Kuanjai Magazine
ໃກ້ມື້ເຂົ້າມາແລ້ວກັບງານໃຫ່ຍລະດັບປະເທດ VangVieng Music Fest 2017 ທີ່ຈັດຂຶ້ນໂດຍ ບໍລິສັດ ສາມາດ ຈຳກັດ ຈະຈັດຂຶ້ນໃນວັນທີ 15-16 ທັນວາ 2017 ນີ້, ເຊິ່ງແຟນໆຫຼາຍຄົນທີ່ເປັນສາວົກຂອງງານ ວັງວຽງ ມິວສິກ ເຟສ ຕົວຈິງສຽງຈິງກໍຈະຮູ້ ແລະ ຕິດຕາມຄວາມເຄື່ອນໄຫວຂອງງານກັນຢ່າງໜຽວແໜ້ນ ແຕ່ສຳລັບແຟນໆທ່ານໃດທີ່ຍັງບໍ່ແນ່ໃຈວ່າລາຍລະອຽດຂອງງານນັ້ນມີແນວໃດແທ້? ມາໆ…ນຳ ຊະນີIndy ມາຕິດໆ ເພາະຈະມີລາຍລະອຽດ ແລະ ຈຸດປະສົງຂອງການຈັດງານ VangVieng Music Fest 2017 ມາຝາກກັນດັ່ງຕໍ່ໄປນີ້:
- ງານເທສະການດົນຕີ VangVieng Music Fest 2017 ສະຖານທີ່ ແມ່ນຈັດຢູ່ ຖໍ້າລົມ ມ. ວັງວຽງ ເຊິ່ງເປັນຈຸດກຳເນີດຂອງງານ ແລະ ຍັງຈະດຳເນີນສືບຕໍ່ຈັດງານເທສະການດົນຕີໃຫ້ແຟນໆໄດ້ ມ່ວນ ມັນ ກັບສຽງດົນຕີ ແລະ ສຳຜັັດກັບບັນຍາກາດດີໆຂອງ ມ. ວັງວຽງ ຕະຫຼອດໄປ
- ໃນປີນີ້ ງານຈະຈັດຂຶ້ນໃນວັນທີ 15-16 ທັນວາ 2017 (ຢ່າລືມມາລະເບີດຄວາມມັນກັບພວກເຮົາເດີ້)
- ເພື່ອເອົາໃຈຄົນທີ່ມັກ ແລະ ຮັກ ໃນສຽງດົນຕີ ແມ່ນທາງຜູ້ຈັດງານເພິ່ນກໍຈັດໃຫ້ ໂດຍປີນີ້ຂົນສີລະປິນດັງໆມາຢ່າງໜາແໜ້ນ ທັງສິນລະປິນລາວ ແລະ ຕ່າງຊາດ, ແຖມລາຄາບັດເຂົ້າງານກໍຖືກແສນຖືກພຽງ 70,000 ກີບ (ໂອ່ຍ…ຫາໃສໄດ້) ຂໍບອກເດີ້ງານນີ້ຄຸ້ມອີ່ຫລີ
- ເພື່ອຕ້ອງການສ້າງຄວາມສຸກໃຫ້ຄົນທີ່ຮັກວັງວຽງຢ່າງແທ້ຈິງ
- ສ້າງເປັນເທສະການໃຫ່ຍທີ່ສຸດ ເວົ້າໄດ້ເລີຍວ່າລະດັບປະເທດພຸ້ນລະ
- ແລະທີ່ສຳຄັນແມ່ນຈຸດປະສົງຫຼັກໆ ເລິຍກໍຄືເພື່ອສົ່ງເສີມການທ່ອງທ່ຽວ ແລະ ເສດຖະກິດຂອງ ມ. ວັງວຽງ ໃຫ້ດີຂຶ້ນໄປເລື້ອຍໆ…
ເປັນແນວໃດ? ໄດ້ຮູ້ຈຸດປະສົງຫຼັກໆຂອງງານ VangVieng Music Fest 2017 ກັນແບບຄ່າວໆກັນໄປແດ່ແລ້ວ ແຕ່ຂໍບອກກ່ອນເດີ້ວ່າ ຮູ້ໄປກໍເທົ່ານັ້ນຖ້າບໍ່ໄປສຳຜັດກັບງານດ້ວຍຕົວເອງ ຢ່າລືມມາລະເບີດຄວາມມັນກັບພວກເຮົາເດີ້ 15-16 ທັນວາ ນີ້ ຮັບຮອງເຈິ ຊະນີIndy ເຕັ້ນຢູ່ໜ້າເວທີແນ່ນອນ (ຮະຮະ).
ໃຜບໍ່ໄປລະວັງຕົກກະແສ ດຽວລົມກັບໝູ່ບໍ່ຮູ້ເລື່ອງ ແລ້ວສິຫາວ່າບໍ່ເຕືອນເດີ້!!!
