ເຊີນຊວນໄວໜຸ່ມຍິງ-ຊາຍອາຍຸ 15-20 ປີຜູ້ທີ່ມີນໍ້າສຽງຊົງພະລັງ ແລະ ເປັນເອກະລັກເຂົ້າຮ່ວມຄັດເລືອກ ການປະກວດແຂ່ງຂັນຮ້ອງເພງ PEPSI Singing Contest 2017 ເພື່ອຊິງຂັນ ລັດຖະມົນຕີ ກະຊວງສຶກສາທິການ ແລະ ກິລາ ເລີ່ມແຕ່ປັດຈຸບັນນີ້ ຈົນເຖິງວັນທີ 5 ພຶດສະພາ 2017 ນີ້ເປັນຕົ້ນໄປ.
ແຂ່ງຂັນຮ້ອງເພງຄັ້ງນີ້ ເປັນການປະກວດຮ້ອງເພງ ໃນຮູບແບບເພງສະຕິງ ຫຼື POP Song ປະເພດຮ້ອງດ່ຽວ ປີນີ້ຜູ້ຊະນະເລີດ ຈະໄດ້ຮັບທຶນການສຶກສາ ສູງເຖິງ 15 ລ້ານກີບ ພ້ອມຂັນລັດຖະມົນຕີ ກະຊວງສຶກສາທິການ ແລະ ກິລາ, ໃບກຽດຕິຍົດ ແລະ ຂອງຂວັນຈາກເປັບຊີ້, ລາງວັນທີ 2 ທຶນການສຶກສາ 10 ລ້ານກີບ ພ້ອມຂອງຂວັນຈາກເປັບຊີ, ລາງວັນທີ 3 ຈຳນວນ 8 ລ້ານກີບ ພ້ອມຂອງຂວັນຈາກເປັບຊີ ແລະ ລາງວັນມິດຕະພາບ 4 ລ້ານກີບ ພ້ອມຂອງຂວັນຈາກເປບຊີ ເຊັ່ນດ່ຽວກັນ ລວມມູນຄ່າສູງເຖິງ 80 ລ້ານກີບ ສຳລັບຜູ້ໃດທີ່ສົນໃຈ ສາມາດຮັບແບບຟ້ອມໄດ້ ທີ່ໂຮງຮຽນ, ໜ່ວຍລົດປະຊາສຳພັນໂຄງການ ແລະ ທາງ Facebook/Pepsilao ຫຼື ຊອບຖາມຂໍ້ມູນໄດ້ທີ 02028281234
ການປະກວດຮ້ອງເພງປີນີ້ ໄດ້ແບ່ງອອກເປັນ 3 ຮອບຄື: ຮອບທີ 1 ແມ່ນຮອບຄັດເລືອກ ຈະໄດ້ຈັດຂຶ້ນ ໃນວັນທີ 2 ເມສາ ທີ່ສູນການຄ້າລາວ-ໄອເຕັກ (ຕຶກເກົ່າ)ເປັນການຮ້ອງສຽງສົດ ແບບບໍ່ມີດົນຕີ ເຊິ່ງຈະໄດ້ຄັດເລືອກເອົາພຽງແຕ່ 30 ຄົນ ໃນທົ່ວປະເທດ; ຮອບທີ 2 ແມ່ນຮອບ ຮອງຊະນະເລີດ ເຊິ່ງຈະຈັດຂຶ້ນ ໃນວັນທີ 6 ເມສາ ທີ່ຄ້າຍເພງອິນດີເລັກຄັອດ ໂດຍຈະຂັດໃຫ້ເລືອກພຽງແຕ່ 12 ຄົນ ຜູ້ເຂົ້າຮອບຮອງຊະນະເລີດ ແມ່ນຈະໄດ້ຮັບການຝຶກຊ້ອມ ທັກສະທາງດ້ານການຮ້ອງເພງ, ການສະແດງເທິງເວທີ ເປັນເວລາວ 3 ອາທິດ ຈາກຄະນະກຳມະການ ທີ່ເປັນນັກຮ້ອງມືອາຊີບ ເພື່ອ ກຽມພ້ອມ ໃນການແຂ່ງຂັ້ນ ສຳລັບຮອບ ທີ 3 ແມ່ນຮອບຊະນະເລີດ ການແຂ່ງຂັນຈະດຸເດືອດຍິ່ງຂຶ້ນ ເຊິ່ງທັງ 12 ຄົນ ຈະໄດ້ສະແດງຄວາມສາມາດ ໃນການຮ້ອງເພງ ສອງບົດເພງຄື: ເພງໄວ ແລະ ເພງຊ້າ ເຊິ່ງ ຜູ້ເຂົ້າປະກວດ ສາມາດຮອງເພງລາວ ຫຼື ເພງສາກົນ ໄດ້ແນວລະໜຶ່ງບົດເພງ ແລ້ວແຕ່ຄວາມຖະໜັດ ຂອງບຸກຄົນ ເຊິ່ງຮອບຊະນະເລີດນີ້ ຈະໄດ້ຈັດຂຶ້ນ ໃນວັນທີ 5 ພຶດສະພາ ທີ່ສູນກິລາໃນຮົ່ມລ້ານຊ້າງ (ບ້ານໜອງໄຮ)