ຂ່າວສັງຄົມ

ມີຂ່າວດີມາຝາກພໍ່ແມ່ພີ່ນ້ອງຊາວລາວອີກແລ້ວ ຫຼັງຈາກທີ່ມີຮອບແຂ່ງຂັນ ຊຸດປະຈຳຊາດ ໃນເວທີປະກວດນາງງາມລະດັບໂລກ Miss Universe 2018 ເຊິ່ງຫຼ້າສຸດໄດ້ມີການຈັດອັນດັບຈາກຫຼາຍໆສື່ ຫຼາຍໆໂພສຳຫຼວດວ່າ ຊຸດປະຈຳຊາດລາວ ຕິດ Top ອັນດັບຕົ້ນໆຂອງການປະກວດຊຸດປະຈຳຊາດໃນປີນີ້!!! ແລະ ຍັງບໍ່ໝົດແຕ່ພຽງເທົ່ານັ້ນ ຍັງມີເວັບໄຊ້ການປະກວດນາງງາມຊື່ດັງ #Missosology ໄດ້ມີການຈັດອັນດັບໃຫ້ ຊຸດປະຈຳຊາດລາວເຮົາ ທີ່ ນ້ອງ ອອນອະນົງ ຫອມສົມບັດ Miss Universe Laos 2018 ໄດ້ສວມໃສ່ ເຊິ່ງຕິດອັນດັບ 1 ໃນ 10 ເຊິ່ງຈັດຢູ່ອັນດັບທີ 9 ຈາກທັງໝົດ 90ກວ່າປະເທດທົ່ວໂລກອີກດ້ວຍ. (ມີລິ້ງການຈັດອັນດັບ http://missosology.org/miss-universe/featured-article-miss-universe/54851-top-10-most-spectacular-national-costumes-at-miss-universe-2018/?fbclid=IwAR36WQ1Th-zT_GyRROk649ZX2kv44erWZFsMx99RQFIt18Et2teambqN4BQ) ເຫັນແລ້ວກໍເປັນທີ່ໜ້າຍິນດີສຸດໆ!!! ໃນເວລານີ້ ອອນອະນົງ ຫອມສົມບັດ Miss​ Universe Laos 2018​ ກຳລັງເຮັດໜ້າທີ່ຕົວແທນສາວງາມຈາກປະເທດລາວໃນການປະກວດເວທີລະດັບໂລກ Miss Universe 2018 ທີ່ ປະເທດ ໄທ ແລະ ຈະມີຮອບຕັດສິນໃນວັນທີ 16 ທັນວາ 2018  ນີ້, …

ເປັນກະແສຮືຮາ Talk of the town ມາໃຫ້ເປັນປະເດັນໄດ້ເວົ້າໄດ້ລົມກັນ… ເລື່ອງກໍມີຢູ່ວ່າໃນວັນທີ 10 ທັນວາ 2018 ທີ່ຜ່ານມາ ກໍເປັນເວລາທີ່ມີຮອບແຂ່ງຂັນໃນຮອບຊຸດປະຈຳຊາດ ແລະ ສິ່ງທີ່ແຟນໆຖ້າລຸ້ນ ຖ້າເຊຍ ແລະ ໃຫ້ກຳລັງໃຈກໍຄື ອອນອະນົງ ຫອມສົມບັດ Miss Universe  Laos ທີ່ໄດ້ໄປເຮັດໜ້າທີ່ເປັນຕົວແທນສາວງາມປະເທດລາວ ໃນເວທີ Miss Universe  2018 ທີ່ຈັດຂຶ້ນທີ່ ປະເທດໄທ ໃນປີນີ້. ເຊິ່ງຫຼ້າສຸດ ກໍມີການປ່ອຍຮູບພາບ ແລະ ຄລິບການໂຊຊຸດປະຈຳຊາດລາວ ຜ່ານການນຳສະເໜີຂອງ ອອນອະນົງ ຫອມສົມບັດ Miss Universe  Laos  ໃຫ້ແຟນໆ ແລະ ຄົນທົ່ວໂລກໄດ້ເຫັນກັນໄປແດ່ແລ້ວ ຕ້ອງຂໍບອກວ່າສາວລາວເຮົາກໍເຮັດໄດ້ດີຫຼາຍ… (ເບິ່ງຄລິບ) ນ້ອງນາງສາວ ອອນອານົງ ຫອມສົມບັດ Miss Universe Laos 2018 ໃສ່ສຸດປະຈຳຊາດ ປະກວດເຖີງເວທີ …

ຫຼ້າສຸດກໍມີການເຜີຍໃຫ້ໄດ້ເຫັນກັນແລ້ວ ສຳລັບຊຸດປະຈຳຊາດລາວທີ່ຈະໃຊ້ໃນການປະກວດສາວງາມເວທີລະດັບໂລກ Miss Tourism International 2018 ທີ່ຈັດຂຶ້ນທີ່ ປະເທດ ມາເລເຊຍ, ເຊິ່ງປີນີ້ຕົວແທນສາວງາມປະເທດລາວທີ່ເດີນທາງໄປປະກວດກໍຄື ທິດາ ສິດທິໄຊ (ຕູ່) Miss Tourism International Laos 2018 ເຊິ່ງບອກເລີຍວ່ານາງມີຄວາມພ້ອມຢ່າງເຕັມທີ່ໃນການປະກວດໃນປີນີ້. ເຊິ່ງຊຸດປະຈຳຊາດລາວທີ່ຈະໃຊ້ເຂົ້າແຂ່ງຂັນໃນເວທີ Miss Tourism International 2018  ມີຊື່ວ່າ “ສາວເຂັນຝ້າຍ” ໄດ້ແຮງບັນດານໃຈມາຈາກຊົນເຜົ່າຜູ້ໄທທາງພາກໃຕ້ແຂວງສະຫວັນນະເຂດ. ເຊິ່ງເປັນຊົນເຜົ່າທີ່ສືບທອດກັນມາແຕ່ປູ່ຍ່າຕາຍາຍທາງດິນແດນໃຕ້, ແຕ່ຜ້າຝ້າຍລາວກໍມີເກືອບທຸກພາກໃນປະເທດລາວທີ່ມີລວດລາຍທີ່ງົດງາມ ແລະ ເປັນເອກະລັກທີ່ແຕກຕ່າງກັນ. ວິທີການເຮັດໂດຍໄດ້ນຳເອົາວັດຖຸດີບເປືອກໄມ້ຈາກທຳມະຊາດມາປະສົມປະສານຕົ້ມເປັນແມ່ສີ, ເພື່ອນຳມາຍ້ອມເສັ້ນຝ້າຍທີ່ເຂັນອອກຈາກດອກຝ້າຍ ແລະ ນຳມາຕາກແຫ້ງ. ຈາກນັ້ນກໍນຳເອົາເສັ້ນຝ້າຍທີ່ຍ້ອມສີແລ້ວມາເຂັນເພື່ອນຳໄປຕ່ຳເປັນຜຶນຜ້າ. ເພາະວ່າແມ່ຍິງລາວມີຄວາມຜູກພັນກັບການນຸ່ງສີ້ນ ແລະ ການຕໍ່າຫູກທີ່ບໍ່ສາມາດແຍກອອກຈາກກັນໄດ້ ການເຂັນຝ້າຍຕໍ່າຫູກເປັນຄຸນສົມບັດປະຈຳໃຈຂອງແມ່ຍິງລາວ, ຄວາມງາມລວດລາຍຂອງຜ້າສີ້ນແຕ່ລະຜືນແມ່ນເກີດຈາກສີມື, ຄວາມສາມາດ, ການປະດິດຄິດສ້າງຂອງແມ່ຍິງລາວທີ່ມີຄຸນຄ່າ ແລະ ຖືກຍອມຮັບໃນສັງຄົມລາວທີ່ສືບທອດມາແຕ່ດຶກດຳບັນ. ເປັນເອກກະລັກຂອງຊົນເຜົ່າ ແລະ ຂອງຊົນຊາດ, ຈິ່ງເປັນກິດຈະກຳອັນສຳຄັນຂອງແມ່ຍິງລາວເປັນເອກກະລັກຂອງຊົນເຜົ່າຜູ້ໄທ ແລະ ເປັນເອກະລັກຂອງຊາດລາວໄວ້ຢ່າງຫມັ້ນຄົງ ແລະ ຕະຫລອດໄປ …

ເປັນຂ່າວທີ່ໜ້າຍິນດີຂອງຄົນລາວເຮົາທຸກຄົນ ທີ່ຫຼ້າສຸດ ສັນທະນີ ໃສມະນີວັນ (ຢຸ້ຍ) Miss Supranational​ Laos​ 2018​ ກໍບໍ່ເຮັດໃຫ້ຄົນລາວເຮົາຜິດຫວັງ ສາມາດຄວ້າລາງວັນ ຊຸດປະຈຳຊາດດີເດັ່ນ 2018 (Best National​ Costume​) ໃນເວທີການປະກວດນາງງາມລະດັບໂລກ Miss Supranational​ 2018​ ທີ່ປະເທດ ໂປແລນ ມາຝາກພໍ່ແມ່ພີ່ນ້ອງຊາວລາວໄດ້ຢ່າງໜ້າຍິນດີ ແຖມກາຍເປັນກະແສທີ່ເປັນທີ່ຮືຮາໄປທົ່ວໂລກແລ້ວໃນເວລານີ້… ແລະ ຫຼ້າສຸດ ຢຸ້ຍ ສັນທະນີ Miss Supranational​ Laos​ 2018 ກໍໄດ້ອອກມາໂພສຜ່ານເຟສບຸກສ່ວນຕົວ ບອກເລົ່າເຖິງປະສົບການໃນເວທີ ແລະ ຂອບໃຈແຟນໆທຸກຄົນແບບນີ້… ເຫັນແລ້ວກໍໜ້າຍິນດີ ແລະ ປື້ມໃຈເປັນທີ່ສຸດ ຖືວ່າເປັນປະຫວັດສາດໜ້າໃໝ່ໃນວົງການນາງງາມລາວເຮົາທີ່ສາມາດຄວ້າລາງວັນ Best National​ Costume​ ມາໄດ້ ແລະ ຍັງເຮັດໃຫ້ທົ່ວໂລກໄດ້ຮັບຮູ້ ປະເທດ ລາວ ເຮົາໃຫ້ຫຼາຍຂຶ້ນອີກດ້ວຍ. #ແຊຣໄປໃຫ້ໂລກຮູ້ນີ້ຄືສາວງາມຈາກປະເທດລາວ ?????? Story: ຊະນີIndy (ຂໍຂອບໃຈຮູບພາບ)

ທັກທາຍ “ສະບາຍດີ” ແຟນໆກັບວັນຈັນຕົ້ນອາທິດ ທ້າຍປີ 2018!!! ມື້ນີ້ ຊະນີIndy ມາແບບງາມໆ ໜ້າຮັກ ສົດໃສສຸດໆ ເພາະມີຂ່າວເລື່ອງວົງການນາງງາມຂອງປະເທດລາວຂອງເຮົາມາຝາກແຟນໆກັນອີກແລ້ວເດີ້… ແນະໆ!! ເວົ້າແບບນີ້ໃຈຈົດໃຈຈໍ່ຢາກຮູ້ເລີຍແມ່ນບໍ່ວ່າເປັນເວທີໃດ?? ຫຼ້າສຸດ ປະກວດກັນໄປແບບສົດໆຮ້ອນໆ ໃນທ້າຍອາທິດທີ່ຜ່ານມາ ຂໍບອກວ່າງານຍິ່ງໃຫ່ຍອະລັງການ ຊະນີIndy ເອງກໍມີໂອກາດໄປໄດ້ນັ່ງລຸ້ນ ນັ່ງເຊຍສາວງາມໃນເວທີ ນາງສາວລາວ 2018  (MISS LAOS) ເອີ້ນໄດ້ວ່າຕິດຂອບເວທີກັນເລີຍ… ແລະ ແຟນໆທົ່ວປະເທດກໍໄດ້ຮູ້ກັນແລ້ວວ່າສາວງາມທີ່ມີຄວາມເໝາະສົມທີ່ສາມາດຄວ້າຕຳແໜ່ງ ນາງສາວລາວ 2018 ໄປໄດ້ໃນປີນີ້ກໍຄື ML35 ນາງ ສຸດທິດາ ອະນຸສິນ ຕົວແທນສາວງາມຈາກແຂວງສະຫວັນນະເຂດ ຂໍບອກເລີຍວ່ານາງມີຄວາມງາມ ພິບໄຫວດີ ເອີ້ນໄດ້ວ່າມີຄວາມເໝາະສົມກັບຕຳແໜ່ງຫຼາຍໆ (ວ້າວວວ!!! ຂໍສະແດງຄວາມຍິນດີນຳຫຼາຍໆ) ສ່ວນຕຳແໜ່ງຮອງອັນດັບ ນາງສາວລາວ 2018 ມີດັ່ງນີ້: ຮອງອັນດັບ 1: ML14- ນາງ ກິ່ງຄໍາ ນິດສະຫວັນ ຮອງອັນດັບ 2: …