Logo

Crowne Plaza Vientiane 728×90 2
Beeline

ທ່ຽວຟາມພູຕາເວັນ ຊົມຄວາມງົດງາມຂອງ…

by / Comments Off on ທ່ຽວຟາມພູຕາເວັນ ຊົມຄວາມງົດງາມຂອງ… / 4837 View / 31/01/2017

ແບ່ງປັນ

ສາວໆທີ່ໜ້າຮັກ ໃກ້ຈະຮອດເດືອນແຫ່ງຄວາມຮັກແລ້ວເນາະ ທີມງານ ຂວັນໃຈ ໄດ້ນໍາເອົາສະຖານທີ່ທ່ອງທ່ຽວ ທີ່ເປັນສະຖານທີ່ແຫ່ງໃໝ່ ມາໃຫ້ໜຸ່ມໆສາວໆໄດ້ໄປທ່ຽວຊົມໃນມື້ພັກຜ່ອນ ຟາມພູຕາເວັນ ຕັ້ງຢູ່ ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ ຖ້າຫາກເດີນມາແຕ່ນະຄອນຫຼວງ ມາຕາມເສັ້ນທາງເລກທີ່ 13 ໃຕ້ ຈະໃຊ້ເວລາໃນການເດີນທາງປະມານ 1 ຊົ່ວໂມງ 30 ນາທີ ແລະ ຟາມພູຕາເວັນແຫ່ງນີ້ເປີດໃຫ້ນັກທ່ອງທ່ຽວສາມາດເຂົ້າຊົມໄດ້ຕັ້ງແຕ່ 9 ໂມງເຊົ້າ ຫາ 6 ໂມງແລງ ຄ່າປີ້ເຂົ້າຊົມລາຄາ 10.000 ກີບ

ຟາມພູຕາເວັນ ເປັນບ່ອນພັກຜ່ອນທີ່ແສນສະບາຍ ແລະ ຍັງເປັນບ່ອນຜ່ອນຄາຍກັບການທ່ຽວຊົມ ແລະ ພັກອາໄສຕິດພັນກັບທໍາມະຊາດ, ໜີຫ່າງຈາກບ່ອນທີ່ມີຄວາມສັບສົນຂອງຍານພາຫະນະ ແລະ ຕົວເມືອງທີ່ແອອັດ, ມາທ່ຽວຊົມທໍາມະຊາດອັນແສນສົດຊື່ນ ແລະ ການບໍລິການທີ່ໜ້າປະທັບໃຈ ທີ່ໄດ້ຈັດໄວ້ຄອຍໃຫ້ບໍລິການທ່ານທີ່ຟາມພູຕາເວັນ

ໃນຟາມແຫ່ງນີ້ປັດຈຸບັນໄດ້ມີຜົນຜະລິດຫຼາຍຢ່າງເຊັ່ນ: ການປູກໝາກແຕງແຄນຕາລຸກ, ໝາກເລັ່ນ, ໝາກເຜັດ, ໝາກນາວ, ໝາກສາລີ, ໝາກກ້ວຍ, ຫຍ້າສໍາລັບລ້ຽງສັດ, ພືດໃຫ້ດອກ, ເບ້ຍໄມ້ເສດຖະກິດ. ສໍາລັບການລ້ຽງສັດແມ່ນມີການລ້ຽງງົວ, ລ້ຽງໝູ, ປາ, ກົບ ແລະ ສັດນໍ້າອີກຫຼາຍຊະນິດທີ່ບໍລິສັດກໍາລັງວາງແຜນ ຢູ່ຟາມແຫ່ງນີ້ມີສະຖານທີ່ພັກ, ຮ້ານອາຫານ ແລະ ສະຖານທີ່ໆເຕັມໄປດ້ວຍທໍາມະຊາດ, ພືດພັນທັນຍາຫານສົດໆຈາກຟາມ ແລະ ສວນດອກໄມ້ທີ່ມີຄວາມກວ່າງເຖິງ 20 ເຮັກຕາ ຜູ້ທີ່ມາທ່ຽວຊົມຈະໄດ້ພົບ ແລະ ໄດ້ສໍາຜັດກັບການທ່ອງທ່ຽວແບບທໍາມະຊາດເຊັ່ນ: ກິດຈະກໍານອນເຕັ້ນ ແລະ ອື່ນໆ, ທາງຟາມພູຕາເວັນຫວັງວ່າຈະໄດ້ບໍລິການນັກທ່ອງທ່ຽວທຸກທ່ານໃຫ້ມີຄວາມສຸກ ໂດຍການສໍາຜັດ 5 ຄວາມຮູ້ສຶກ ແລະ ການກະເສດແບບທໍາມະຊາດໃນການຟື້ນຟູສະພາບຈິດໃຈ ແລະ ຮ່າງກາຍຂອງທຸກຄົນ

ໃນມື້ພັກຜ່ອນຖ້າ ໜຸ່ມໆສາວໆບໍ່ທັນມີແຜນໄປທ່ຽວໃສລອງໄປສໍາຜັດກັບຄວາມງົດງາມຂອງສະຖານທີ່ແຫ່ງນີ້ລອງເບິ່ງເດີ້ ຮັບຮອງວ່າຈະບໍ່ຜິດຫວັງຢ່າງແນ່ນອນ

 

 

 

 

Related Post

ມາເບີ່ງ…ພິທີການແຕ່ງດອງແບບ ລາວໆ!... ມາເບີ່ງ...ພິທີການແຕ່ງດອງແບບ ລາວໆ! ການແຕ່ງດອງ... ເປັນສິ່ງທີ່ຜູ້ຍິງເຮົາສ່ວນຫຼາຍ (ລວມທັງ Beauty Guru) ຕ່າງກໍໄຝ່ຝັນ ແລະ ຢາກມີໃນຄັ້ງໜຶ່ງຂອງຊີວິດທີ່ເກີດມ...
ໃຜຮູ້ສຶກວ່າຮ້ອນແດ່? ຖ້າຮ້ອນຢ່າລືມໄປຫຼິ້ນນໍ້າຢູ່ນີ້... ແຟນໆຂວັນໃຈ ທີ່ໜ້າຮັກທັງຫຼາຍ ມື້ນີ້ຮູ້ສຶກບໍວ່າ ຮ້ອນຫຼາຍໆໆໆໆ ອາກາດຮ້ອນແນວນີ້ ໄປຫຼິ້ນນໍ້າຄືຊິເຢັນໆໆ ມື້ນີ້ໄປຫຼິ້ນນໍ້າຢູ່ ນໍ້າຕາດແຊພະ ນໍາກັນ. ນໍ້າຕ...
10 ຜົນໂຫວດຂອງນັກເຕະບານທີ່ມີຊົງຜົມເທ່ທີ່ສຸດ!!... Gossip Sport ໄດ້ເອົາຜົນໂຫວດ ຂອງນັກເຕະບານທີ່ມີຊົງຜົມ ທີ່ຫຼໍ່ທີ່ສຸດມາໃຫ້ ແຟນໆທີ່ໜ້າຮັກໄດ້ຮູ້ ເຊິ່ງຜົນໂຫວດດັ່ງກ່າວ ທາງ footy website  ໄດ້ຄັດເລືອກເອົານັກເ...
ສາວລາວມີຄວາມກ້າຫານ ເດີນທາງໄປແຂ່ງຂັນຮ້ອງເພງຢູ່ປະເທດ... ສາວລາວມີຄວາມກ້າຫານ ເດີນທາງໄປແຂ່ງຂັນຮ້ອງເພງຢູ່ປະເທດໄທ! ນາງ ທັນຍາພອນ ສຸວັນນະລາດ (ຕ້າ) ສາວລາວຈາກແຂວງສະຫວັນນະເຂດ ຂໍເຮັດຕາມຄວາມຝັນເດີນທາງໄປແຂ່ງຂັນຮ້ອງເພ...