ຂ່າວສັງຄົມ

ກາຍເປັນກະແສ ດັງຊົ່ວຂ້າມຄືນ ເມື່ອສາວເຈົ້າຂອງ Facebook ຊື່: ນີນ່າ ນີນ່າ ໂພສຮູບງານແຕ່ງແບບລຽບງ່າຍ ພ້ອມໃສ່ແຄັບຊັ່ນວ່າ “#ຖ້າບໍ່ແມ່ນຍອ້ນໂຄວິດໃນມື້ນັ້ນ​ ເຮົາຄືຊີບໍ່ໄດ້ເປັນຜົວເມຍກັນໃນມື້ນີ້ຂອບໃຈຫລາຍໆເດີໂຄວິດ?❤️? #ໃຜຊີໄປຄິດວ່າຄົບກັນແຕ່ສອງເດືອນກັບສອງມື້ຊີໄດ້ແຕ່ງງານກັນເຄິຍເຫັນແຕ່ໃນເຟດບາດມາເຈີກັບໂຕເອງຄິດວ່າຝັນແຕ່ພໍນອນຕື່ນມາຜົວນອນຢູ່ຂາ້ງໆ​ ແຖມຝາ້ຍມັດແຂນເຕັມໂອຍມັນຄືຄວາມຈີງ?? 3.29.2020ຄົບ? 5.31.2020ແຕ່ງ?‍❤️‍??” ເຊິ່ງຕາມແຫຼ່ງຂ່າວລະບຸວ່າ ທັງສອງແມ່ນຕົກຢູ່ໃນກຸ່ມສ່ຽງໃນໂລຍະ ໂຄວິດ-19 ລະບາດໜັກຢູ່ລາວ ແລະ ໄດ້ຖືກນໍາໄປກັກຕົວລວມກັນ ຈຶ່ງເປັນຈຸດເລີ່ມຕົ້ນກໍ່ໃຫ້ເກີດຄວາມຮັກມັກກັນ ຫຼັງຈາກສິ້ນສຸດໄລຍະກັກຕົວ ທັງສອງກໍໄດ້ຕົກລົງສຶກສາເບິ່ງໃຈ (ເປັນແຟນກັນ) ໄດ້ບໍ່ດົນ ຈຶ່ງຕັດສິນໃຈແຕ່ງງານກັນໃນທີ່ສຸດ ເຊິ່ງເປັນງານແບບລຽບງ່າຍ ມີຍາດພີ່ນ້ອງ 2 ຝ່າຍ ແລະ ໝູ່ເພື່ອນທີ່ຮັກແພງໄປຮ່ວມງານ… ແນວໃດ ຂວັນໃຈ ກໍຂໍສະແດງຄວາມຍິນດີນໍາເຈົ້າບ່າວ-ເຈົ້າສາວຫຼາຍໆເດີ້ ຂໍໃຫ້ຮັກກັນໝັ້ນແກ່ນຊົ່ວຝ້າດິນສະຫຼາຍເດີ້!!! ນີ້ແຫຼະທີ່ເພິ່ນວ່າ “ຮັກແທ້ເກີດຂຶ້ນໄດ້ທຸກທີ່ທຸກເວລາ” ບໍ່ຈໍາເປັນຕ້ອງແລ່ນນໍາຫາ ຮອດເວລາມັນຫາກມາເອງ!! ຂອບໃຈຮູບພາບຈາກ: ນີນ່າ ນີນ່າ

ເຖິງວ່າໂຄວິດ-19 ຈະສົ່ງຜົນກະທົບຫຼາຍຢ່າງ ໂດຍສະເພາະນັກເຕະບໍ່ໄດ້ລົງແຂ່ງຂັນເຮັດໃຫ້ລາຍຮັບຫຼຸດລົງຢ່າງໜ້າຕົກໃຈ, ແຕ່ບໍ່ແມ່ນກັບ ຄຣິສເຕຍໂນ ໂຣນັລໂດ ກອງໜ້າຂອງ ຢູເວນຕຸສ ສາມາດກວາດລາຍໄດ້ຫຼາຍທີ່ສຸດໃນສະຖານະການທີ່ຜ່ານມາ… ໂຣນັລໂດ ລວມເຖິງນັກເຕະຄົນອື່ນໆຕ່າງກໍພາກັນກັກຕົວຢູ່ເຮືອນ ໃນໄລຍະການລະບາດຂອງ ໂຄວິດ-19 ເຮັດໃຫ້ທຸກຄົນທີ່ເຮັດອັບເດດຄວາມເຄື່ອນໄຫວຂອງຕົວເອງຜ່ານທາງສື່ອອນລາຍ ລວມເຖິງການຮັບງານຈາກຜູ້ສະໜັບສະໜູນຕ່າງໆບໍ່ໃຫ້ຂາດ. ຫຼ້າສຸດ ແອດເທນ ສື່ຕ່າງປະເທດໄດ້ສໍາຫຼວດທາງ ສື່ອອນລາຍ ຂອງບັນດານັກເຕະວ່າ: ຕະຫຼອດ 2 ເດືອນທີ່ຜ່ານມາ ນັບຕັ້ງແຕ່ວັນທີ 12 ມີນາ – 14 ພຶດສະພາ 2020 ມີຍອດຜູ້ຕິດຕາມ ແລະ ໂພສຂາຍເຄື່ອງຈາກຜູ້ສະໜັບສະໜູນໄດ້ຫຼາຍທໍ່ໃດ ໂດຍນັບຄ່າສະເລ່ຍທີ 1 ລ້ານຜູ້ຕິດຕາມໂພສໜຶ່ງ ເທົ່າກັບ 3.130 ປອນ. ປາກົດວ່າ: ໂຣນັລໂດ ສາມາດເກັບລາຍໄດ້ສູງສຸດເຖິງ 1,8 ລ້ານປອນ ຈາກຍອດລວມຜູ້ຕິດຕາມທັງໝົດ 219 ລ້ານຄົນ ໃນອິນສະຕາແກຣມ ( ໄອຈີ ) …

ຖືເປັນການສູນເສຍຄັ້ງຍິ່ງໃຫຍ່ຂອງວົງການເພງລູກທົ່ງບ້ານນາ ກັບການຈາກໄປຢ່າງບໍ່ຫວນກັບມາຂອງ ອາຈານ ກິດາວເພັດ ໜູຫ່ວງ ລາຊາເພງອໍາມະຕະຂອງວົງ ໜຸ່ມໂກສິນ ໃນເດືອນທີ່ຜ່ານມາ. ແຟນເພງທົ່ວປະເທດກໍຮ່ວມສະແດງຄວາມໄວ້ອາໄລກັບການສູນເສຍ ນັກຮ້ອງທີ່ມີຄຸນນະພາບທີ່ສຸດຂອງລາວໃນຄັ້ງນີ້ ແລະ ຈະຂໍຈົດຈໍາຄຸນງາມຄວາມດີຂອງ ອາຈານ ກິດາວເພັດ ຕະຫຼອດໄປ… ນອກຈາກແຟນເພງທົ່ວປະເທດທີ່ເສຍໃຈກັບການຈາກໄປຂອງທ່ານແລ້ວ ທີ່ເສົ້າທີ່ສຸດກໍຄົງຈະເປັນຄອບຄົວທີ່ແສນຮັກຄື ຜູ້ເປັນເມຍ ແລະ ລູກ ທີ່ບໍ່ວ່າເວລາຈະຜ່ານໄປດົນປານໃດ ແຕ່ກໍບໍ່ສາມາດລົບເລື່ອນຄວາມໂສກເສົ້າ-ຄວາມຄິດຮອດບຸກຄົນອັນເປັນທີ່ຮັກ ທັງເປັນເສົາຫຼັກຂອງຄອບຄົວໄປໄດ້. ໂດຍຫຼ້າສຸດ ໄດ້ໄປສ່ອງ Facebook: Khamphoud Nouhouang ເມຍຂອງ ກິດາວເພັດ ໜູຫ່ວງ ກໍພົບເຫັນແຕ່ຂໍ້ຄວາມສຸດເສົ້າ ຍ້ອນຄິດຮອດສາມີຜູ້ຈາກໄປ ຍິ່ງໃນວັນເດັກນ້ອຍທີ່ຜ່ານມາ ທີ່ທຸກປີຄອບຄົວຈະມີການສະເຫຼີມສະຫຼອງແບບພ້ອມໜ້າພ້ອມຕາ ແຕ່ມາປີນີ້ບໍ່ມີຮອດເງົາຜູ້ເປັນພໍ່ ເຊິ່ງອ່ານແລ້ວກໍຮູ້ສຶກເສົາ ແລະ ນໍ້າຕາຈະໄຫຼໄປຕາມເອຶ້ອຍເພິ່ນ!! ແນວໃດ ຂວັນໃຈ ກໍຂໍເປັນກໍາລັງໃຈໃຫ້ຄອບຄົວ ໜູຫ່ວງ ໃຫ້ເຂັ້ມແຂງ ພ່ານຜ່າຄວາມທຸກນີ້ໄປໃນໄດ້ໂດຍໄວ…

ພະລັງຂອງສັງຄົມນັ້ນສໍາຄັນຫຼາຍ!!! ທ່ານ ບຸນໂຈມ ອຸບົນປະເສີດ, ຮອງລັດຖະມົນຕີກະຊວງການເງິນ, ຫົວໜ້າໜ່ວຍງານງົບປະມານ ແລະ ພາລາທິການ ກ່າວໃນພິທີຖະແຫຼງຂ່າວຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃນວັນທີ 1 ມິຖຸນາ 2020 ຜ່ານມາວ່າ: ຈຳນວນເງິນທີ່ໄດ້ຮັບຈາກການຊ່ວຍເຫຼືອຂອງອົງການຈັດຕັ້ງລັດ ແລະ ພາກສ່ວນຕ່າງໆຂອງສັງຄົມ ແຕ່ວັນທີ 19 ກຸມພາ ຫາ 31 ພຶດສະພາ 2020​ ລວມທັງໝົດເປັນສະກຸນເງິນກີບ 11.791.340.998 ກີບ ສະກຸນເງິນໂດລາສະຫະລັດ 497.892 ໂດລາ ແລະ ສະກຸນເງິນບາດໄທ 4.581.500 ບາດ ແລະ ໄດ້ຮັບຊ່ວຍເຫຼືອເປັນວັດຖຸ ແລະ ອຸປະກອນຕ່າງໆລວມ 116 ຄັ້ງ ຈາກ 99 ພາກສ່ວນ ລວມມູນຄ່າການຊ່ວຍເຫຼືອເປັນເງິນກີບ 38,95 ຕື້ກີບ, ເປັນເງິນໂດລາ …

ຄືທີ່ພວກເຮົາຮູ້ກັນແລ້ວວ່າ ວັນທີ 1 ມີຖຸນາ ຂອງທຸກໆປີນັ້ນ ແມ່ນຖືກແຕ່ງຕັ້ງໃຫ້ເປັນວັນປູກຕົ້ນໄມ້ແຫ່ງຊາດ ພ້ອມທັງເປັນວັນເດັກນ້ອຍສາກົນນໍາ… ປະຊາຊົນລາວຕ່າງກໍໃຫ້ຄວາມສໍາຄັນກັບວັນດັ່ງກ່າວ ແລະ ພ້ອມພຽງກັນອອກມາປູກຕົ້ນໄມ້ຄົນລະຕົ້ນເພື່ອເພີ່ມພື້ນທີ່ປ່າໃນປະເທດລາວ ແລະ ທີ່ສໍາຄັນກໍແມ່ນທາງການນໍາພັກ-ລັດຖະບານກໍໄດ້ໃຫ້ຄວາມສໍາຄັນກັບວັນດັ່ງກ່າວນີ້ຫຼາຍພໍສົມຄວນ ໂດຍສະເພາະ ທ່ານນາຍົກ ຂວັນໃຈປະຊາຊົນຄື ລຸງທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ. ລາວ ກໍໄດ້ໃຫ້ຄວາມສໍາຄັນຫຼາຍ ແລະ ໄດ້ລົງຮ່ວມກິດຈະກໍາປູກຕົ້ນໄມ້ກັບເດັກນ້ອຍຢູ່ທີ່ ສູນຊາວໜຸ່ມ-ເຍົາວະຊົນ, ບ້ານ ດົງໝາກຄາຍ, ນະຄອນຫຼວງ ດ້ວຍຕົນເອງ ເຊິ່ງບັນຍາກາດນັ້ນ ເຕັມໄປດ້ວຍຄວາມອົບອຸ່ນ ເປັນກັນເອງ… ລົງມືຂຸດດິນປູກຕົ້ນໄມ້ໃຫ້ເດັກນ້ອຍເບິ່ງເປັນຕົວຢ່າງ ໃນມື້ນັ້ນ ທ່ານຍັງໄດ້ໃຫ້ໂອວາດແກ່ເດັກນ້ອຍ-ເຍົາວະຊົນເພື່ອເປັນແນວທາງໃນອະນາຄົດອີກດ້ວຍ… ບົດຄວາມ: Kuanjai