ດຣ ກຣິດຕິກາ ຜູ້ກໍ່ຕັ້ງໂຮງໝໍປົວສັດ 24 ຊົ່ວໂມງ ຈາກຫ້ອງແຖວສູ່ທຸລະກິດ 700 ລ້ານ

ມື້ນີ້ Kuanjai ຈະພາມາຮູ້ຈັກກັບອີກໜຶ່ງແມ່ຍິງນັກຖຸລະກິດຂອງປະເທດໄທ ທີ່ປະສໍາຜົນສໍາເລັດໃນການສ້າງທຸລະກິດ ຈາກການສ້າງໂຮງໝໍປົວສັດໃນຫ້ອງແຖວສູ່ໂຮງໝໍປົວສັດ 700 ລ້ານບາດ ໄປອ່ານນໍາກັນເລີຍ….

ດຣ ກຣິດຕິກາ ໄຊສຸພັດທະນາກຸນ (Krittika Chaisupattakun) ເປັນຄົນໄທ ອາຍຸ 59 ປີ ເປັນ ປະທານ, ຜູ້ບໍລິຫານ ແລະ ຜູ້ກໍຕັ້ງ ໂຮງໝໍສັດທອງຫລໍ່ ຈໍາກັດ. ດຣ ກຣິດຕິກາ ຈົບປະລິນຍາຕີ ຈາກຄະນະສັດຕະວະແພດ, ມະຫາວິທະຍາໄລຈຸລາລົງກອນ ເຊິ່ງຫຼັງຈາກເຝິກງານຢູ່ໂຮງຫມໍຈຸລາລົງກອນເປັນເວລາ 2 ປີ ກໍໄດ້ປ່ຽນວຽກມາຢູ່ພະແນກພັດທະນາຜະລິດຕະພັນການຢາ ເຊິ່ງປັດຈຸບັນນີ້ເປັນບໍລິສັດ Novartis (Thailand) Co. , Ltd ແລະ ການເຮັດວຽກຢູ່ນີ້ນັ້ນເອງທີ່ເຮັດໃຫ້ ດຣ ກຣິດຕິກາ ຮູ້ຈັກການເຮັດຖຸລະກິດ, ທີ່ສໍາຄັນແມ່ນໄດ້ປະສົບການຈາກຄໍາເວົ້າຂອງຫົວໜ້າຄົນຟຣັ່ງ ວ່າ:

“ປະເທດໄທຂາດໂຮງໝໍປົວສັດທີ່ເປິດບໍລິການ 24 ຊົ່ວໂມງ ເຮັດໃຫ້ໝາ Alsatian ສຸດຮັກຂອງລາວຕາຍ” ຫຼັງຈາກມື້ນີ້ມາ ດຣ ກຣິດຕິກາ ກໍຈື່ຂຶ້ນໃຈວ່າຕ້ອງພັດທະນາວົງການສັດຕະວະແພດໃນປະເທດໄທໃຫ້ດີຂຶ້ນ ບວກກັບຄຣີກທີ່ເຮັດວຽກເສີມຢູ່ໃນຕອນນັ້ນມັນສອດຄອງກັບສະພາບດຽວກັນ ຄືສ່ວນໃຫຍ່ກໍລະນີສຸກເສີນກໍມັກມາໃນຊ່ວງຫົວຄໍ່າ ເປັນເຫດໃຫ້ຕ້ອງໄດ້ຮັກສາກັນໄປຈົນຮອດເດິກດື່ນ ກັບບ້ານທ່ຽງຄືນທຸກມື້ ຈົນ ດຣ ກຣິດຕິກາ ເລີ່ມຄືດວ່າ ເປິດໂຮງໝໍປົວສັດ 24 ຊົ່ວໂມງເລີຍລະແລ້ວ.

ແລະ ໃນທີ່ສຸດ ດຣ ກຣິດຕິກາ ຕັດສິນໃຈເປີດໂຮງໝໍປົວສັດລ້ຽງຕະຫຼອດ 24 ຊົ່ວໂມງຂຶ້ນມາ ໃນປີ 1994 ທີ່ທອງຫລໍ່ 9 ແລະ ຕັ້ງຊື່ວ່າ ໂຮງໝໍປົວສັດທອງຫລໍ່. ເຊິ່ງໄດ້ຮັບການຮ່ວມມື້ຈາກສາມີ, ຮຸ້ນເອື້ອຍ-ອ້າຍ ແລະ ອາຈານ ທີ່ເຄີຍເຮັດວຽກນໍາກັນມາເປັນຫຸ້ນສ່ວນ. ເຊິ່ງເລີ່ມຕົ້ນເປິດໂຮງໝໍສັດທໍາອິດໃນຫ້ອງແຖວ 3 ຫ້ອງ 5 ຊັ້ນ ທີ່ເຊັ້ງຕໍ່ຢູ່ໃນຊອຍທາງຫລໍ່ 9 ໃນເວລານັ້ນກໍຖືວ່າເປັນໂຮງໝໍສັດແຫ່ງທໍາອິດທີ່ເປິດ 24 ຊົວໂມງ ໃນຍຸກທີ່ຄຣີກນິກປົວສັດເປິດຮອດພຽງແຕ່ 8 ໂມງແລງ ແລະ ເກືອບຈະບໍ່ມີຄຣີກນິກໃດໃຫ້ບໍລິການ admin ຫຼືເອົາສັດໄປພັກຜ່ອນຫຼັງຈາກການຮັກສາ, ດັ່ງນັ້ນ ເຈົ້າຂອງສັດລ້ຽງຫຼາຍຄົນຈຶ່ງທີ່ຈະໃຊ້ບໍລິການໂຮງໝໍແຫ່ງນີ້.

ປະຈຸບັນ ໂຮງໝໍທອງຫລໍ່ ຖືວ່າປະສົບຜົນສໍາເລັດຢ່າງຫຼວງຫຼາຍ ແລະ ໄດ້ຂະຫຍາຍສາຂາເຖິງ 15 ສາຂາທົ່ວປະເທດ ແລະ ທັດສະນະທີ່ສໍາຄັນທີ່ເຮັດໃຫ້ໂຮງໝໍແຫ່ງນີ້ປະສົບຜົນສໍາເລັດນັ້ນ ດຣ ກຣິດຕິກາ ໄດ້ກວ່າໄວ້ວ່າ: ມີ 3 ທັດສະນະທີ່ສໍາຄັນຄື:

1. ການຮັກສາຕ້ອງມີປະສິດທິພາບ ເພາະວ່າຄ່າບໍລິການໂຮງຫມໍຕົນເອງນັ້ນສູງ ເຮັດໃຫ້ຄົນທີ່ມາໃຊ້ບໍລິການຍ້ອມມີຄວາມຄາດຫວັງສູງ ເພາະສັດລ້ຽງທີ່ເຂົາເຈົ້າຮັກກໍປຽບດັ່ງຄອບຄົວຂອງເຂົາເຈົ້າ, ດັ່ງນັ້ນ ເມື່ອຊີວິດສັດລ້ຽງມີຄ່າຕໍ່ພວກເຂົາ ບໍ່ວ່າຈະເສຍເງິນຮັກສາແພງເທົ່າໃດ ເຂົາເຈົ້າກໍຍິນດີທີ່ຈະຈ່າຍ.
2. ການສົ່ງສັດຕະວະແພດໄປຮຽນຕໍ່ ບໍ່ວ່າຈະເປັນປະລິນຍາໂທ ຫຼືປະລິນຍາເອກ ເພື່ອເພີ່ມຄວາມຮູ້ ແລະ ຄວາມຊໍານານ ໃນການຮັກສາສະເພາະທາງ ເພາະຖ້າສັດຕະວະແພດເກັ່ ກໍຈະຊ່ວຍເພີ່ມຄຸນນະພາບໃຫ້ກັບໂຮງໝໍນັ້ນເອງ.
3. ການບໍລິການ “ລໍາບາກທີ່ສຸດກໍຄືເລື່ອງຄົນ ແລະ ພູມໃຈທີ່ສຸດກໍຄືເລື່ອງຄົນ” ເພາະການບໍລິຫານໂຮງຫມໍສັດແມ່ນເປັນວຽກທີ່ໜັກໜ່ວງ ເນື່ອງຈາກຕ້ອງໄດ້ໃຊ້ວິຊາອາຊີບຮັກສາສັດໃຫ້ເຊົາປ່ວຍ ແລ້ວຍັງຕ້ອງໄດ້ບໍລິການເຈົ້າຂອງສັດລ້ຽງໃຫ້ມີຄວາມພື້ງພໍໃຈ

ຂໍ້ມູນຈາກ:

• https://thonglorpet.com/aboutus
• https://forbesthailand.com/people/asean-biz/
• https://www.prachachat.net/marketing/news-91097
• https://www.thairath.co.th/…/market-business/1912957
• https://forbesthailand.com/people