ໄວໜຸ່ມ

ຈົບໄປຢ່າງຈົບງາມ!!! ງານແລ່ນປະກາດຈຸດຢືນ ຢຸດຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ກັບຜູ້ເຂົ້າຮ່ວມຫຼາຍກວ່າ 2.000 ຄົນ… ຣັນຟໍເຮີ (Run for her) ແມ່ນງານແລ່ນ ເພື່ອຢຸດຄວາມຮຸນແຮງຕໍ່ແມ່ຍິງ ພາຍໃຕ້ Slogan “ທຸກບາດກ້າວຄືພະລັງ ຢຸດຢັ້ງຄວາມຮຸນແຮງ” ໂດຍ ວາລະສານ ຂວັນໃຈ ແລະ ສະມາຄົມນັກທຸລະກິດແມ່ຍິງລາວ ຮ່ວມກັບ ສະຫະພັນແລ່ນແລະລານແຫ່ງຊາດລາວ ມີຈຸດປະສົງເພື່ອ: 1. ປູກຈິດສຳນຶກໃຫ້ສັງຄົມຫັນມາເອົາໃຈໃສ່ ແລະ ຮ່ວມຍຸຕິບັນຫາຄວາມຮຸນແຮງຕໍ່ແມ່ຍິງ ແລະ ເດັກນ້ອຍ 2.ສ້າງກິດຈະກຳແຂ່ງຂັນແລ່ນ ແລະພັດທະນານັກແລ່ນລຸ້ນໃໝ່. ເຊິ່ງໄດ້ຈັດຂຶ້ນເປັນປີທໍາອິດ ໂດຍຈັດງານຖະແຫຼງຂ່າວເປີດຢ່າງເປັນທາງການໃນວັນທີ 2 ຕຸລາ 2019 ທີ່ຜ່ານມາ ແລະ ເປີດໃຫ້ຜູ້ທີ່ສົນໃຈມາຮ່ວມລົງທະບຽນແລ່ນຕັ້ງແຕ່ວັນທີ 15 ກໍລະກົດ 2019 ຈົນຮອດ ວັນທີ 18 ຕຸລາ 2019 …

ຍິນດີນໍາ!!! ຊ່າງຕັດຜົມລາວ ຄວ້າອັນດັບ 1 ປະເພດ ແກະລາຍ ຈາກງານ Dcash professional ທີ່ປະເທດໄທ… ຍັງຈື່ກັນໄດ້ບໍ່ “ຊ່າງດ່ອນ” ຊ່າງຕັດຜົມທີ່ເຄີຍໂດ່ງດັງໃນໂລກໂຊຊ່ຽວ ເມື່ອປີກ່ອນ ກັບການຕັດຜົມທີ່ແຕກຕ່າງ ແລະ ບໍ່ຄືໃຜ ໂດຍການຕັດຜົມໃຫ້ເປັນຮູບຊົງຕ່າງໆ ເຊິ່ງຕອນນັ້ນກໍເປັນທີ່ຮືຮາ ແລະ ໄດ້ຮັບຄວາມສົນໃຈຈາກຊາວເນັດຫຼາຍພໍສົມຄວນ ແລະ ເມື່ອເວລາຜ່ານໄປ ພັດທະນາການຂອງການຕັດຜົມຂອງຊ່າງດ່ອນກໍເພີ່ມຂຶ້ນໄປນໍາ ເພາະຖ້າໃຜຕິດຕາມ Facebook: ຊ່າງດ່ອນ ຕັດຜົມຕາມສັ່ງ ເຊິ່ງເປັນເຟສບຸກສ່ວນຕົວຂອງຊ່າງດ່ອນ ກໍຈະໄດ້ເຫັນຜົນງານຂອງເພິ່ນຢູ່ເປັນປະຈໍາ. ແລະ ຫຼ້າສຸດ ຊ່າງດ່ອນກໍໄດ້ໂພສຮູບພາບຂອບໃຈຜູ້ສະໜັບໜູນງານປະກວດງານໜຶ່ງ ທີ່ຈັດຂຶ້ນຢູ່ທີ່ປະເທດໄທ ໂດຍໃນຮູບພາບແມ່ນຊ່າງດ່ອນຖືປ້າຍລາງວັນທີ 1 ກ່ຽວກັບການຕັດຜົມ ແລະ ຜູ້ຄົນກໍເຂົ້າມາຄອມເມັ້ນເປັນຈໍານວນຫຼວງຫຼາຍ… ຕໍ່ມາຈຶ່ງໄດ້ຮູ້ວ່າ ຊ່າງດ່ອນ ໄດ້ເຂົ້າຮ່ວມແຂ່ງຂັນ Dcash Professional ເຊິ່ງເປັນງານປະກວດຕັດຜົມ ແລະ ອອກແບບຊົງຜົມຫຼາຍປະເພດ ຈັດຂຶ້ນຢູ່ທີ່ ກຸງເທບມະຫານະຄອນ (ປະເທດໄທ) ທີ່ 5 ແລະ ຊ່າງດ່ອນ …

ງົດງາມ! ປະເພນີລາວ… ມາເບິ່ງພາບບັນຍາກາດ ການວຽນທຽນ, ແຫ່ໂຄມໄພ, ໄຫຼເຮືອໄຟ ແລະ ລອຍກະໂທງໃນມື້ບຸນອອກພັນສາ… ຜ່ານໄປແລ້ວສໍາລັບປະເພນີບຸນອອກພັນສາ ປະວໍລະນາ ທີ່ເປັນໜຶ່ງໃນຮີດ 12 ຂອງປະເພນີລາວ ເຊິ່ງສໍາລັບພຸນປະເພນີອອກພັນສານີ້ ກໍມີກິດກໍາຫຼັກໆຄື ຕັກບາດໃນຕອນເຊົ້າ, ຕອນແລງກໍຈະມີການວຽນທຽນ, ໄຫຼເຮືອໄຟ ແລະ ລອຍກະໂທງ ເຊິ່ງເປັນກິດຈະກໍາທີ່ຄູ່ຮັກມັກນິຍົມພາກັນໄປລອຍກະໂທງ. ຫຼັງໆມານີ້ໄດ້ມີອີກກິດຈະກໍາໜຶ່ງທີ່ຄົນໜຸ່ມສາວກໍາລັງນິຍົມກັນ ໂດຍສະເພາະສາວໆ ກັບກິດຈະກໍາແຕ່ງກາຍແບບລາວເດີມ ແລະ ລາວສະໄໝ ໄປຖ່າຍຮູບ ແຫ່ໂຄມໄຟໃນຄໍ່າຄືນຂອງມື້ອອກພັນສານັ້ນເອງ. ສໍາລັບກິດຈະກໍານີ້ແມ່ນມີຈຸດສຸມຢູ່ທີ່ ວັດ ອົງຕື້ ມະຫາວິຫາຣ ປີນີ້ກໍໄດ້ຈັດຂຶ້ນໃນວັນທີ 12-13 ຕຸລາ 2019 ທີ່ຜ່ານມານີ້ເອງ. ແລະ ມື້ນີ້ແອັດກໍໄດ້ນໍາພາບບັນຍາກກາດຂອງຄໍ່າຄືນມື້ນັ້ນມາຕ້ອນສາວໆທີ່ບໍ່ໄດ້ໄປຮ່ວມ ຈະຕ້ອງໝາຍຕາໄວ້ວ່າ ປີໜ້າຕ້ອງຫາເວລາໄປຖ່າຍຮູບງາມໆ ມາອວດໝູ່ໃຫ້ໄດ້… ເພາະມັນເປັນພາບທີ່ງົດງາມຫຼາຍ! ເອົາເປັນວ່າເຮົາມາເບິ່ງພ້ອມກັນເລີຍ!!!       ຂອບໃຈຮູບພາບບາງສ່ວນຈາກ: Pakkhem studio …

ຂ່າວແທ້ ຫຼືຂ່າວລື! MISS GRAND LAOS 2019 ບໍ່ໄດ້ໄປຮ່ວມປະກວດເວທີລະດັບໂລກ ຍ້ອນເຫດຜບໍ່ຮູ້ວ່າ!!! ບໍ່ຮູ້ວ່າເປັນຂ່າວແທ້ ຫຼືຂ່າວລື ທີ່ວ່າ MISS GRAND LAOS 2019 ນ້ອງ ເຈນ ມະໄລລັກ ພະຈັນ ຈະບໍ່ສາມາດເຂົ້າຮ່ວມປະກວດເວທີ MISS GRAND INTERNATIONAL 2019 ທີ່ຈັດຂຶ້ນຢູ່ທີ່ປະເທດ ເວເນຊູເອລາ ໃນວັນທີ 25 ຕຸລາ 2019 ນີ້. ເຊິ່ງສາເຫດທີ່ເຮັດໃຫ້ ນ້ອງເຈນ ບໍ່ສາມາດໄປຮ່ວມປະກວດເວທີລະດັບໂລກໄດ້ແມ່ນຍ້ອນວ່າ ທາງກອງປະກວດ MISS GRAND LAOS 2019  ໄດ້ຈັດປະກວດຄ້ອນຂ້າງຊັກຊ້າ ເຮັດໃຫ້ຂໍວີຊ່າຄ້ອນຂ້າງຍາກ ເພາະຢູ່ປະເທດລາວ ບໍ່ມີສະຖານທູດ ປະເທດເວເນ ຕ້ອງໄດ້ໄປຂໍວີຊ່າຢູ່ ປະເທດຫວຽດນນາມ ແຕ່ກໍບໍ່ສາມາດຂໍໄດ້ທັນເວລາໄດ້ ປີນີ້ປະເທດລາວ ຈຶ່ງບໍ່ສາມາດສົ່ງຕົວແທນໄປປະກວດໄດ້ ແລະ ທັງໝົດນີ້ກໍແມ່ນຂ່າວຈາກວົງໃນທີ່ແອັດໄປໄດ້ຍິນມາ ແຕ່ຄວາມຈິງຈະເປັນແນວໃດນັ້ນຄົງຕ້ອງຖ້າໃຫ້ທາງກອງປະກວດອອກມາຊີ້ແຈງອີກເທື່ອໜຶ່ງ ຫຼືສູດທ້າຍແລ້ວ …

ທັງງາມ ທັງເກັ່ງ! ປຸ້ຍ ເກດມະນີ ນາງສາວນະຄອນຫຼວງ 2019 ຮັບໃບປະກາດກຽດນິຍົມ ຄະນະເສດຖະສາດ… ເຜີຍ “ເຄັດລັບຮຽນແນວໃດໃຫ້ເກັ່ງ” ປຸ້ຍ ເກດມະນີ ວົງປະເສີດ ສາວນ້ອຍໜ້າໃສ ທີ່ທຸກຄົນຮູ້ຈັກກັນດີໃນຖານະ ນາງສາວ ນະຄອນຫຼວງ 2019  ທີ່ໃຜເຫັນກໍຕ້ອງຕົກຂຸມຮັກໃນຄວາມໜ້າຮັກ, ສົດໄສ ແລະ ຕ້ອງຍົກໃຫ້ກັບຄວາມສາມາດຂອງນາງ ຈົນສາມາດຄວ້າຕໍາແໜ່ງນີ້ໄປຄອງ ແຕ່ຍັງບໍ່ໝົດເທົ່ານັ້ນ ເພາະຄວາມສາມາດຂອງ ນ້ອງ ປຸ້ຍ ຍັງບໍ່ຈົບທີ່ກອງປະກວດ ນາງສາວນະຄອນຫຼວງເທົ່ານັ້ນ ເພາະວ່າ ເມື່ອບໍ່ດົນມານີ້ ປຸ້ຍ ໄດ້ໂພສຮູບພາບຜ່ານເຟສບຸກສ່ວນຕົວ ໂດຍສະແດງໃຫ້ເຫັນວ່າ ຕົນເອງນັ້ນໄດ້ຮຽນຈົບໃນລະດັບປະລິນຕີແລ້ວ ຈາກຄະນະເສດຖະສາດ ມະຫາວິທະຍາໄລແຫ່ງຊາດ. ເຊິ່ງກໍເປັນເລື່ອງທີ່ໜ້າຍິນດີຫຼາຍ ແຕ່ສິ່ງທີ່ໜ້າຍິນດີໄປກວ່ານັ້ນຄື ໃນຮູບຈະເຫັນວ່າ ນ້ອງ ປຸ້ຍ ຖືໃບປະກາສະນີຍະບັດສີແດງ ນັ້ນກໍຄືໃບປະກາດກຽດຍົມນັ້ນເອງ ເຊິ່ງຜູ້ທີ່ຈະໄດ້ຮັບໃບປະກາດກຽດນິຍົມນັ້ນບໍ່ແມ່ນເລື່ອງທີ່ນັກສຶກສາທຸກຄົນເຮັດໄດ້ ຍິ່ງເປັນສະຖາບັນການສຶກສາລະດັບ ມະຫາວິທະຍາໄລແຫ່ງຊາດແລ້ວ ປີໜຶ່ງມີນັກສຶກສາທີ່ໄດ້ຮັບໃບປະກາດກຽມນິຍົມໜ້ອຍຫຼາຍຖ້າທຽບກັບຈໍານວນນັກສຶກສາແລ້ວ… ເອີ້ນໄດ້ວ່າ ນ້ອງ …