Kuanjai Magazine
ຫຼ້າສຸດວັນທີ 10 ເມາສາ 2020 ສໍານັກຂ່າວຕ່າງປະເທດ Daily mail ລາຍງານວ່າ ນາງຄຣໍເນເລີຍ ຣັສ ເປັນແມ່ຍິງຊາວເນເທີແລນອາຍຸ 107 ປີ ເປັນຜູ້ລອດຊີວິດຈາກພະຍາດລະບາດ COVID-19 ທີ່ມີອາຍຸຫຼາຍທີ່ສຸດໃນໂລກ ພາຍຫຼັງຕິດເຊື້ອ ໄວຣັສໂຄໂຣນາສາຍພັນໃໝ່ ທີ່ກໍ່ໃຫ້ເກີດໂລກ COVID-19 ແລະ ພັກຮັກສາຕົວໃຊ້ເວລາຫຼາຍກວ່າ 20 ມື້ກ່ອນທີ່ຈະຫາຍເປັນປົກກະຕິ ຖືໄດ້ວ່າເປັນຂ່າວທີ່ນ່າຍິນດີທ່າມກາງສະຖານະການແຜ່ລະບາດຂອງໄວຣັສໃນເນເທີແລນຍັງວິກິດ ມີຈໍານວນຜູ້ຕິດເຊື້ອສະສົມສູງຂຶ້ນເລື້ອຍໆເປັນອັນດັບທີ 12 ຂອງໂລກ ຢູ່ທີ່ 21,903 ຄົນ ແລະ ເສຍຊີວິດແລ້ວ 2,403 ຄົນ ແຕ່ແມ່ຍິງສູງອາຍຸຄົນນີ້ຍັງສາມາດຮັກສາດີໄດ້…
ໜັງສືພິມເອດີຂອງເນເທີແລນລາຍງານວ່າ ນາງຄຣໍເນເລີຍ ຣັສ ອາໄສຢູ່ບ້ານພັກຜູ້ສູງອາຍຸທີ່ຢູ່ເທິງເກາະຄູຣີ ໂອເຟີຟລັກເກທາງຕາເວັນຕົກສ່ຽງໃຕ້ ແລະ ເລີ່ມມີອາການໄຂ້ເມື່ອວັນທີ 17 ມີນາ 2020 ທີຜ່ານມາຫຼັງຈາກສະຫຼອງວັນຄ້າຍວັນເກີດຄົບຮອບ 107 ປີ
ຈາກການກວດຮ່າງກາຍຂອງຍິງໄວສູງອາຍຸຄົນນີ້ ລວມທັງເພື່ອນຜູ້ສູງອາຍຸນໍາກັນ ແລະ ເຈົ້າໜ້າທີ່ຮ່ວມສະຫຼອງວັນເກີດກວ່າ 40 ຄົນ ພົບວ່າຕິດເຊື້ອໂຄວິດ ແລະ ຕໍ່ມາ 12 ຄົນໃນກຸ່ມນີ້ມີອາການໜັກຈົຍເສຍຊີິດໃນທີ່ສຸດ
ເຖິງຢ່າງໃດກໍຕາມ ມາຮອດວັນທີ 6 ເມສາ 2020 ທີ່ຜ່ານມາແພດທີ່ໄດ້ຮັກສາຍິງໄວສູງອາຍຸຄົນນີ້ບອກວ່າ ລາວໄດ້ຫາຍປ່ວຍຈາກການຕິດເຊື້ອໂຄວິດແລ້ວ…
ຖືໄດ້ວ່າ ນາງຄຣໍເນເລີຍ ຣັສ ເປັນແມ່ຍິງອາຍຸຫຼາຍທີ່ສຸດໃນໂລກທີ່ລອດຊີວິດຈາກໂຄວິດ-19ໄດ້!!!
ແຫຼ່ງທີ່ມາ: Khaosod Online
