Chic Working Women

ຄໍລໍາ: Chic Working Women ໃຜວ່າແມ່ຍິງບໍ່ສາມາດເຮັດວຽກພາກສະໜາມໄດ້, ບໍ່ມີຄວາມສໍາເລັດໃດທີ່ປາສະຈາກຄວາມຮ່ວມມື ຫຼືການສະໜັບສະໜູນຈາກແມ່ຍິງ ສະນັ້ນ ແມ່ຍິງຄວນໄດ້ຮັບການຍອມຮັບ ແລະ ເຊື່ອໝັ້ນຈາກສັງຄົມ ໃນທຸກວຽກງານ ບໍ່ສະເພາະແຕ່ການທີ່ມີກົດໝາຍຄຸ້ມຄອງສິດທິແມ່ຍິງເທົ່ານັ້ນ ແຕ່ຕ້ອງຢຸດການໃຊ້ຄວາມຮຸນແຮງຕໍ່ແມ່ຍິງ ໂດຍສະເພາະແມ່ນການໃຊ້ຄວາມຮຸນແຮງຕໍ່ຈິດໃຈ ນີ້ຄືຄໍາເວົ້າຂອງສາວ ວັນມີນາ ພັນທະວົງ (ມີນາ) ຜູ້ຊ່ຽວຊານດ້ານສຸຂະພາບສາວ ກັບວຽກງານປົກປ້ອງສິດທິແມ່ຍິງ, ທີ່ສໍາຄັນສາວຄົນນີ້ຍັງເປັນ Trainer Fitness ນໍາອີກ ວ້າວໆ ເກັ່ງໄດ້ໃຈອີ່ຫຼີ ສໍາລັບສໍາລັບສາວຄົນນີ້ ສ່ວນຂໍ້ມູນເພີ່ມຕື່ມ ສໍາລັບສາວມີນາ ສາມາດຕິດຕາມໄດ້ຈາກ ວາລະສານຂວັນໃຈ ສະບັບເດືອນ ມີນາ 2017 ນີ້ ຕາມ U Express M Point Mart ແລະ Jeffy Mart ທຸກສາຂາ. ວັນມີນາ ພັນທະວົງ (ມີນາ) ຜູ້ຊ່ຽວຊານດ້ານສຸຂະພາບສາວ …

ຄໍລໍາ: Chic Working Women ສໍາລັບສາວຄົນໃດທີ່ຍັງບໍ່ໝັ້ນໃຈຕົວເອງ ຄິດມາຕະຫຼອດວ່າຕົວເອງຕ້ອງເຮັດບໍ່ໄດ້ ຫຼືບໍ່ໄດ້ດີ ລອງມາອ່ານກ່ຽວກັບເລື່ອງລາວຂອງສາວຄົນນີ້ ທິບພາວັນ ມະນີພູໃສ (ນູນີ່) ຜູ້ຊ່ຽວຊານລະບົບນິເວດນໍ້າຈືດ ໄດ້ບອກໄວ້ວ່າ: “ຄົນເຮົາທຸກຄົນຈະເປັນດັ່ງເຮົາເຊື່ອ ຫາກເຮົາເຊື່ອວ່າເຮົາຄວນເກັ່ງກວ່ານີ້ ເຮົາກໍຈະຊອກວິທີທີ່ເຮັດໃຫ້ເຮົາເກັ່ງຂຶ້ນ ແຕ່ຖ້າເຮົາບໍ່ເຊື່ອຕັ້ງແຕ່ຕົ້ນເຮົາກໍຈະຢຸດຢູ່ບ່ອນເກົ່າຕະຫຼອດໄປ” ສໍາລັບສາວຄົນໃດທີ່ຢາກຮູ້ເລື່ອງລາວ ແລະ ຂໍ້ຄິດດີໆຈາກສາວຄົນນີ້ເພີມຕື່ມສາມາດຕິດຕາມໄດ້ຈາກ ວາລະສານຂວັນໃຈສະບັບ 115 ເດືອນແຫ່ງຄວາມຮັກ (ກຸມພາ) 2017 ຕາມ U Express M Point Mart ແລະ Jeffy Mart ທຸກສາຂາ.

8 ວິທີແກ້ຂີ້ແຮ້ດຳແບບທຳມະຊາດ… ສະບາຍດີ ສາວໆ ພວກເພິ່ນກຳລັງມີບັນຫາ ແລະ ບໍ່ມີຄວາມໜັ້ນໃຈ ກ່ຽວກັບ ຂີ້ແຮ້ ຢູ່ແມ່ນບໍ່ ເພາະບາງຄົນອາດຈະມີບັນຫາເລື່ອງຂີ້ແຮ້ດຳ ແລະ ບາງຄົນກໍມີບັນຫາເລື່ອງຂີ້ແຮ້ເປັນຕຸ່ມບໍ່ລຽບນຽນ, ດັ່ງນັ້ນມື້ນີ້ທາງ ຂວັນໃຈ ເຮົາໄດ້ໄປຊອກເອົາວິທີເດັດໆເພື່ອເຮັດໃຫ້ຂີ້ແຮ້ຂາວ ແລະ ລຽບນຽນ ເພື່ອຈະໄດ້ໂຊກ້ອງແຂນໄດ້ຢ່າງໝັ້ນໃຈ!!! ໝາກນາວ ເອົາໝາກນາວສົດມາຝານເປັນປ່ຽງເອົາແກ່ນອອກໃຫ້ຮຽບຮ້ອຍ ຈາກນັ້ນເອົາປ່ຽງໝາກນາວຖູເບົາໆບໍລິເວນຂີ້ແຮ້ແລ້ວປະໄວ້ປະມານ 5-10 ນາທີແລ້ວລ້າງອອກ ເມຶ່ອເຮັດເປັນປະຈຳເຊວຜິວເກົ່າທີ່ຕາຍແລ້ວຈະຫຼຸດອອກ ຈະເຮັດໃຫ້ຜິວໜັງໃຕ້ວົງແຂນຂາວງາມອອກງ່າຍໆ. ໝາກຂາມປຽກ ເອົາໝາກຂາມປຽກມາປະສົມກັບນ້ຳທີ່ສະອາດ ຄັ້ນໃຫ້ເປັນເນື້ອດຽວຈາກນັ້ນປະສົມນ້ຳເຜິ້ງລົງໄປໜ້ອຍໜຶ່ງຄົນໃຫ້ເຂົ້າກັນແລ້ວໃຫ້ເອົາມາພອກແລະຂັດເບົາໆບ່ອນກ້ອງວົງແຂນປະໄວ້ປະມານ 5-10 ນາທີແລ້ວລ້າງອອກເຮັດເປັນປະຈຳ ຈະຊ່ວຍກຳຈັດຜິວໜັງບໍລິເວນຂີ້ແຮ້ທີ່ດຳໃຫ້ຂາວງາມຂຶ້ນ. ໝາກຫຸ່ງ ເອົາໝາກຫຸ່ງເຫຼືອງທີ່ຍັງບໍ່ສຸກມາປອກເປຶອກແລ້ວຝານອອກເປັນປ່ຽງ ຈາກນັ້ນເອົາໝາກຫຸ່ງມາຖູຂີ້ແຮ້ ປະມານ 5-10 ນາທີແລ້ວລ້າງອອກເຮັດເປັນປະຈຳທຸກມື້ ເອັນໄຊຂອງໝາກຫຸ່ງຈະຊ່ວຍເຮັດໃຫ້ຂີ້ແຮ້ຂາວຂຶ້ນໄດ້. ມັນຝຣັ່ງ ເອົາມັນຝຣັ່ງມາປອກເປືອກອອກແລ້ວຊອຍເປັນຕອນນ້ອຍໆ ຈາກນັ້ນເອົາໄປຟັກ ຫຼື ປັ່ນໃຫ້ລະອຽດ ແລ້ວເອົາມາພອກບໍລິເວນຂີ້ແຮ້ປະໄວ້ປະມານ 5-10 ນາທີ ແລ້ວລ້າງອອກວິີທີນີ້ຈະເຮັດອາທິດລະເທຶ່ອ ເອັນໄຊຈາກທຳມະຊາດທີ່ຢູ່ນຳມັນຝຣັ່ງຈະຊ່ວຍແກ້ຂີ້ແຮ້ດຳໃຫ້ກັບມາຂາວງາມຂຶ້ນໄດ້. ໝາກແຕງ …

ສາວໆຫຼາຍຄົນຫວັງຢາກຈະມີຜິວຂາວງາມ ຈຶ່ງຊອກຫາຫຼາຍວິທີ ຫຼື ຍອມເສຍເງິນເພຶ່ອຄວາມຂາວທີ່ມາພ້ອມກັບອັນຕະລາຍຕ່າງໆ ຈົນລືມໄປວ່າທຳມະຊາດບຳບັດ ເປັນວິທີທີ່ດີ ແລະ ປອດໄພທີ່ສຸດ. ຜິວດໍານັ້ນເກີດຈາກຫຼາຍປັດໃຈເຊັ່ນ: ແສງແດດ ມົນລະພາວະຕ່າງໆ ການເຈັບເປັນ ລວມໄປເຖິງການເຄັ່ງຄຽດສາວໆຫຼາຍຄົນເລືອກທີ່ຈະໃຊ້ວິທີແບບເລັ່ງດ່ວນເພຶ່ອເຮັດໃຫ້ຜິວຂາວງາມໂດຍອາດຈະເລຶອກໃຊ້ວສານເຄມີ ຫຼື ວິທີການອຶ່ນໆທີ່ມີລາຄາຄ່ອນຂ້າງສູງ ແລະ ສູງຫຼາຍຈົນອາດຈະເຮັດໃຫ້ເກີດການສິ້ນເປຶອງ ຫຼື ບາງເທຶ່ອກໍເປັນອັນຕະລາຍຕໍ່ຜິວໜັງຂອງສາວໆໄດ້, ມື້ນີ້ເຮົາຈະມາແນະນນຳເຄັດລັບທີ່ຈະເຮັດໃຫ້ຜິວພັນຂອງສາວໆ ງາມຂຶ້ນໄດ້ດ້ວຍວິທີທໍາມະຊາດພາຍໃນ 2 ອາທິດ ເຮົາລອງໄປເບິ່ງພ້ອມກັນເລີຍວ່າມີຫຍັງແດ່… ລ້າງໜ້າດ້ວຍນໍ້າເຜິ້ງ ຄຸນປະໂຫຍດຂອງນໍ້າເຜິ້ງຄື ຊ່ວຍເພີ່ມຄວາມຊຸ່ມຊື່ນໃຫ້ກັບຜິວໜັງ ເໝາະສຳລັບຄົນທີ່ຜິວໜັງບາງແພ້ງ່າຍພຽງແຕ່ທ່ານທານໍ້າເຜິ້ງໃສ່ຜິວໜ້າກ່ອນອາບນໍ້າແລ້ວປະໄວ້ສອງເຖິງສາມນາທີ ຈາກນັ້ນຈຶ່ງລ້າງອອກດ້ວຍນໍ້າທີ່ສະອາດທ່ານຈະສໍາພັດໄດ້ວ່າຜິວຂອງທ່ານຂາວ ແລະ ອ່ອນຂຶ້ນ. ອົບອາຍນໍ້າດ້ວຍເປຶອກໝາກນາວ ພຽງແຕ່ຕົ້ມເປຶອກໝາກນາວກັບນໍ້າ ແລະ ຖອກໃສ່ຊາມຈາກນັ້ນເອົາໜ້າໄປຮັບເອົາອາຍນໍ້າທີ່ອອກມາພຽງສອງນາທີ ແລະ ເຊັດໜ້າໃຫ້ແຫ້ງ ວິທີນີ້ຈະຊ່ວຍເປີດຮູຂຸມຂົນ ແລະ ກຳຈັດສິ່ງທີ່ເປຶ້ອນໄດ້ເປັນຢ່າງດີ ແລະ ຍັງອຸດົມໄປດ້ວຍວິຕາມິນຊີທີ່ຊ່ວຍໃຫ້ຜິວໜັງສະຫວ່າງໃສຂຶ້ນ. ຂັດຜິວດ້ວຍນໍ້າໝາກພ້າວ ພຽງແຕ່ຜະສົມແປ້ງເຂົ້າຈ້າວ 2 ບ່ວງແກງ ກັບນໍ້າມັນໝາກພ້າວ ແລະ ນວດໃຫ້ເຂົ້າກັນ ຈາກນັ້ນເອົາມານວດໃສ່ໃບໜ້າວິທີນີ້ຈະຊ່ວຍປັບສີຜິວໃຫ້ຂາວຂຶ້ນ. …

ເພັນມາລີ ມີຄວາມຮັກມັກດ້ານການບັນເທີງເປັນຊີວິດຈິດໃຈມາຕັ້ງແຕ່ນ້ອຍ ແລະ ມີປະສົບການທາງດ້ານນີ້ມາຫຼາຍປີ  ບໍ່ວ່າຈະເປັນເດີນແບບ, ຜູ້ບັນຍາຍ, ສະແດງລະຄອນ, ຜູ້ປະກາດຂ່າວ, DJ ລາຍການວິທະຍຸ, ພິທີກອນໂທລະພາບ ແລະ MC. ອີກທັງຍັງເປັນຜູ້ກໍ່ຕັ້ງ ບໍລິສັດ ທີ່ໃຫ້ບໍລິການດ້ານຜະລິດສື່ບັນເທີງ ຫຼື Production House ຍ້ອນມີຄວາມຮູ້ ຄວາມສາມາດ ແລະ ເຄີຍຜ່ານວຽກດ້ານນີ້ມາຫຼາຍກວ່າ 10 ປີ. ຊື່: ນາງ ເພັນມາລີ ມ. ພົນເສນາ, ອາຍຸ 36 ປີ, ການສຶກສາ ຈົບປະລິນຍາຕີຄະນະອັກສອນສາດ, ຜູ້ອຳນວຍການ ບໍລິສັດ Chillax Productions ທັງເປັນຜູ້ອຳນວຍການຜະລິດ ແລະ ຜູ້ກຳກັບການສະແດງ ຫາກທ່ານໃດສົນໃຈຢາກຮູ້ລາຍລະອຽດເພີ່ມຕື່ມກ່ຽວກັບຈຸດເລີ່ມຕົ້ນຂອງການກໍຕັ້ງບໍລິສັດ ແລະ ຊີວິດຂອງແມ່ຍິງຄົນນີ້ຫຼາຍຂຶ້ນ ທ່ານສາມາດອ່ານໄດ້ໃນ ວາລະສານຂວັນໃຈ ສະບັບ ເດືອນພະຈິກ 2016 …