ສະແດງຄວາມຍິນດີ…ກັບ ແຈັກກີ້ ໄຊປະເສີດ ພົມມະວົງໄຊ ທີ່ໄປສ້າງສຽງຮຶຮາ ໂດຍໄດ້ມີໂອກາດໄປແຂ່ງຂັນຮ້ອງເພງໃນລາຍການດັງຂອງປະເທດເພື່ອນບ້ານ The Voice Thailand Season 6 ເຊິ່ງກ່ອນໜ້ານີ້ກໍສ້າງສຽງຮຶຮາໄປແລ້ວໃນຊ່ວງຕົ້ນເດືອນ ທັນວາ ທີ່ຜ່ານມາ ເພາະ ແຈັກກີ້ ໄດ້ສ້າງປະກົດການຜ່ານເຂົ້າໃນຮອບ  Blind Auditions ມາແລ້ວ ແລະ ຫຼ້າສຸດ ວັນທີ 24 ທັນວາ 2017 ກໍສ້າງປະກົດການໃຫ້ແຟນໆທັງ ລາວ ແລະ ໄທ ໄດ້ກຣີດໆໆໆ… ກັນສະໜັ່ນນັ້ນກໍຄື ແຈັກກີ້ ໄດ້ແຂ່ງຂັນໃນຮອບ Knock Out ແລະ ກໍສາມາດເອົາຊະນະຄູ່ຕໍ່ສູ້ໂດຍການໂຊພະລັງສຽງຂັ້ນເທບ ແລະ ເອົາຊະນະໄປໄດ້ຢ່າງງົດງາມ. ສຳລັບ ການແຂ່ງຂັນໃນຮອບ Knock Out ນີ້ ແຈັກກີ້ ໜຸ່ມລາວເຮົາກໍໄດ້ແຂ່ງຂັນກັບ ມ່ອນ ໜຸ່ມຈາກປະເທດເພື່ອນບ້ານສຸດແນວ ໂດຍ ແຈັກກີ້ໃຊ້ບົດເພງ “ເກືອບ” ເຂົ້າໃນການແຂ່ງຂັນ …

ສຳນັກງານພະລາດຊະວົງຂອງອັງກິດ ເປີດເຜີຍພາບວິວາສຸດຫວານ ເນື່ອງໃນໂອກາດທີ່ ເຈົ້າຊາຍ ແຮລີ່ ແລະ ເມແກຼນ ມາຣເຄີ ໄດ້ໝັ້ນໝາຍກັນຢ່າງເປັນທາງການ ນັບເປັນພາບທີ່ສຸດປະທັບໃຈ ແລະ ເຕັມໄປດ້ວຍຄວາມຮັກ ວັນທີ 21 ທັນວາ 2017 ເວັບໄຊ້ເດິກາຣດ້ຽນ ໄດ້ລາຍງານ ສຳນັກພະລາດຊະວົງ ເຄນຊິງຕັນ ໄດ້ເປີດເຜີຍຮູບພາບໝັ້ນຢ່າງເປັນທາງການຂອງ ເຈົ້າຊາຍ ແຮລີ່ ແຫ່ງເວວ ລັດຊະທາຍາດລຳດັບທີ 5 ຂອງລາດຊະວົງອັງກິດ ແລະ ເມແກຼນ ມາຣເຄີ ພະຄູ່ໝັ້ນ ໂດຍຮູບພາບຊຸດນີ້ຖ່າຍໂດຍ ອະເລັກຊີ່ ລູໂບມຽນສະກີ້ (Alexi Lubomirski) ຊ່າງພາບຊື່ດັງຜູ້ມີຜົນງານຖ່າຍພາບແຟຼຊັ່ນລະດັບສູງ ລວມທັງການຖ່າຍພາບຄົນດັງມາແລ້ວຢ່າງຫຼວງຫຼາຍ ຮູບພາບທີ່ທາງພະລາດຊະວົງໄດ້ເປີດເຜີຍມານີ້ ມີທັງໝົດ 3 ຮູບພາບ ໂດຍຮູບພາບຊຸດນີ້ຖ່າຍທີ່ບໍລິເວນປາສາດຟ໋ອກມໍຣ ພາຍໃນພະລາດຊະວັງວິນເຊີ ປະເທດ ອັງກິດ ແຕ່ລະຮູບພາບເຜີຍໃຫ້ເຫັນຄວາມຫວານຊື່ນລະຫວ່າງເຈົ້າຊາຍ ແຮລີ່ ແລະ ເມແກຼນ …

ຄັກຫຼາຍ! ສອງໜຸ່ມນັກສະແດງໜ້າໃສຈາກລາວເຮົາ ໜຸ່ມ ກູ່ ແລະ ໜຸ່ມ ອ້າຍ ຮ່ວມບວງສວງຮູບເງົາແນວສະຫຍອງຂວັນເລື່ອງ “ສາບ ເຊື່ອງ ສົບ” ທີ່ປະເທດ ໄທ, ເຊິ່ງພິທິບວງສວງຮູບເງົາໄດ້ຈັດຂຶ້ນໃນວັນທີ 19 ທັນວາ 2017 ທີ່ຜ່ານມາ ແລະ ງານນີ້ສອງໜຸ່ມນັກສະແດງຈາກລາວຂອງເຮົາຍັງຈະໄດ້ສະແດງຮ່ວມກັບນັກສະແດງ ໄທ ອີກຫຼາຍທ່ານທີ່ມີຊື່ສຽງໂດ່ງດັງ ແລະ ຄວາມສາມາດອັດແໜ້ນ. ສຳລັບ ຮູບເງົາເລື່ອງ ສາບ ເຊື່ອງ ສົບ ເປັນຮູບເງົາແນວສະທ້ອນສັງຄົມ ບວກກັບຄວາມເຊື່ອເລື່ອງເໜືອທຳມະຊາດ ໜຸ່ມ ກູ່ ຮັບບົດສະແດງ ເປັນຄຳແພງ ແລະ ໜຸ່ມອ້າຍ ຮັບບົດສະແດງ ເປັນຄຳປັ່ນ ທັງ2 ຮັບບົດເປັນນັກທ່ອງທ່ຽວໜຸ່ມລາວ ທີ່ເຂົ້າໄປທ່ອງທ່ຽວໃນໄທ ແລ້ວພົບເຈິກັບເຫດການໂລກຈິດຂ້າສົບໄປເຊືອງ (ປະໂທ້!!! ພ໋ອດເລື່ອງຍັງເປັນຕາໜ້າຕິດຕາມແລ້ວວ່າບໍ່ແຟນໆ?) ຢ່າງໃດກໍຂໍກຳລັງໃຈຈາກຄົນລາວ ຕິດຕາມຜົນງານ ແລະ ໃຫ້ກຳລັງໃຈນັກສະແດງຈາກລາວເຮົາແດ່ເດີ້!!!   ທີ່ມາ: Tonkham modeling

ເກັບຕົກຮູບພາບຄວາມໜາວເຢັນໃນໄລຍະນີ້ ປະເທດລາວ ເຮົາກຳລັງຢູ່ໃນຊ່ວງອຸນຫະພູມຫຼຸດລົງ ບາງແຂວງຫຼຸດລົງຫຼາຍເຖິງ 0 ອົງສາ ໂດຍສະເພາະຢູ່ຫຼາຍແຂວງທາງພາກເໜືອ ທີ່ຫຼຽວໄປທາງໃດກໍຈະເຈິແຕ່ນໍ້າໝອກ ນໍ້າຄ້າງ ພືດຜັກກາຍເປັນນໍ້າແຂງ ທັງສັດລ້ຽງກໍໜາວ ພໍ່ແມ່ປະຊາຊົນອີ່ດູຕົນກໍໄດ້ຫາເອົາຜ້າເອົາແພມາຕູ້ມໃຫ້ສັດລ້ຽງພໍຄາຍໜາວ. ຢ່າງໃດ ຂວັນໃຈ ເຮົາຂໍສະແດງຄວາມເປັນຫວ່ງໄປຫາພໍ່ແມ່ປະຊາຊົນຫຼາຍໆເດີ້ ຮັກສາສຸຂະພາບກັນແດ່!!! ທີ່ມາຮູບພາບ: Support Prime Minister Thongloun Sisoulith  

“ຕື່ມເຕັມຄວາມຮັກ” ເພງ ທີ່ ໂອລາ Black eyes ເພິ່ນແຕ່ງຂຶ້ນມາໃຫ້ກັບຄົນຮັກ  ແລະ ເຮົາກໍຄົງຈະຮູ້ລະເນາະວ່າແມ່ນໃຜ? … ແລະ ອາກາດໜາວໆແບບນີ້ໄດ້ຟັງເພງນີ້ລະເຮັດໃຫ້ຄິດຮອດຄົນຮັກຂຶ້ນມາທັນທີທັນໃດ ຄົນມີຄູ່ ຟັງແລ້ວກໍຄືຈະອົບອຸ່ນໃຈດີ ແລະ ຖ້າໃຜຍັງບໍ່ມີຄູ່ຮັກກະໃຫ້ຟ້າວຊອກຫາເດີ! ເພື່ອຈະໄດ້ອົບອຸ່ນໃນຢາມໜາວແບບນີ້. ເຮົາມາຟັງເພງພ້ອມໆກັນເລີຍ. ຟັງແລ້ວໆ ເນື້ອໃນເພງກໍມ່ວນໆ ມີຄວາມໝາຍ ຊຶ້ງໆ ກິນໃຈ  ແຕ່ເຮັາຍັງມີຮູບຫວານໆ ໜ້າຮັກໆ ຂອງໂອລາ ກັບ ກະຕ່າຍ ມາໃຫ້ທຸກຄົນໄດ້ເບິ່ງໄດ້ອິດສາກັນ.