ຂ່າວບັນເທີງໃນປະເທດ

ເຫັນແລ້ວ ວ້າວວວວວວ ແບບຍາວໆກັນເລີຍ ບາບີ້ ປິຍະມາດ ຫຼັງຈາກທີ່ໄດ້ອອກມາໂພສກ່ຽວກັບການຕັດສິນໃຈລົງປະກວດເວທີນາງງາມຈົນເປັນກະແສດຣ່າມ່າຮືຮາມາໄລຍະໜຶ່ງ, ຫຼ້າສຸດນາງກໍ່ມາໃນລຸກໃໝ່ ຈັດໄປ!!! ແບບເຜັດເວີ້ໆໆໆ ເຊິ່ງງານນີ້ ບາບີ້ ມາໃນລຸກສາວອິນເຕີ ຜິວສີແທນ ຈາກທີ່ເຄີຍເປັນສາວໝວຍ ຜິວຂາວນຽນ ພໍມາໃນລຸກນີ້ກໍ່ຖືວ່ານາງຜ່ານຢູ່ເດີ້… ສຳລັບ ບາບີ້ ປິຍະມາດ ແຟນໆກໍ່ຄົງຈະຄຸ້ນໜ້າຄຸ້ນຕາກັນດີ ເພາະມີຜົນງານທັງການສະແດງ ເດີນແບບ ຖ່າຍແບບ ແລະ ອື່ນໆ, ປັດຈຸບັນນາງເປັນໜຶ່ງໃນຜູ້ເຂົ້າປະກວດ Miss International Laos 2018 ໃຜທີ່ເປັນແຟນຄລັບນາງກໍ່ຢ່າລຶມເຊຍນາງກັນໄດ້ ຈະມີຮອບຕັດສິນໃນວັນທີ 14 ຕຸລາ 2018 ນີ້. Story: ຊະນີIndy ຮູບພາບ: Alick Sumoonthong, B’Bie Piyamarth.  

ເຫັນແລ້ວຜ່ານຕາບໍ່ໄດ້ເລີຍ ຫຼ້າສຸດ ຈັນດາລີ ສິດພະໄຊ (ໝໍ ແນ່ງ) ກໍ່ໄດ້ອັບເດດຮູບພາບຫຼ້າສຸດ ເຊິ່ງມາໃນລຸກສາວລາວໂບຮານ ເກົ້າຜົມບ່ຽງແພ ແບບແມ່ຍິງລາວດັ້ງເດີມ ເບິ່ງແລ້ວງົດງາມ ອ່ອນຊ້ອຍ ຈົນບໍ່ຢາກລະສາຍຕາໄປໃສ… ເຫັນແລ້ວ ສຳລັບ ຊະນີIndy ໃຫ້ຄະແນນ ໝໍແນ່ງ ທີ່ມາໃນລຸກແມ່ຍິງລາວໂບຮານນີ້ ເອົາໄປ 10 10 10 ກັນເລີຍເດີ້ ແລ້ວແຟນໆເດວ່າແນວໃດ ໃຫ້ ໝໍແນ່ງໃນລຸກນີ້ຜ່ານແດ່ບໍ່???  (ຄອມເມັ້ນບອກກັນແດ່) ຮູບພາບ: Chandaly Ningnang Sitpraxay

ຊ່ວງນີ້ ປະເທດລາວ ເຮົາເຕັມໄປດ້ວຍເວທີການປະກວດ ແລະ ຫຼ້າສຸດຈະພາແຟນໆມາອັບເດດ (Update) ເວທີນາງງາມ Miss International Laos 2018 ທີ່ຫຼ້າສຸດໄດ້ປ່ອຍພາບສາວງາມຜູ້ຜ່ານເຂົ້າຮອບ 20 ຄົນສຸດທ້າຍ ເຊິ່ງແຕ່ລະຄົນນັ້ນບອກເລີຍ ບໍໍ່ທຳມະດາເດີ້ ຈະມີໃຜກັນແດ່ນັ້ນໄປເບິ່ງກັນ… ສຳລັບກນປະກວດ  Miss International Laos 2018  ໃນຮອບຕັດສິນ ຈະຈັດຂຶ້ນໃນວັນທີ 14 ຕຸລາ 2018 ນີ້, ຢ່າລືມເປັນກຳລັງໃຈໃຫ້ນ້ອງໆທັງ 20 ຄົນກັນແດ່ເດີ້ແຟນໆ ແລະ ສາວງາມທີ່ໄດ້ມົງກຸດອັນຊົງກຽດ Miss International Laos 2018 ໃນປີນີ້ ກໍຈະໄດ້ເປັນຕົວແທນສາວງາມໄປປະກວດຕໍ່ໃນເວທີສາກົນ  Miss International 2018 ທີ່ ປະເທດ ຍີ່ປຸ່ນ ອີກດ້ວຍ. #ແຊຣໄປໃຫ້ໂລກຮູ້ນີ້ຄືສາວລາວ ?????? ຮູບພາບ: Miss International Laos ມີສອິນເຕີເນຊັນແນສ ລາວ

ປະເທດລາວ ກໍໄດ້ມີການສົ່ງສາວງາມຕົວແທນ ໄປປະກວດນາງງາມເວທີລະດັບໂລກ Miss Grand International ຄັ້ງນີ້ກໍ່ຖືວ່າເປັນປີທີ່ 2 ແລ້ວ, ນອກຈາກສາວງາມ ກໍ່ຍັງມີອີກສິ່ງໜຶ່ງທີ່ເຮັດໃຫ້ພໍ່ແມ່ພີ່ນ້ອງເວົ້າເຖິງຢູ່ສະເໝີ ກໍຄືຊຸດປະຈຳຊາດ ທີ່ສາວງາມໄດ້ສວມໃສ່, ໃນມື້ນີ້ ຊະນີIndy ຈະພາມາເບິ່ງຊຸດປະຈຳຊາດທີ່ບັນດາສາວງາມໄດ້ໃສ່ ບໍ່ວ່າຈະເປັນຊຸດຂອງ ນ້ອງ ຈິນນາລີ ນໍລະສິງ (ຟ້າໃສ) Miss Grand Laos 2017 ທີ່ໄດ້ສວມໃສ່ ແລະ ໃນປີນີ້ກໍ່ແມ່ນ ນ້ອງ ນົບພະລັດ ສີໄກພັກ (ມາລີ) Miss Grand Laos 2018 ແລະ ຕ້ອງຂໍບອກເລີຍວ່າ ຊຸດປະຈຳຊາດລາວ ໃນແຕ່ລະປີແມ່ນ ອະລັງການງານສ້າງ ມີຄວາມຄິດສ້າງສັນ ອອກແບບ ແລະ ຕັດຫຍິບໄດ້ຢ່າງງົດງາມ ແຕ່ລະຊຸດລ້ວນມີຄວາມໝາຍ ແລະ ທີ່ສຳຄັນແມ່ນບໍ່ແພ້ຊາດໃດໃນໂລກ. ຊຸດປະຈຳຊາດຂອງ ນົບພະລັດ ສີໄກພັກ (ມາລີ) Miss Grand …

ການເດີນທາງເປັນການເປີດໂລກເຮົາໃຫ້ກວ້າງຂຶ້ນ… ໄດ້ເຫັນ, ໄດ້ພົບ, ໄດ້ຮຽນຮູ້ສິ່ງໃໝ່ໆ ການເດີນທາງເປັນປະສົບການ, ເປັນການຮຽນຮູ້, ເປັນການເປີດໂລກກະທັດໃໝ່ໆ ແລະ ການເດີນທາງທ່ອງທ່ຽວໄປຍັງດິນແດນທີ່ເຮົາບໍ່ເຄີຍໄປ ມັກຈະເຮັດໃຫ້ເຮົາໄດ້ພົບກັບສິ່ງໃໝ່ໆ ໃນຊີວິດອັນແສນຕື່ນເຕັ້ນເຊັ່ນກັນ; ມື້ນີ້ ຂວັນໃຈເລີຍຢາກຈະມານໍາສະເໜີ ຂໍ້ຄິດດີໆ ຂອງການເດີນທາງຈາກນັກເດີນທາງ Traveler Blog ມາໃຫ້ສາວໆໄດ້ຮູ້ວ່າ ຄວາມຈິງແລ້ວເຮົາໄດ້ຫຍັງແດ່? ນອກຈາກຄວາມ່ວນ ແລະ ໄດ້ເຫັນສິ່ງໃໝ່ໆ… 1. ມະນຸດທຸກຄົນຕ້ອງການສິ່ງດຽວກັນ: ບໍ່ວ່າຈະເປັນເສດຖີ ຫຼືຄົນທຸກຈົນ ເມື່ອເບິ່ງເລິກລົງໄປແລ້ວຈະຮູ້ວ່າທຸກຄົນຕ້ອງການ “ຄວາມຮັກ”, “ຄວາມໝັ້ນຄົງ” ແລະ “ການຍອມຮັບ” ແລະນັ້ນກໍຄືຄວາມປາດຖະໜາຂັ້ນພື້ນຖານ ທີ່ເຮັດໃຫ້ທຸກຢ່າງເທິງໂລກນີ້ຂັບເຄື່ອນໄປໄດ້ 2. ຢ່າປ່ອຍໃຫ້ຄວາມສຸກເປັນເລື່ອງຂອງອະນາຄົດ: ຄົນທີ່ຕັ້ງເປົ້າ ແລະ ຕັ້ງໜ້າຕັ້ງຕາສູ້ຢ່າງແສນສາຫັດ ບໍ່ມືນຫູມືນຕາເພື່ອໃຫ້ໄດ້ມາເຊິ່ງຄວາມສຸກໃນອະນາຄົດ ນັ້ນຄືພວກເຂົາກໍາລັງເຮັດສິ່ງທີ່ຜິດທີ່ສຸດໃນຊີວິດ ສະນັ້ນ ເຮົາຄວນເຮັດມັນຢ່າງຄ່ອຍເປັນຄ່ອຍໄປ ເພື່ອໃຫ້ມີຄວາມສຸກໃນປັດຈຸບັນ ຢ່າຕັ້ງຄວາມສຸກກັບສິ່ງທີ່ຍັງມາບໍ່ຮອດ ເພາະຍິ່ງຕັ້ງສູງເທົ່າໃດຍິ່ງເຈັບເທົ່ານັ້ນ. 3. ຢ່າຫຼົງງົມງາຍກັບໂຊກຊະຕາ: ຫຼາຍໆຄົນເພີ້ຝັນເລື່ອງໂຊກລາບ, ວາດສະໜາ, ໂຊກຊະຕາຕ່າງໆ …