ປັດຈຸບັນວົງການນັກຮ້ອງບ້ານເຮົາກໍກຳລັງເປັນທີ່ຮູ້ຈັກກັນໃນວົງກວ້າງ ແລະ ຍັງມີສິລະປິນໜ້າໃໝ່ເກີດຂຶ້ນຫຼາຍກຸ່ມບໍ່ວ່າເປັນສິລະປິນດ່ຽວ, ສິລະປິນກຸ່ມຍິງ-ຊາຍ!! ມື້ນີ້ຂວັນໃຈຈະພາທຸກຄົນໄປສ່ອງສິລະປິນ girl group ລາວວົງໃຫມ່ວົງໜື່ງ ແລະ ກຳລັງມາແຮງທີ່ສູດໃນຕອນນີ້ນັ້ນກໍຄືວົງ “Whiz G” ເຮົາໄປສ່ອງພ້ອມໆກັນເລີຍ…
ສຳຫລັບວົງ Whiz G ເປັນວົງ girl group ແລະ ກ່ອນຈະມາເປັນສິລະປິນຢູ່ວົງນີ້ໄດ້ ນັກຮ້ອງທັງ 4 ຄົນໄດ້ຜ່ານການຄັດເລືອກ ຈາກຜູ້ສະໜັກຫຼາຍຮ້ອຍຄົນ…ຈາກສັງກັດ A-LIST ຫລືຄ່າຍອິນດີ້ ເຊິ່ງສະມາຊິກໃນວົງນີ້ນໍາທີມໂດຍ ສາວ ປ໋ອບປີ້ ແອນນາລີ້ທາລາສິນ ເປັນອາຈານສອນເຕັ້ນ, ຕໍ່ມາສາວ ເອມິນາ ຕຳແຫນ່ງນັກຮ້ອງຈາກເວທີລະດັບປະເທດ ບອກໄດ້ເລີຍວ່າ ນໍ້າສຽງບອກມ່ວນແຮງ, ສາວ ປູເປ້ ນາງງາມທີ່ຄວ້າຕຳແຫນ່ງຂວັນໃຈມະຫາຊົນ ທີ່ມີຄວາມສາມາດເຕັ້ນ- ສະເເດງ – ເດີນແບບ ແລະ ປິດທ້າຍດ້ວຍສາວຄົນນີ້ ລິດສະດາ ສາວງາມດີກຣີນາງງາມເຊັ່ນກັນ ບອກໄດ້ເລີຍວ່າສາວໆວົງ girl group ເປັນສິລະປິນວົງທຳອິດຂອງລາວ ທີ່ເວົົ້າໄດ້ເລີຍວ່າຄົບເຄື່ອງອີຫຼີ! ບໍ່ວ່າຈະເປັນທາງດ້ານໜ້າຕາ ແລະ ຄວາມສາມາດຮ້ອງ-ເຕັ້ນ ຂອງແຕ່ລະຄົນ! ແລະ ເຊິ່ງທັງ 4 ສາວອາດຈະເປັນທີ່ຮູ້ຈັກກັນດີໃນວົງການບັນເທິງລາວເຮົາມາກ່ອນ ເພາະວ່າທັງ 4 ສາວແມ່ນໄດ້ເຂົ້າວົງການບັນເທິງກ່ອນທີ່ຈະມາຮວມຕົວກັນ ຈຶ່ງເຮັດໃຫ້ເປັນວົງທີ່ເປັນກະແສ ແລະ ເປັນທີ່ຈັບຕາຂອງບັນດາແຟນຄັບຫຼາຍໆຄົນ…
ຂວັນໃຈຍັງໄດ້ຍິນມາວ່າ ຜົນງານຂອງວົງ “Whiz G” ຈະປ່ອຍອອກມາພ້ອມກັນສອງເພງ ແມ່ນແທ້ ຫຼືບໍ່!!! ເອົາເປັນວ່າຈັງໃດກໍອົດໃຈຖ້າ ແລະ ຫວັງວ່າພວກເຮົາຈະໄດ້ເຫັນຜົນງານຂອງສາວໆໃນປີ້ກັນເນາະ…
ຝາກຕິດຕາມ ແລະ ເອົາໃຈເຊຍຜົນງານຄົນລາວນຳກັນແດ່ເດີ້ທຸກຄົນ!!!
Poppy annaly thalasin
amina smile
lisdar seezarnon
poupay lazabout
ຂອບໃຈຮູບພາບ: WHiZ-G