ຊ່ວງນີ້ຂ່າວໂກອິນເຕີ ອອກໄປໂຊຄວາມສາມາດຂອງສິລະປິນລາວຖືວ່າມີມາແບບບໍ່ຂາດສາຍ ຫຼ້າສຸດ ນໍ້າຝົນ ອິນທະວົງ ນັກຮ້ອງສາວລາວເຮົາ ຈາກຄ້າຍເພງ Indee Records ໄດ້ເດີນໜ້າໂກອິນເຕີຮ່ວມສະແດງຮູບເງົາ “FRIEND ZONE ລະວັງສິ້ນສຸດທາງເພື່ອນ” ທີ່ປະເທດເພື່ອນບ້ານ, ເຊິ່ງງານນີ້ຖືວ່າບໍ່ທຳມະດາກັນເລີຍເດີ້ ເພາະນາງໄດ້ຮ່ວມສະແດງກັບ ນາຍ ນະພັດ ແລະ ໃບເຟີນ ພິມຊະນົກ ເຊິ່ງທັງ 2 ເປັນອີກໜຶ່ງນັກສະແດງຂອງປະເທດເພື່ອນບ້ານທີ່ມີຄວາມສາມາດ ແລະ ກຳລັງມາແຮງທີ່ສຸດໃນເວລານີ້…
ສຳລັບ ນໍ້າຝົນ ອິນທະວົງ ແມ່ນໄດ້ຮ່ວມສະແດງໃນຮູບເງົາດັງກ່າວ ແລະ ທັງຮ້ອງເພງປະກອບຮູບເງົາຮ່ວມກັບສິລະປິນອີກຫຼາຍທ່ານຂອງອາຊຽນ ແລະ ຮູບເງົາ “FRIEND ZONE ລະວັງສິ້ນສຸດທາງເພື່ອນ” ແມ່ນຮູບເງົາຈາກຄ້າຍ GDH ຂອງປະເທດເພື່ອນບ້ານ ງານນີ້ຮັບປະກັນມ່ວນ ມັນ ແນ່ນອນ!!!
(ມີຕົວຢ່າງຮູບເງົາມາຝາກທຸກໆຄົນ)
ຢ່າງໃດກໍ່ຝາກແຟນໆ ຊ່ວຍໃຫ້ກຳລັງໃຈ ສິລະປິນລາວ ທີ່ໄປໂຊຄວາມສາມາດໃນຕ່າງແດນກັນຫຼາຍໆແດ່ເດີ້!!!
ຮູບພາບ: FB/Namfon Inthavong