Kuanjai Magazine
ສາວງາມອາຍຸ 19 ປີ ຈາກປະເທດ ເປີໂຕຣິໂກ (PUERTO RICO) ຄວ້າຕຳແໜ່ງ Miss World 2016.
ຕັດສິນກັນໄປຮຽບຮ້ອຍແລ້ວສໍາລັບເວທີປະກວດ Miss World 2016 ໃນຕອນເຊົ້າຂອງວັນທີ 19 ທັນວາ 2016 ນີ້ ຢູ່ທີ່ ປະເທດ ສະຫະລັດອາເມຣິກາ ໂດຍມີສາວງາມຈາກ 117 ປະເທດເຂົ້າຮ່ວມເຊິ່ງຜົນປາກົດວ່າຜູ້ທີ່ຄວ້າມຸງກຸດ Miss World 2016 ໄປຄອງໄດ້ແກ່ ສະເຕຟານີ່ ເດລ ເຟລເລ (Stephanie DEL VALLE) ອາຍຸ 19 ປີ ສາວງາມຈາກປະເທດ ເປີໂຕຣິໂກ.
ຮອງອັນດັບ 1: ໄດ້ແກ່ ຍາຣິສຊາ ມິກູລີນາ ເຣເຍສ ຣາມິເຣດ ສາວງາມຈາກ ໂດມິນິກັນ
ຮອງອັນດັບ 2: ໄດ້ແກ່ ນາຕາຊາ ແມນນູເອລາ ສາວງາມຈາກ ອິນໂດເນເຊຍ
ສໍາລັບສະເຕຟານີ ເດລ ເວລເລ ເຈົ້າຂອງຕໍາແໜ່ງ Miss World 2016 ນາງເປັນນາງແບບເຈົ້າຂອງຄວາມສູງ 178 ຊັງຕີແມັດ ທີ່ສາມາດເວົ້າໄດ້ 3 ພາສາຄື: ສະເປນ, ອັງກິດ ແລະ ຝຣັ່ງ, ໂດຍໃນວີດີໂອແນະນໍາຕົວຜູ້ເຂົ້າຮ່ວມປະກວດຄັ້ງນີ້ນາງໄດ້ກ່າວວ່າ ການເຮັດໜ້າທີ່ເປັນຕົວແທນສາວງາມຈາກ ເປີໂຕຣິໂກ ເທື່ອນີ້ຖືວ່າໄດ້ຮັບກຽດອັນສູງສົ່ງ ແລະ ຄວາມຮັບຜິດຊອບອັນຍິ່ງໃຫຍ່ ເຊິ່ງສຸດທ້າຍນາງກໍບໍ່ເຮັດໃຫ້ຄົນທັງປະເທດຜິດຫວັງ ກາຍມາເປັນສາວງາມຈາກ ເປີໂຕຣິໂກ ຄົນທີ່ 2 ທີ່ຄວ້າມຸງກຸດ ຈາກເວທີ Miss World ມາຄອບຄອງໄດ້ຢ່າງສຳເລັດຜົນ.
ແລະທາງເຮົາກໍບໍ່ພາດທີ່ຈະນຳຄຣິບວິນາທີປະກາດຜົນມາຝາກ….
