ຄໍລໍາ: His Mind ສະບັບສົ່ງທ້າຍປີເກົ່າ 2017 ຕ້ອນຮັບປີໃໝ່ 2018 ນີ້ ຈະພາສາວໆມາເຈາະໃຈອາຈານສອນ ເທຄວັນໂດ້ ແລະນາຍແບບສຸດເຈົ້າຊູ້! ດວງສີວິໄລ ພິມມະສອນ (ເປ່ເລ້) ທີ່ບອກວ່າ “ແມ່ຍິງທີ່ບໍ່ແຕ່ງຫຼາຍເກີນໄປ, ມີຄວາມເປັນທໍາມະຊາດ ຈະເຮັດໃຫ້ເຮົາຮູ້ເຖິງຕົວຕົນຂອງເຂົາໄດ້ງ່າຍກວ່າ” ເປ່ເລ້ ເປັນຄົນທີ່ ມັກຮັກໃນການຫຼິ້ນກິລາຫຼາຍ ໂດຍສະເພາະກິລາ ເທຄວັນໂດ້ ຈາກຄວາມມັກກໍກ້າວຂຶ້ນມາເປັນນັກກິລາ ເທຄວັນໂດ້ ທີມຊາດ ແລະປັດຈຸບັນກໍໄດ້ຜັນຕົວມາເປັນອາຈານສອນ ເທຄວັນໂດ້ ອາຊີບແລ້ວ ພ້ອມທັງເປັນນາຍແບບຄວບຄູ່ໄປນໍາ ແລະທີ່ສໍາຄັນເພິ່ນຍັງບອກມາອີກວ່າ ສະຖານະພາບຕອນນີ້ແມ່ນ ໂສດສະນິດ ອ້າວ… ແບບນີ້ກໍເຂົ້າທາງສາວໆແລ້ວແຫຼະ! ສໍາລັບສາວໆທີ່ສົນໃຈຢາກຮູ້ຈັກກັບໜຸ່ມຄົນນີ້ເພິ່ມຕຶ່ມ ສາມາດຊອກມາທໍາຄວາມຮູ້ຈັກກັນໄດ້ໃນ ວາລະສານຂັວນໃຈ ສະບັບເດືອນທັນວາ (125) 2017 ຕາມ U Express M Point Mart ແລະ Jeffy Mart …

ເລີກດ່ວນ… ຖ້າບໍ່ຢາກມີນໍ້າຕາ! 7 ປະເພດຜູ້ຊາຍທີ່ບໍ່ຄວນຄົບ ຄົບແລ້ວຈະຊໍ້າໃຈຈົນມື້ຕາຍ ສະບາຍດີສາວໆ ມື້ນີ້ກໍເປັນອີກມື້ໜຶ່ງທີ່ອາກາດດີ໋ດີ (ດີຈົນຕົວສັ່ນ) ແລະແນ່ນອນວ່າມາພົບກັນໃນມື້ນີ້ ຕ້ອງມີຫຍັງດີໆມາຝາກມາຕ້ອນສາວໆກັນແນ່ນອນ ມື້ນີ້ເຮົາຈະພາສາວໆມາທໍາຄວາມຮູ້ຈັກກັບ ຜູ້ຊາຍ 7 ປະເພດ! ທີ່ສາວໆຄວນເອົາຕົວອອກຫ່າງ ຢ່າພາດເອົາມາເປັນຄູ່ຊີວິດເດັດຂາດ ບໍ່ດັ່ງນັ້ນເຈົ້າອາດຈະຕ້ອງເສຍໃຈ ເສຍນໍ້າຕາໄປຈົນຮອດມື້ຕາຍແນ່ນອນແຫຼະ! ນໍາມາເບິ່ງກັນດີກວ່າວ່າມີຜູ້ຊາຍປະເພດໃດແດ່ ຈະໄດ້ຫຼີກກັນຖືກ!!! ເຈົ້າຊູ້ບໍ່ຮູ້ຈັກພໍ ຜູ້ຊາຍບໍ່ເຈົ້າຊູ້ຄືງູບໍ່ມີພິດ ແຕ່ຖ້າພິດງູມັນຮຸນແຮງຈົນຕອດເຈົ້າໃຫ້ເຈັບໄປທັງໃຈ ພິດຈະແລ່ນຕາມກະແສເລືອດອາດຈະເຖິງຕາຍໄດ້ ກໍຄວນ Stop!! ບໍ່ສາວໆ ຜູ້ຊາຍເຈົ້າຊູ້ເບິ່ງແລ້ວມີສະເໜ່ ແຕ່ຈະເອົາຜູ້ຊາຍແບບນີ້ມາເປັນຄູ່ຊີວິດແທ້ໆ ຄົງຕ້ອງຄິດໜັກຈັກໜ້ອຍ ຖ້າເຂົາຢຸດບໍ່ໄດ້ ບໍ່ພໍຈັກເທື່ອ ສາວໆຕ້ອງຊໍ້າໃຈໄປຕະຫຼອດຊີວິດແນ່ນອນ ເປັນຜູ້ນໍາໃຫ້ເຮົາບໍ່ໄດ້ ສາວໆເຮົາເມື່ອມີແຟນ ຫຼືຄູ່ຊີວິດ ກໍຄົງຈະຢາກໄດ້ຄົນທີ່ພ້ອມຈະເປັນຜູ້ນໍາຂອງຄອບຄົວເຮົາໄດ້ແມ່ນບໍ່? ແຕ່ແບບທີ່ວ່າແມ່ນຫຍັງກໍເຮົາເປັນຫຼັກ ແມ່ນຫຍັງກໍເຮົາຕັດສິນໃຈ ບັນຫາຫຍັງກໍຕ້ອງແມ່ນເຮົາເປັນຄົນແກ້ ອັນນີ້ຄົງບໍ່ໄຫວ ຖ້າເຂົາບໍ່ມີຄວາມໝັ້ນໃຈໃນການຕັດສິນໃຈຫຍັງຈັກຢ່າງ ແລ້ວເຈົ້າຄິດວ່າຖ້າຢູ່ນໍາກັນໄປເຂົາຈະສາມາດເບິ່ງແຍງເຈົ້າໄດ້ບໍ່? ຜູ້ຊາຍຫຼົງຕົວເອງ ຜູ້ຊາຍທີ່ເອົາແຕ່ຂີ້ໂມ້ໂອ້ອວດ ມີອີໂກ້ຢູ່ເພດານ ເຊື່ອໝັ້ນໃນຕົວເອງເຫຼືອເກີນ ຄົນແບບນີ້ເຂົາຈະບໍ່ເຊື່ອໃຜນອກຈາກຄວາມຄິດຂອງຕົວເອງ ບໍ່ມີໃຜເຮັດຫຍັງດີໄປກວ່າລາວອີກແລ້ວ ບອກເລີຍວ່າຄົນແບບນີ້ມີແຕ່ຈະກົດເຈົ້າໃຫ້ຕໍ່າກວ່າລາວສະເໝີ …

ຄໍລໍາ: Chic Working Women “ຕົ້ນທຶນຊີວິດທີ່ດີກໍມີສ່ວນຊຸກຍູ້ໃຫ້ເຮົາກ້າວໜ້າໄດ້ໄວກວ່າຄົນອື່ນ ແຕ່ການຮຽນຮູ້ ແລະຄວາມພະຍາຍາມຕ່າງຫາກທີ່ຊຸກຍູ້ໃຫ້ເຮົາກ້າວໄປຂ້າງໜ້າ” ສາວ Chic Working Women ຄົນສຸດທ້າຍຂອງປີ 2017 ໄດ້ບອກໄວ້… ສໍາລັບສາວໆຄົນໃດທີ່ກໍາລັງທໍ້ກັບບັນຫາຕ່າງໆທີ່ພົບຢູ່ບໍ່ວ່າຈະເປັນເລື່ອງຂອງການໃຊ້ຊີວິດ, ເລື່ອງວຽກ ຫຼືເລື່ອງຄວາມຮັກຕ່າງໆກໍຕາມແຕ່… ຢາກບອກສາວໆວ່າເມື່ອທໍ້ຢ່າຟ້າວຖອຍພະຍາຍາມຊອກຫາຫົນທາງລຸກຂຶ້ນມາຕໍ່ສູ້ກັບມັນໃຫ້ໄດ້ ແຕ່ຖ້າຍັງຊອກບໍ່ເຫັນຢາກໃຫ້ມາຟັງຂໍ້ຄິດຈາກສາວໝັ້ນຄົນເກັ່ງຄົນນີ້ ຈູລ່າ ວັນເພັງ ນໍຣະສິງ ຜູ້ບໍລິຫານ, ຜູ້ຈັດການ ບໍລິສັດ ອີຊຸຊຸລາວ ວີເອສເອ ເຊິ່ງກ່ອນຈະມາເປັນລະດັບຜູ້ບໍລິຫານແບບນີ້ ຈູລ່າເອງກໍຕ້ອງໄດ້ເລີ່ມຕົ້ນເຮັດວຽກຈາກສູນ ເລີ່ມຈາກການເປັນພະນັກງານຫ້ອງການທົ່ວໄປມາກ່ອນ ເຖິງວ່າມີ Degree ເປັນລູກສາວຫຼ້າເຈົ້າຂອງບໍລິສັດກໍຕາມ ເພາະຈູລ່າເຊື່ອສະເໝີວ່າ “ກ່ອນຈະເປັນຫົວໜ້າຄົນໄດ້ ເຮົາຕ້ອງຮຽນຮູ້ການເປັນລູກນ້ອງກ່ອນ” ສະນັ້ນແລ້ວສາວໆ ບໍ່ມີໃຜທີ່ຈະປະສົບຄວາມສໍາເລັດຖ້າບໍ່ຮູ້ຈັກການເລີ່ມຕົ້ນ ທຸກຢ່າງລ້ວນແຕ່ຕ້ອງມາການລອງຜິດລອງຖືກທັງໝົດ ຄົນທີ່ບໍ່ຮູ້ຈັກກັນການນັບສູນ ຫຼືບໍ່ຮູ້ຈັກການເລີ່ມຕົ້ນຈະບໍ່ສາມາດປະສົບຄວາມສໍາເລັດໄດ້ເລີຍ… ສໍາລັບແຮງໃຈດີໆສະບັບເຕັມຈາກ ຈູລ່າ ແມ່ນສາມາດຊອກອ່ານໄດ້ຈາກ ວາລະສານຂວັນໃຈ ສະບັບເດືອນ ທັນວາ 2017 (125) ຕາມ …

ສະເຫຼີຍ!!! 6 ສາເຫດທີ່ເຮັດໃຫ້ແມ່ຍິງຕັດສິນໃຈ ບອກເລີກແຟນ ທີ່ຄົບກັນມາດົນແລ້ວ… ຄູ່ຮັກຫຼາຍຄູ່ທີ່ຄົບກັນມາດົນຈົນຄົນພາຍນອກເບິ່ງກັນວ່າ ແນ່ນອນຄູ່ນີ້ຕ້ອງຈົບລົງດ້ວຍການແຕ່ງງານ! ແຕ່ເຫດການກັບກົງກັນຂ້າມ ເມື່ອຄູ່ຮັກນັ້ນໆເລືອກທີ່ຈະຈົບລົງດ້ວຍການ ເລີກກັນໄປ ຈົນມີຄົນມາເວົ້າກ່ຽວກັບ ອາຖັນກັນໄປຕ່າງໆນາໆ ແຕ່ຄວາມຈິງແລ້ວມັນເກີດຂຶ້ນຈາກສາເຫດໃດນັ້ນ ມື້ນີ້ Kuanjai ຈຶ່ງຂໍມາໄຂຂໍ້ຂ້ອງໃຈດ້ວຍການສະເຫຼີຍ 6 ສາເຫດທີ່ເຮັດໃຫ້ແມ່ຍິງຕັດສິນໃຈ ບອກເລີກແຟນ ທີ່ຄົບກັນມາດົນໄດ້ໝົດຂໍ້ຂ້ອງໃຈກັນ! ໄປເບິ່ງເລີຍ!!! ຄວາມຮັກໝົດໄປແລ້ວ ຄູ່ຮັກທີ່ຄົບກັນມາດົນບໍ່ໄດ້ມີແຕ່ຄວາມຮັກ ແຕ່ຍັງມີຄວາມຜູກພັນ ແລະຄວາມຊົງຈໍາດີໆທີ່ມີຮ່ວມກັນ ເຊິ່ງບາງຄັ້ງຄວາມຮັກໝົດລົງໄປແລ້ວ ຈາກສິ່ງທີ່ເຄີຍເພິ່ງພໍໃຈກັບມາເປັນບໍ່ພໍໃຈ ບໍ່ຕ້ອງຊອກສາເຫດໃດເພື່ອມາຕອບວ່າເປັນຍ້ອນຫຍັງດອກ ເພາະຄໍາຕອບຫຼັກໆກໍຄື ມັນໝົດຮັກໄປແລ້ວນັ້ນເອງ ບາງຄູ່ເມື່ອຮູ້ສຶກແບບນີ້ກໍຍັງບໍ່ກ້າທີ່ຈະບອກເລີກເພາະເສຍດາຍເວລາທີ່ຄົບກັນມາ ແຕ່ເຊື່ອເທາະວ່າ ເຖິງເຈົ້າຢາກຈະຖ່ວງເວລາໄວ້ຫຼາຍປານໃດ ແຕ່ສຸດທ້າຍແລ້ວມັນກໍໄປບໍ່ລອດຢູ່ດີເພາະ ໝົດຮັກກັນໄປແລ້ວ ມີຄົນໃໝ່ແລ້ວ ສືບເນື່ອງມາຈາກຂໍ້ທີໜຶ່ງ ຄືເມື່ອຄວາມຮັກໝົດໄປແລ້ວ ຖ້າມີໃຜຄົນອື່ນເຂົ້າມາໃນຊີວິດ ແລະມາຕຶ່ມເຕັມໄດ້ຫຼາຍກວ່າ ກໍ່ຍ່ອມຕ້ອງເລືອກຄົນທີ່ເຂົ້າມາໃໝ່ ແລະບອກລາຄົນເກົ່າໄປ ເຊິ່ງເປັນບັນຫາທີ່ສຶບເນື່ອງມາຈາກການໝົດຮັກຄົນປັດຈຸບັນ ແລະຍັງດື້ທີ່ຈະຖ່ວງດຶງຄວາມສໍາພັນຕໍ່ໄປຈົນມີຄົນທີ່ມແມ່ນກວ່າເຂົ້າມາແຊກກາງ ຈຶ່ງມັກເກີດຂໍ້ປຽບທຽບລະຫວ່າງຄົນທີ່ມາໃໝ່ກັບຄົນປັດຈຸບັນ ແລະເຮັດໃຫ້ຕັດສິນໃຈບອກເລີກຄົນເກົ່າໃນທີ່ສຸດ ຍິ່ງຄົບຍິ່ງເບິ່ງບໍ່ເຫັນອານາຄົດ ເບິ່ງຄືຄວາມສໍາພັນທີ່ເປັນຢູ່ເປັນການຄົບຜ່ານໆໄປໃນແຕ່ລະມື້ ບໍ່ເຫັນອານາຄົດຮ່ວມກັນ ຄິດພາບບໍ່ອອກວ່າແຕ່ງງານໄປຈະເປັນແນວໃດ …

ຄໍລໍາ: Specail Scoop ມາຮູ້ຈັກກັບ!!! ນັກກິລາເພາະກາຍຍິງລຸ້ນບຸກເບີກ ທີ່ໄປສ້າງຊື່ສຽງໃຫ້ກັບປະເທດເຮົາ!!! ກິລາເພາະກາຍ ເປັນກິລາຊະນິດໜຶ່ງທີ່ນັກກິລາຕ້ອງແຂ່ງຂັນກັນພັດທະນາກ້າມເນື້ອ ດ້ວຍການອອກກຳລັງກາຍ ເພີ່ມປະລິມານອາຫານ ແລະການພັກຜ່ອນ ເຊິ່ງກວ່າຈະໄດ້ກ້າມເນື້ອງາມໆ ໄປຢືນອວດຄະນະກຳມະການເທິງເວທີໄດ້ນັ້ນ ຕ້ອງອາໄສວິໄນ ຄວາມອົດທົນ ແລະພະຍາຍາມຢ່າງໜັກໜ່ວງ ໂດຍສະເພາະ ເມື່ອນັກເພາະກາຍນັ້ນ ແມ່ນແມ່ຍິງລາວແລ້ວ ໂອ້ ຍິ່ງບໍ່ທຳມະດາເລີຍແມ່ນບໍ່?? ສະນັ້ນ ສໍາລັບຄໍລໍ່າພິເສດສົ່ງທ້າຍປີເກົ່າຕ້ອນຮັບປີໃໝ່ ເຮົາກໍຈະມາແນະນຳສາວໆຂວັນໃຈໃຫ້ຮູ້ຈັກກັບ 3 ສາວນັກກິລາເພາະກາຍຍິງລຸ້ນທຳອິດຂອງລາວ ທີ່ໄປສອຍລາງວັນເພາະກາຍຢູ່ເວທີຕ່າງຊາດມາແລ້ວ!!! ທິບພາວັນ ເພັງສະຫວັນ (Trainer Feuang) ສາວໜ້າຫວານ ທີ່ມາພ້ອມກັບຫຸ່ນແໜ້ນໆ ທີ່ສາມາດເອົາຊະນະໃຈຕົວເອງຍ້ອນຄວາມບໍ່ມັກການປະກວດ ຫັນມາປະກວດຍ້ອນຄວາມມັກໃນການອອກກໍາລັງກາຍ ຈົນກ້າທີ່ຈະກ້າວຂຶ້ນເວທີການປະກວດມາແລ້ວຫຼາຍເວທີ ຍ້ອນຄະຕິປະຈໍາໃຈທີ່ວ່າ “ຖ້າເຈົ້າກ້າອອກຈາກຄວາມຢ້ານ … ເຈົ້າຈະພົບກັບໂລກໃໝ່ທີ່ດີກວ່າ” ກິນນາລອນ ນັນທິລາດ (Trainer Tom) ສາວຮ່າງນ້ອຍແຕ່ບໍ່ທໍາມະດາ ເພາະນາງເປັນແມ່ຍິງຄົນທຳອິດ ທີ່ຄວ້າຕຳແໜ່ງຊະນະເລີດ ໃນງານມິສເຕີລາວ 2017 (Mr. …