Surgery ສັນຍະກຳ

ມາພົບກັນອີກແລ້ວສາວໆມາພົບກັບ BeautyGuru ຄົນເກົ່າຄົນເດີມເພີ່ມເຕີມຄືສາລະ (ຄິດເຂົ້າຂ້າງຕົວວ່າຊັ້ນ) ເພາະໃນມື້ນີ້ BeautyGuru ຈະມາເວົ້າກ່ຽວກັບວັດທະນະທໍາການນຸ່ງຖືຂອງຄົນລາວແທ້ໆມາໃຫ້ສາວໆໄດ້ອ່ານກັນຈັກໜ້ອຍ, ເນຶ່ອງຈາກວ່າສາວໆຍຸກໃໝ່ຄືພວກເຮົານັ້ນອາດຈະຢູ່ກັບຍຸກແຫ່ງແຟຊັ່ນບາງເທຶ່ອເຮົາກໍອາດຈະລືມໄປວ່າເອກະລັກການນຸ່ງຖືນັ້ນຄົນລາວເຮົາແມ່ນຖືເປັນມຸນມໍລະດົກອັນໜື່ງ ທີ່ບັນພະບູລຸດປະໄວ້ໃຫ້ລູກຫຼານຄົນລາວສືບທອດມາເຖິງທຸກວັນນີ້ ອັນເປັນສິ່ງເອກອ້າງສະແດງໃຫ້ຊາວໂລກໄດ້ເຫັນເອກະລັກໜຶ່ງ ຂອງຄວາມເປັນຊາດລາວ. ແຕ່ປະເພນີການນຸ່ງຖື ບາງຮູບການກໍ່ໄດ້ວິວັດໄປຕາມແຕ່ລະຍຸກ ແຕ່ລະສະໄໝ ຕາມຄວາມນິຍົມເຊັ່ນ: ການໄປສົ່ງສະການແຕ່ກ່ອນເພີ່ນນຸ່ງເສື້ອສີຂາວ ຫຼື ສີບໍ່ບາດຕາ ເພື່ອເຮັດໃຫ້ບັນຍາກາດຂອງນັ້ນມີຄວາມໂປ່ງໃສ, ບໍ່ໃຫ້ຜູ້ໄປຮ່ວມພິທີ ແລະ ຍາດມິດຂອງຜູ້ຕາຍມີຈິດໃຈໂສກເສົ້າ ແຕ່ມາຮອດປັດຈຸບັນກໍ່ນິຍົມກັນໃສ່ຊຸດດຳໄປສົ່ງສະການ ຈົນເປັນປະເພນີແລ້ວ. ການນຸ່ງຖືເຂົ້າວັດວາອາຮາມເພື່ອໄປເຮັດບຸນຕັກບາດຢາດນໍ້າ ສ້າງສິນກິນທານຕາມຮີດຄອງປະເພນີ ແມ່ຍິງຕ້ອງເກົ້າຜົມ ຫຼື ມັດຜົມ ແລະ ບ່ຽງຜ້າ ຫຼື ຖືແພພາດບ່າພ້ອມເປັນເອກະລັກຂອງແມ່ຍິງລາວທີ່ມີຄວາມງົດງາມ ການນຸ່ງສິ້ນແມ່ຍິງລາວສະໄໝກ່ອນແມ່ນນຸ່ງສິ້ນມີ່ຕໍ່ຫົວ ແລະ ຕໍ່ຕີນ, ນຸ່ງສິ້ນລ່າມບໍ່ໃຫ້ປົກປາຍຕີນ, ນຸ່ງພໍເຂີນຕາຕຸ່ມມ໋ອງ ພໍໃຫ້ໄດ້ອວດປອກຂາເງີນ (ແຕ່ກ່ອນ ແມ່ຍິງລາວນິຍົມໃສ່ປອກຂາ), ຖ້ານຸ່ງສິ້ນເຂີນນ່ອງຖືວ່າເປັນການບໍ່ສຸພາບ, ຜ້າບ່ຽງແພໃໝ ແມ່ນຄວາມງາມຂອງສີລະປະສີໄມ້ລາຍມືຂອງຄົນລາວ. ສ່ວນຜົມທີ່ເກົ້ານັ້ນ ກໍ່ປະດັບດ້ວຍສາຍຄ້ອງ, ສາຍຍັງ ແລະ ປັກປິ່ນເກົ້າ. ຄວາມສວຍງາມຂອງອາເພດຊົງລາວ …

ສະບາຍດີສາວໆ ມື້ນີ້ມາພົບກັນແອັດຄົນຂີ້ລ້າຍຄົນເກົ່າ ມື້ນີ້ ກໍຈະບໍ່ຂໍເວົ້າຫຍັງຫຼາຍ ຂໍເຂົ້າເລື່ອງເລີຍກໍຄື ຢາກຈະມາແນະນໍາໃຫ້ຮູ້ຈັກກັບ “ບ່າວສະຈວດລາວ ໃນສາຍການບິນລະດັບໂລກ” ຄືດັ່ງຫົວຂໍ້ທີ່ກ່າວມາເລີຍເນາະ! ເຊິ່ງອ້າຍບ່າວຄົນທີ່ກໍາລັງຖືກເວົ້າເຖິງຢູ່ຄົນນັ້ນກໍຄື ບ່າວ “ອານັນ ສິງສະຫວ່າງ” ນັ້ນເອງ ບ່າວຄົນນີ້ເປັນຄົນລາວໂດຍກໍາເນີດ ແຕ່ກ່ອນກໍເຄີຍເຫັນຄຸ້ນໜ້າຄຸ້ນຕາກັນຢູ່ ໃນວົງການບັນເທີງບ້ານເຮົາກໍຄື ບົດບາດການເປັນ MC ນັ້ນເອງ ແຕ່ບໍ່ແນ່ໃຈວ່າປັດຈຸບັນບ່າວຄົນນີ້ຍັງເຮັດໜ້າທີ່ນີ້ເປັນງານອະດິເລກຢູ່ບໍ່? ແຕ່ກໍຊ່າງເນາະເພາະເຮົາບໍ່ໄດ້ເນັ້ນໜັກແຕ່ທີ່ເຮົາເນັ້ນກັນໃນມື້ນີ້ ກໍຄືອາຊີບຫຼັກຂອງທ້າວທີ່ວ່າໄດ້ສັງກັດເປັນສະຈວດຢູ່ໃນສາຍການບິນລະດັບໂລກ ແລະ ກໍຄາດວ່າໜ້າຈະເປັນຄົນລາວພຽງຄົນດຽວໃນຕອນນີ້ທີ່ສັງກັດຢູ່ສາຍການບິນດັ່ງກ່າວ ແລະ ສາຍການບິນທີ່ກ່າວເຖິງຢູ່ນີ້ກໍຄື Emirates Airway (ສາຍການບິນ ອາມິເຣດ) ເປັນສາຍການບິນຂອງ ສະຫະຣັດອາຣັບອາມິເຣດ ທີ່ໃຫ້ບໍລິການເຖິງ 87 ຈຸດ ໃນ 59 ປະເທດທົ່ວໂລກ (ເຊື່ອວ່າຫຼາຍຄົນຕ້ອງຮູ້ຈັກເປັນຢ່າງດີ ເພາະເປັນສາຍການບິນທີ່ໄດ້ຮັບການຍອມຮັບຈາກທົ່ວໂລກແລ້ວ) ນອກນັ້ນຍັງມີສະໜາມບິນຢູ່ທີ່ປະເທດ ດູໄບ ທີ່ໃຫ້ບໍລິການທາງດ້ານການຂົນສົ່ງສິນຄ້ານັ້ນເອງ. ແນວໃດກໍຕາມແຕ່ ເອົາເປັນວ່າເຮົາໄປເບິ່ງໜ້າເບິ່ງຕາຂອງ ອານັນ ກັນດີກວ່າ! ວ່າຈະມີໜ້າຕາອັນເຈົ້າຊູ້ ຫຼືມີແວວຄວາມສາມາດສູງຂະໜາດໃດ!!! …

ສະບາຍດີສາວໆ ມື້ນີ້ກໍວັນສຸກແລ້ວ ມື້ອື່ນກໍເປັນມື້ພັກຜ່ອນຂອງໃຜຫຼາຍຄົນ ແລ້ວສາວໆຂວັນໃຈເຮົາເດ່ມີ Plan ໄປຫຼິ້ນໄປທ່ຽວໃສກັນແດ່ ຖ້າໃຜທີ່ມີ Plan ໄປທ່ອງທ່ຽວທາງໄກ ຂວັນໃຈ ກໍຂໍໃຫ້ເດີນທາງດ້ວຍຄວາມສະວັດດີພາບເດີ່! ແລະ ມື້ນີ້ ມື້ສຸກມື້ສັນແບບນີ້ ແອັດກໍຕ້ອງມີເລື່ອງລາວດີໆມາຕ້ອນແຟນໆສາວຂວັນໃຈໃຫ້ໄດ້ຍິ້ມມີຄວາມສຸກກັນຢ່າງແນ່ນອນ. ສໍາລັບເລື່ອງລາວໃນມື້ນີ້ກໍບໍ່ມີຫຍັງຫຼາຍ ແອັດຢາກຈະມາຂໍແນະນໍາໃຫ້ຮູ້ຈັກກັບສາວຄົນໜຶ່ງທີ່ແອັດຍົກໃຫ້ເປັນ Idol ຂອງສາວໆໃນເລື່ອງຂອງຄວາມເກັ່ງ ນັ້ນກໍຄື ສຸມາໄລ ໂພທິສານ (ປຸ) ສາວລາວຄົນດຽວໃນສາຍການບິນ Qatar Airway ບໍ່ແນ່ໃຈວ່າທຸກຄົນຈະຮູ້ຈັກກັບສາຍການບິນນີ້ ຫຼືບໍ່? ເລີຍຢາກຂໍແນະນໍາໜ້ອຍໜຶ່ງວ່າ ສາຍການບິນ Qatar Airway ເປັນສາຍການບິນທີ່ຕັ້ງຢູ່ ກຸງ ໂດຮາ ປະເທດ ກາຕ່າ ທີ່ມີຈຸດມຸ່ງໝາຍຫຼາຍກວ່າ 100 ແຫ່ງທົ່ວໂລກ ເປັນສາຍການບິນລະດັບ 5 ດາວ ແລະ ມັນຍັງເປັນຄວາມໄຟ່ຝັນຂອງສາວແອທັງຫຼາຍ ທີ່ຢາກຈະໄປຢືນຢູ່ຈຸດນັ້ນຄືກັນກັບ ປຸ ອ່າວ! ຈະຖ້າຫຍັງລ່ະ ຕົບມີລົວໆ …

ສະບາຍດີສາວໆ ຂວັນໃຈທຸກ ເພາະຄວາມງາມມັນບໍ່ເຂົ້າໃຜອອກໃຜ ໂດຍສະເພາະແມ່ຍິງຄືກັບເຮົາໆທັງຫຼາຍ ບາງຄົນງາມກໍງາມໄປໝົດທຸກຢ່າງ ອັນນີ້ກໍດີຂໍສະແດງຄວາມຍິນດີນໍາ ບາງຄົນງາມແຕ່ຍັງມີຂໍ້ບົກຜ່ອງບາງຢ່າງທີ່ກາຍເປັນປົມດ້ອຍ ແລະ ເຮັດໃຫ້ເຮົາຄິດສະເໝີວ່າ ເອີ່… ຖ້າບ່ອນນີ້ງາມເປັນແບບນີ້ເຮົາຕ້ອງງາມແນ່ນອນເລີຍ ເຄີຍມີແມ່ນບໍ່ສາວໆ ແລ້ວເຮັດແນວໃດຈຶ່ງຈະສາມາດລົບປົມນັ້ນໄດ້ ກໍຕິດຕາມຂວັນໃຈເລີຍ ຮັບຮອງຢາກແກ້ໄຂປົມຫຍັງພວກເຮົາມີມານໍາສະເໜີຄົບ ແລະ ມື້ນີ້ ຂວັນໃຈ ເລີຍຢາກຈະມາຊ່ວຍສາວໆລົບປົມເລື່ອງ ຄິ້ວ ນັ້ນເອງ ສາວໆຄົງເຄີຍໄດ້ຍິນຄໍານີ້ເນາະ ຄິ້ວຄືມຸງກຸດຂອງໜ້າ ນັ້ນມັນແມ່ນຄວາມຈິງທີ່ສຸດແລ້ວ ຖ້າຄິ້ວງາມມັນກໍຈະຊ່ວຍໃນການປັບສ່ວນຕ່າງໆເທິງໃບໜ້າໃຫ້ງາມໄປນໍາ ສາວໆສ່ວນຫຼາຍຈະມັກມີປົມເລື່ອງຄິ້ວຫຼາຍເພາະໄປທາງໃດກໍໄດ້ຍິນແຕ່ຄົນຈົ່ມວ່າ ຄິ້ວໜ້ອຍ, ຄິ້ວບາງ ແຕ່ລະມື້ຕ້ອງຕື່ນແຕ່ເຊົ້າເພາະຢ້ານແຕ້ມຄິ້ວບໍ່ທັນໄປວຽກ ຖ້າບໍ່ໄດ້ແຕ້ມຄິ້ວອອກຈາກເຮຶອນບໍ່ໄດ້ແນ່ນອນ ສາວໆມັນຈະດີບໍ່ຖ້າເຈົ້າກ້າເຜີຍໜ້າສົດໂດຍບໍ່ຕ້ອງແຕ້ມຄິ້ວ ຫຼືແຕ້ມກໍພຽງແຕ່ເສີມຕຶ່ມບໍ່ຕ້ອງເສຍເວລາກັບມັນຫຼາຍ ເອົາເວລາໄປເຮັດຢ່າງອື່ນໄດ້ສະບາຍ ຮູ້ບໍ່ວ່າຕ້ອງເຮັດແນວໃດ? ຂວັນໃຈຂໍແນະນໍາວ່າ ຄວນລົງທຶນຈັກເລັກຈັກໜ້ອຍໃດ໋ ເພາະຄວາມງາມມັນບໍ່ເຂົ້າໃຜອອກໃຜ ແລະ ເງິນກໍບໍ່ເຂົ້າໃຜອອກໃຜນໍາອີກ ແອັດເວົ້າຫຍັງຜິດໄປບໍ່? ມື້ນີ້ ກໍເລີຍຢາກຈະມາແນະນໍາສາວໆວ່າຖ້າບໍ່ຢາກເສຍເວລາກັບຄິ້ວໄປຫຼາຍກວ່ານີ້ ໄປພົບແພດຜູ້ຊ່ຽວຊານ ແລະ ສັກຄິ້ວມັນໄປໃຫ້ມັນແລ້ວໄປເລີຍສາ ເທື່ອດຽວຈົບມັກແບບໃດຂໍແຕ່ສັ່ງໄດ້ຕາມໃຈ ທີ່ເວົ້າໄປແອັດບໍ່ໄດ້ຂາຍເຄື່ອງເດີ້ ແຕ່ແອັດຫວັງດີ ຢາກເຫັນສາວໆຍຸກໃໝ່ໄດ້ງາມກັນຖ້ວນໜ້າຄືກັບແອັດນີ້ລະ!!! (ບໍ່ຄ່ອຍຫຼົງຕົວເອງປານໃດ) …

ສາວໆ ບໍ່ມີຫຍັງທີ່ຈະຢູ່ກັບເຮົາແບບຄົງທີ່ໄປຕະຫຼອດດອກ ຄວາມງາມກໍເຊັ່ນດຽວກັນມັນບໍ່ສາມາດຢູ່ກັບເຮົາຕະຫຼອດໄປໄດ້ ຜິວໜັງທີ່ເຫັນຕຶ່ງໆ, ໃສໆນັ້ນ ມື້ໜຶ່ງທີ່ມັນໝົດອາຍຸໄຂມັນກໍຈະລ່ວງໂລຍໄປຕາມການເວລາ ແລະ ບໍ່ສາມາດເອົາຄືນກັບມາໄດ້ ຄືກັບສິ່ງທີ່ມີຊີວິດອື່ນໆນັ້ນລະ! ແຕ່…ຢຸດກ່ອນ! ນັ້ນມັນເປັນພຽງຄວາມຈິງໃນເມື່ອກ່ອນ ແຕ່ສໍາລັບປັດຈຸບັນແລ້ວ ສາວໆບໍ່ມີຫຍັງຕ້ອງຫ່ວງສໍາລັບເລື່ອງນີ້ ເອົາເວລາໄປເຮັດວຽກໃຫ້ເຕັມທີ່ກຽມເກັບເງິນໄວ້ເພື່ອຈະໄດ້ງາມໄວ້ຕະຫຼອດດີກວ່າ ເພາະທຸກມື້ນີ້ສາວໆສາມາດງາມແບບອໍາມະຕະໄດ້ ເຖິງອາຍຸຈະເຂົ້າໄປຮອດຫຼັກໃດ ໜັງໜ້າຈະໝົດອາຍຸໄຂຈົນຕ້ອງແຫ່ວໄປເຖິງຂັ້ນໃດ ແຕ່ເຮົາບໍ່ຍອມໃຫ້ມັນແຫ່ວ ກໍຕ້ອງນີ້ເລີຍ Botox ຫຼຸດຮອຍຕີນກາ ຮອຍແຫ່ວເທິງໃບໜ້າ ທີ່ສາວໆອາຍຸຫຼັກ 3-4-5 ທີ່ຢາກໄດ້ໜ້າຕຶ່ງໆປານສາວອາຍຸ ຫຼັກ 1 ຍັງສາມາດເຮັດໄດ້ ແລະ ເລື່ອງດີໆແບບນີ້ ເລື່ອງຫຍັງທີ່ແອດຈະເກັບໄວ້ຄົນດຽວ ມື້ນີ້ BeautyGuru ກໍເລີຍຈະມາແນະນໍາສາວໆແຟນໆຂວັນໃຈກ່ຽວກັບ ຄຼີນິກ ທີ່ສາວໆສາມາດໄປເຮັດ Botox ໄດ້ງ່າຍໆ ແລະ ມີຢູ່ໃນປະເທດເຮົາເອງພ້ອມ ແຖມບໍ່ໄດ້ມີພຽງບ່ອນດຽວ ມື້ນີ້ແອດຊອກມາໃຫ້ສາວໆໄດ້ເລືອກກັນເຖິງ 3 ຄຼີນິກ ສໍາຄັນໄປກວ່ານັ້ນແຕ່ລະຄຼີນິກນັ້ນ ກໍໄດ້ຮັບມາດຕະຖານທີ່ສູງຫຼາຍ ມີທັງລາວຄາມາໃຫ້ທຽບກັນພ້ອມ ຮັບຮອງວ່າບໍ່ຜິດຫວັງແນ່ນອນ! ໄປເຮັດຊະຖ້າຍັງບໍ່ຢາກເຖົ້າ! ຖ້າເລືອກໄດ້ແລ້ວກໍຢ່າລືມຄອມເມັ້ນມາບອກກັນແນ່ເດີ້ …