Kuanjai Magazine
ສົ່ງທ້າຍປີ 2018 ນີ້ກັບ 2 ນາງງາມຜູ້ທີ່ຄວ້າລາງວັນຊຸດປະຈຳຊາດດີເດັ່ນມາຝາກຄົນລາວເຖິງ 2 ເວທີໃຫ່ຍລະດັບໂລກ ອອນອະນົງ ຫອມສົມບັດ Miss Universe Laos 2018 ແລະ ສັນທະນີ ໃສມະນີວັນ Miss Supranational Laos 2018 ເຊິ່ງນາງງາມທັງສອງໄດ້ເດີນທາງໄປເປັນຕົວແທນສາວງາມຈາກປະເທດລາວໄປປະກວດໃນເວທີ Miss Universe 2018 ທີ່ປະເທດໄທ ແລະ Miss Supranational 2018 ທີ່ປະເທດ ໂປແລນ ໃນເມື່ອບໍ່ດົນມານີ້ ແລະ ຍັງເຮັດໃຫ້ຄົນລາວເຮົາທັງຊາດພາກພູມໃຈ ສ້າງຊື່ສຽງໃຫ້ຄົນທົ່ວໂລກໄດ້ຮູ້ຈັກປະເທດລາວ ເພາະສາມາດຄວ້າລາງວັນ ຊຸດປະຈຳຊາດດີເດັ່ນ 2018 (Best National Costume 2018) ມາຝາກຄົນລາວເຮົາໄດ້ທັງ 2 ເວທີ.
“ຊຸດທານນ້ຳໃຈສູ່ປະເທດລາວ” ອອນອະນົງ ຫອມສົມບັດ ຄວ້າລາງວັນ Best National Costume ໃນເວທີ Miss Universe 2018
“ຊຸດຍັກທົດສະກັນ” ສັນທະນີ ໃສມະນີວັນ ຄວ້າລາງວັນ Best National Costume ໃນເວທີ Miss Supranational 2018
ສຳລັບຊຸດປະຈຳຊາດທັງສອງຊຸດນີ້ອອກແບບໂດຍ ຄຳພີ ອະລັງການ ນັກອອກແບບຊາວໄທ ເຊິ່ງເພິ່ນເປັນນັກອອກແບບລຸ້ນໃໝ່ໄຟແຮງ ທີ່ໄດ້ຮັບໂອກາດຈາກກອງປະກວດນາງງາມປະເທດລາວ ໃຫ້ໄດ້ອອກແບບໃຫ້ນາງງາມລາວໄດ້ມີຊຸດປະຈຳຊາດທີ່ໂດດເດັ່ນ ແລະ ມີຄວາມອະລັງການງານສ້າງ ພ້ອມທັງຄວາມຄິດສ້າງສັນ ແລະ ມີຄວາມໝາຍຊຸດທີ່ດີ ຈົນສາມາດຄວ້າລາງວັນມາໄດ້ສຳເລັດ, ຢ່າງໃດກໍຂໍຊົມເຊີຍນັກອອກແບບຄົນນີ້ເຊັ່ນດຽວກັນ ເກັ່ງຫຼາຍໆ.
ເຫັນແລ້ວກໍໜ້າຍິນດີ ແລະ ປື້ມໃຈເປັນທີ່ສຸດ ຖືວ່າເປັນປະຫວັດສາດໜ້າໃໝ່ໃນວົງການນາງງາມລາວເຮົາທີ່ສາມາດຄວ້າລາງວັນ Best National Costume ໃນເວທີ Miss Universe ແລະ Miss Supranational ເຊິ່ງທັງສອງເປັນເວທີປະກວດນາງງາມອັນດັບໂລກ ມາໄດ້ແບບໜ້າຍິນດີ ເອີ້້ນໄດ້ວ່າປີນີ້ ນາງງາມລາວເຮົາ ສາມາດຄວ້າລາງວັນຊຸດປະຈຳຊາດມາໄດ້ເຖິງ 2 ລາງ ວັນ ຈາກ 2 ເວທີໃຫ່ຍລະດັບໂລກ ແຖມຍັງເຮັດໃຫ້ທົ່ວໂລກໄດ້ຮັບຮູ້ ປະເທດລາວ ເຮົາຫຼາຍຂຶ້ນ ພ້ອມກັບຮັບຮູ້ເຖິງຄວາມສາມາດຂອງ ແມ່ຍິງລາວ ເຮົາອີກດ້ວຍ. (ຂໍຊົມເຊີຍ! ເກັ່ງຫຼາຍໆ)
#ແຊຣໄປໃຫ້ໂລກຮູ້ນີ້ຄືສາວງາມຈາກປະເທດລາວ ??????
Story: ຊະນີIndy
(ຂໍຂອບໃຈຮູບພາບ)
