Just Happened

ສາວໆຄົນໃດທີ່ເຂີນອາຍບໍ່ລຶ້ງທີ່ຈະຕ້ອງ Post ທ່າເວລາຖ່າຍຮູບຄົນດຽວ ລອງເອົາເພື່ອນສາວຄົນສະນິດຂອງທ່ານ ຫຼື ຖ່າຍຮູບນໍາກັບເປັນກຸ່ມໄປເລີຍຮັບຮອງງານນີ້ເກີດຍົກແກ໊ງ ເຊິ່ງຮູບທີ່ຖ່າຍອອກມາຈະໃຫ້ຄວາມຮູ້ສຶກເຖິງ...

ມາເບິ່ງ Life-style ຫຼູຫຼາໄຮໂຊຂອງຄູ່ຮັກພັນລ້ານ! ໂດຍ: “ຊະນີIndy” ເປັນທີ່ຮືຮາສົ່ງທ້າຍປີ 2016 ກັບຄູ່ຮັກ ເພັງ-ອ້າຍ ທີ່ຖືໄດ້ວ່າສ້າງກະແສ ແລະ ເຮັດໃຫ້ສັງຄົມໃຫ້ຄວາມສົນໃຈຂ້າມປີມາຮອດ 2017 ກັນເລີຍ ເພາະທັງສອງໄດ້ແຕ່ງດອງໄປແລ້ວຕັ້ງແຕ່ວັນທີ 26 ທັນວາ 2016 ທີ່ຜ່ານມາຢູ່ ໂຮງແຮມ ແລນມາກ, ແຕ່ກະແສທີ່ເຂົາວ່າລູກເສດຖີກັບລູກເສດຖີແຕ່ງກັນນັ້ນກໍຍັງບໍ່ໝົດໄປ ເພາະການຈັດງານແຕ່ງດອງຂອງທັງສອງຄົນນັ້ນເປັນງານທີ່ໃຫ່ຍ ແລະ ຫຼູຫຼາສຸດໆ ຈົນເຮັດໃຫ້ຫຼາຍຄົນເວົ້າກັນຕ່າງໆນາໆວ່າອາດເປັນການຈັດງານສິ້ນເປືອງເກີນໄປ ຫຼື ບໍ່? ຍັງໆຍັງບໍ່ໝົດເພາະໃນ Facebook ສ່ວນຕົວຂອງສາວເພັງຍັງ Post ຮູບພາບງານແຕ່ງ ແລະ Life-style ການໃຊ້ຊີວິດທີ່ຫຼູຫຼາຂອງເພິ່ນໃຫ້ຂາເມົ້າໄດ້ເຂົ້າມາສະແດງຄວາມຄິດເຫັນກັນເລື້ອຍໆ, ດັ່ງນັ້ນກໍບໍ່ລໍຊ້າ “ຊະນີIndy” ຈຶ່ງໄດ້ລວມເອົາຮູບພາບມາຝາກເບິ່ງກັນໄດ້ເລີຍ!!! ພາບຈາກ: FB@Pheng’s AP

ເຄັດລັບຫຸ່ນດີຂອງສາວ ເມ ວາລິດສະລາ ຕັງສຸວັນ!!! ສາວ ເມ ວາລິດສະລາ ຕັງສຸວັນ ສາວງາມທີ່ເປັນໂຕແທນຈາກປະເທດລາວໄປແຂ່ງຂັນໃນເວທີລະດັບໂລກ  MISS TOURISM QUEEN OF THE YEAR INTERNATIONAL 2016 ເຊິ່ງເພິ່ນກໍສາມາດຄວ້າຕຳແໜ່ງ ສາວງາມມິດຕະພາບ ມາຝາກຄົນລາວເຮົາທຸກຄົນໄດ້ສຳເລັດ ແລະ ໃນມື້ນີ້ທາງທີມງານເຮົາຈະພາໄປອັບເດດສອດສ່ອງກິດຈະກຳຍາມຫວ່າງຂອງສາວເມວ່ານາງມັກເຮັດຫຍັງນໍນາງຈຶ່ງງາມ ແລະ ຫຸ່ນດີໆມາເບິ່ງພ້ອມໆກັນເລີຍ!!!   ຮູບພາບຈາກ: FB@Varissara May Tangsouvanh  

ພັບເງິນໃຫ້ 4 ປີ ສຸດທ້າຍຖືກຜູ້ສາວຖິ້ມຈ້ອຍ!!! ໂດຍ:  “ຊະນີIndy” ໂອ້ຍ ຊ່າງມາດູຕົນອ້າຍບ່າວຜູ້ນີ້ແທ້!!! “ຊະນີIndy” ບໍ່ເຄີຍຄິດເລີຍວ່າຈະມີຜູ້ຊາຍແບບນີ້ເຫຼືອຢູ່ ໃນວັນທີ 28 ທັນວາ 2016 ທີ່ຜ່ານມາມີຜູ້ຊາຍຄົນໜຶ່ງ Post Facebook ສ່ວນຕົວທີ່ມີຊື່ວ່າ: Honley Phoneketkeo Tavingnan ແລະ ໄດ້ເລົ່າເລື່ອງລາວສ່ວນຕົວຂອງເພິ່ນທີ່ຖືກຜູ້ສາວຖີ້ມ ເຊິ່ງໃຈຄວາມກໍຄື ເພິ່ນມີຄວາມເສຍ ໃຈແຮງ ແລະ ກໍໄດ້ໃຊ້ເວລາພັບເງິນເປັນເວລາ 4 ປີ ແລ້ວເອົາໄປໃຫ້ຜູ້ສາວຮັກສາໄວ້ ແຕ່ຫຼ້າສຸດເລີກກັນແລ້ວ. “ຂ້ອຍໃຊ້ເວລາທັງຊີວິດຕາມຫາຄົນທີ່ຄິດວ່າແມ່ນພັບເງິນພວກນີ້ດ້ວຍຫົວໃຈມື້ລະໃບ, ເອົາໄປໃຫ້ທຸກມື້ໄລຍະເວລາ 3~4 ປີ ແລ້ວເອົາໄປໃຫ້ແຟນເກົ່າຂ້ອຍຜູ້ນັ້ນບອກໃຫ້ລາວຮັກສາໄວ້, ເງິນພວກນີ້ບໍ່ຫຼວງຫລາຍແຕ່ຄວາມຮູ້ສຶກທີ່ຢູ່ໃນແຕ່ລະໃບມັນມີຄ່າເກີນກ່ວານັ້ນຂ້ອຍຄົບກັບລາວ 7 ປີສຸດທ້າຍໄດ້ເລີກກັນ ແລະ ທຸກເທື່ອທີ່ມີຮັກ  ໃໝ່ຂ້ອຍກໍ່ບໍ່ເຄີຍຮັກສາມັນໄວ້ໄດ້ເລີຍ, ຂ້ອຍຂໍໂທດທຸກຄົນທີ່ຜ່ານມາໃນຊີວິດຂ້ອຍຕັ້ງແຕ່ນີ້ໄປຂ້ອຍຈະບໍ່ນຳຫາມັນຂ້ອຍຈະປ່ອຍໃຫ້ໂຊກຊະຕາກຳນົດດ້ວຍໂຕມັນເອງ” ໂອໆໆໆ…ບໍ່ຕ້ອງເສຍໃຈເດີ້ອ້າຍ ແມ່ຍິງດີໆກໍມີຫຼາຍ ຖ້າບໍ່ມີໃຜເອົາແທ້ໆໃຫ້ມາທາງນີ້ເດີ້ “ຊະນີIndy” ຍິນດີຕ້ອນຮັບຢູ່ເດີ້555!!!  

ມະຫາເສດຖີອິນເດຍ ຈັດພິທີແຕ່ງດອງໃຫ້ເຈົ້າສາວກຳພ້າ 236 ຄູ່ ທ່ານ ມະເຫດ ສະວານີ ມາຫາເສດຖີເຈົ້າຂອງທຸລະກິດເຈຍລະໄນເພັດ-ພອຍຄົນອິນເດຍ ໄດ້ເປັນເຈົ້າພາບຈັດພິທີແຕ່ງດອງໃຫ້ແກ່ເຈົ້າສາວທີ່ກໍາພ້າພໍ່ 236 ຄູ່ ທີ່ລັດ ກູຊະຣາດ (Gujarat). ນັບຕັ້ງແຕ່ປີ 2008 ເປັນຕົ້ນມາ ທ່ານ ມະເຫດ ໄດ້ເປັນເຈົ້າພາບຈັດພິທີແຕ່ງດອງໝູ່ໃຫ້ເຈົ້າສາວກໍາພ້າພໍ່ມາແລ້ວກວ່າ 700 ຄູ່. ສໍາລັບພິທີງານແຕ່ງດອງຫຼ້າສຸດ ທ່ານ ມະເຫດ ໄດ້ຊື້ຄຳ ແລະ ເຄື່ອງໃຊ້ໃນຄົວເຮືອນ ລວມເປັນມູນຄ່າ 5 ແສນຣູປີ ໃຫ້ເຈົ້າສາວແຕ່ລະຄົນ. ໂດຍປົກກະຕິແລ້ວຄົນອິນເດຍຈະມີພິທີແຕ່ງດອງທີ່ເອີ້ນວ່າ: “ກັນຍາດານ” ໂດຍຜູ້ເປັນພໍ່ຂອງຝ່າຍຍິງ ຈະກຽມສິນສອດໄປສູ່ຂໍຝ່າຍຊາຍ ແລະ ທ່ານ ມະເຫດ ໄດ້ຮັບໜ້າທີ່ເປັນພໍ່ລ້ຽງໃຫ້ແກ່ເຈົ້າສາວທີ່ບໍ່ມີພໍ່ເຫຼົ່ານີ້. ທ່ານ ມະເຫດ ມະຫາເສດຖີມີລູກຊາຍ 2 ຄົນ ແລະ ຮ່ວມພິທີແຕ່ງດອງ ທີ່ຈັດຂຶ້ນໃນວັນທີ 26 ທັນວາທີ່ຜ່ານມາ …