Kuanjai Magazine
ສໍານັກຂ່າວຕ່າງປະເທດ ລາຍງານຈາກນະຄອນຫຼວງປັກກິ່ງ ຂອງຈີນ ໃນວັນທີ 06/07/2020 ນີ້ວ່າ ຄະນະກໍາມາທິການ ປະຈໍາເມືອງ ບາຍັນ ໃນເຂດປົກຄອງ Inner Mongolia ຂອງ ສປ ຈີນ ປະກາດເຕືອນໄພດ້ານສາທາລະນະສຸກ ຂຶ້ນເປັນລະດັບ 3 ກ່ຽວກັບເຊື້ອໂລກ ກາລະໂລກ (ພະຍາດດໍາ) Bubonic Plague ຊຶ່ງເກີດຈາກ ສັດຊະນິດມີແຂ້ວ ໂດຍແນະນໍາ ໃຫ້ປະຊາຊົນຜູ້ມີອາການໄຂ້ ແບບບໍ່ຮູ້ສາເຫດ ໃຫ້ຟ້າວແຈ້ງຕໍ່ສາທາລະນະສຸກ ປະຈໍາຊຸມຊົນ ໂດຍດ່ວນ. ນັບຕັ້ງແຕ່ເດືອນພະຈິກ 2019 ຈົນເຖິງປະຈຸບັນ ມີຜູ້ປ່ວຍຈາກໂລກນີ້ ຢູ່ເຂດນີ້ ທັງໝົດ 4 ຄົນແລ້ວ.
ພະຍາດດໍາ ເປັນໂລກຕິດເຊື້ອແບັກທີເຣຍ ທີ່ແຜ່ຈາກສັດສູ່ຄົນ ຜ່ານລະອອງຝອຍ ຂະໜາດນ້ອຍ ເຊັ່ນ: ໄອ ຈາມ ແລະ ການສໍາຜັດ. ສາມາດເກີດຂຶ້ນໄດ້ກັບ ທຸກເພດ ທຸກໄວ. ພະຍາດດໍານີ້ ເຄີຍຂ້າຊີວິດ ປະຊາກອນໂລກ ມາແລ້ວເຖິງ 25 ລ້ານຄົນ ໃນອາດີດຜ່ານມາ
Cr: CNN
