ປີໜຶ່ງຜ່ານໄປຊ່າງເປັນຫຍັງທີ່ໄວເຫຼືອເກີນ ໂບກມືບ່າຍໆອຳລາຕຳແໜ່ງເປັນທີ່ຮຽບຮ້ອຍແລ້ວສຳລັບ ຟ້າໃສ ຈິນນາລີ ນໍລະສິງ MISS GRAND LAOS 2017 ຂວັນໃຈອີກຄົນໜຶ່ງຂອງພໍ່ແມ່ພີ່ນ້ອງປະຊາຊົນລາວ ເຊິ່ງໃນຄໍ່າຄືນຂອງວັນທີ 24 ມີນາ 2018 ທີ່ຜ່ານມາກໍໄດ້ມີການຈັດງານປະກວດ MISS GRAND LAOS 2018 ແລະ ເຮົາກໍໄດ້ມິສແກຣນຄົນໃໝ່ມາເຮັດໜ້າທີ່ປະຕິບັດພາລະກິດຕໍ່ຈາກ ນ້ອງ ຟ້າໃສ ຈິນນາລີ ແລະ ໃນເວທີດັ່ງກ່າວ ນ້ອງ ຟ້າໃສ ຂອງເຮົາກໍໄດ້ຂໍອຳລາຕຳແໜ່ງໄປດ້ວຍຄວາມສະຫງ່າງາມ.
ນ້ອງ ຟ້າໃສ ຈິນນາລີ ກໍຍັງໄດ້ໂພສຂໍ້ຄວາມຂອບໃຈທຸກໆຄົນຢ່າງສຸດຊຶ້ງວ່າ: “ຟ້າໃສ ຈິນນາລີ ນໍລະສິງ Miss Grand Laos 2017 ແຕ່ຖ້າບໍ່ມີທຸກຄົນ, ຟ້າບໍ່ແມ່ນຫຍັງເລີຍ.. ” ຍັງຈື່ໄຟຂອງການເຊຍໄດ້ດີ.. ຈື່ກຳລັງໃຈລົ້ນຫຼາມ , ຂອບໃຈຜູ້ໃຫຍ່ທີ່ໃຫ້ໂອກາດ, ຂອບໃຈທີວີລາວຜູ້ທີ່ກ້ານຳເອົາເວທີລະດັບໂລກເຂົ້າສູ່ປະເທດເພື່ອເຮົາຊາວລາວທຸກຄົນ, ຂອບໃຈເອື້ອຍອ້າຍທີມງານ ສະປອນເຊີທຸກໆເຈົ້າທີ່ເປັນຜູ້ຢູ່ເບື່ອງຫຼັງໃຫ້ ເສື້ອຜ້າ ໜ້າຜົມ ກ້ອງໄຟ ອອກມາສວຍງາມຕະຫຼອດ, ຂອບໃຈປ໋າ ມ໊າ ນ້ອງສາວຂີ້ດື້ ພີ່ນ້ອງ ໝູ່ທຸກໆຄົນສຳລັບຄວາມຮັກທີ່ບໍ່ສິ້ນສຸດ, ຂອບໃຈຄູອາຈານ ທີ່ເພິ່ນກໍກົດ like ກົດ share ເຮົາເຊົ່ນກັນ ພໍນອກເຄື່ອງແບບ, ຂອບໃຈນັກຂ່າວ ຂອບໃຈສື່ທຸກໆສຳນັກງານ ທີ່ຄອຍສະໜັບສະໜຸນຕະຫຼອດມາ, ຂອບໃຈແຟນໆນາງງາມທຸກຄົນທີ່ຕິດຕາມ.. #ທຸກຄົນທີ່ເຊຍລາວ ຂອບໃຈເດີ້ ເຖິງເຮົາຈະບໍ່ເຄີຍຮູ້ຈັກກັນມາກ່ອນ ແຕ່ຟ້າດີໃຈທີ່ເສັ້ນທາງນີ້ ເຮັດໃຫ້ເຮົາໄດ້ມາເຈິກັນ.. ຄົນລາວສາມັກຄີສຸດສຸດ.. ທຸກຄົນແຮງເຮັດໃຫ້ຟ້າພູມໃຈ (ສຸດສຸດ) ທີ່ໄດ້ເກີດເປັນຄົນລາວ ທີ່ໄດ້ປະກາດຊື່ປະເທດໃນເວທີໂລກ ທີ່ໄດ້ເຫັນ #ຕ່າງຊາດຢືນຕົບມື ໃຫ້ກັບຊຸດປະຈຳຊາດຂອງລາວເຮົາ ຟ້າຈະຂໍມີມຸງກຸດເທິງຫົວ.. ແລະມີມຸງກຸດໄວ້ໃນໃຈຕະຫຼອດໄປ”
ຟ້າໃສ! ຈິນນາລີ ນໍລະສິງ? MISS GRAND LAOS 2017ແຕ່ຖ້າບໍ່ມີທຸກຄົນໃນມື້ນີ້.. ຟ້າຊິແມ່ນໃຜ?"ຂອບໃຈ.. ຈາກໃຈ"Fasai Chinnaly Norasing
โพสต์โดย Chinnaly บน 24 มีนาคม 2018
ສະຫງ່າງາມທີ່ສຸດ, ຢ່າລືມເປັນກຳລັງໃຈໃຫ້ ນ້ອງ ຟ້າໃສ ຈິນນາລີ ນໍລະສິງ ດ້ວຍການກົດໄລ້ ກົດແຊຣໄປ!!!
ຮູບພາບຈາກ: Fasai Chinnaly Norasing