ຂ່າວສັງຄົມ

ມາອັບເດດຄວາມເຄື່ອນໄຫວຂອງວົງການຮູບເງົາລາວເຮົາ ຫຼ້າສຸດປ່ອຍຕົວຢ່າງມາໃຫ້ແຟນໆໄດ້ເບິ່ງກັນແລ້ວ ສຳລັບ ຮູບເງົາເລື່ອງ “ໄຂ່ຂວັນ” / “ Expiration Date” ທີ່ໄດ້ທີມຜູ້ສ້າງ, ນັກສະແດງ ແລະ ສະຖານທີ່ຖ່າຍທຳໃນປະເທດລາວ. ແລະ ແນ່ນອນວ່າຄົນລາວກໍຕ້ອງສະໜັບສະໜູນຮູບເງົາລາວ ເພາະຫຼັງຈາກທີ່ປ່ອຍ ຕົວຢ່າງ ຮູບເງົາເລື່ອງ “ໄຂ່ຂວັນ” ໄປບໍ່ພໍເທົ່າໃດ ກໍເຮັດໃຫ້ເກີດກະແສ ມີບັນດາແຟນໆເຂົ້າໄປກົດໄລ້ ກົດແຊຣ ສະແດງຄວາມຄິດເຫັນ ແລະ ລໍຖ້າເບິ່ງຮູບເງົາກັນຢ່າງຫຼວງຫຼາຍ… (ສຳລັບແຟນໆທີ່ຍັງບໍ່ໄດ້ເບິ່ງ ຕົວຢ່າງ ຮູບເງົາເລື່ອງ “ໄຂ່ຂວັນ” ກໍມີມາຝາກນຳເດີ້) Trailer: “ໄຂ່ຂວັນ” / “ Expiration Date” ຄວາມຮັກຂອງທ່ານມີມື້ໝົດອາຍຸບໍ່? ມາພິສູດກັນ. ຕົວຢ່າງ ຮູບເງົາລາວເລື່ອງໃໝ່ “ໄຂ່ຂວັນ” / “ Expiration Date” ພົບກັນມື້ສາຍ ວັນທີ່ 11 ກໍລະກົດ 2019 ນີ້ທຸກໂຮງຮູບເງົາ!! ??ຊ່ວຍກັນເປັນກຳລັງໃຈ ໃຫ້ຄົນໃນວົງການຮູບເງົາລາວເເດ່ເດີ.ກົດ like ກົດshare …

ຄວາມສຸກບໍ່ແມ່ນພຽງມີສະພາບທາງດ້ານຈິດໃຈ ຫຼື ທັດສະນະຄະຕິທີ່ດີ ແຕ່ມັນກ່ຽວຂ້ອງກັບຂະບວນການທາງດ້ານເຄມີບາງຢ່າງໃນຮ່າງກາຍ ໂດຍສະເພາະຮໍໂມນທີ່ຈະຊ່ວຍໃຫ້ເຮົາມີຄວາມສຸກ ການຂາດຮໍໂມນເຫຼົ່ານີ້ຈະນຳໃຫ້ໄປສູ່ພາວຊຶມເສົ້າ, ດັ່ນນັ້ນລອງມາເບິ່ງສັນຍານຈາກຮ່າງກາຍທີ່ບົ່ງບອກວ່າເຈົ້າກຳລັງບໍ່ມີຄວາມສຸກໃນຊີວິດ. ມັກກິນຂອງຫວານ ແລະ ຂອງທອດ ຫາກຮ່າງກາຍຕ້ອງການນໍ້າຕານ ແລະ ແປ້ງ ອາດເປັນຍ້ອນຮ່າງກາຍມີສານເຊໂທໂລນິນຕໍ່າ ສານນີ້ຈະຊ່ວຍໃຫ້ອາລົມດີ ຮູ້ສຶກຜ່ອນຄາຍ ເມື່ອກິນອາຫານເຫຼົ່ານີ້ເຂົ້າໄປກໍຈະໄປຊ່ວຍເພີ່ມຮໍໂມນ ແລະ ເຮັດໃຫ້ອາລົມດີຂຶ້ນ ແຕ່ຄວາມຮູ້ສຶກຈະເກີດຂຶ້ນພຽງຊ່ວງເວລາສັ້ນໆເທົ່ານັ້ນ ຫຼັງຈາກນັ້ນລະດັບຮໍໂມນນີ້ຈະຫຼຸດລົງ ແລ້ວຈະຮູ້ສຶກວ່າຍັງຕ້ອງການກິນຂອງຫວານຕະຫຼອດເວລາ ຕຸ້ຍຂຶ້ນ ເມື່ອຮ່າງກາຍຂາດຮໍໂມນໂດປາມິນ ສານແຫ່ງຄວາມສຸກຈຶ່ງສົ່ງຜົນໃຫ້ນໍ້າໜັກເພີ່ມຂຶ້ນ ນອກຈາກຄວາມຈິງທີ່ວ່າມັກກິນຂອງຫວານ ແລະ ອາຫານທີ່ບໍ່ດີຕໍ່ສຸຂະພາບ ສິ່ງນີ້ເກີດຂຶ້ນເປັນຍ້ອນກຳລັງກິນອາຫານທີ່ພະຍາຍາມຊົດເຊຍຮໍໂມນນີ້ດ້ວຍການກິນ, ດັ່ງນັ້ນຜົນຄືຈະເຮັດໃຫ້ກີນອາຫານຫຼາຍຂຶ້ນເລື້ອຍໆຈົນຕຸ້ຍຂຶ້ນນັ້ນເອງ ເຈັບເຕົ້ານົມ ເກີດຈາກການຂາດໂມນອື່ນໆ ທີ່ມີອິດທິພົນຕໍ່ອາລົມ ແລະ ຍັງສົ່ງຜົນຕໍ່ສຸຂະພາບຂອງເຮົາອີກດ້ວຍ ເມື່ອແມ່ຍິງມີລະດັບຮໍໂມນເອສໂຕເຈນຕໍ່າລົງຈະສົ່ງຜົນໃຫ້ເກີດອາການເຈັບໜ້າເອິກ ເຊິ່ງມັນສາມາດເກີດຂຶ້ນໄດ້ໃນຊ່ວງທີ່ກຳລັງຈະມີປະຈຳເດືອນ ບໍ່ຢາກສົນໃຈໃຜ ໄດ້ມີການສຶກສາພົບວ່າມີຄວາມເສື່ອມລະຫວ່າງການເອົາໃຈໃສ່ຕໍ່ຜູ້ອື່ນກັບໂຮໂມນອ໋ອກຊິໂທຊິນ ໂດຍມີຊື່ເອີ້ນວ່າ “ຮໍໂມນແຫ່ງຄວາມຮັກ” ຮໍໂມນຊະນິດນີ້ມີຜົນຕໍ່ອາລົມຂອງເຮົາ ແລະ ຖ້າຮູ້ສຶກວ່າເປັນເລື່ອງຍາກທີ່ຈະເອົາໃຈໃສ່ຜູ້ອື່ນ ຫຼື ມີບັນຫາໃນການສະແດງອອກສີໜ້າ ນັ໊ນອາດສະແດງວ່າເຮົາກຳລັງຂາດຮໍໂມນອອກຊິໂທຊິນແລ້ວເດີ້ ອາການເຈັບຫົວ ອາການເຈັບຫົວອາດເກີດໄດ້ຈາກການຂາດຮໍໂມນໂປເຈັກຕໍໂລນ ອາການເຈັບນີ້ສົ່ງຜົນໃຫ້ເກີດອາການເຈັບໄມແກນ …

ໃນວັນທີ 13 ມິຖຸນາ 2019 ທີ່ຜ່ານມາ, ຢູ່ທີ່ຫໍປະຊຸມແຫ່ງຊາດຫຼັກ 6, ນະຄອນຫຼວງວຽງຈັນ. ບໍລິສັດ ແລນໂລເວີ ລາວ ໄດ້ເປີດຕົວລົດລຸ້ນໃຫມ່ລ່າສຸດ New Range Rover Evoque 2020 ຢ່າງເປັນທາງການ, ໂດຍການກ່າວເປີດງານໂດຍທ່ານ Mr. Robin Colgan ກຳມະການຜູ້ຈັດການ  ແລນໂລເວີ ພາກພື້ນອາຊີປາຊີຟິກ, ມີບັນດາຄະນະຜູ້ບໍລິຫານ ແລນໂລເວີ ລາວ, ມີບັນດາ ລູກຄ້າ ແລະ ແຂກຄົນພິເສດ, ສິລະປິນລາວ ເຂົ້າຮ່ວມງານຢ່າງຄຶກຄື້ນມ່ວນຊື່ນ. RANGE ROVER EVOQUE ເປັນລົດ SUV ,ຂັບເຄື່ອນ 4 ລໍ້,ອອກແບບການຂັບຂີ່ໃຫ້ມີຄວາມຄ່ອງໂຕແບບລົດ Sport ໃນຮູບໂສມລົດ 5 ບ່ອນນັ່ງທີ່ຍັງຄົງຄວາມເປັນ LUXURY ແລະ SPORTY ເພີ່ມຄວາມໂດດເດັ່ນດ້ວຍລາຍເສັ້ນອ້ອມຄັນແຕ່ດ້ານໜ້າຈົນເຖິງດ້ານຫຼັງ. …

ສູດຫຼຸດນໍ້າໜັກ ພາຍໃນ 5 ນາທີ ຢາກຮູບຮ່າງດີ ແຕ່ເວລາໜ້ອຍ ເຮັດແນວໃດດີນໍ້? ບໍ່ຕ້ອງກັງວົນອີກຕໍ່ໄປ ລອງເອົາເຄັດລັບການຫຼຸດນໍ້າໜັກງ່າຍໆໃຜໆກໍ່ເຮັດໄດ້ມາແນະນໍາ ເຊິ່ງໃຊ້ເວລາໃນການອອກກໍາລັງກາຍພຽງແຕ່ 5 ນາທີຕໍ່ມື້ເທົ່ານັ້ນ ສາວໆກໍສາມາດມີຫຸ່ນທີ່ດີທີ່ງາມໄດ້ ແລະຈະມີທ່າໃດແດ່ນັ້ນເຮົາໄປເບິ່ງກັນເລີຍ… ໜ້າທ້ອງແບນລຽບດ້ວຍການຢືດຮ່າງກາຍ ກໍານົດລົມຫາຍໃຈໄວ້ຢູ່ທ້ອງ ຍົກມືຂຶ້ນສູງເໝືອຫົວ ໃຫ້ແຂນແນບໄວ້ຂ້າງຫູທັງສອງຂ້າງ ອ້າຂາອອກໃຫ້ເປັນມຸມ 45 ອົງສາ ງໍຫົວເຂົ່າ ໃຫ້ຮູ້ສຶກວ່າຢືນສະບາຍໆຄ້າງໄວ້ 30 ວິນາທີ ຫາຍໃຈເຂົ້າທາງດັງ ແລະ ຫາຍໃຈອອກທາງປາກ 30 ວິນາທີຄືກັນ ຍົກມືຂຶ້ນສູງເໜືອຫົວ ໃຫ້ແຂນແນບໄວ້ຂ້າງຫູທັງສອງຂ້າງຄືເກົ່າ ງ່ຽງລໍາຕົວໄປດ້ານຫຼັງ ເພື່ອກໍານົດລົມຫາຍໃຈທີ່ໜ້າທ້ອງໄດ້ຢ່າງສົມບູນ ຍົກມືຂຶ້ນສູງ ຈາກນັ້ນຜ່ອນຄາຍດ້ວຍການຄ່ອຍໆໂນ້ມຕົວກົ້ມລົງໄປດ້ານໜ້າ ຕາມດ້ວຍບິດຕົວໄປດ້ານຊ້າຍ ແລະ ຂວາເພື່ອໃຫ້ຮູ້ສຶກຜ່ອນຄາຍ ຫຼຸດກົ້ນ ແລະ ສະໂພກດ້ວຍການອອກກໍາລັງກາຍທ່ານີ້ ນັ່ງຕັ້ງເຂົ່າ ຈາກນັ້ນນໍາຂາຂ້າງຊ້າຍວາງພາດໄວ້ເທິ່ງຫົວເຂົ່າດ້ານຂວາ ໂດຍໃຊ້ແຂນທັງສອງຂ້າງຢັນພື້ນເອົາໄວ້ ການຍົກຕີນຂຶ້ນພາດຫົວເຂົ່າ ຈະຊ່ວຍເປີດສະໂພກ, ກົ້ນ ແລະ ແອວໃຫ້ມີຂະໜາດນ້ອຍລົງ …

ເປັນອີກໜຶ່ງສາວທີ່ແຟນໆໃຫ້ການຕິດຕາມ ມາອັບເດດຄວາມຄືບໜ້າຂອງ ຈິນນະລີ ນໍລະສິງ (ຟ້າໃສ) Miss Grand Laos 2017 ຫຼັງຈາກທີ່ໄປເຮັດໜ້າທີ່ຕົວແທນແມ່ຍິງລາວໃນເວທີລະດັບໂລກ Miss Grand International 2017 ຈົນເປັນທີ່ຮູ້ຈັກ ແລະ ໄດ້ຮັບສຽງຍ້ອງຍໍຈາກຕ່າງຊາດເຖິງຄວາມສາມາດຂອງແມ່ຍິງລາວ ຫຼ້າສຸດນາງກໍໄດ້ບິນລັດຟ້າເພື່ອໄປສຶກສາຕໍ່ທີ່ USA ແລະ ຟ້າໃສ ຈິນນະລີ ຍັງໄດ້ອັບເດດຜົນການຮຽນຂອງນາງຜ່ານອິນສະຕາແກຣມໃຫ້ໄດ້ອັບເດດກັນອີກດ້ວຍ, ເຊິ່ງຜົນການຮຽນຂອງນາງຖືວ່າເປັນຄະແນນສະເລ່ຍທີ່ດີຫຼາຍ ຈົນມີບັນດາໝູ່ເພື່ອນ ແລະ ແຟນໆເຂົ້າໄປສະແດງຄວາມຍິນດີ ແລະ ຍ້ອງຍໍສາວຄົນນີ້ເຖິງຄວາມຕັ້ງໃຈ ເອົາໃຈໃສ່ຕໍ່ການຮຽນ ກັນຢ່າງຫຼວງຫຼາຍ ເຫັນແລ້ວກໍໜ້າຍິນດີ ສົມແລ້ວທີ່ເປັນຂວັນໃຈຂອງແຟນໆທຸກໆຄົນ ຢ່າງໃດກໍຂໍໃຫ້ ນ້ອງ ຟ້າໃສ ຈິນນະລີ ເຮັດສິ່ງທີ່ດີແບບນີ້ ແລະ ໜ້າເອົາເປັນແບບຢ່າງໃຫ້ນ້ອງໆ ແລະ ໝູ່ເພື່ອນຕໍ່ໄປ ຂໍເປັນກຳລັງໃຈໃຫ້ກໍແລ້ວກັນເນາະ. ຮູບພາບ: IG/fasainorasing