ປັດຈຸບັນ ພະຍາດລະບາດ ໂຄວິດ-19 ກຳລັງແຜ່ລະບາດໄປທົ່ວທຸກມຸມໂລກ ລວມທັງປະເທດເກົາຫລີໃຕ້ກໍໄດ້ຮັບເຊື້ອໄວຣັສນີ້ເຊັ່ນກັນ ແລະ ເບິ່ງສະຖານະການກໍເພີ່ມຄວາມຮຸນແຮງຂຶ້ນຢ່າງຕໍ່ເນື່ອງ ຫຼ້າສຸດ ລັດຖະບານເກົາຫລີກໍໄດ້ທຸ່ມງົບປະມານແສນລ້ານສູ້ກັບໂຄວິດ-19 ດ້ານແຮງງານຜິດກົດໝາຍໃນເກົາຫລີໃຕ້ຕ່າງເຂົ້າລາຍງານຕົວເພື່ອສະແດງຄວາມຈຳນົງກັບປະເທດ ໂດຍສະເພາະເເຮງງານຈາກຈີນ ແລະ ໄທ ຫຼັງໂຄວິດ-19 ລະບາດ…
ມຸນແຈອິນ ປະທານາທິບໍດີເກົາຫລີໃຕ້ກ່າວວ່າ ຕອນນີ້ເກົາຫລີໃຕ້ຢູ່ໃນສະພາວະ ຕໍ່ສູ້ກັບເຊື້ອໄວຣັສໂຄວິດ-19 ຫຼັງຈາກລັດຖະບານປະກາດມາດຕະການການປ້ອງກັນຂັ້ນສູງສຸດ ເພື່ອປ້ອງກັນການລະບາດຂອງເຊື້ອໄວຣັສ ທັງນີ້ລັດຖະບານເກົາຫລີໃຕ້ຍັງໄດ້ອະນຸມັດ ງົບປະມານກວ່າ 30 ລ້ານວອນ ເປັນ ງົບປະມານທີ່ໃຊ້ໃນການຄວບຄຸມການແພ່ລະບາດຂອງໂຄວິດ-19
ປະທານາທິບໍດີເກົາຫລີໃຕ້ ປະກາດໃຫ້ໜ່ວຍງານຂອງລັດທຸກໜ່ວຍງານ ກຽມພ້ອມຮັບມືກັບສະຖານະການສຸກເສີນ 24 ຊົ່ວໂມງ. ທາງການເກົາຫລີໃຕ້ລາຍງານວ່າເມື່ອວັນທີ 3 ມີນາ 2020 ທີ່ຜ່ານມາພົບຜູ້ຕິດເຊື້ອເພີ່ມອີກ 477 ຄົນ ເຮັດໃຫ້ມີຍອດຜູ້ຕິດເຊື້ອທັງໝົດໃນປະເທດແລ້ວ 4,812 ຄົນ ຂະນະທີ່ຈຳນວນຜູ້ເສຍຊີວິດເພີ່ມຂຶ້ນເປັນ 28 ຄົນ.
ກະຊວງສາທາລະນະສຸກ ແລະ ສະຫວັດດິການສັງຄົມລະບຸວ່າ ຜູ້ຕິດເຊື້ອກວ່າ 3,600 ຄົນນັ້ນມາຈາກເມືອງແດກູ ແລະ ອີກເກືອບ 700 ຄົນຢູ່ໃນພື້ນທີ່ທາງຕອນ ເໜືອຂອງແຂວງກຽງຊັງ ຂະນະທີ່ກະຊວງປ້ອງກັນຊາດຂອງເກົາຫລີໃຕ້ລາຍງານພົບ ສະມາຊິກໃນກອງທັບເກົາຫຼີ ຕິດເຊື້ອໂຄວິດ-19 ເພີ່ມອີກ 3 ຄົນ ທັງຫມົດແລ້ວມີສະມາຊິກກອງທັບຕິດເຊື້ອແລ້ວ 31 ຄົນ…
ຈັງໃດ ກໍຂໍໃຫ້ເກົາຫລີໃຕ້ ຜ່ານວິກິດນີ້ໄປໃຫ້ໄດ້ໄວໆເດີ້!!!
ຂອບໃຈຂໍ້ມູນຈາກ: ໂທລະໂຄ່ງ