ເອົາຄົນທີ່ກໍາລັງຢາກຫຼຸດນໍ້າໜັກຢ່າງຈິງຈັງ ຂວັນໃຈ ກໍເລີຍໄດ້ຮວບຮວມເອົາອາຫານເພື່ອສຸຂະພາບ ທີ່ຫາຊື້ໄດ້ຕາມຮ້ານຄ້າທົ່ວໄປມາແນະນໍາໃຫ້ ສາມາດເລືອກຊື້ກິນໄດ້ງ່າຍໆ ບໍ່ແພງ ບໍ່ຕ້ອງຢ້ານຕຸ້ຍມາຝາກ ແຖມຍັງມີລົດຊາດທີ່ແຊບອີກດ້ວຍ.
- ນົມຖົ່ວເຫຼືອງທີ່ບໍ່ມີນໍ້າຕານ
ນົມຖົ່ວເຫຼືອງທີ່ບໍ່ມີນໍ້າຕານ ມີປະໂຫຍດຫຼາກຫຼາຍ ເພາະມີໄຂມັນໜ້ອຍ ໂຊດ້ຽມ (Sodium)ຕໍ່າ, ໃຍອາຫານ (Fiber) ສູງ ຊ່ວຍໃຫ້ການເຄື່ອນໄຫວຂອງລະບົບທາງເດີນອາຫານເຮັດວຽກເຄື່ອນຕົວໄດ້ດີ ອີກທັງຍັງຫຼຸດຜ່ອນການຂັບຖ່າຍຍາກໄດ້ອີກດ້ວຍ ຫຼັງຈາກອອກກໍາລັງກາຍແລ້ວ ແນະນໍາໃຫ້ດື່ມນົມຖົ່ວເຫຼືອງ 1 ຈອກ ກໍຍັງຊ່ວຍສ້າງກ້າມຊີ້ນໄດ້ເປັນຢ່າງດີ
- ເຄື່ອງດື່ມທີ່ມີໃຍອາຫານສູງ
ເຄື່ອງດື່ມທີ່ມີໃຍອາຫານສູງ ບໍ່ວ່າຈະເປັນ ເຄື່ອງດື່ມເຂົ້າບາເລ້ (Barley), ນໍ້ານົມເຂົ້າ ແມ່ນຊ່ວຍໃຫ້ສາວໆອີ່ມໄວ້ ກະຕຸ້ນການເຜົາຜານອາຫານ ຫຼຸດການເກີດໂຄເລສເຕີໂຣລ (Cholesterol)ແຕ່ແນະນໍາໃຫ້ເລືອກເຄື່ອງດື່ມທີ່ບໍ່ມີນໍ້າຕານ ເພາະໃຫ້ພະລັງງານ (Calories) ຕໍ່າ ບໍ່ດັ່ງນັ້ນກໍບໍ່ມີປະໂຫຍດທີ່ສາວໆຈະຫຼຸດນໍ້າໜັກ
- ອາຫານປະເພດຊີຣຽວ (Cereals) + ນົມສົ້ມ
ເລືອກຊື້ນົມສົ້ມກິນຄູ່ກັບຊີຣຽວ (Cereals) ໃນຕອນເຊົ້າ ຫຼື ເວລາຢາກກິນເຂົ້າໃນຕອນກາງຄືນ ກໍຊ່ວຍສ້າງຄວາມສົມດຸນທາງໂພຊະນາການ ບໍ່ເຮັດໃຫ້ຕຸ້ຍແລ້ວຍັງຢູ່ທ້ອງອີກດ້ວຍ
- ໄຂ່ຕົ້ມ
ໄຂ່ອຸດົມໄປດ້ວຍໂປຣຕີນ (Protein), ວິຕາມິນ ແລະ ສານອາຫານທີ່ມີປະໂຫຍດ ເພີ່ມພູມຕ້ານທານພະຍາດຕ່າງໆໄດ້ເປັນຢ່າງດີ ການກິນໄຂ່ຕົ້ມຕອນເຊົ້າຈະຊ່ວຍກໍາຈັດຄວາມຢາກອາຫານ ອີກທັງຍັງໃຫ້ພະລັງງານສູງ.
- ສະຫຼັດ
ຄວາມຈິງແລ້ວການກິນສະຫຼັດນັ້ນຈະຕຸ້ຍ ຫຼື ບໍ່ນັ້ນ ສ່ວນໜຶ່ງຢູ່ທີ່ນໍ້າສະຫຼັດ ແນະນໍາໃຫ້ເລືອກກິນສະຫຼັດກັບນໍ້າໃສ ຫຼື ນໍ້າມັນໝາກກອກປະສົມນໍ້າສົມສາຍຊູ ສາມາດຊ່ວຍຫຼຸດຄວາມຕຸ້ຍໄດ້ເປັນຢ່າງດີ.
ທີ່ມາ: ວາລະສານ ຂວັນໃຈ
ຮູບພາບ (google)