Kuanjai Magazine
ເປັນກະແສຮືຮາ Talk of the town ມາໃຫ້ເປັນປະເດັນໄດ້ເວົ້າໄດ້ລົມກັນ… ເລື່ອງກໍມີຢູ່ວ່າໃນວັນທີ 10 ທັນວາ 2018 ທີ່ຜ່ານມາ ກໍເປັນເວລາທີ່ມີຮອບແຂ່ງຂັນໃນຮອບຊຸດປະຈຳຊາດ ແລະ ສິ່ງທີ່ແຟນໆຖ້າລຸ້ນ ຖ້າເຊຍ ແລະ ໃຫ້ກຳລັງໃຈກໍຄື ອອນອະນົງ ຫອມສົມບັດ Miss Universe Laos ທີ່ໄດ້ໄປເຮັດໜ້າທີ່ເປັນຕົວແທນສາວງາມປະເທດລາວ ໃນເວທີ Miss Universe 2018 ທີ່ຈັດຂຶ້ນທີ່ ປະເທດໄທ ໃນປີນີ້.
ເຊິ່ງຫຼ້າສຸດ ກໍມີການປ່ອຍຮູບພາບ ແລະ ຄລິບການໂຊຊຸດປະຈຳຊາດລາວ ຜ່ານການນຳສະເໜີຂອງ ອອນອະນົງ ຫອມສົມບັດ Miss Universe Laos ໃຫ້ແຟນໆ ແລະ ຄົນທົ່ວໂລກໄດ້ເຫັນກັນໄປແດ່ແລ້ວ ຕ້ອງຂໍບອກວ່າສາວລາວເຮົາກໍເຮັດໄດ້ດີຫຼາຍ…
(ເບິ່ງຄລິບ)
https://www.facebook.com/309489883202549/videos/320114542048963/
ແຕ່ແຟນໆຮູ້ບໍ່ວ່າ “ຊຸດທານນ້ຳໃຈສູ່ປະເທດລາວ” ເຊິ່ງເປັນຊຸດປະຈຳຊາດລາວໃນປີນີ້ ມີນໍ້າໜັກລວມເຖິງ 40 ກິໂລກຼາມ ບອກເລີຍວ່າໃຜໄດ້ຍິນເປັນຕ້ອງບໍ່ຢາກເຊື່ອ ແຕ່ແມ່ນມັນແມ່ນຄວາມຈິງແລ້ວວວວ. ເອົາເປັນວ່າຕ້ອງຂໍຊົມເຊີຍ ນ້ອງ ອອນອະນົງ Miss Universe Laos 2018 ທີ່ນາງຍັງສູ້ ແລະ ເຮັດອອກມາໄດ້ດີທີ່ສຸດ, ແບບນີ້ເວົ້າໄດ້ເລີຍວ່າ ເປັນນາງງາມລ້າໆໂລກບໍ່ຈື່ ຕອ້ງແຂງແຮງ ແລະ ມີຄວາມອົດທົນສູງທີ່ສຸດ.
ໃນເວລານີ້ ອອນອະນົງ ຫອມສົມບັດ Miss Universe Laos 2018 ກຳລັງເຮັດໜ້າທີ່ຕົວແທນສາວງາມຈາກປະເທດລາວໃນການປະກວດເວທີລະດັບໂລກ Miss Universe 2018 ທີ່ ປະເທດ ໄທ ແລະ ຈະມີຮອບຕັດສິນໃນວັນທີ 16 ທັນວາ 2018 ນີ້, ຢ່າງໃດເຮົາຄົນລາວກໍຢ່າລືມເຊຍ ແລະ ເປັນກຳລັງໃຈໃຫ້ຄົນລາວນຳກັນແດ່ເດີ້ #ຮັກລາວເຊຍລາວ ??
#ແຊຣໄປໃຫ້ໂລກຮູ້ນີ້ຄືສາວງາມຈາກປະເທດລາວ ??????
Story: ຊະນີIndy
(ຂໍຂອບໃຈສຳລັບຮູບພາບ)
