ຂ່າວສັງຄົມ

“ບໍ່ມີສິ່ງໃດທີ່ແມ່ຍິງລາວເຮັດບໍ່ໄດ້” ແລະ ” ແມ່ຍິງລາວເກັ່ງບໍ່ແພ້ຊາດໃດໃນໂລກ” ເປັນຄໍາຍ້ອງຍໍຊົມເຊີຍສໍາລັບຜົນສໍາເລັດທີ່ຫຼາກຫຼາຍຂອງແມ່ຍິງລາວ ທີ່ຜ່ານມາມີແມ່ຍິງລາວຫຼາຍໆຄົນຈາກຫຼາກຫຼາຍສາຂາອາຊີບ ທີ່ມີຄວາມສາມາດໄປໂຊຄວາມສາມາດໃນເວທີ ແລະ ວົງການໃນລະດັບໂລກ. ຄືກັນກັບແມ່ຍິງລາວຄົນນີ້ ທ່ານ ນາງ ກັນຍາ ແກ້ວມະນີ ເລຂາທິການສະຫະພັນບານເຕະແຫ່ງຊາດລາວ ທັງເປັນ ຄະນະບໍລິຫານງານ ສະຫະພັນບານເຕະອາຊີ ໄດ້ຖືກແຕ່ງຕັ້ງເປັນຮອງປະທານ ຄະນະກໍາມະການ ພັດທະນາບານເຕະ AFC  Development Committee ໃນລະຫວ່າງປີ 2019-2023.    ຈາກກອງປະຊຸມ ປຶກສາຫາລືກະກຽມເປີດສົກການແຂ່ງຂັນກິລາບານເຕະ ຢູ່ທີ່ ກົວລາ ລໍາເປີ, ປະເທດມາເລເຊຍ ວັນທີ 25 ກັນຍາ 2019 ນັ້ນ ເຫັນໄດ້ຊັດເຈນເລີຍວ່າ ແມ່ຍິງລາວຄົນນີ້ບໍທໍາມະດາ ແລະ ເປັນແມ່ຍິງພຽງຄົນດຽວໃນຄະນະປະທານ ແລະ ກໍາມະການທັງໝົດ 19 ທ່ານ. ໂດຍມີລາຍຊື່ດັ່ງນີ້: 1. ທ່ານ Salem Said Salem Al …

ເນື່ອງຈາກເຫດການໄພນໍ້າຖ້ວມທາງ 4 ແຂວງພາກໃຕ້ ຈໍາປາສັກ, ເຊກອງ, ສາລະວັນ ແລະ ອັດຕະປື ເຮັດໃຫ້ປະຊາຊົນໄດ້ຮັບຜົນກະທົບຫຼວງຫຼາຍ ແຕ່ຄົນລາວກໍບໍ່ເຄີຍຖີ້ມກັນ ຍາມເມື່ອມີເຫດການອັນເຮັດໃຫ້ປະຊາຊົນຄົນລາວໄດ້ຮັບຄວາມເດືອດຮ້ອນ ຄົນທີ່ບໍ່ໄດ້ຮັບຜົນກະທົບກໍຈະລະດົມກັນຊ່ວຍເຫຼືອຢູ່ສະເໝີ ແລະ ໃນເຫດການຄັ້ງນີ້ກໍໄດ້ມີຫຼາຍໆໜ່ວຍງານເຂົ້າໄປຊ່ວຍເຫຼືອ ທັງພາກລັດ, ເອກະຊົນ ແລະ ໃນນາມສ່ວນຕົວຂອງຜູ້ໃຈບຸນ ຫຼືຄົນດັງ ຄືດັ່ງທີ່ຂວັນໃຈໄດ້ນໍາສະເໜີໄປເມື່ອບໍ່ດົນມານີ້… ແລະ ໃນນາມສື່ອອນລາຍຂວັນໃຈເຮົາເອງ ທີ່ເປັນສື່ກາງນໍາສະເໜີເລື່ອງລາວຕ່າງໆ ແລະ ສະໜັບສະໜູນສັງຄົມຢູ່ຕະຫຼອດເວລາ ກໍບໍ່ໄດ້ປະຖີ້ມພໍ່ແມ່ພີ່ນ້ອງທີ່ໄດ້ຮັບຄວາມເດືອດຮ້ອນໃນຄັ້ງນີ້ ຈຶ່ງໄດ້ລະດົມທີມງານຮ່ວມບໍລິຈາກ ໃນນາມກຸ່ມບໍລິສັດ ເຄແອນຊີ ແລະ ບັນດາບໍລິສັດໃນເຄືອ ເຊິ່ງປະກອບມີ: ວາລະສານ ທາເກັດ-ຂວັນໃຈ, ໂຄງການ ຣັນຟໍເຮີ, ບໍລິສັດປັນຍາທິບໂຄສະນາ (PPB)… ຮ່ວມກັບທີມໜ່ວຍກູ້ໄພ ພັດທະນາຜາສຸກ ຜູ້ທີ່ລົງພາກສະໜາມສົ່ງຕໍ່ເຄື່ອງບໍລິຈາກໃຫ້ກັບຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມໃນຄັ້ງນີ້ອີກດ້ວຍ!!! ໃນນາມຂວັນໃຈເອງກໍຮູ້ສຶກພາກພູມໃຈທີ່ໄດ້ເປັນສ່ວນໜຶ່ງໃນການຊ່ວຍເຫຼືອຄັ້ງນີ້ ແລະ ຕາງໜ້າໃຫ້ກູ່ມບໍລິສັດ ເຄແອນຊີ ແລະ ບັນດາບໍລິສັດໃນເຄືອ ຮ່ວມສົ່ງກໍາລັງໃຈເຖິງຜູ້ປະສົບໄພທຸກຄົນຈົ່ງພ່ານຜ່າອຸປະສັກໃນຄັ້ງນີ້ໃຫ້ໄດ້ດ້ວຍດີເດີ່!!! ສູ້ໆ ທຸກຄົນ… …

ຈາກເຫດການນໍ້າຖ້ວມ “ອັດຕະປື” ທີ່ໄດ້ຮັບຜົນກະທົບຢ່າງຮຸນແຮງຈົນກາຍເປັນປະຫວັດສາດຂອງລາວໄປໃນປີກາຍນີ້ ແລະ ມັນຍັງເປັນທີ່ຈົດຈໍາຂອງຄົນລາວຈົນມາຮອດທຸກມື້ນີ້ໂດຍບໍ່ມີວັນລືມ. ແຕ່ກໍດັ່ງທີ່ຮູ້ກັນວ່າ “ນໍ້າຖ້ວມ” ເປັນໄພພິບັດທາງທໍາມະຊາດທີ່ບໍ່ໃຜຢາກໃຫ້ເກີດຂຶ້ນ ເພາະເມື່ອເກີດຂຶ້ນແລ້ວມັນໄດ້ສ້າງຄວາມເສຍຫາຍຢ່າງມະຫາສານແກ່ສະພາບແວດລ້ອມ, ຊັບສິນຂອງຊາດກໍຄືຂອງປະຊາຊົນ ລວມໄປເຖິງ ຊີວິດຂອງປະຊາຊົນເອງ, ແຕ່ທໍາມະຊາດກໍຄືທໍາມະຊາດເຮົາບໍ່ສາມາດຫ້າມມັນໄດ້ ເມື່ອເກີດຂຶ້ນມາແລ້ວ ຜູ້ທີ່ໄດ້ຮັບຄວາມເສຍຫາຍກໍຕ້ອງສູ້ຕໍ່ໄປ ສ່ວນຜູ້ທີ່ບໍ່ໄດ້ຮັບຜົນກະທົບ ກໍບໍ່ໄດ້ປະຖີ້ມກັນຊ່ວຍໄດ້ທາງໃດກໍຊ່ວຍກັນໄປ… ຄືດັ່ງໄລຍະນີ້ທີ່ເກີດມີເຫດການນໍ້າຖ້ວມ 4 ແຂວງ ພາກໃຕ້ຂຶ້ນອີກຄື: ຈໍາປາສັກ, ເຊກອງ, ອັດຕະປື ແລະ ສາລະວັນ. ເຊິ່ງຕອນນີ້ຫຼາຍພາກສ່ວນກໍໄດ້ຍື່ນມືເຂົ້າໄປຊ່ວຍເຫືອທັງແຮງຊັບ ແລະ ແຮງກາຍ… ລວມໄປເຖິງບັນດາຄົນດັງຂອງລາວເຮົາຫຼາຍໆຄົນກໍໄດ້ຍື່ນມືເຂົ້າໄປຊ່ວຍເຫຼືອບໍ່ວ່າຈະເປັນການເປີດຮັບບໍລິຈາກເຄື່ອງນຸ່ງຫົ່ມ, ອຸປະກອນເຄື່ອງໃຊ້ ຫຼືເປັນປັດໃຈຈາກທີ່ຢາກຊ່ວຍເຫຼືອ… ພ້ອມທັງສົ່ງກໍາລັງໃຈໃຫ້ປະຊາຊົນທຸກຄົນຜ່ານພົ້ນອຸປະສັກນີ້ໄປໃຫໄດ້ ເຊິ່ງວ່າຈະມີໃຜແດ່ນັ້ນເຮົາລອງມາເບິ່ງນໍາກັນ!!! #ເລີ່ມຈາກນາງງາມໃຈບຸນຄົນນີ້ ເຈນນີ່ ຕົ້ນຄໍາ Miss World Laos 2017 ທີ່ທຸກງານການກຸສົນນາງຕ້ອງພາດບໍ່ໄດ້!!!   #ໂຄງການນີ້ນໍາທີມໂດຍສາວ ມີ່ມີ່ ສຸດທິດາ ພອນລະສິນ Miss Laos 2018 …

ຫຼາຍປະເທດທົ່ວໂລກເລີ່ມປະກາດສົ່ງຕົວນາງງາມສູ່ເວທີ ນາງງາມຈັກກະວານ (Miss Universe) ເຊິ່ງກໍມີກະແສຂອງແຟນໆໄດ້ຖາມໄຖ່ກັນມາເລື້ອຍໆວ່າປີນີ້ ສາວງາມຕົວແທນປະເທດລາວເຮົາຈະແມ່ນໃຜ? ແຕ່ກ່ອນທີ່ເຮົາຈະໄປຮູ້ວ່າ Miss Universe Laos 2019 ຈະເປັນໃຜນັ້ນ ຄົງຕ້ອງໃຊ້ເວລາກັນແດ່ຈັກໜ້ອຍ ເພາະປັດຈຸບັນທາງກອງປະກວດເພິ່ນກໍກຳລັງຂຸ້ນຂ້ຽວຄັດເລືອກສາວງາມ ເພື່ອໄປເປັນຕົວແທນເທີງເວທີ ຈັກກະວານໂລກ ຢ່າງເຂັ້ມຂົ້ນ, ດັ່ງນັ້ນ!!! ໃນມື້ນີ້ເພື່ອບໍ່ໃຫ້ເປັນການເສຍເວລາ ຊະນີIndy ຈະພາໄປສ່ອງສາວງາມປະເທດເພື່ອນບ້ານທີມອາຊີແຕ່ລະປະເທດບອກເລີຍວ່າໂດດເດັ່ນ ງົດງາມຫຼາຍໆ ລອງໄປເບິ່ງກັນວ່າປີນີ້ຝັ່ງອາຊີເຮົາໃຜມີລຸ້ນມົງກຸດແດ່… Hoàng Thị Thùy ຫຼື  Mia Hoang Miss Universe Vietnam 2019 ຫຼັງຈາກທີ່ H’Hen Niê ໄດ້ເປີດປະຕູເວທີຈັກກະວານ ສາມາດນຳຊື່ຂອງປະເທດ ຫວຽດນາມ ໄປໄກເຖິງ Top5 ເຮັດໃຫ້ປະເທດນີ້ ເປັນອີກປະເທດໜຶ່ງທີ່ໜ້າຈັບຕາເບິ່ງ ແລະ ດ້ວຍໂປຟາຍຂອງ Hoàng Thị Thùy ບວກກັບທັກສະທີ່ຊໍານານໃນວົງການນາງແບບ ກໍເຮັດໃຫ້  Miss Universe Vietnam 2019 ໂດດເດັ່ນ ແລະ …

ອາກາດດີໆ ສົ່ງທ້າຍເດຶອນ ກໍລະກົດ 2019 ສະດຸດຫູສະດຸດຕາຫຼາຍໆ ສຳລັບ ແກ້ວຕາ ພອນປະເສີດ (ເນັດໄອດໍ້) ທີ່ມີແຟນໆຕິດຕາມສາວຄົນນີ້ທາງ ເຟສບຸກ ເຖິງ 4ແສນກວ່າຄົນ ແລະ ເຊື່ອວ່າແຟນໆຫຼາຍໆທ່ານກໍຄົງຄຸ້ນໜ້າຄຸ້ນຕາຂອງນາງ ເພາະ ແກ້ວຕາ ມີຜົນງານທາງດ້ານວົງການບັນເທີງບໍ່ໜ້ອຍ ເຊິ່ງທີ່ເດັ່ນໆເລີຍກໍແມ່ນການຖ່າຍແບບ ໂດຍສະເພາະການຖ່າຍແບບລາວໆ ແຕ່ງກາຍແບບແມ່ຍິງລາວ ມີຫຼາຍແບບຫຼາຍຊຸດ ຫຼາກຫຼາຍອາລົມກໍວ່າກັນໄປ ແຕ່ເບິ່ງລວມໆແລ້ວ ຖືວ່າໃຫ້ນາງຜ່ານ…ງົດງາມຫຼາຍໆ (ມີຮູບ ນ້ອງ ແກ້ວຕາ ໃນການແຕ່ງກາຍແບບແມ່ຍິງລາວມາຝາກ…) ເປັນແນວໃດແດ່ແຟນໆ! ໄດ້ເບິ່ງແຕ່ລະລຸກຂອງ ສາວ ແກ້ວຕາ ໃນການແຕ່ງກາຍແບບແມ່ຍິງລາວ ແຟນໆວ່າແນວໃດກັນແດ່, ໂດຍສ່ວນຕົວ ຊະນີIndy ກໍຂໍໃຫ້ຄະແນນນາງ ເອົາໄປ 10/10 ຄະແນນໄປເລີຍ ແລ້ວແຟນໆເດໃຫ້ຄະແນນ ແກ້ວຕາ ກັນເທົ່າໃດ? (ຄອມເມັ້ນບອກກັນໃຫ້ຮູ້ແດ່ເດີ້ແຟນໆ) ຮູບພາບ: FB/Keota Pornprasert Storyteller: ຊະນີIndy