ເຫັນມີຫຼາຍຄົນກຳລັງງົງໆ ແລະ ຖາມກັນເຂົ້າມາຫຼາຍເລີຍວ່າ Miss Universe Laos 2018 ໃນປີນີ້ແມ່ນ ຮອງອັນດັບໜຶ່ງຂອງ Miss Universe Laos 2017 ຂອງປີກາຍ ແມ່ນແທ້ໆບໍ່?
ດັ່ງນັ້ນເພື່ອເປັນການໄຂຄວາມສົງໃສ ໃນມື້ນີ້ ຊະນີIndy ເລີຍມີຂ່າວມາເລົ່າໃຫ້ແຟນໆຟັງວ່າ Miss Universe Laos 2018 ນັ້ນກໍ່ຄື ອອນອະນົງ ຫອມສົມບັດ ເຊິ່ງແຟນໆເຂົ້າໃຈຖືກຕ້ອງແລ້ວ ເພາະນາງເປັນ ຮອງອັນດັບ 1 ຂອງ Miss Universe Laos 2017 ແລະ ໄດ້ຮັບການແຕ່ງຕັ້ງຈາກກອງປະກວດ ໃຫ້ໄປເປັນຕົວແທນສາວງາມຈາກປະເທດລາວ ເພື່ອໄປຊິງມົງກຸດໃນເວທີ ນາງງາມຈັກກະວານໂລກ (Miss Universe 2018) ທີ່ຈະຈັດຂຶ້ນໃນວັນທີ 16 ທັນວາ 2018 ທີ່ປະເທດປະເທດໄທ.
ແລະ ໃນວັນທີ 3 ສິງຫາ 2018 ທີ່ຜ່ານມາ ອອນອະນົງ ຫອມສົມບັດ ກໍ່ໄດ້ຮັບມົງກຸດ ແລະ ສາຍສະພາຍປະຈຳຕໍາແໜ່ງຢ່າງເປັນທາງການເປັນທີ່ຮຽບຮ້ອຍແລ້ວ ໂດຍມີ ນຸ້ຍ ສຸພາພອນ ສົມວິຈິດ Miss Universe Laos 2017 ມາມອບມົງກຸດ ສວມໃສ່ໃຫ້ຢ່າງງົດງາມ.
(ຢ່າງໃດຄົນລາວເຮົາກໍ່ຢ່າລືມກຽມເຊຍ ແລະ ສົ່ງກຳລັງໃຈໃຫ້ກັບ ອອນອະນົງ ຫອມສົມບັດ Miss Universe Laos 2018 ກັນນຳເດີ້ #ເຊຍລາວສຸດໃຈ)
ຂໍຂອບໃຈສຳລັບຮູບພາບ: target magazine, Miss Universe Laos ມີສຢູນີເວີຣສ ລາວ