Breaking News

Huawei ມີສີ່ງທີ່ເຮັດໃຫ້ ແອ່ນນີ້ ແປກໃຈ ແລະ ຕື່ນເຕັ້ນ ກັບການພັດທະນາທຸກຄັ້ງ

ແບ່ງປັນ

ນາງ ທິວາພອນ ຈັນທຣະສົມບູນ (ແອ່ນນິຕ້າ)

ອາຊີບ: ພິທີກອນ, ນັກສະແດງ, ນາງແບບ, ນັກຮ້ອງ

14799029_1140722689350269_285157463_n

ສະບາຍດີ! ທ່ານຜູ້ອ່ານວາລາສານຂວັນໃຈ.. ໃນສະບັບນີ້ ຈະພາທຸກທ່ານໄປຮູ້ຈັກກັບ ແມ່ຍິງທີ່ທັງເກັ່ງທັງງາມ ມີປະສົບການໃນວົງການບັນເທີງມາດົນພໍສົມຄວນ ດ້ວຍນິດໄສ ບວກກັບບຸກຄະລິກທີ່ດີ ພ້ອມກັບຮູບຮ່າງ ແລະຮອຍຍີ້ມອັນສົດໄສ ນອກນັ້ນຍັງມີຄວາມສາມາດທັງໃນຈໍແລະນອກຈໍກໍຄື: ເປັນທັງດາຣາ ແລະ ຜູ້ບໍລິຫານນໍາອີກ ຈຶ່ງເຮັດໃຫ້ ຂວັນໃຈ ພາດ…ບໍ່ໄດ້ກັບການສຳພາດແບບເຈາະເລີກກັບຜົນງານຂອງ ແອ່ນນິຕ້າ ທິວາພອນ ຈັນທຣະສົມບູນ.

  1. ປັດຈຸບັນເຮັດວຽກກ່ຽວກັບຫຍັງແດ່?

ປັດຈຸບັນ ວຽກຫຼັກຂອງ ແອ່ນນິຕ້າ ກໍຄື ບໍລິຫານການຕະຫຼາດໃຫ້ກັບ ແບຼນເຄື່ອງປະດັບເພັດ ວຽງຄຳ “Jewellery Viengkham” ຄ້າຂາຍກ່ຽວກັບ ວັດຖຸມີຄ່າເຊັ່ນ: ເພັດ, ພອຍ, ຄຳ ເຫຼົ່ານີ້ເປັນຕົ້ນ.. ພ້ອມກັບອີກວຽກຫນື່ງທີ່ເຮັດຄວບຄູ່ກັນມາຕະຫຼອດຕັ້ງແຕ່ອາຍຸ 15 ປີ ກໍຄື: ວຽກໃນວົງການບັນເທີງລາວ ເຊິ່ງເລີ່ມຕົ້ນຈາກການເປັນພິທີກອນລາຍການໂທລະພາບ, ໂທລະໂຂ່ງ, ຖ່າຍແບບ, ຮ້ອງເພງ ແລະ ອີກຫຼາຍໆຢ່າງ ເຊິ່ງເປັນວຽກທີ່ມ່ວນ ແລະ ເປັນວຽກທີ່ ແອ່ນນິ ຮັກສຸດໃຈ.

  1. ຄິດວ່າຕົນເອງມີພອນສະຫວັນດ້ານໃດແດ່?

ສຳລັບ ແອ່ນນິຕ້າ ຄິດວ່າຕົນເອງບໍ່ໄດ້ມີ ພອນສະຫວັນດ້ານໄດທີີສັດເຈນ ເພາະທຸກວຽກງານ ແມ່ນຕ້ອງມີການຮຽນຮູ້ຂໍ້ຜິດພາດ ຈົນເຮັດໃຫ້ ເປັນຕາໜ້າອາຍ ກາຍເປັນເລື່ອງປົກກະຕິ ໂດຍອັດຕະໂນມັດໄປແລ້ວ ແລະ ຕ້ອງໃຊ້ຄວາມພະຍາຍາມໃຫ້ຫຼາຍຂື້ນ ເພື່ອໃຫ້ມີຜົນງານທີ່ດິຂື້ນກວ່າເກົ່າ ຍ້ອນວ່າ ແອ່ນນີ້ ຢູ່ໃນວົງການບັນເທີງລາວ ບໍ່ໄດ້ມີຊື່ສຽງພຽງຂ້າມຄືນ ແຕ່ແອ່ນນີ້ໄດ້ຊື່ສຽງນັ້ນມາດ້ວຍຜົນງານຕາມຂັ້ນຕອນ ແລະ ຕາມການພັດທະນາຂອງແອ່ນນີ້ທີ່ດີຂື້ນເລື້ອຍໆດ້ວຍຕົນເອງ ແລະ ປັດຈຸບັນ ແອ່ນນີ້ ກໍ່ຍັງຄິດວ່າ ຕ້ອງຮຽນຮູ້ສີິ່ງໃຫມ່ໆໄປເລື່ອຍໆ ເພາະມີເຕັກກນິກອື່ນໆອີກຫຼາຍຢ່າງ ທີີເຮົາສາມາດຫມູນໃຊ້ໃນການເຮັດວຽກຂອງເຮົາຕື່ມອີກ.

14800770_1140722759350262_401828149_n

  1. ແອ່ນນີ້ ຄິດວ່າການນອກໃຈເກີດຂຶ້ນຍ້ອນຫຍັງ ແລະ ມີວິທີ່ແກ້ໄຂແນວໃດ?

ສຳລັບເລື່ອງຄວາມຮັກ ຫຼື ການນອກໃຈ ໃນຄວາມຄິດຂອງແອ່ນນີ້ແມ່ນ ບໍ່ມີໃຜຜິດໃຜຖືກ ມັນເປັນເລື່ອງຂອງຄວາມຮູ້ສຶກ ຄວາມຕ້ອງການ ແລະ ຄວາມມີສະຕິຢັບຢັ້ງການເພີໃຈ ຂອງຕົນເຮົາເອງໄດ້ຫຼາຍຊຳໃດ ເພາະການໃຊ້ຊິວິດຄູ່ນຳກັນ ພໍໄດ້ໄລຍະຫນື່ງແລ້ວຈະຮູ້ ວ່າມັນຍັງມີອີກຫຼາຍໆປັດໃຈທີ່ເປັນເຫດຜົນເຮັດໃຫ້ເຮົາໃຊ້ຊິວິດຢູ່ນຳກັນໄດ້ ຮັກກັນຄິດວ່າຍາກແລ້ວ ແຕ່ຈະປະຄອງຮັກໃຫ້ຢູ່ນໍາກັນໄດ້ດົນນານນັ້ນ ແອ່ນນີ້ ຄິດວ່າ: ເປັນເລື່ອງຍາກຍິ່ງກວ່າ. ສຳລັບ ແອ່ນນີ້ເອງ ຄິດວ່າຄວາມຮັກໃນຕອນນີ້ມີຄວາມສຸກທີ່ຢູ່ນຳກັນ ແຕ່ຖ້າມື້ຫນື່ງຄວາມຮູ້ສຶກມັນປ່ຽນ ເຮົາກໍ່ຈະປ່ອຍມັນໄປຕາມທຳມະຊາດ ຕາມຫົວໃຈທີ່ເຮົາຢາກໃຫ້ເປັນ ແຕ່ຕ້ອງເຮັດຫນ້າທີ່ ຮັບຜິດດຊອບຂອງເຮົາໄວ້ຄືເກົ່າໃຫ້ໄດ້ກໍພໍ.

  1. ສະເໜ ແລະ ຈຸດເດັ່ນຂອງທ່ານຢູ່ນ່ອນໃດ?

ສະເໜ ແລະ ຈຸດເດັ່ນຂອງແອ່ນນີ້ ແມ່ນຊີວິດປະຈໍາວັນທີ່ມີຕົວຊ່ວຍໃນການເພີ່ມໃຫ້ຊີວິດດູດີຂຶ້ນ ມານັ້ນກໍຄື ໂທລະສັບ Huawei ເພາະມັນເຮັດໃຫ້ແອ່ນນີ້ ແປກໃຈແລະຕື່ນເຕັ້ນ ກັບການພັດທະນາ ຂອງຜະລິດຕະພັນນີ້ທຸກຄັ້ງ ເຊັ້ນດຽວກັບຄັ້ງນີ້ Huawei p9 ເຮັດໃນສີ່ງທີ່ ບໍ່ມີ Smart Phone ລຸ້ນໃດເຄີຍເຮັດມາກ່ອນ ແຖມຍັງສະເປັກເຄື່ອງສູງ ແຕ່ລາຄາດີຈົນໜ້າເຫຼືອເຊື່ອ.

14580341_1140722092683662_1831571420_n

  1. ຍ້ອນຫຍັງຈິ່ງມັກໃຊ້ໂທສັບຫົວເຫວີຍເປັນພິເສດ?

ແອ່ນນິຕ້າເລີີ່ມໃຊ້ໂທລະສັບHuawei ຕັ້ງແຕ່ລຸ້ນ Honor 6 ທີ່ມັກກໍ່ຍ້ອນຄວາມຄຸ້ມຄ່ານິແລະ ລາຄາກໍຖືກເລີຍຊື້ມາລອງໃຊ້ ໃນເວລາ ແອ່ນນີິ້ ໄປທ່ຽວ EU ແອ່ນນີ້ huawei Honor 6 ນິແລະຖ່າຍຮູບຫມົດທລີບເລີຍ ຫາກບໍ່ເຊື່ອລອງເຂົ້າໄປເບິ່ງໃນ FB ໄດ້ວ່າຮູບທີ່ຖ່າຍໂດຍກ້ອງມືຖືທຳມະດາ ຂອງ Huawei honor6 ເປັນຈັ່ງໃດ (Alum Annita&ty EU) ແລະແນ່ນອນວ່າ Huawei ຈັບມືກັບ Leica camera ໂດຍອອກ Smart phone ລຸ້ນ Huawei P9 ມາໃຫ້ເຮົາໄດ້ຕື່ນເຕັ້ນອີກຄັ້ງ ແອ່ນນີ້ ບໍ່ພາດທີ່ຈະຊື້ມາໃຊ້ຢູ່ແລ້ວ ຖ່າຍຮູບ ໄດ້ຄົມແຈ້ງທີ່ສຸດກັບ Huawei p9 Leica Duo Camera ລຸ້ນນີ້ເທົ່ານັ້ນ.

  1. ເຄັດລັບຮັກສາຄວາມງາມສຳລັບທ່ານ?

ແນ່ນອນວ່າເປັນແມ່ລູກ 2 ແລ້ວ ແລະ ເຮັດວຽກໃນວົງການບັນເທີງ ການຮັກສາຮູບຮ່າງຄວາມງາມ ເປັນສິ່ງຈຳເປັນຫຼາຍ ແອ່ນນີ້ໄດ້ເນັ້ນໃນເລື່ອງການກິນເປັນພິເສດ ເມື່ອຫິວກໍຈະກິນໃຫ້ອີ່ມ ກິນຫຼາຍຈົນຄົນທ້ວງວ່າກີນຫຼາຍແທ້! ເມື່ອຮອດເວລາຫຼູດນໍ້າໜັກ ແອ່ນນີ້ກໍຈະຫຼູດຜ່ອນການກິນຈຳພວກແປ້ງ, ເຂົ້າ, ນໍ້າຕານ 3-4 ມື້ໂດນກິນແຕ່ຊີ້ນ, ຜັກ, ຫມາກໄມ້ ແລະອອກກໍາລັງກາຍສະເພາະສ່ວນ ເມື່ອແອ່ນນີ້ເມື່ອຍກໍຈະດື່ມນໍ້າອັດລົມເປັນບາງເວລາເທົ່ານັ້ນ

  1. 14627776_1140722312683640_1521112018_nຄວາມງາມທີ່ແທ້ຈິງສຳລັບແອ່ນນີ້ແມ່ນມາຈາກໃສ່?

ຄວາມງາມທີ່ແທ້ຈິງຄືການເອື້ອເຟື້ອເພື່ອແພ່ເພື່ອນມະນຸດດ້ວຍກັນ ຫາກຕ້ອງການການປະຕິບັດຈາກຄົນອື່ນແບບໃດ ເຮົາເອງກໍ່ຄວນຈະປະຕິບັດແບບນັ້ນນຳຄົນອື່ນແບບດຽວກັນ ໂດຍບໍ່ມີການເອົາປຽບໃຜ ແຕ່ແອ່ນນີ້ເອງ ຈະບໍ່ຍອມໃຫ້ໃຜມາເອົາປຽບຕົນເອງ ແລະ ຄົນໃນຄອບຄົວເດັດຂາດ ຍ້ອນຄອບຄົວເຮົາສອນກັນມາແບບນີິ້ ຖ້າມີການເຮັດວຽກທີ່ບໍ່ເປັນໄປຕາມແຜນ ຫຼື ເສຍເວລາໂດຍບໍ່ຈຳເປັນ ແອ່ນນີ້ ຈະມີອາການບໍ່ສະບາຍໃຈທັນທີີທີ່ຈະເຮັດວຽກຕໍ່ ເພາະແອ່ນນີ້ ຄິດວ່າວຽກຈະອອກມາດີໄດ້ນັ້ນ ກໍຕໍ່ເມື່ອສຸກະພາບຈິດໃນຕອນນັ້ນດີ.

  1. ວິທີແກ້ໄຂຄວາມທໍ້ໃຈຂອງ ແອ່ນນີ້ ?

ຊ່ວງທີ່ເມື່ອຍໃຈ ຫຼື ຮູ້ສຶກທໍ້ ສ່ວນຫຼາຍແອ່ນນີ້ ຈະຄິດຫາແຕ່ຄົນທີ່ຮັກເຮົາ ເຊັ່ນຄອບຄົວ ໝູ່ເພື່ອນ ແຟນໆທີ່ຮັກໃນຕົວເຮົາແທ້ໆ ກໍ່ຈະເຮັດໃຫ້ເຮົາສົດຊື່ນ ແລະສະບາຍໃຈຂື້ນ ເພາະເຮົາບໍ່ສາມາດ ເຮັດໃຫ້ຖືກໃຈໄດ້ຫມົດທຸກຄົນ ມີທັງຄົນທີ່ສະໜັບສະໜູນ ແລະບໍ່ໜັບສະໜູນຢູ່ແລ້ວ ແລະ ບໍ່ມີອັນໃດຢູ່ຖາວອນໄດ້ ສິ່ງສຳຄັນແມ່ນເຮັດທຸກຢ່າງ ທີ່ເຮົາໄດ້ຮັບຫນ້າທີ່ມອບໝາຍມາໃຫ້ດີທີ່ສຸດກໍພໍ. ຈຶ່ງບໍ່ຕ້ອງມານັ່ງເສຍໃຈພາຍຫຼັງ ຖ້າເປັນແບບນັ້ນ 3 ເດືອນຜ່ານໄປ ແອ່ນນີ້ ກໍຍັງຈົ່ມໃຫ້ໂຕເອງຢູ່ແນ່ນອນ 55555.

14801227_1140722359350302_36716040_n

9. ບັນຍາກາດຂອງການຖ່າຍແບບ ວາລະສານຂວັນໃຈ ເປັນແນວໃດ?

ແອ່ນນິຕ້າຂື້ນປົກກັບວາລະສານຂວັນໃຈ ຄັ້ງນີ້ເປັນຄັ້ງທີ່ 5 ແລ້ວ ແນ່ນອນວ່າຕ້ອງມີຄວາມເປັນກັນເອງ ກັບທີມງານເປັນຢ່າງດີ ສາມາດ ຄອມເມັ້ນ ແລະ ກໍໄດ້ປະສົບການໃຫມ່ໆ ກ່ອນກັບບ້ານທຸກຄັ້ງ ເພາະຈະມີເລື່ອງມາເລົ່າສູ່ຄົນຮູ້ຈັກຟັງຢູ່ຕະຫຼອດ 5555 ມ່ວນດີ.

  1. ສຸດທ້າຍຝາກຜົນງານ?

ຝາກຕິດຕາມວາລະສານຂວັນໃຈວະບັບນີິ້ ແລະ ໃນໄວໆນີ້ແອ່ນນີ້ ກຳລັງຈະປ່ອຍເອັມວີເພງ SexyBoy ອອກມາໃຫ້ທຸກຄົນໄດ້ເຊົາຄິດຮອດກັນແລ້ວ ແລະ ຫວັງວ່າທຸກຄົນຈະໃຫ້ການຕອນຮັບທີີອົບອຸ່ນເໝືອນທຸກຄັ້ງຕະຫຼອດມາ ເພາະແອ່ນນີ້ ແລະ ທີມງານທຸກຄົນໄດ້ຕັ້ງໃຈ ເຮັດວຽກເຕັມທີ່ ສຸດຄວາມສາມາດ ເພື່ອມອບສິ່ງທີ່ດີທີີ່ສຸດສຳລັບແຟນໆທຸກຄົນ ແລະ ຫວັງວ່າທຸກຄົນຈະເປັນກຳລັງໃຈໃຫ້ພວກເຮົາແດ່ເດີິ ຂອບໃຈ ແລະ ຮັກທີີສຸດ

 

ແບ່ງປັນ