Just Happened

ເວັບໄຊ້ຂ່າວອອນລາຍໃນ ຮ່ອງກົງ ໄດ້ລາຍງານຂ່າວທີ່ພາໃຫ້ຕະລຶງໄປຕາມໆກັນ ເປັນເລື່ອງລາວຂອງສາວຊາວຈີນ 3 ຄົນ ທີ່ຖືກຕຳຫຼວດກວດຄົນເຂົ້າເມືອງທີ່ເດີ່ນບິນນານາຊາດ ຄິມໂພ ທາງທິດຕາເວັນຕົກຂອງກຣຸງໂຊ ໃນ ສ.ເກົາຫລີ (ເກົາຫລີໄຕ້) ຫ້າມບໍ່ໃຫ້ອອກປະເທດ, 3 ສາວຊາວຈີນໄດ້ໃຊ້ຊ່ວງເວລາພັກຍາວ 8 ມື້ ເນື່ອງຈາກເປັນວັນຊາດຂອງ ສປ ຈີນ ເດີນທາງຈາກບ້ານເກີດເດີນທາງມາຜ່າຕັດສັນຍະກຳ ຍົກເຄື່ອງໝົດທົ່ວທັງໜ້າ ທີ່ເກົາຫລີໄຕ້ ເຮັດໃຫ້ໜ້າໃໝ່ມີຄວາມແຕກຕ່າງເກົ່າຫຼາຍ ບໍ່ຄືກັບຮູບທີ່ຖ່າຍໃນປື້ມພາສປອດ ໂດຍໜ້າຂອງທັງ 3 ສາວຢູ່ໃນຊ່ວງທີ່ຕ້ອງພັກຟື້ນຫຼັງການຜ່າຕັດ ຍັງມີອາການບວມແລະມີຜ້າພັນບາດພັນອ້ອມໜ້າ ເຮັດໃຫ້ເຈົ້າໜ້າທີ່ກວດຄົນເຂົ້າເມືອງຂອງສະໜາມບິນກັກຕົວເພື່ອສອບປາກຄຳ ເພື່ອຍືນຍັນເອກະລັກບຸກຄົນ. ຮູບດັ່ງກ່າວ ໄດ້ມີຄົນຖ່າຍໄວ້ໄດ້ ແລະ ໄດ້ນຳມາໂພສທີ່ສື່ອອນລາຍຂອງຈີນ ເຮັດໃຫ້ຮູບພາບດັ່ງກ່າວເປັນທີ່ສົນໃຈຂອງຜູ້ຄົນ ມີຄົນທີ່ເຂົ້າມາສະແດງຄວາມຄິດເຫັນເປັນຈຳນວນຫຼວງຫຼາຍກວ່າ 30,000 ຄອມເມັ້ນ, ກົດໄລ້ກວ່າ 50,000 ໄລ້ ແລະ ຖືກແຊຣໄປກວ່າ 23,000 ພາຍໃນເວລາບໍ່ພຽງເທົ່າໃດມື້, ຫຼາຍຄົນກໍໄດ້ສະແດງຄວາມຄິດເຫັນວ່າກໍເຂົ້າໃຈເຈົ້າໜ້າທີ່ກວດຄົນເຂົ້າເມືອງທີ່ຕ້ອງເຮັດໜ້າທີ່ຢ່າງເຄັ່ງຄັດ ເພາະເບິ່ງແລ້ວວ່າໜ້າຂອງທັງ 3 ສາວກໍປ່ຽນໄປຫຼາຍຈົນບໍ່ມີລັກສະນະເດີມເຫຼືອເລີຍ. ເຖິງແນວໃດກໍຕາມຍັງບໍ່ມີລາຍງານວ່າທັງ 3 ສາວໄດ້ຮັບອະນຸຍາດໃຫ້ອອກ …

ໃນຕອນແລງຂອງວັນທີ 28 ກໍລະກົດ 2017 ຢູ່ທີ່ສະມາາຄົມນັກຂ່າວແຫ່ງ ສປປ ລາວ ໄດ້ມີພິທີຖະແຫຼງຂ່າວ ງານວາງສະແດງລົດນາໆຊາດ ວຽງຈັນ 2017 ຂຶ້ນໂດຍການເປັນກຽດເຂົ້າຮ່ວມໂດຍທ່ານ ພອນຈັນ ເພັງສຸວັນ ປະທານບໍລິສັດ ພີພີໄຊໂຍ ເອັນຕະເທັນເມັນ, ທ່ານ ສີສັງຄົມ ໂຄດໂຍທາ ຮອງຫົວໜ້າກົມສົ່ງເສີມການຄ້າ ແລະ ສື່ມວນຊົນ. ງານວາງສະແດງລົດນາໆຊາດ ວຽງຈັນ ຄັ້ງທີ II ແມ່ນຈະໄດ້ຈັດຂຶ້ນເປັນຄັ້ງທີ 2 ໂດຍພາຍໃຕ້ແນວຄວາມຄິດທີ່ວ່າ: ການປະຢັດພະລັງງານ ແລະ ເປັນມິດກັບສິ່ງແວດລ້ອມ ( Green and Efficiency ) ໃນລະຫວ່າງວັນທີ 10-18 ພະຈິກ 2017 ຢູ່ທີ່ສູນການຄ້າລາວ-ໄອເຕັກ ( ຕຶກເກົ່າ ). ງານວາງສະແດງລົດນາໆຊາດ ວຽງຈັນ ຄັ້ງທີ II …

ເພື່ອເປັນການກະກຽມສະເຫຼີມສະຫຼອງວັນສັບປະດາສາກົນ ໃນການລ້ຽງລູກດ້ວຍນົມແມ່ ລະຫວ່າງວັນທີ 1-7 ສິງຫາ 2017 ຈະມີການສະເຫຼີມສະຫຼອງຂຶ້ນໃນທຸກໆປີ. ດ້ວຍການຈັດກິດຈະກໍາຕ່າງໆເພື່ອເປັນການສົ່ງເສີມສຸຂະພາບ ແລະ ໂພຊະນາການຂອງແມ່ ແລະ ເດັກ ດ້ວຍຫຼາຍໆຮູບແບບ ເຊິ່ງໃນນັ້ນການອອກຂ່າວໂຄສະນາ ກໍ່ແມ່ນກິດຈະກໍາໜຶ່ງເພື່ອປົກປ້ອງຊຸກຍູ້ສົ່ງເສົມ ສະໜັບສະໜູນການລ້ຽງລູກດ້ວຍນົມແມ່ໃຫ້ເປັນຂະບວນຟົດຟື້ນ ເຊິ່ງປີນີ້ອົງການພັນທະມິດ ສາກົນ ການລ້ຽງລູກດ້ວຍນົມແມ່ ( WABA ) ໄດ້ເນັ້ນໜັກໃນຫົວຂໍ້ “ ຮ່ວມແຮງຮ່ວມໃຈເຮັດໃຫ້ການລ້ຽງລູກດ້ວຍນໍ້ານົມແມ່ຍືນຍົງ ” ເພື່ອບັນລຸເປົ້າໝາຍການພັດທະນາແບບຍືນຍົງ. ໃນການຄົບຮອບ ສັບປະດາຂອງການລ້ຽງລູກດ້ວຍນໍ້ານົມແມ່ ລະຫວ່າງວັນທີ 1-7 ສິງຫາ 2017 ນີ້, ອົງການ ຢູນິເຊບ ໄດ້ຮ່ວມມືກັບເພື່ອນຮ່ວມງານໃນກຸ່ມການລ້ຽງລູກດ້ວຍນົມແມ່ຂອງໂລກ ເພື່ອຍົກໃຫ້ເຫັນຄວາມສໍາຄັນຂອງການລ້ຽງລູກດ້ວຍນົມແມ່ ສໍາລັບເດັກນ້ອຍ ແລະ ສໍາລັບປະເທດຊາດ. ຮ່ວມມືກັບເພື່ອນຮ່ວມງານ ທັງພາກສະຖາບັນ, ໜ່ວຍງານທີ່ບໍ່ແມ່ນລັດຖະບານ ແລະ ຜູ້ໃຫ້ທຶນ ພາຍໃຕ້ການເປັນຜູ້ນໍາຮ່ວມກັບອົງການອະນາໄມໂລກ ກຸ່ມສົ່ງເສີມການລ້ຽງລູກດ້ວຍນໍ້ານົມແມ່ ນີ້ສ້າງຂຶ້ນມາເພື່ອຊຸກຍູ້ ແລະ …

ຜ່ານການແຂ່ງຂັນ“Beerlao Band Challenge Season 2” ຕັ້ງແຕ່ຮອບຄັດເລືອກຈົນມາຮອດມື້ສຸດທ້າຍຮອບຊິງຊະນະເລີດໃນວັນທີ 15 ກໍລະກົດ 2017 ທີ່ສູນກິລາໃນຮົ່ມລ້ານຊ້າງ ສຳລັບວົງດົນຕີທີ່ໄດ້ຊະນະເລີດໃນການແຂ່ງຂັນໂຄງການນີ້ໄດ້ແກ່ວົງ B.12 Dynamic ໄດ້ຮັບເງິນລາງວັນມູນຄ່າ 50.000.000 ກີບ, ໄດ້ຮັບເຄື່ອງດົນຕີ 1 ຊຸດຍີ່ຫໍ້ Yamaha ມູນຄ່າ 25.000.000 ກີບ, ພ້ອມເຊັນສັນຍາເປັນສິລະປິນໃນຄ້າຍເພງ ອິນດີ້ ເຣກຂອດ 1ປີເຕັມ ມີ Single ເປັນຂອງຕົວເອງແລະຍັງໄດ້ຮັບການກາລັນຕີວຽກຈາກບໍລິສັດເບຍລາວເປັນເວລາ 1ປີເຕັມ. ຮອງອັນດັບ 1: ໄດ້ແກ່ວົງ 06Rock Normalໄດ້ຮັບເງິນລາງວັນມູນຄ່າ 20.000.000 ກີບ, ໄດ້ຮັບກີຕ້າໂປ່ງ1ໜ່ວຍມູນຄ່າ 2.500.000 ກີບ ແລະໄດ້ຮັບການກາລັນຕີວຽກຈາກບໍລິສັດເບຍລາວເປັນເວລາ 1ປີເຕັມ. ຮອງອັນດັບ 2: ໄດ້ແກ່ວົງ 10 N.O.Mໄດ້ຮັບເງິນລາງວັນມູນຄ່າ 15.000.000 ກີບ, …

ໃນຕອນບ່າຍຂອງວັນທີ 18 ກໍລະກົດ 2017 ຢູ່ທີ່ຫ້ອງວ່າການນະຄອນຫຼວງ ໄດ້ມີຖະແຫຼງການຈາກລັດຖະບານກ່ຽວກັບເຫດໄຟໃໝ້ສູນການຄ້າສາກົນຊັ່ງຈຽງ ໃນວັນທີ 14 ກໍລະກົດ 2017 ທີ່ຜ່ານມາ. ໂດຍໃຫ້ກຽດເປັນປະທານການຖະແຫຼງການໂດຍ ທ່ານ ພູວົງ ວົງຄຳຊາວ ຫົວໜ້າຫ້ອງວ່າການນະຄອນຫຼວງ ແລະ ທ່ານ ພທ ຈັນຫອມ ແກ້ວສຸລະໄຊ ຫົວໜ້າຫ້ອງຕຳຫຼວດ ປກສ ນວ ພ້ອມດ້ວຍບັນດາສື່ມວນຊົນທົ່ວທຸກພາກສ່ວນ. ໃນເວລາປະມານ 17:30 ໂມງຂອງວັນທີ 14 ກໍລະກົດ 2017 ໄດ້ເກີດເຫດໄຟໃໝ້ສູນການຄ້າຊັ່ງຈຽງ ພາຍຫຼັງໄດ້ຮັບການແຈ້ງເຫດເຈົ້າໜ້າທີ່ມອດໄຟ ນະຄອນຫຼວງວຽງຈັນ ໄດ້ສົ່ງລົດມອດໄຟໄປມອດພາຍໃນເວລາ 10ນາທີຕໍ່ມາ, ແຕ່ໄຟໄດ້ໄໝ້ລຸກລາມສູນການຄ້າຊັ່ງຈຽງຢ່າງໄວວາຍ້ອນມີສິນຄ້າທີ່ເປັນວັດຖຸໄວໄຟຢ່າງຫຼວງຫຼາຍ, ທັງເອົາເພດານເປັນສາງເກັບເຄື່ອງຂອງນຳອີກ. ການມອດໄຟໃນຄັ້ງນີ້ເຈົ້າໜ້າທີ່ ນະຄອນຫຼວງວຽງຈັນ ໄດ້ໃຊ້ລົດ 16 ຄັນ, ໃນນີ້ລວມທັງລະດົມລົດມອດໄຟຈາກກະຊວງ ປກສ, ກອງບັນຊາການທະຫານ, ລົດມອດໄຟສະໜາມບິນ, ລົດນໍ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ …