Home

ສາວໆທີ່ມີບັນຫາເລື່ອງສຸຂະພາບໃຫ້ອ່ານທາງນີ້ເລີຍ ເພາະທາງທີມງານ ຂັວນໃຈໄດ້ນໍາເອົາວິທີການບໍາບັດສຸຂະພາບໃຫ້ແຂງແຮງຂຶ້ນ ສໍາລັບວິວັດທະນາການທາງການແພດນັ້ນ ຖືວ່າໄດ້ພັດທະນາໄປຢ່າງບໍ່ມີມື້ສິ້ນສຸດ ເຊິ່ງປະກອບມີທັງການແພດເຂົ້າມາຊ່ວຍໃຫ້ເຮົາເລືອກຄິດ ແລະ ຕັດສິນໃຈໄດ້ງ່າຍຂຶ້ນ ເລືອກສິ່ງທີ່ດີ ແລະ ເໝາະສົມກັບຕົວເອງຫຼາຍຂຶ້ນ ໂດຍການຄັບປິ້ງ (Cupping) ຫຼື ການດູດແກ້ວ ໄດ້ຮັບມີຄວາມນິຍົມຫຼາຍໃນປັດຈຸບັນ ຄວາມຈິງແລ້ວການດູດແກ້ວ ມີມາດົນຫຼາຍກວ່າພັນປີແລ້ວໃນປະເທດຈີນ ເຊິ່ງໃນສະໄໝກ່ອນຈະໃຊ້ບັ້ງໄມ້ໄຜ່ໃນການດູດແທນຈອກແກ້ວ ແລ້ວໃຊ້ຄວາມຮ້ອນ ຫຼືໄຟເຮັດໃຫ້ເປັນສູນຍາກາດ ແຕ່ປັດຈຸບັນເຮົາໃຊ້ຈອກແກ້ວ ເນື່ອງຈາກສາມາດລ້າງໃຫ້ສະອາດໄດ້ງ່າຍ ມີຂະໜາດຂອງຈອກທີ່ເທົ່າກັນຫຼາຍກວ່າ ທີ່ສໍາຄັນຄືຊອກຊື້ໄດ້ງ່າຍ ແລະ ຮັກສາບໍ່ຍາກ ຈຶ່ງເປັນທີ່ນິຍົມຫຼາຍ. ຈອກແກ້ວນັ້ນມີຂະໜາດທີ່ແຕກຕ່່າງກັນ ຂຶ້ນຢູ່ກັບບໍລິເວນທີ່ຕ້ອງການດູດແກ້ວມີຕັ້ງແຕ່ຂະໜາດ 6 cm, 5.5 cm, 4.5 cm, 3.5 cm ແລະ ຂະໜາດນ້ອຍທີ່ສຸດ ໃຊ້ດູດບໍລິເວນແຜ່ນຫຼັງ, ແອວ, ກະໂພກ, ກົກຂາ, ກາງຫຼັງ, ຄໍ, ສົ້ນນ່ອງ ແລະ ໃບໜ້າ ການດູດແກ້ວປິ່ນປົວຫຍັງແດ່? …

ຫວານເວີ້!!! ແບບບໍ່ອີ່ຕົນຄົນໂສດກັນເລີຍສຳລັບຄູ່ຮັກດາລາ ບາບີ້ ປີຍະມາດ (ນາງແບບ-ນັກສະແດງ) ແລະ ອະເລັກ (ນັກຮ້ອງຮິບຮ໋ອບແຫ່ງວົງ  LOG) ທີ່ທັງສອງກໍຄົບຫາເບິ່ງໃຈກັນມາເປັນເວລາໄລຍະໜຶ່ງແລ້ວ ແຕ່ເບິ່ງໄປກໍຍັງບໍ່ມີທີທ່າວ່າຄວາມຫວານຈະຫຼຸດລົງແຕ່ຢ່າງໃດ, ຫຼ້າສຸດສາວ ບາບີ້ ກໍໄດ້ໂພສຮູບລົງໃນອິນສະຕາແກຼມເປັນຮູບຄູ່ສຸດໜ້າຮັກພ້ອມຂຽນຄຳອະທິບາຍວ່າ “ບໍ່ຄິດວ່າ ເວລາມັນຈະໄວປານນີ້ 2ປີລະເດ້ ຮັກບູ້ນະ” ພ້ອມຊູ 2 ນິ້ວໃນຮູບພາບເຊິ່ງຊື່ຄວາມໝາຍວ່າໄດ້ຄົບກັນມາເປັນເວລາ 2 ປີແລ້ວ, ພໍແຕ່ໂພສກໍເຮັດໃຫ້ມີບັນດາຄົນໃນວົງການບັນເທີງ ແລະບັນດາແຟນຄລັບຂອງທັງສອງເຂົ້າມາຄອມເມັ້ນຍິນດີ ແລະ ຍ້ອງໃນຄວາມໜ້າຮັກຂອງພວກເຂົາ. https://www.instagram.com/p/BX0Qfkgg7qq/?taken-by=barbie_piyamarth #ຖ້າຈະຫວານຂະໜາດນີ້ແຊຣໄປໃຫ້ໂລກຮູ້ນຳແດ່  ຮູບພາບ: barbie_piyamarth, aleqs

ວ້າວ! ສຸດຍອດຄວາມຄິດ! ສາວລາວຄົນນີ້ທີ່ນໍາເອົາເລື່ອງລາວຈາກ Animation ກາຕູນຊື່ດັງ ເຈົ້າຍິງ Disney ມາອອກແບບຊຸດໄໝລາວ!! ສະບາຍດີສາວໆຂັວນໃຈທັງຫຼາຍ ເວົ້າເຖິງ Designer ອອກແບບຊຸດໄໝລາວນັ້ນບ້ານເຮົາກໍມີຫຼາຍ ແອັດກໍມີໂອກາດໄດ້ເຫັນຜົນງານຂອງຫຼາຍໆຄົນທີ່ ນໍາເອົາຊຸດໄໝລາວມາປະຍຸກໃຫ້ເຂົ້າກັບຍຸກປັດຈຸບັນໄດ້ເປັນຢ່າງດີ ອັນນີ້ກໍຕ້ອງຂໍຊົມເຊີຍກັບຄວາມຄິດສ້າງສັນຂອງຄົນລາວເຮົາເນາະ! ແຕ່ແອັດໄດ້ມີໂອກາດໄປເຫັນ Designer ສາວຄົນໜຶ່ງນາງກໍອອກແບບຊຸດໄໝລາວຫຼາຍຊຸດ ຫຼາຍແບບ ພໍສົມຄວນ ແຕ່ທີ່ພິເສດຈົນແອັດຕ້ອງຮ້ອງ ວ້າວ! ນັ້ນກໍຍ້ອນວ່າ ນາງໄດ້ອອກແບບຊຸດໄໝລາວທີ່ນໍາແບບມາຈາກ Animation ກາຕູນຊື່ດັງ ຄື: “ເຈົ້າຍິງ Disney” ເຊິ່ງຖືວ່າເປັນຄວາມຄິດທີ່ສ້າງສັນ ແບບບໍ່ເຄີຍເຫັນຢູ່ໃສມາກ່ອນ ແລະ ຜູ້ຄົນກໍໃຫ້ຄວາມສົນໃຈກັນຫຼາຍພໍສົມຄວນ. ມື້ນີ້ ແອັດກໍໄດ້ນໍາມາໃຫ້ສາວໆໄດ້ເບິ່ງກັນນໍາ! ເຊິ່ງວ່າຈະງາມຂະໜາດໃດນັ້ນ ກໍໄປເບິ່ງພ້ອມກັນເລີຍ!! ເຈົ້າຍິງ Disney ໃນຮູບເງົາ ເອລຊ່າ ເວີຊັ່ນຊຸດໄໝລາວ ຕົວລະຄອນອື່ນໆ ຄົນອອກແບບ ເລີດ ງາມໜ້າຮັກ ຄົນສົນໃຈຫຼາຍ By: BeautyGuru ຂໍຂອບໃຈຮູບຈາກ: …

ແຂນໃຫຍ່ແຕ່ຢາກໂຊ ກໍເປີດບ່າໄປເລີຍ! ມາເບິ່ງ Fashions ເສື້ອເປີດບ່າໂຊຜິວຂາວໆແບບໝັ້ນໃຈໝົດຫ່ວງແຂນໃຫຍ່ໆຂອງເຮົາ!!! Fashions ເສື້ອເປີດບ່າ ເປັນ Fashions ທີ່ມີມາແຕ່ດົນແລ້ວ ແຕ່ກໍຍັງ Hot ບໍ່ເຊົາ ແລະ ບໍ່ເຄີຍຕົກເທຼນໄປເລີຍ ເພາະສາມາດໃສ່ໄດ້ທຸກໂອກາດ ໃສ່ອອກງານກໍໄດ້ ແຖມຍັງສາມາດປ່ຽນໃຫ້ເຂົ້າກັບ Style ຂອງສາວໆແຕ່ລະຄົນໄດ້ນໍາອີກ ແລະ ທີ່ສໍາຄັນຍັງເປັນຕົວຊ່ວຍຂອງສາວໆໃນຫຼາຍໆເລື່ອງເຊັ່ນ: ເຮັດໃຫ້ການແຕ່ງຕົວຂອງສາວໆບໍ່ເຊີຍ, ເບິ່ງບໍ່ຊໍ້າຊາກ, ນຸ່ງເຄື່ອງບໍ່ເປືອງ (ຊຸດ Dress ເປີດບ່າໃສ່ຕົວດຽວຈົບເລີຍ) ເຮັດໃຫ້ສາວໆເບິ່ງໂດດເດັ່ນຂຶ້ນ, ປົກປິດເລື່ອງຂອງໜ້າເອິກນ້ອຍ (ເປັນບັນຫາໃຫຍ່ເລີຍແມ່ນບໍ່ສາວໆ 555) ເມື່ອເຮົາໃສ່ເສື້ອເປີດບ່າຕົວຄຮັດຈະມາຮັດທັບໜ້າເອິກພໍດີ ແລະ ຈະໄປໂດດເດັ່ນທີ່ບ່າແທນ ແນ່ນອນວ່າຄົນເບິ່ງຈະຕ້ອງໂຟກັສບ່ອນນັ້ນ. ເຫັນບໍ່ສາວໆວ່າ ເສື້ອເປີດບ່ານີ້ຊ່ວຍເລື່ອງ Fashions ການແຕ່ງຕົວຂອງເຮົາໄດ້ຫຼາຍເລີຍ! ເອົາເປັນວ່າເຮົາໄປເບິ່ງກັນກັບ Fashions ເສື້ອເປີດບ່າ ທີ່ເຮົາເອົາມາຕ້ອນໃຫ້ເບິ່ງເປັນຕົວຢ່າງກັນເລີຍດີກວ່າ!!! By: BeautyGuru Cr: Spice

ຊາຄຣິດ ແຍ້ມນາມ ພະເອກຄົນດັງຂອງປະເທດເພື່ອນບ້ານເຊັກອິນທີ່ປະເທດລາວໃນຊ່ວງທ້າຍອາທິດທີ່ຜ່ານມາ ເຊິ່ງພະເອກສຸດເຈົ້າຊູ້ຄົນນີ້ໄດ້ເຊັກອິນຢູ່ທີ່ນະຄອນຫຼວງວຽງຈັນໃນວັນທີ 12 ສິງຫາ 2017 ແລະ ໄດ້ເຊັກອິນຢູ່ທີ່ແຂວງ ຫຼວງພະບາງ ໃນວັນທີ 13 ສິງຫາ 2017, ເຊິ່ງການມາ ສປປ ລາວ ຂອງພະເອກໜຸ່ມ ຊາຄຣິດໃນເທື່ອນີ້ແມ່ນມາພ້ອມດ້ວຍທີມງານ ແລະຍັງໄດ້ກິນອາຫານລາວ ຊີ້ນຈຸ່ມແຈ່ວເພ້ຍ  ແລະຍັງມີໂອກາດໄດ້ຂີ່ລົດຈຳໂບ້ ແລະພະເອກໜຸ່ມຄົນນີຍັງໄດ້ໂພສລົງໃນອິນສະຕາແກຼມອີກດ້ວຍ. ການມາ ສປປ ລາວ ໃນເທື່ອນີ້ບໍ່ໄດ້ເປັນເທື່ອທຳອິດຂອງພະເອກໜຸ່ມຄົນນີ້ແຕ່ຢ່າງໃດ ແລະ ເວົ້າໄດ້ເລີຍວ່າ ຊາຄຣິດ ແຍ້ມນາມ ກໍເປັນອີກນັກສະແດງຂອງປະເທດເພື່ອນບ້ານທີ່ມາປະເທດລາວເຮົາຫຼາຍຕໍ່ຫຼາຍເທື່ອແລ້ວ. https://www.instagram.com/p/BXs0k6EFTYQ/?taken-by=shahkrit https://www.instagram.com/p/BXuOOlWFFWl/?taken-by=shahkrit ສຳລັບ ຊາຄຣິດ ແຍ້ມນາມ ປັດຈຸບັນອາຍຸ 39 ປີ  ເປັນດາລາ-ພິທີກອນ ທີ່ມີຄວາມສາມາດ ແລະ ຜົນງານຢ່າງຫຼວງຫຼາຍ ເຂົ້າວົງການບັນເທີງຕັ້ງແຕ່ ພສ 2540-ຈົນເຖິງປັດຈຸບັນ, ຊາຄຣິດ ມີທັງຜົນງານດ້ານລະຄອນກ່ວາ 60 ເລື່ອງ, …