Just Happened

  ນ້ອງ ວັນໃໝ່ ສາວປະເພດສອງທີ່ກຳລັງມາແຮງທີ່ສຸດໃນຕອນນີ້  ໄດ້ຖ່າຍແບບຊຸດປະຈໍາຊາດລາວເພື່ອກຽມຕົວໄປແຂ່ງຂັນສາວງາມປະເພດສອງເວທີລະດັບໂລກ Miss International Queen 2016 ໃນວັນທີ 10 ມີນາ 2017 ທີ່ຈະຮອດໃນໄວໆນີ້, ເຊິ່ງນ້ອງ ວັນໃໝ່ ອາຍຸ 21 ປີ ສາວປະເພດສອງຈາກແຂວງ ສະຫວັນນະເຂດ ທີ່ມີຄວາມໄຝ່ຝັນໃນດ້ານການເດີນແບບ ແລະ ການສະແດງ ຈຶ່ງຕັດສິນໃຈເພື່ອເຂົ້າປະກວດໃນເວທີດັ່ງກ່າວເພື່ອເກັບກ່ຽວປະສົບການ, ຊະນີIndy ແລະ ພໍ່ແມ່ພີ່ນ້ອງຊາວລາວທຸກຄົນຂໍເປັນກໍາລັງໃຈໃຫ້ນ້ອງ ວັນໃໝ່ ເພື່ອໃຫ້ປະສົບຜົນສໍາເລັດໃນການປະກວດ Miss International Queen 2016 ເທື່ອນີ້ເດີ້ ສູ້ໆໆ. #ກົດໄລ້ກົດແຊຣໄປໃຫ້ໂລກຮູ້ວ່າສາວປະເພດສອງບ້ານເຮົາກໍບໍ່ນ້ອຍໜ້າປະເທດອື່ນ   ຢ່າລືມໄປກົດໂຫວດໃຫ້ນ້ອງໄດ້ເດີ້ທີ່ເພສ Miss International Queen 2016 ນ້ອງ ວັນໃໝ່ ໝາຍເລກ 24 ຂໍຂອບໃຈຂໍ້ມູນແລະຮູບພາບຈາກ:Tutou Nouaneviengkham ແລະ ร้านเสีมสวย ทิดาสะหวัน – ตุตู่.

  ມີເຟັກບຸກຂອງສາວລາວຄົນໜຶ່ງທີ່ຊື່ວ່າ Ann Spc Anongnouth ໄດ້ໂພສຮູບພາບພ້ອມຂຽນຄຳອະທິບາຍວ່າຕົນເອງໄດ້ຊ່ວຍເຫຼືອຊາວຕ່າງຊາດລາຍໜຶ່ງທີ່ກຳລັງຫຼົງທາງວ່າ: “ເຫັນຜູ້ຍິງຄົນຫນຶ່ງເປ້ກະເປົ໋າເຄື່ອງໃຫຍ່ ກໍເປັນປົກກະຕິຂອງນັກເດີນທາງ ນັກທ່ອງທ່ຽວຕ່າງປະເທດຢູ່ແລ້ວ ກໍບໍ່ໄດ້ຄຶດຫຍັງ ພໍຂີ່ລົດກາຍໄປໜ້ອຍໜຶ່ງ ຂ້ອຍກໍສັງເກດເຫັນລາວທັງຍ່າງທັງຍົກມືໂບກລົດ ແຕ່ບໍ່ມີໃຜຈອດເອົາລາວ ເບິ່ງລາວຄືສິເມື່ອຍ ເປັນຕາອິຕົນ ຂ້ອຍກໍເລີຍຈອດຖາມ ລາວວ່າສິໄປທາງພາກໃຕ້ ລາວສິໄປລົງ ຖະໜົນໜອງບອນ ຂ້ອຍເລີຍລົງມາເປີດທ້າຍລົດໃຫ້ລາວເກັບກະເປົ໋າ ແລ້ວເອົານໍ້າໃຫ້ລາວກິນພາລາວໄປສົ່ງ ຢູ່ແຖວທາດຫລວງ, ແຕ່ສົ່ງລາວລົງລົດແລ້ວ ແນມເບິ່ງລາວ ເຫັນລາວໂບກລົດອີກ ລາວຄົງສິບໍ່ຢາກລົບກວນຂ້ອຍຫຼາຍນິແຫຼະ ແຕ່ຂ້ອຍກະເຕັມໃຈຊ່ວຍຢູ່ແລ້ວ. ຫາກໃຜເຫັນລາວ ກະຮັບລາວຂຶ້ນລົດນຳແດ່ ອິໂຕນລາວ ແລະ ລາວຍັງບອກວ່າມາຮອດວຽງຈັນມື້ວານນີ້ ວຽງຈັນ Beautiful and Nice People !! ລາວຍົກມືຂອບໃຈ ແບບຄົນລາວແບບງາມໆເລີຍ ??  ”  ເຫດການດັ່ງກ່າວໄດ້ເຮັດໃຫ້ມີຄົນກົດໄປຄອມເມັ້ນ ແລະ ກົດໄລ້ກົດແຊຣກັນເປັນຈຳນວນຫຼາຍ, ນີ້ກໍເປັນເຫດການໜຶ່ງທີ່ກຳລັງເປັນກະແສໃນຕອນນີ້…! ຂໍຂອບໃຈທີ່ມາ ແລະ ຮູບພາບ: ປະເທດລາວ Pathedlao ແລະ Ann Spc Anongnouth

  ສະບາຍດີ ໝູ່ເພື່ອນທຸກໆຄົນ ບ່າຍໆແບບນີ້ກິນເຂົ້າທ່ຽງແລ້ວກໍກຽມມາຝອຍກັນໄດ້ເລີຍເນາະ ແບບຈະບໍ່ເວົ້າອ້ອມຄ້ອມໃຫ້ມັນຍືດຍາວປານສາຍແມ່ນໍ້າຂອງ (ຮະຮ່ະ) ເຂົ້າປະເດັນກັນເລີຍຄືວ່າມື້ນີ້ ຊະນີIndy ໄດ້ໄປເຂ່ຍເຟັກບຸກຫຼິ້ນຈຶ່ງໄປເຫັນຮູບຄູ່ທີ່ນ້ອງແກ້ວຕາເນັດໄອດໍ້ສາວລາວຂອງເຮົາໄດ້ໂພສຮູບພາບລົງເຟັກບຸກສ່ວນຕົວຂອງນາງ ແລະ ໄດ້ເຫັນຮູບຄູ່ລະຫວ່າງນາງ ແລະ ຜູ້ຊາຍຂອງນາງ (ແຟນ) ໂອະໆໂອ້ຍ…ຈັ່ງແມ່ນມາອິດສາຄົນມີຄູ່ແທ້ເດ,  ໃນແຕ່ລະຮູບພາບກໍມີການຂຽນຄຳບັນຍາຍເທິງຮູບພາບແບບຍອກໃຍກັນໄປມາອີກໃດ ຍິ່ງເຮັດໃຫ້ແຟນໆຂອງທັງສອງເຂົ້າໄປກົດໄລ້ລົວໆ ແຖມຄອມເມັ້ນອີກໃດວ່າຄູ່ນີ້ໜ້າຮັກຈັ່ງຊັ້ນຈັ່ງຊີ້ ແຕ່ເບິ່ງໆໄປແລ້ວກໍແມ່ນຄວາມແຟນໆທີ່ໄປຄອມເມັ້ນແທ້ໃດ, ຊະນີIndy ບໍ່ໄດ້ມາເວົ້າ ລອຍໆເດີ້ແຕ່ຍັງເອົາຮູບຄູ່ ແລະ ຄຣິບທີ່ທັງສອງໂພສມາຝາກນໍາອີກ ມາເບິ່ງກັນເລີຍ…!!! ເພື່ອນໆສາມາດເບິ່ງຄຣິບຂອງຄູ່ນີ້ໄດ້ເລີຍຈາ…   https://www.facebook.com/kaowta.pornprasert.3/videos/751369975039501/   ຂໍຂອບໃຈຮູບພາບ ແລະ ຄຣິບຈາກ: Keota Pornprasert ແລະ Pern Rmc St

  ເປັນທີ່ໜ້າຈັບຕາເບິ່ງສຳລັບສາວນ້ອຍໄວສົດໃສຄົນນີ້ ນາງ ອາລີນ່າ ພິລາວົງ ສາວນ້ອຍໄວໃສອາຍຸພຽງ 17 ປີ, ຊະນີIndy ໄດ້ໄປຕິດຕາມໄປສືບຫາຂໍ້ມູນມາກໍເລີຍຮູ້ວ່າສາວນ້ອຍຄົນນີ້ເປັນລູກຊອດ ລາວ-ຍູເຄນຣ  (Ukraine) ກໍາລັງສຶກສາຢູ່ທີ່ ມສ.ວຽງຈັນ ຊັ້ນ ມໍ.7 ແລະ ທີ່ສະດຸດຕາຫຼາຍກໍຄືນາງມີຄວາມສູງເຖິງ 1,73 cm (ໂອ້ຍ…ຈັ່ງແມ່ນສູງນໍລູກ), ຜົນງານຂອງນ້ອງເທົ່າທີ່ຜ່ານມາແມ່ນເປັນນາງແບບຕາມງານແຟຼຊັ່ນໂຊຕ່າງໆ (ວາລະສານ ຂວັນໃຈ ກໍຖ່າຍປົກມາແລ້ວເດີ້ ບໍ່ທຳມະດາໃດນິ), ທັງສະແດງຊີ່ຣີ່ໄວລຸ້ນຊື່ດັງ Until you ແລະ ຫຼ້າສຸດແມ່ນສາວນ້ອຍຄົນນີ້ໄດ້ເປັນເຖິງພີເຊັນເຕີ້ສະມາດໂຟນແບຼນດັງ Samsung Galaxy A 2017, ປະຕິໂທ້ ບໍ່ທຳມະດາອີ່ຫລີ ຊະນີIndy ຍັງໄດ້ຍິນມາອີກເດີ້ວ່າສາວນ້ອຍຄົນນີ້ເປັນທີ່ຈັບຕາເບິ່ງຂອງລຸ້ນເອື້ອຍລຸ້ນອ້າຍໃນວົງການບັນເທິງລາວເຮົາ ດັ່ງນັ້ນຮັບຮອງສາວນ້ອຍ ອາລີນ່າ ຄົນນີ້ຕ້ອງມີອະນາຄົດໄກໃນວົງການບັນເທິງລາວເຮົາແນ່ນອນ! ກົດໄລ້-ກົດແຊຣເປັນກຳລັງໃຈໃຫ້ອາລີນ່າດ່ວນ ແລະ ມາເບິ່ງຮູບພາບໜ້າຮັກສົດໃສຂອງນ້ອງໄດ້ເລີຍ!!!   ຂໍຂອບໃຂຮູບພາບຈາກ: Alina Philavong  

  ແລງໆ…ແບບນີ້ຮອດເວລາມາຝອຍນຳກັນກັບ ຊະນີIndy ເນື່ອງຈາກວ່າກະແສໂຊຊ່ຽວໃນມື້ທີ່ຜ່ານມີເຟັກບຸກສ່ວນຕົວຂອງສາວງາມຄົນໜຶ່ງຊື່ວ່າ ມິນຕາ ລາດຊະວົງ ໄດ້ໂພສຮູບໄປທ່ຽວສະຖານທີ່ທ່ອງທ່ຽວຊື່ດັງ ມ.ວັງວຽງ ແລະ ໃນການໄປທ່ຽວຫຼິ້ນເທື່ອນີ້ກໍຖືເປັນການໄປທ່ຽວຕາມພາສາໄວລຸ້ນລາວເຮົາທົ່ວໄປ ແຕ່ທີ່ສະດຸດຕາ ຊະນີIndy ເຂົ້າແບບກົງໆກໍຄືສາວງາມແກ້ງນີ້ໄດ້ໄປຢ້ຽມຢາມພໍ່ຕູ້ທີ່ຂ້ອນຂ້າງລຳບາກ ອາໄສຢູ່ຄົນດຽວໃນຕູບຮ້າງໆຫົວຂົວ ບ້ານນາມອນ ມ.ວັງວຽງ ເຊິ່ງນາງກໍໄດ້ໂພສຮູບພາບໄປຢາມພໍ່ຕູ້ແບບຍົກແກ້ງ ພ້ອມຂຽນແຄບຊັ່ນເທິງຮູບທີ່ວ່າ: “ໄປຫຼິ້ນວັງວຽງເທື່ອນີ້ຄຸ້ມຫຼາຍ ດີໃຈທີ່ໄດ້ຊ່ວຍພໍ່ຕູ້ສຳລັບໃຜທີ່ມີແຜນຈະໄປຫຼິ້ນວັງວຽງ ແລະ ຢາກເອົາອາຫານ ນ້ຳ ເຄື່ອງນຸ່ງ ຫຼື ແລ້ວແຕ່ສັດທາ ໄປໃຫ້ພໍ່ຕູ້ແວ່ມາຫາເພິ່ນໄດ້ເດີ້ທາງຜ່ານພໍດີ ພໍ່ຕູ້ເພິ່ນເຖົ້າແລ້ວອາໄສຢູ່ຄົນດຽວກະຕູບຂ້າງຂົວນາມອນ ໄກ້ກັບຕະຫຼາດຂາຍປາແຫ້ງ ຊ່ວຍກັນຄົນລະເລັກລະໜ້ອຍກໍໄດ້ ” ຈົນເຮັດໃຫ້ມີແຟນໆເຂົ້າມາກົດໄລ້ກົດແຊຣ ແລະ ຄອມເມັ້ນຍົກຍ້ອງສາວໆແກ້ງນີ້ວ່າທັງງາມ ແລະ ມີຈິດໃຈດີກັນເປັນຈຳນວນຫຼາຍ… ຢ່າງໃດ ຊະນີIndy ແລະ ແຟນໆກໍຂໍອະນຸໂມທາບຸນນໍາເດີ້ #ແຊຣໄປໃຫ້ໂລກຮູ້ວ່າສາວລາວທັງງາມທັງໃຈດີ ມາເບິ່ງຮູບພາບງາມໆຂອງສາວໆແກ້ງນີ້ກັນເລີຍ ຂໍຂອບໃຈຮູບພາບຈາກ: Minta Lardsavong ແລະ KY Ramangkoun