນະປະຕູໄຊ, ນະຄອນຫຼວງວຽງຈັນ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ເປັນປະທານໃນພິທີຍ່າງເພື່ອສຸຂະພາບ ເຊິ່ງເປັນໜຶ່ງໃນບັນດາກິດຈະກຳທີ່ຈັດຂຶ້ນເພື່ອສະເຫຼີມສະຫຼອງວັນສ້າງຕັ້ງ ສະມາຄົມບັນດາປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ) ຄົບຮອບ 50 ປີ (8/81997-8/8/2017) ແລະ ຄົບຮອບ 20 ປີ ທີ່ ສປປ ລາວ ເຂົ້າເປັນສະມາຊິກອາຊຽນ (23/7/1997-23/7/2017). ໃຫ້ກຽດເຂົ້າຮ່ວມໃນພິທີຍ່າງເພື່ອສຸຂະພາບຄັ້ງນີ້ມີ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ, ມີບັນດາອະດີດການນຳ, ລັດຖະມົນຕີ, ຮອງລັດຖະມົນຕີ, ພະນັກງານ, ທະຫານ, ຕຳຫຼວດຈາກບັນດາກະຊວງ ແລະ ຂະແໜງຕ່າງໆທີ່ຮັບຜິດຊອບວຽກອາຊຽນ, ບັນດາເອກອັກຄະລັດຖະທູດ ແລະ ນັກການທູດປະເທດຕ່າງໆ, ບັນດາຜູ້ຕາງໜ້າຈາກອົງການຈັດຕັ້ງສາກົນ ປະຈຳ ສປປ …

ເປີດເຟສບຸກມາກໍເກີດເລື່ອງຊ໋ອກວົງການບັນເທິງ!!! ໃນວັນທີ 10 ສິງຫາ 2017 ເວລາ 23:30 ນາທີ ໄດ້ມີລົດໃຫ່ຍຕຳກັບລົດໃຫຍ່ຢ່າງຮຸນແຮງ ຢູ່ບ້ານ ດອນໜູນ ເມືອງ ໄຊທານີ ນະຄອນຫຼວງວຽງຈັນ, ໃນເຫດການດັ່ງກ່າວພົບເຫັນສະພາບລົດທັງສອງເປ່ເພເສຍຫາຍຢ່າງໜັກໜ່ວງພ້ອມຍັງພົບເຫັນຜູ້ບາດເຈັບອີກ 1 ຄົນເປັນເພດຍິງເຊິ່ງເປັນຄົນໃນວົງການບັນເທິງ VJ ແຫຼ້ ສຸນັນທາ ອາການສາຫັດ ແລະ ຍັງພົບຕິດຢູ່ພາຍໃນລົດ 2 ຄົນເປັນເພດຍິງ 1 ຄົນໄດ້ເສຍຊີວິດຄາທີ່. ເຫດການດັ່ງກ່າວເຮັດໃຫ້ມີອ້າຍເອື້ອຍນ້ອງໃນວົງການບັນເທິງ ບັນດາໝູ່ເພື່ອນ ແລະແຟນຄລັບຂອງ VJ ແຫຼ້ ສຸນັນທາ  ເຂົ້າໄປໃຫ້ກຳລັງໃຈໂດຍການໂພສຮູບແລະຂຽນໃຫ້ກຳລັງໃຈສາວຄົນນີ້ທີ່ກຳລັງຢູ່ໃນອາການບາດເຈັບສາຫັດກັນຈົນເຕັມໜ້າວໍ VJ Lae Soununthar ເຊິ່ງເປັນເຟສບຸກຂອງ VJ ສາວຄົນດັ່ງກ່າວ. ເວັບໄຊ້ ຂວັນໃຈ ແລະແຟນເພສທຸກໆຄົນກໍຂໍໃຫ້ກຳລັງໃຈ VJ ແຫຼ້ ສຸນັນທາ  ໃຫ້ປອດໄພຈາກເຫດການຄັ້ງນີ້ໄວໆ ແລະຈົ່ງກັບມາສ້າງສັນຜົນງານໃນວົງການບັນເທີງລາວເຮົາໄວໆເດີ້ ສູ້ໆ ແລະກໍຂໍສະແດງຄວາມເສຍໃຈມາຍັງຄອບຄົວຜູ້ເສຍຊີວິດໃນເຫດການອຸບັດເຫດໃນຄັ້ງນີ້!!! ຂໍຂອບໃຈຮູບພາບ: VJ Lae Soununthar , ສະມາຄົມອາສາ …

ຊາວເນັດແຫ່ແຊຣ! ພົນລະເມືອງດີຊ່ວຍຈັບໂຈນດຶງກະເປົ໋ານັກທ່ອງທ່ຽວຊາວຕ່າງຊາດ ໃນວັນທີ 9 ສິງຫາ 2017 ທີ່ຜ່ານມາ, ເຫດການດັ່ງກ່າວໄດ້ເກີດຂຶ້ນຢູ່ເຂດບ້ານ ສີຫອມ ເມືອງ ຈັນທະບູລີ ນະຄອນຫຼວງວຽງຈັນ ແລະ ກໍຂໍຊົມເຊີຍພົນລະເມືອງດີ ອ້າຍ ອາລີ້ ແກ້ວມະນີໄຊ ແລະປະຊາຊົນອີກຫຼາຍໆຄົນທີ່ຍັງຊວ່ຍກັນເປັນຫູເປັນຕາຊ່ວຍຈັບໂຈນໄດ້ຈົນສຳເລັດ, ຄລິບ ແລະຮູບພາບດັ່ງກ່າວໄດ້ຖືກເຜີຍແຜ່ໂດຍຜູ້ໃຊ້ເຟສບຸກລາຍໜຶ່ງໂດຍໄດ້ໂພສແລະຂຽນຄຳອະທິບາຍວ່າ: “ຊົມເຊີຍອາລີ້ ເຈົ້າຂອງຮ້ານນໍ້າເຕົາຮູ້ໃບເຕີຍ (ສີຫອມ)ໄດ້ຊ່ວຍຈັບຄົນຮ້າຍທີ່ດືງກະເປົາຊາວຕ່າງປະເທດ..ສຸດຍອດອາລີ້”  ພໍແຕ່ຄລິບ ແລະຮູບພາບດັ່ງກ່າວໄດ້ຖືກເຜີຍແຜ່ອອກໄປກໍເຮັດໃຫ້ມີບັນດາສື່ຕ່າງໆ ແລະປະຊາຊົນໃຫ້ຄວາມສົນໃຈຖືກກົດໄລ້ ກົດແຊຣກັນຢ່າງຫຼວງຫຼາຍ ແລະຍັງມີຜູ້ຄົນແຫ່ເຂົ້າໄປຄອມເມັ້ນສະແດງຄວາມຄິດເຫັນບາງຄົນກໍ່ວ່າ: ຍັງດີທີ່ບ້ານເຮົາຍັງມີຄົນດີໆແບບນີ້, ບາງຄົນກໍວ່າຊົມເຊີຍອ້າຍລາວທີ່ໃຈກ້າຈັບໂຈນ, ບາງຄົນກໍຍົກຍ້ອງວ່ານິແຫຼະ Hero ໃນຊີວິດຈິງ ແລະຫຼາຍໆຄວາມຄິດທີ່ເຂົ້າໄປຊື່ນຊົມຈົນເກີດເປັນກະແສສະໝັ່ນໂຊຊ່ຽວພາຍໃນຂ້າມຄືນ. โพสต์โดย OH Bouttavet บน 9 สิงหาคม 2017   ເຖິງຢ່າງໃດກໍຕາມ!!! ການທີ່ສັງຄົມລາວເຮົາຍັງມີຄົນດີໆແບບນີ້ແມ່ນດີຫຼາຍ ແລະກໍຂໍຍົກຍ້ອງຊົມເຊີຍພົນລະເມືອງດີທຸກຄົນທີ່ຊ່ວຍກັນເປັນຫູເປັນຕາ ແລະກຳຈັດກຸ່ມຄົນບໍ່ດີ ໂດຍທີ່ບໍ່ຄິດວ່າມັນເປັນວຽກຂອງໃຜຄົນໃດຄົນໜຶ່ງ ເພາະທຸກໆຄົນກໍຕ້ອງໄດ້ຮ່ວມມືຮ່ວມໃຈກັນ ບ້ານເມືອງເຮົາສັງຄົມເຮົາຈຶ່ງຈະໜ້າຢູ່ຍິ່ງໆຂຶ້ນໄປ. #ຄົນດີໆແບບນີ້ຖ້າຫຍັງຢູ່ແຊຣໄປໆ …

Havas Riverorchid Laos ໄດ້ຮັບ 3 ລາງວັນສໍາລັບຜົນງານໂຄສະນານໍ້າດື່ມຫົວເສືອ ໃນງານ The Communitor Awards ປະຈໍາປີ ຄັ້ງທີ 23 ທີ່ປະເທດສະຫະລັດອາເມລິກາ. The Communitor Awards ແມ່ນລາງວັນລະດັບສາກົນທີ່ຍອມຮັບເຖິງຄວາມຄິດທີ່ຍິ່ງໃຫຍ່ໃນດ້ານການຕະຫຼາດ ແລະ ການສື່ສານ ເຊິ່ງໄດ້ກໍ່ຕັ້ງຂຶ້ນມາຫຼາຍກວ່າສອງທົດສະວັດແລ້ວ, ໂດຍໃນແຕ່ລະຄັ້ງ ຈະຮັບຜົນງານຫຼາຍກວ່າ 6,000 ລາຍການ ຈາກຫຼາຍໜ່ວຍງານໃນທົ່ວໂລກ, ເຮັດໃຫ້ລາງວັນດັ່ງກ່າວນີ້ ເປັນໜຶ່ງໃນລາງວັນທີ່ໃຫຍ່ທີ່ສຸດໃນໂລກ. Havas Riverorchid Laos ໄດ້ຮັບ 3 ລາງວັນ Silver ສໍາລັບຜົນງານໂທລະທັດກັບຜະລິດຕະພັນ ນໍ້າດື່ມຫົວເສືອ. ລາງວັນຊະນະເລີດ ໄດ້ແກ່ປະເພດ Health and Wellness ລວມໄປເຖິງໃນປະເພດ Craft ສໍາລັບຜົນງານຖ່າຍວິດີໂອໂຄສະນາດີເດັ່ນ ແລະມີເຕັກນິກພິເສດໃນການຖ່າຍວິດີໂອ. ຄວາມພະຍາຍາມໃນການສ້າງສັນຂຶ້ນ ແມ່ນພາຍໃຕ້ແນວຄວາມຄິດ “ພູມໃຈໃນຄວາມເປັນລາວ”. The …

ເຄີຍເປັນບໍ່? ເວົ້າເຖິງເລື່ອງທີ່ຈະຕ້ອງໄປເຮັດ Passport ຫຼື ໜັງສືຜ່ານແດນ ທຸກໆຄົນຈະມີຂໍ້ອ້າງນັ້ນນີ້ຂອງຕົວເອງຂຶ້ນມາທັນທີ ມັກຈະເລື່ອນໄປມື້ນັ້ນມື້ນີ້ ຈົນຮອດເວລາທີ່ຈະເດີນທາງແທ້ຈຶ່ງຟ້າວຝັ່ງໄປເຮັດ ກໍຍ້ອນແຕ່ກ່ອນມີຂັ້ນຕອນທີ່ຫຍຸ້ງຍາກ ແຕ່ມາເຖິງປັດຈຸບັນຂັ້ນຕອນການເຮັດ Passport ບໍ່ໄດ້ຫຍຸ້ງຍາກລຳບາກອີກຕໍ່ໄປແລ້ວ, ດັ່ງນັ້ນ ຂວັນໃຈ ເຮົາກໍມີວິທີເຮັດ Passport ຢ່າງລະອຽດຈາກການຂຽນລີວິວຈາກຜູ້ໃຊ້ເຟສບຸກລາຍໜຶ່ງມາຝາກ ມາເບິ່ງ ແລະຢ່າລືມແຊຣເກັບໄວ້ເບິ່ງເດີ້!!! ມື້ນີລອງໄປເຮັດ Passport ດ້ວຍຕົວເອງມາ (ຄົນນະຄອນຫລວງ) ເພື່ອຄົນທີ່ຢາກມີພາສປອດ ແນະນຳໄປລອງເຮັດເບີ່ງເດີ້ ເຮັດງ່າຍກະທັດຮັດບໍ່ຫລາຍຂັ້ນຕອນແລ້ວ ແລະສະດວກສະບາຍວ່ອງໄວກວ່າເກົ່າຫລາຍ ມີແຕ່ຂຽນຟອມເຊັນແຕ່ບ້ານໄປຍື່ນເລີຍ ບໍ່ຕ້ອງເຊັນເມືອງ ຕ່າງຈາກແຕ່ກີ້ ???? #ເອກະສານແລະສິ່ງທີ່ຕ້ອງຕຽມຕາມນີ້ເລີຍ – ການແຕ່ງໂຕ ຕ້ອງຜົມດຳ ໃສ່ເສື້ອມີຄໍ ແລະເສື້ອສູດ(ສີດຳຫລືກົມ ບໍ່ແມ່ນສີຂາວ) ຜູ້ຊາຍໃສ່ສົ້ງຂາຍາວ, ຜູ້ຍິງແມ່ນນຸ່ງສິ້ນ – ປຶ້ມສຳມະໂນຄົວແທ້ ແລະ ກ໊ອບປີ້ 1 ຊຸດ – ບັດປະຈຳໂຕແທ້ ແລະ ກ໊ອບປີ້ 1 …